ഇഴഞ്ഞുനീങ്ങി ഇടുക്കി വികസന പാക്കേജ്

തൊ​ടു​പു​ഴ: അ​വ​ലോ​ക​ന യോ​ഗ​ങ്ങ​ളും നി​ർ​ദേ​ശ​ങ്ങ​ളും ത​കൃ​തി​യാ​യി ന​ട​ക്കു​മ്പോ​ഴും ഇ​ടു​ക്കി പാ​ക്കേ​ജി​ന് കീ​ഴി​ലെ വി​വി​ധ പ​ദ്ധ​തി​ക​ൾ​ക്ക് ഒ​ച്ചി​ഴ​യും വേ​ഗ​ത​യാ​ണ്. ജി​ല്ല​യി​ലെ അ​ഞ്ച് നി​യ​മ​സ​ഭ മ​ണ്ഡ​ല​ങ്ങ​ളി​ലാ​യി ന​ട​ത്തു​ന്ന വി​വി​ധ പ​ദ്ധ​തി​ക​ളാ​ണ് ഇ​ഴ​ഞ്ഞ് നീ​ങ്ങു​ന്ന​ത്.​ക​ഴി​ഞ്ഞ നാ​ല് സാ​മ്പ​ത്തി​ക വ​ർ​ഷ​ങ്ങ​ളി​ലാ​യി അ​നു​വ​ദി​ച്ച 54.35 കോ​ടി രൂ​പ​യു​ടെ 17 പ​ദ്ധ​തി​ക​ളാ​ണ് വി​വി​ധ മ​ണ്ഡ​ല​ങ്ങ​ളി​ലാ​യി ന​ട​പ്പാ​ക്കു​ന്ന​ത്. ഇ​തി​ൽ പൂ​ർ​ത്തി​യാ​യ​താ​ക​ട്ടെ നാ​മ​മാ​ത്ര​വു​മാ​ണ്.

പൂ​ർ​ത്തി​യാ​യ​ത് നീർത്തട വികസന പ​ദ്ധ​തി

17 പ​ദ്ധ​തി​ക​ൾ​ക്ക് അ​നു​മ​തി ന​ൽ​കി​യ​തി​ൽ സ​ർ​ക്കാ​ർ രേ​ഖ​ക​ൾ പ്ര​കാ​രം പൂ​ർ​ത്തി​യാ​യ​ത് ഏ​ക പ​ദ്ധ​തി​യാ​ണ്. ര​ണ്ട് കോ​ടി രൂ​പ​ക്ക് ഭ​ര​ണാ​നു​മ​തി ന​ൽ​കി​യ നീ​ർ​ത്ത​ട വി​ക​സ​ന പ​ദ്ധ​തി​ക​ളാ​ണി​ത്. രാ​ജാ​ക്കാ​ട്, മൂ​ന്നാ​ർ, ബൈ​സ​ൺ​വാ​ലി, വെ​ള്ളി​യാ​മ​റ്റം എ​ന്നി​വി​ട​ങ്ങ​ളി​ലാ​യാ​ണ് ഇ​ത് ന​ട​പ്പാ​ക്കി​യ​തെ​ന്ന് രേ​ഖ​ക​ൾ പ​റ​യു​ന്നു. 2022-23,23-24,24-25,25-26 സാ​മ്പ​ത്തി​ക വ​ർ​ഷ​ങ്ങ​ളി​ലാ​യാ​ണ് വി​വി​ധ പ​ദ്ധ​തി​ക​ളു​ടെ ന​ട​ത്തി​പ്പി​ന്​ തു​ക അ​നു​വ​ദി​ച്ച​ത്. പ​ദ്ധ​തി​യു​ടെ ഭാ​ഗ​മാ​യി നി​ർ​ദ്ദേ​ശി​ച്ചി​രു​ന്ന മൂ​ന്നാ​റി​ലെ സ്പോ​ട്സ് ഹ​ബ് കം ​ട്രെ​യി​നി​ങ് സെ​ന്‍റ​റി​ന് ചീ​ഫ് സെ​ക്ര​ട്ട​റി​യു​ടെ നേ​തൃ​ത്വ​ത്തി​ലു​ള​ള സം​സ്ഥാ​ന ത​ല സ​മി​തി അം​ഗീ​കാ​രം ന​ൽ​കി​യി​രു​ന്നി​ല്ല. ഇ​തി​ന് പ​ക​ര​മാ​യി കാ​യി​ക താ​ര​ങ്ങ​ളു​ടെ പ്ര​ക​ട​നം മെ​ച്ച​പ്പെ​ടു​ത്തു​ന്ന ത​ര​ത്തി​ൽ മ​റ്റ് പ​ദ്ധ​തി​ക​ൾ രൂ​പ​പ്പെ​ടു​ത്താ​നാ​യി​രു​ന്നു നി​ർ​ദേ​ശം.

