ഇടുക്കി ജലവൈദ്യുതി പദ്ധതി 50 ന്‍റെ നിറവിലേക്ക്

ചെ​റു​തോ​ണി: കേ​ര​ള​ത്തി​ന്‍റെ ​വൈ​ദ്യു​തി പ്ര​തി​സ​ന്ധി പ​രി​ഹ​രി​ക്കു​ന്ന​തി​ൽ നി​ർ​ണാ​യ​ക പ​ങ്കു​വ​ഹി​ച്ച ഇ​ടു​ക്കി ജ​ല​വൈ​ദ്യു​തി പ​ദ്ധ​തി​ക്ക് ബു​ധ​നാ​ഴ്ച 49 വ​ർ​ഷം​ തി​ക​യു​ന്നു. ഏ​ഷ്യ​യി​ലെ ഏ​റ്റ​വും വ​ലി​യ ആ​ർ​ച്ച്​ ഡാ​മാ​യ ഇ​ടു​ക്കി 1976 ഫെ​ബ്രു​വ​രി 12ന് ​രാ​വി​ലെ ഒ​മ്പ​തി​നാ​ണ് അ​ന്ന​ത്തെ പ്ര​ധാ​ന​മ​ന്ത്രി ഇ​ന്ദി​ര ഗാ​ന്ധി രാ​ഷ്ട്ര​ത്തി​ന്​ സ​മ​ർ​പ്പി​ച്ച​ത്. നി​ര​വ​ധി ​​പ്ര​തി​സ​ന്ധി​ക​ൾ ത​ര​ണം ചെ​യ്താ​യി​രു​ന്നു​ കേ​ര​ള​ത്തി​ന്‍റെ അ​ഭി​മാ​ന പ​ദ്ധ​തി​യു​ടെ പൂ​ർ​ത്തീ​ക​ര​ണം.

1956ൽ ​സം​സ്ഥാ​ന​വും 1957ൽ ​കേ​ന്ദ്ര ജ​ല​വൈ​ദ്യു​തി ക​മീ​ഷ​നും ഡാ​മി​ന്‍റെ സാ​ധ്യ​ത​പ​ഠ​നം ന​ട​ത്തി. 1961ൽ ​രൂ​പ​ക​ൽ​പ​ന പൂ​ർ​ത്തി​യാ​യി. 1963ൽ ​പ്ലാ​നി​ങ്​ ക​മീ​ഷ​ൻ അം​ഗീ​ക​രി​ച്ചു. തു​ട​ർ​ന്ന്​ പ​ദ്ധ​തി​യു​ടെ സാ​മ്പ​ത്തി​ക ചു​മ​ത​ല കെ.​എ​സ്.​ഇ.​ബി ഏ​റ്റെ​ടു​ത്തു. 1966ൽ ​ഇ​ടു​ക്കി പ​ദ്ധ​തി​ക്ക് കാ​ന​ഡ സ​ഹാ​യം വാ​ഗ്ദാ​നം ചെ​യ്തു. 1967ൽ ​ഇ​രു​രാ​ജ്യ​ങ്ങ​ളും ക​രാ​ർ ഒ​പ്പി​ട്ടു. 1962ൽ ​നി​ർ​മാ​ണം ആ​രം​ഭി​ച്ചു. ആ​ദ്യം വ​നം വെ​ട്ടി​ത്തെ​ളി​ച്ച് റോ​ഡും പാ​ല​ങ്ങ​ളു​മാ​ണ്​ നി​ർ​മി​ച്ച​ത്. വ്യ​ത്യ​സ്ത​മാ​യ മൂ​ന്ന്​ അ​ണ​ക്കെ​ട്ടു​ക​ളാ​ണ് ഇ​ടു​ക്കി പ​ദ്ധ​തി​ക്കു​ള്ള​ത്. ഇ​ടു​ക്കി​യി​ൽ പെ​രി​യാ​റി​നു കു​റു​കെ​യും ചെ​റു​തോ​ണി ആ​റി​നു കു​റു​കെ ചെ​റു​തോ​ണി​യി​ലും കി​ളി​വ​ള്ളി​ത്തോ​ടു​മാ​യി യോ​ജി​പ്പി​ച്ച് കു​ള​മാ​വി​ലു​മാ​യാ​ണ്​ ഡാ​മു​ക​ൾ. ഈ ​വെ​ള്ളം തു​ര​ങ്ക​ത്തി​ലൂ​ടെ മൂ​ല​മ​റ്റ​ത്തെ ഭൂ​ഗ​ർ​ഭ നി​ല​യ​ത്തി​ൽ എ​ത്തി​ച്ചാ​ണ്​ വൈ​ദ്യു​തി ഉ​ൽ​പാ​ദി​പ്പി​ക്കു​ന്ന​ത്. ഉ​യ​രം​കൊ​ണ്ട് ഇ​ന്ത്യ​യി​ൽ ര​ണ്ടാ​മ​ത്തെ​യും ലോ​ക​രാ​ഷ്ട്ര​ങ്ങ​ളി​ൽ 36ാ മ​ത്തേ​തു​മാ​ണ് ഇ​ടു​ക്കി ഡാം.

