സർക്കാർ വാഹനങ്ങൾ തുരുമ്പെടുത്ത്​ നശിക്കുന്നു

ചെ​റു​തോ​ണി: കാ​ലാ​വ​ധി ക​ഴി​ഞ്ഞ സ​ർ​ക്കാ​ർ വാ​ഹ​ന​ങ്ങ​ൾ നീ​ക്കം ചെ​യ്യാ​തെ തു​രു​മ്പെ​ടു​ത്ത്​ ന​ശി​ക്കു​ന്നു. ക​ല​ക്ട​റേ​റ്റ്​ ഷെ​ഡി​ൽ മൂ​ന്നു വാ​ഹ​ന​ങ്ങ​ളും ഡി.​എം.​ഒ ഓ​ഫി​സി​ന് മു​റ്റ​ത്ത് അ​ര ഡ​സ​നോ​ളം വാ​ഹ​ന​ങ്ങ​ളു​മാ​ണ് ഉ​പ​യോ​ഗ​ശൂ​ന്യ​മാ​യി കി​ട​ക്കു​ന്ന​ത്. സ​ർ​ക്കാ​ർ വാ​ഹ​ന​ങ്ങ​ൾ കാ​ലാ​വ​ധി ക​ഴി​ഞ്ഞ് ക​ട്ട​പ്പു​റ​ത്താ​യാ​ൽ നീ​ക്കം ചെ​യ്യു​ന്ന​തി​ലെ നൂ​ലാ​മാ​ല​ക​ളാ​ണ് ഒ​ഴി​വാ​ക്കു​ന്ന​തി​ന് ത​ട​സ്സ​മെ​ന്ന് ഉ​ദ്യോ​ഗ​സ്ഥ​ർ പ​റ​യു​ന്നു.

​വ നീ​ക്കം ചെ​യ്താ​ൽ ജീ​വ​ന​ക്കാ​രു​ടെ​യും വി​വി​ധ ആ​വ​ശ്യ​ങ്ങ​ൾ​ക്ക്​ എ​ത്തു​ന്ന​വ​രു​ടെ​യും വാ​ഹ​ന​ങ്ങ​ൾ പാ​ർ​ക്ക് ചെ​യ്യാ​നാ​കും. ക​ല​ക്ട​റേ​റ്റി​ന്റെ കാ​ർ ഷെ​ഡി​ൽ സ​ർ​ക്കാ​ർ വാ​ഹ​ന​മ​ല്ലാ​തെ ജീ​വ​ന​ക്കാ​രു​ടെ പോ​ലും സ്വ​കാ​ര്യ വാ​ഹ​ന​ങ്ങ​ൾ പാ​ർ​ക്ക് ചെ​യ്യാ​ൻ അ​നു​വാ​ദ​മി​ല്ല. അ​ങ്ങ​നെ​യു​ള്ളി​ട​ത്താ​ണ് ക​ണ്ടം​ചെ​യ്ത വാ​ഹ​ന​ങ്ങ​ൾ കി​ട​ക്കു​ന്ന​ത്. പാ​ർ​ക്കി​ങ്ങി​ന് സ്ഥ​ല സൗ​ക​ര്യ​ക്കു​റ​വു​ള്ള ഇ​വി​ടെ നി​ന്ന് ഉ​പ​യോ​ഗ​ശൂ​ന്യ​മാ​യ വാ​ഹ​ന​ങ്ങ​ൾ നീ​ക്കം ചെ​യ്യ​ണ​മെ​ന്ന ആ​വ​ശ്യം ശ​ക്ത​മാ​യി​രി​ക്ക​യാ​ണ്.

ഡി. ​എം. ഒ ​ഓ​ഫി​സ് പ്ര​വ​ർ​ത്തി​ക്കു​ന്ന കെ​ട്ടി​ട​ത്തി​ൽ ഭൂ​പ​തി​വ് ഓ​ഫി​സ്, നാ​ഷ​ന​ൽ ഹെ​ൽ​ത്ത് മി​ഷ​ൻ ഓ​ഫി​സ്, കു​ടും​ബ​ശ്രീ ഓ​ഫി​സ് തു​ട​ങ്ങി​യ​വ​യും പ്ര​വ​ർ​ത്തി​ക്കു​ന്നു​ണ്ട്. ഇ​വി​ടെ ജോ​ലി ചെ​യ്യു​ന്ന നൂ​റി​ല​ധി​കം ജീ​വ​ന​ക്കാ​രു​ണ്ട്. ഇ​വ​ർ​ക്കെ​ല്ലാം ത​ട​സ്സ​മാ​യി കാ​ല​ഹ​ര​ണ​പ്പെ​ട്ട വാ​ഹ​ന​ങ്ങ​ൾ കി​ട​ക്കു​ക​യാ​ണ്. എ​ത്ര​യും വേ​ഗം ന​ട​പ​ടി​യു​ണ്ടാ​ക​ണ​മെ​ന്നാ​ണ് ജീ​വ​ന​ക്കാ​രും പൊ​തു​ജ​ന​ങ്ങ​ളും ആ​വ​ശ്യ​പ്പെ​ടു​ന്ന​ത്.