ഇടുക്കിയിലെ ആദ്യ ഷീ ലോഡ്ജ് പള്ളിവാസലില്‍

അ​ടി​മാ​ലി: സ്ത്രീ​ക​ൾ​ക്ക് കു​റ​ഞ്ഞ ചെ​ല​വി​ല്‍ സു​ര​ക്ഷി​ത താ​മ​സ സൗ​ക​ര്യം ഒ​രു​ക്കി പ​ള്ളി​വാ​സ​ൽ പ​ഞ്ചാ​യ​ത്ത്. മൂ​ന്നാ​റി​ന്‍റെ പ്ര​വേ​ശ​ന ക​വാ​ട​മാ​യ ര​ണ്ടാം മൈ​ലി​ലാ​ണ് ജി​ല്ല​യി​ലെ ആ​ദ്യ​ത്തെ ഷീ ​ലോ​ഡ്ജ് ഒ​രു​ങ്ങു​ന്ന​ത്. ജി​ല്ല​യി​ലെ ആ​ദ്യ​ത്തെ ഷീ ​ലോ​ഡ്ജാ​ണി​ത്. ഒ​ന്ന​ര​ക്കോ​ടി രൂ​പ ചെ​ല​വ​ഴി​ച്ചാ​ണ് ഷീ ​ലോ​ഡ്ജ് നി​ർ​മി​ച്ചി​രി​ക്കു​ന്ന​ത്. ഏ​ഴ് ബെ​ഡ്റൂം, 16 പേ​ര്‍ക്ക് താ​മ​സി​ക്കാ​വു​ന്ന ഡോ​ര്‍മി​റ്റ​റി, റ​സ്റ്റാ​റ​ൻ​ഡ്, അ​ടു​ക്ക​ള തു​ട​ങ്ങി​യ സൗ​ക​ര്യ​ങ്ങ​ളു​ണ്ട്. സ​ഞ്ചാ​രി​ക​ള്‍ക്കാ​യി ഇ​ഷ്ടാ​നു​സ​ര​ണ​മു​ള്ള വി​ഭ​വ​ങ്ങ​ളും ഒ​രു​ക്കി ന​ല്‍കും. റി​സോ​ര്‍ട്ടു​ക​ളി​ലേ​തി​ന് സ​മാ​ന​മാ​യ ആ​ധു​നി​ക സൗ​ക​ര്യ​ങ്ങ​ള്‍ എ​ല്ലാം ഉ​ള്‍പ്പെ​ടു​ത്തി​യാ​ണ് ലോ​ഡ്ജി​ന്റെ നി​ർ​മാ​ണം പൂ​ര്‍ത്തീ​ക​രി​ച്ചി​രി​ക്കു​ന്ന​ത്.

വാ​ഹ​ന പാ​ര്‍ക്കി​ങ്ങി​നു​ള്ള സൗ​ക​ര്യ​വും ഇ​വി​ടെ​യു​ണ്ട്. ഇ​ടു​ക്കി ഡാ​മി​ന്റെ വി​ദൂ​ര​ക്കാ​ഴ്ച​യും മ​ല​നി​ര​ക​ളും മ​ഞ്ഞി​ല്‍ പൊ​തി​ഞ്ഞു നി​ല്‍ക്കു​ന്ന തേ​യി​ല തോ​ട്ട​ങ്ങ​ളു​ടെ മ​നോ​ഹാ​രി​ത​യു​മൊ​ക്കെ ലോ​ഡ്ജി​ല്‍നി​ന്ന് ആ​സ്വ​ദി​ക്കാം. 2022-23 വാ​ര്‍ഷി​ക പ​ദ്ധ​തി​യി​ല്‍ ഉ​ള്‍പ്പെ​ടു​ത്തി ബ​ഹു​വ​ര്‍ഷ പ​ദ്ധ​തി​യാ​യാ​ണ് പ​ള്ളി​വാ​സ​ല്‍ പ​ഞ്ചാ​യ​ത്ത് ഇ​ത് ന​ട​പ്പാ​ക്കു​ന്ന​ത്. ആ​ഗ​സ്റ്റ് അ​വ​സാ​ന​ത്തോ​ടെ ഷീ ​ലോ​ഡ്ജ് ഉ​ദ്ഘാ​ട​നം ചെ​യ്യു​മെ​ന്ന് അ​ധി​കൃ​ത​ര്‍ അ​റി​യി​ച്ചു. എ​റ​ണാ​കു​ള​ത്ത് വ​രു​ന്ന​വ​ര്‍ക്ക് അ​ടി​മാ​ലി-​ക​ല്ലാ​ര്‍ വ​ഴി​യും രാ​ജാ​ക്കാ​ട് ഭാ​ഗ​ത്തു​നി​ന്ന് വ​രു​ന്ന​വ​ര്‍ക്ക് കു​ഞ്ചി​ത്ത​ണ്ണി-​ചി​ത്തി​ര​പു​രം വ​ഴി​യും ക​ട്ട​പ്പ​ന​യി​ൽ​നി​ന്ന് വ​രു​ന്ന​വ​ര്‍ക്ക് വെ​ള്ള​ത്തൂ​വ​ല്‍-​ആ​ന​ച്ചാ​ല്‍ വ​ഴി​യും ഇ​വി​ടേ​ക്ക് എ​ത്താം.