ഡാ​മി​ന്‍റെ പി​റ​വി

1919ൽ ​ഇ​റ്റ​ലി​ക്കാ​ര​നാ​യ ജേ​ക്ക​ബ്​ എ​ന്ന എ​ൻ​ജി​നീ​യ​റാ​ണ് ഇ​ടു​ക്കി​യി​ൽ അ​ണ​ക്കെ​ട്ടി​ന്‍റെ സാ​ധ്യ​ത ആ​ദ്യം നി​ർ​ദേ​ശി​ച്ച​ത്. എ​ന്നാ​ൽ, തി​രു​വി​താം​കൂ​ർ സ​ർ​ക്കാ​ർ ആ ​നി​ർ​ദേ​ശം ത​ള്ളി. പി​ന്നീ​ട്​ 1922ൽ ​മ​ല​ങ്ക​ര എ​സ്​​​റ്റേ​റ്റ് സൂ​പ്ര​ണ്ടാ​യി​രു​ന്ന ഡ​ബ്ല്യു.​ജെ. ജോ​ൺ നാ​യാ​ട്ടി​ന് എ​ത്തി​യ​പ്പോ​ൾ സ​ഹാ​യി​യാ​യി ഒ​പ്പ​മു​ണ്ടാ​യി​രു​ന്ന ക​രു​വെ​ള്ളാ​യ​ൻ കൊ​ലു​മ്പ​ൻ എ​ന്ന​യാ​ൾ കു​റ​വ​ൻ-​കു​റ​ത്തി മ​ല​ക​ൾ​ക്കി​ട​യി​ലൂ​ടെ കു​തി​ച്ചൊ​ഴു​കു​ന്ന പെ​രി​യാ​ർ കാ​ണി​ച്ചു​കൊ​ടു​ത്ത​താ​ണ്​ ഡാ​മി​ന്‍റെ പി​റ​വി​യി​ലേ​ക്ക്​ ന​യി​ച്ച​ത്. ഇ​വി​ടെ അ​ണ​കെ​ട്ടി വൈ​ദ്യു​തി ഉ​ൽ​പാ​ദി​പ്പി​ക്കാ​മെ​ന്ന് ജോ​ൺ, 1932ൽ ​തി​രു​വി​താം​കൂ​ർ സ​ർ​ക്കാ​റി​നെ അ​റി​യി​ച്ചു.

തു​ട​ർ​ന്ന് തി​രു​വി​താം​കൂ​ർ സ​ർ​ക്കാ​ർ നി​യ​മി​ച്ച​ത​നു​സ​രി​ച്ച് ഇ​റ്റ​ലി​ക്കാ​രാ​യ ആ​ൻ​ജ​ലോ, ഒ​മേ​ദ​യോ, ക്ലാ​ന്ത​യൊ മാ​സെ​ലെ എ​ന്നീ എ​ൻ​ജി​നീ​യ​ർ​മാ​ർ 1937ൽ ​ഇ​ടു​ക്കി​യി​ലെ​ത്തി പ​ഠ​നം ന​ട​ത്തി. 1947ൽ ​തി​രു​വി​താം​കൂ​ർ സ​ർ​ക്കാ​റി​ൽ ഇ​ല​ക്ട്രി​ക്ക​ൽ എ​ൻ​ജി​നീ​യ​റാ​യി​രു​ന്ന ജോ​സ​ഫ് ജോ​ൺ വി​ശ​ദ​റി​പ്പോ​ർ​ട്ട് ത​യാ​റാ​ക്കി. തു​ട​ർ​ന്നാ​ണ്​ ഇ​ടു​ക്കി​യി​ലും ചെ​റു​തോ​ണി​യി​ലും അ​ണ​കെ​ട്ടി മൂ​ല​മ​റ്റ​ത്ത് വൈ​ദ്യു​തി​നി​ല​യം സ്ഥാ​പി​ക്കാ​മെ​ന്ന് തീ​രു​മാ​ന​മു​ണ്ടാ​യ​ത്.