ഇ​ടു​ക്കി ജി​ല്ല കാ​യി​ക മേ​ള; ഇ​ഞ്ചോ​ടി​ഞ്ചി​ൽ അ​ടി​മാ​ലി മു​ന്നി​ൽ

നെ​ടു​ങ്ക​ണ്ടം: ജി​ല്ല കാ​യി​ക​മേ​ള​യു​ടെ മൂ​ന്നാം ദി​ന​മാ​യ വെ​ള്ളി​യാ​ഴ്ച​യും ഇ​ഞ്ചോ​ടി​ഞ്ച് പോ​രാ​ട്ട​ത്തി​ല്‍ മൂ​ന്ന് പോ​യ​ന്റ് മു​ന്നി​ൽ അ​ടി​മാ​ലി. തൊ​ട്ടു​പി​ന്നാ​ലെ ക​ട്ട​പ്പ​ന​യും കു​തി​ക്കു​ക​യാ​ണ്. ചാ​മ്പ്യ​ന്‍ഷി​പ്പി​ല്‍ പ​ങ്കെ​ടു​ക്കാ​ന്‍ സാ​ധി​ക്കാ​തി​രു​ന്ന താ​ര​ങ്ങ​ള്‍ക്കാ​യു​ള്ള ട്ര​യ​ല്‍സ് മ​ത്സ​ര​ങ്ങ​ള്‍ ശ​നി​യാ​ഴ്ച പൂ​ര്‍ത്തീ​ക​രി​ച്ച ശേ​ഷ​മേ ചാ​മ്പ്യ​ന്മാ​രെ അ​റി‍യാ​ൻ ക​ഴി​യൂ.

30 സ്വ​ർ​ണ​വും 26 വെ​ള്ളി​യും 20 വെ​ങ്ക​ല​വും അ​ട​ക്കം 279 പോ​യ​ന്റാ​ണ് അ​ടി​മാ​ലി നേ​ടി​യ​ത്. 276 പോ​യ​ന്റു​ക​ള്‍ നേ​ടി​യ ക​ട്ട​പ്പ​ന വി​ദ്യാ​ഭ്യാ​സ ജി​ല്ല 32 സ്വ​ർ​ണ​വും 22 വെ​ള്ളി​യും 19 വെ​ങ്ക​ല​വും നേ​ടി. മൂ​ന്നാം സ്ഥാ​ന​ത്തെ​ത്തി​യ തൊ​ടു​പു​ഴ വി​ദ്യാ​ഭ്യാ​സ ജി​ല്ല 8 സ്വ​ർ​ണ​വും 17 വെ​ള്ളി​യും 14 വെ​ങ്ക​ല​വു​മാ​യി 110 പോ​യ​ന്റു​ക​ള്‍കൊ​ണ്ട് തൃ​പ്തി​പ്പെ​ടേ​ണ്ടി വ​ന്നു. എ​സ്.​എ​ന്‍.​വി.​എ​ന്‍.​ആ​ര്‍ സി​റ്റി സ്‌​കൂ​ളി​ന്റെ ചി​റ​കി​ലേ​റി​യാ​ണ് അ​ടി​മാ​ലി ഉ​പ​ജി​ല്ല മു​ന്നി​ലെ​ത്തി​യ​ത്. എ​ന്നാ​ല്‍, സ്വ​ർ​ണ നേ​ട്ട​ത്തി​ല്‍ ക​ട്ട​പ്പ​ന​യാ​ണ് മു​ന്നി​ല്‍.

32 ഇ​ന​ങ്ങ​ളി​ല്‍ സ്വ​ർ​ണം കൊ​യ്ത​പ്പോ​ള്‍ 22 വെ​ള്ളി​യും 19 വെ​ങ്ക​ല​വും ക​ട്ട​പ്പ​ന സ്വ​ന്ത​മാ​ക്കി. മൂ​ന്നാ​മ​തു​ള്ള തൊ​ടു​പു​ഴ എ​ട്ട് സ്വ​ർ​ണ​വും 17 വെ​ള്ളി​യും 14 വെ​ങ്ക​ല​വും അ​ട​ക്കം 110 പോ​യ​ന്റ് നേ​ടി​യ​പ്പോ​ള്‍ പീ​രു​മേ​ട് ഒ​മ്പ​ത് വീ​തം സ്വ​ർ​ണ​വും വെ​ങ്ക​ല​വും എ​ട്ട് വെ​ള്ളി​യു​മാ​യി 84 പോ​യ​ന്റ് നേ​ടി. നാ​ല് സ്വ​ർ​ണ​വും ആ​റു വെ​ള്ളി​യും 18 വെ​ങ്ക​ല​വും അ​ട​ക്കം 66 പോ​യ​ന്റാ​ണ് നെ​ടു​ങ്ക​ണ്ട​ത്തി​ന്റെ സ​മ്പാ​ദ്യം. അ​റ​ക്കു​ളം ര​ണ്ട് സ്വ​ർ​ണ​വും ഏ​ഴ് വെ​ള്ളി​യും നാ​ല് വെ​ങ്ക​ല​വു​മാ​യി 41 പോ​യ​ന്റും മൂ​ന്നാ​ര്‍ ഒ​ന്ന് വീ​തം സ്വ​ർ​ണ​വും വെ​ള്ളി​യും വെ​ങ്ക​ല​വു​മാ​യി 9 പോ​യ​ന്റും ക​ര​സ്ഥ​മാ​ക്കി. സ്‌​കൂ​ളു​ക​ളി​ല്‍ 141 പോ​യ​ന്റു​മാ​യി എ​ന്‍.​ആ​ര്‍ സി​റ്റി​യു​ടെ പ​ട​യോ​ട്ട​മാ​ണ് ക​ണാ​നാ​യ​ത്. വി​ജ​യി​ക​ള്‍ക്ക് നെ​ടു​ങ്ക​ണ്ടം പ​ഞ്ചാ​യ​ത്ത് പ്ര​സി​ഡ​ന്റ് ഷി​ഹാ​ബ് ഈ​ട്ടി​ക്ക​ല്‍ ട്രോ​ഫി​ക​ള്‍ സ​മ്മാ​നി​ച്ചു.