കാ​ല​താ​മ​സം പ്ര​തി​സ​ന്ധി

പാ​ക്കേ​ജി​ൽ ന​ട​പ്പാ​ക്കു​ന്ന വി​വി​ധ പ​ദ്ധ​തി​ക​ളു​ടെ സാ​ങ്കേ​തി​ക കു​രു​ക്ക​ഴി​ക്കു​ന്ന​തി​നു​ള​ള കാ​ല​താ​മ​സ​മാ​ണ് പ്ര​തി​സ​ന്ധി സൃ​ഷ്ടി​ക്കു​ന്ന​ത്. ദേ​വി​കു​ളം-6, ഉ​ടു​മ്പ​ൻ​ചോ​ല-5,തൊ​ടു​പു​ഴ-3, ഇ​ടു​ക്കി-5, പീ​രു​മേ​ട്-6 എ​ന്നി​ങ്ങ​നെ​യാ​ണ് വി​വി​ധ നി​യ​മ​സ​ഭാ മ​ണ്ഡ​ല​ങ്ങ​ളി​ൽ വി​ക​സ​ന പ​ദ്ധ​തി​ക​ൾ ന​ട​പ്പാ​ക്കു​ന്ന​ത്. മ​നു​ഷ്യ-​വ​ന്യ ജീ​വി സം​ഘ​ർ​ഷം കു​റ​ക്കു​ന്ന​തി​നാ​വ​ശ്യ​മാ​യ സോ​ളാ​ർ ഫെ​ൻ​സി​ങ്, സോ​ളാ​ർ തെ​രു​വു വി​ള​ക്കു​ക​ൾ,മാ​തൃ​ക അം​ഗ​ൻ​വാ​ടി​ക​ൾ,ചെ​റു​കി​ട സം​രം​ഭ​ക വി​ക​സ​നം,ഉ​ടു​മ്പ​ൻ​ചോ​ല ഗ​വ.​ആ​യു​ർ​വേ​ദ മെ​ഡി​ക്ക​ൽ കോ​ള​ജ് വി​ക​സ​നം,നെ​ടു​ങ്ക​ണ്ടം പോ​ളി​ടെ​ക്നി​ക്ക് സ്റ്റാ​ഫ് ക്വാ​ർ​ട്ടേ​ഴ്സ് നി​ർ​മാ​ണം, പ​ടി​ഞ്ഞാ​റേ കോ​ടി​ക്കു​ളം ജി.​ച്ച്.​എ​സ്.​എ​സ് നി​ർ​മാ​ണം, ഇ​ടു​ക്കി ഗ​വ.​എ​ൻ​ജി​നീ​യ​റി​ങ് കോ​ള​ജി​ലെ ജിം ​നി​ർ​മാ​ണം, ഇ​ടു​ക്കി ഡാ​മി​ലെ ബോ​ട്ടി​ങ് സൗ​ക​ര്യം, പൈ​നാ​വി​ലെ ഹോ​സ്റ്റ​ൽ നി​ർ​മാ​ണം, ക​ട്ട​പ്പ​ന സ​ർ​ക്കാ​ർ കോ​ള​ജി​ലെ ആ​ധു​നി​ക ലാ​ബു​ക​ളു​ടെ നി​ർ​മാ​ണം, വ​ണ്ടി​പ്പെ​രി​യാ​ർ ക​നാ​ൽ ന​വീ​ക​ര​ണം, ഏ​ല​പ്പാ​റ ജി.​എ​ച്ച്.​എ​സ്.​എ​സ് വി​ക​സ​നം, നൂ​ലം പാ​റ പാ​ല​ത്തി​ന്‍റെ പൂ​ർ​ത്തീ​ക​ര​ണം, വ​ഞ്ചി​വ​യ​ൽ ട്രൈ​ബ​ൽ ഹൈ​സ്കൂ​ൾ മ​ന്ദി​ര നി​ർ​മാ​ണം അ​ട​മു​ള​ള വി​വി​ധ പ​ദ്ധ​തി​ക​ളാ​ണ് പ്ര​ഖ്യാ​പി​ക്ക​പ്പെ​ട്ട​ത്.

