നീരൊഴുക്ക് കുറഞ്ഞ്​ ചീയപ്പാറ: സഞ്ചാരികള്‍ക്ക് നിരാശ

അ​ടി​മാ​ലി: മൂ​ന്നാ​റി​ലെ ത​ണു​പ്പ് തേ​ടി ഒ​ഴു​കി​യെ​ത്തു​ന്ന സ​ഞ്ചാ​രി​ക​ൾ​ക്ക്​ കു​ളി​ർ​മ​യേ​കി​യി​രു​ന്ന ദേ​ശീ​യ​പാ​ത​യോ​ര​ത്തെ ചീ​യ​പ്പാ​റ വെ​ള്ള​ച്ചാ​ട്ടം മെ​ലി​ഞ്ഞ്​ നേ​ർ​ത്തു. വെ​യി​ല്‍ ക​ന​ത്ത​തോ​ടെ നീ​രൊ​ഴു​ക്ക് കു​റ​ഞ്ഞ് വെ​ള്ള​ച്ചാ​ട്ട​ത്തി​ന്റെ സൗ​ന്ദ​ര്യം അ​സ്ത​മി​ച്ച​തോ​ടെ സ​ഞ്ചാ​രി​ക​ൾ നി​രാ​ശ​യി​ലാ​ണ്. നേ​രി​യ രീ​തി​യി​ലാ​ണ് ഇ​പ്പോ​ള്‍ വെ​ള്ള​ച്ചാ​ട്ട​മു​ള്ള​ത്. തൊ​ട്ടി​യാ​ര്‍ ജ​ല​വൈ​ദ്യു​തി പ​ദ്ധ​തി തു​ട​ങ്ങി​യ​തോ​ടെ സ​മീ​പ​ത്തെ വാ​ള​റ വെ​ള്ള​ച്ചാ​ട്ട​വും ന​ഷ്ട​മാ​യി. ഇ​നി മ​ഴ പെ​യ്ത് നീ​രൊ​ഴു​ക്ക് കൂ​ടി​യാ​ലെ വെ​ള്ള​ച്ചാ​ട്ടം സ​ജീ​വ​മാ​കൂ.

കൊ​ച്ചി-​ധ​നു​ഷ്‌​കോ​ടി ദേ​ശീ​യ​പാ​ത​യി​ല്‍ ദേ​ശീ​യ​പാ​ത​യു​ടെ ഓ​ര​ത്തു​നി​ന്ന് ഈ ​വെ​ള്ള​ച്ചാ​ട്ട​ത്തി​ന്റെ സൗ​ന്ദ​ര്യം ആ​സ്വ​ദി​ക്കാ​മെ​ന്നാ​യി​രു​ന്നു എ​റ്റ​വും വ​ലി​യ ആ​ക​ര്‍ഷ​ണീ​യ​ത. മൂ​ന്നാ​റി​ലേ​ക്കു​ള്ള പ്ര​ധാ​ന​പാ​ത​യു​ടെ ഓ​ര​ത്താ​യ​തി​നാ​ൽ വ​ലി​യ തി​ര​ക്കാ​യി​രു​ന്നു എ​പ്പോ​ഴും. സാ​ധാ​ര​ണ ഫെ​ബ്രു​വ​രി അ​വ​സാ​ന വാ​ര​ത്തോ​ടെ​യാ​ണ് നീ​രൊ​ഴു​ക്ക് നി​ല​ച്ചി​രു​ന്ന​ത്. ഇ​ക്കു​റി പു​തു​വ​ത്സ​ര​ത്തോ​ടെ ചീ​യ​പ്പാ​റ​യി​ല്‍ നീ​ര്‍ചാ​ലു​പോ​ലെ ചെ​റി​യ രീ​തി​യി​ല്‍ മാ​ത്ര​മാ​ണ് വെ​ള്ള​ച്ചാ​ട്ട​മു​ള്ള​ത്.

ഇ​ക്കു​റി കാ​ല​വ​ര്‍ഷം കു​റ​യു​ക​യും വേ​ന​ലി​ന്റെ കാ​ഠി​ന്യം നേ​ര​ത്തേ​യാ​കു​ക​യും ചെ​യ്ത​താ​ണ് ഹൈ​റേ​ഞ്ചി​ലെ വെ​ള്ള​ച്ചാ​ട്ട​ങ്ങ​ള്‍ക്ക് തി​രി​ച്ച​ടി​യാ​യ​ത്. തെ​ക്കി​ന്റെ ക​ശ്മീ​രാ​യി അ​റി​യ​പ്പെ​ടു​ന്ന മൂ​ന്നാ​റി​ല്‍ സ​ഞ്ചാ​രി​ക​ള്‍ക്ക് വി​സ്മ​യ​ക്കാ​ഴ്ച​യൊ​രു​ക്കു​ന്ന വെ​ള്ള​ച്ചാ​ട്ട​ങ്ങ​ളാ​യി​രു​ന്നു ചീ​യ​പ്പാ​റ, വാ​ള​റ വെ​ള്ള​ച്ചാ​ട്ട​ങ്ങ​ള്‍. കൊ​ച്ചി-​ധ​നു​ഷ്‌​കോ​ടി ദേ​ശീ​യ​പാ​ത​യി​ല്‍ നേ​ര്യ​മം​ഗ​ലം വ​ന​മേ​ഖ​ല​യി​ലാ​ണ് ചീ​യ​പ്പാ​റ, വാ​ള​റ വെ​ള്ള​ച്ചാ​ട്ട​ങ്ങ​ള്‍ സ്ഥി​തി​ചെ​യ്യു​ന്ന​ത്.

വ​ര്‍ഷ​കാ​ല​ത്താ​ണ് ജ​ല​പാ​ത​ങ്ങ​ള്‍ കൂ​ടു​ത​ല്‍ സ​ജീ​വ​മാ​കു​ന്ന​ത്. ക​ടു​ത്ത വേ​ന​ലി​ല്‍ നീ​രൊ​ഴു​ക്ക് നി​ല​ച്ച് വെ​ള്ള​ച്ചാ​ട്ട​ങ്ങ​ള്‍ അ​പ്ര​ത്യ​ക്ഷ​മാ​കു​മെ​ങ്കി​ലും അ​ന​വ​ധി സ​ഞ്ചാ​രി​ക​ള്‍ വേ​ന​ല്‍ക്കാ​ല​ത്തും ഇ​വി​ടെ​യെ​ത്താ​റു​ണ്ട്. 12 മാ​സ​വും ഇ​വി​ടെ ജ​ലം കാ​ണ​ത്ത​ക്ക വി​ധം പ​ദ്ധ​തി ത​യാ​റാ​ക്കാ​നാ​കും. വെ​ള്ള​ച്ചാ​ട്ട​ത്തി​ന് സ​മീ​പം ഗാ​ല​റി​ക​ള്‍ നി​ര്‍മി​ച്ചു മോ​ടി​പി​ടി​പ്പി​ക്കു​ന്ന​തി​നും അ​ടി​സ്ഥാ​ന സൗ​ക​ര്യ​ങ്ങ​ളു​ടെ വി​ക​സ​ന​ത്തി​നും വി​നോ​ദ​സ​ഞ്ചാ​ര വ​കു​പ്പി​ന്‍റെ ന​ട​പ​ടി​യൊ​ന്നു​മി​ല്ല. അ​പ​ക​ട​ങ്ങ​ള്‍ ത​ട​യാ​ന്‍ ബോ​ര്‍ഡു​ക​ളി​ല്ല. ക​മ്പി​ലൈ​ന്‍ മ​ല​മു​ക​ളി​ല്‍നി​ന്ന് ഒ​ഴു​കി​യെ​ത്തു​ന്ന ചീ​യ​പ്പാ​റ വെ​ള്ള​ച്ചാ​ട്ടം ദേ​ശീ​യ​പാ​ത​യെ തൊ​ട്ടു​രു​മ്മി​യാ​ണ് നി​ല​കൊ​ള്ളു​ന്ന​ത്.

വ​ന​മേ​ഖ​ല ആ​യ​തി​നാ​ല്‍ വ​നം, പ​ഞ്ചാ​യ​ത്ത്, ടൂ​റി​സം, ദേ​ശീ​യ​പാ​ത വ​കു​പ്പു​ക​ള്‍ ചേ​ര്‍ന്ന് പ​ദ്ധ​തി​ക​ള്‍ ത​യാ​റാ​ക്കി ന​ട​പ്പാ​ക്കേ​ണ്ട​തു​ണ്ട്. ജ​ല​വൈ​ദ്യു​തി പ​ദ്ധ​തി​ക്കാ​യി ദേ​വി​യാ​ര്‍ പു​ഴ​യി​ലെ വെ​ള്ളം കൊ​ണ്ടു​പോ​കു​ന്ന​ത് വാ​ള​റ വെ​ള്ള​ച്ചാ​ട്ട​ത്തി​ന് തി​രി​ച്ച​ടി​യാ​യി.