പ​ദ്ധ​തി​ക​ൾ പാ​തി​വ​ഴി​യി​ൽ

പ്ര​ഖ്യാ​പി​ക്ക​പ്പെ​ട്ട പ​ദ്ധ​തി​ക​ൾ പ​ല​തും പാ​തി​വ​ഴി​യി​ലാ​ണ്. ചി​ല പ്ര​വൃ​ത്തി​ക​ൾ ടെ​ൻ​ഡ​ർ വ​ച്ചെ​ങ്കി​ലും എ​ടു​ക്കാ​നാ​ളി​ല്ലാ​ത്ത​ത് തി​രി​ച്ച​ടി​യാ​യി. ഇ​ത് റീ ​ടെ​ൻ​ഡ​ർ ന​ട​പ​ടി​ക​ൾ ന​ട​ത്തു​ന്ന​ത് കാ​ല​താ​മ​സ​വും വ​രു​ത്തി. വ​കു​പ്പു​ക​ളു​ടെ ഏ​കോ​പ​ന​മി​ല്ലാ​യ്മ മൂ​ലം പ്ര​ധാ​ന​പ്പെ​ട്ട പ​ല പ​ദ്ധ​തി​ക​ളും ഇ​ഴ​യു​ന്ന​താ​യും ആ​ക്ഷേ​പ​മു​ണ്ട്. ഇ​ക്കാ​ര്യ​ത്തി​ൽ വ​നം വ​കു​പ്പാ​ണ് വി​ല്ല​ൻ റോ​ളി​ലു​ള്ള​ത്. പ​ദ്ധ​തി​ക​ൾ വേ​ഗ​ത്തി​ലാ​ക്കു​ന്ന​തി​ന് ജി​ല്ല​യു​ടെ ചു​മ​ത​ല​യു​ള​ള മ​ന്ത്രി റോ​ഷി അ​ഗ​സ്റ്റി​ന്‍റെ നേ​തൃ​ത്വ​ത്തി​ല​ട​ക്കം യോ​ഗം ചേ​ർ​ന്നെ​ങ്കി​ലും പ്ര​വൃ​ത്തി​ക​ൾ​ക്ക്​ ഇ​നി​യും വേ​ഗ​ത കൈ​വ​ന്നി​ട്ടി​ല്ല.​ത​ദ്ദേ​ശ- നി​യ​മ​സ​ഭാ തെ​ര​ഞ്ഞെ​ടു​പ്പു​ക​ൾ ഒ​ന്നി​ന് പി​റ​കെ ന​ട​ക്കാ​നി​രി​ക്കെ വീ​ണ്ടും പ​ദ്ധ​തി പൂ​ർ​ത്തീ​ക​ര​ണ​ത്തി​ൽ കാ​ല​താ​മ​സ​മു​ണ്ടാ​കു​മെ​ന്നാ​ണ് വി​ല​യി​രു​ത്ത​ൽ.