അതെന്താ, വട്ടവടക്കാർക്ക്​ റോഡ്​ ​വേണ്ടേ...?

വ​ട്ട​വ​ട: റോ​ഡി​ന്‍റെ കാ​ര്യം പ​റ​യു​മ്പോ​ൾ വ​ട്ട​വ​ട​ക്കാ​ർ പ​തി​വാ​യി കേ​ട്ടു​പോ​രു​ന്ന വാ​ച​ക​മാ​ണ്​ ‘ഇ​പ്പോ ശ​രി​യാ​ക്കി​ത്ത​രാം..’ എ​ന്ന​ത്. അ​ത​ങ്ങ​നെ കേ​ട്ട്​ കേ​ട്ട്​ ക​ട​ന്നു​പോ​യ​ത്​ 15 വ​ർ​ഷ​മാ​ണ്. ഇ​പ്പോ​ഴും വ​ട്ട​വ​ട​ക്കാ​ർ ന​ട​ന്നു​തേ​ഞ്ഞ്​ കു​ണ്ടും കു​ഴി​യും ക​ട​ന്ന്​ റോ​ഡി​ന്‍റെ അ​വ​ശേ​ഷി​പ്പു​ക​ൾ മാ​ത്ര​മാ​യ പാ​ത​യി​ലൂ​ടെ സ​ഞ്ച​രി​ച്ചു​കൊ​ണ്ടി​രി​ക്കു​ന്നു.

ശീ​ത​കാ​ല പ​ച്ച​ക്ക​റി കൃ​ഷി​ക്ക്​ പേ​രു​കേ​ട്ട വ​ട്ട​വ​ട​യി​ലെ കോ​വി​ലൂ​ർ മു​ത​ൽ ചി​ല​ന്തി​യാ​ർ വ​ഴി പ​ഴ​ത്തോ​ട്ടം വ​രെ നീ​ളു​ന്ന 12 കി​ലോ മീ​റ്റ​ർ റോ​ഡ്​ 10 വ​ർ​ഷം മു​മ്പ്​ പ​ണി​ത​താ​ണ്. അ​തി​നു ശേ​ഷം ഇ​ന്നു​വ​രെ അ​റ്റ​കു​റ്റ​പ്പ​ണി​യോ റീ ​ടാ​റി​ങ്ങോ ന​ട​ത്തി​യി​ട്ടി​ല്ല. പൊ​ട്ടി​പ്പൊ​ളി​ഞ്ഞ്​ പേ​രി​നു മാ​ത്രം റോ​ഡു​ള്ള ഈ ​വ​ഴി​യാ​ണ്​ പ​ച്ച​ക്ക​റി ക​യ​റ്റി​യ വ​ണ്ടി​ക​ൾ പോ​കു​ന്ന​ത്. ടൂ​റി​സ്റ്റു​ക​ളു​ടെ വാ​ഹ​ന​ങ്ങ​ൾ സ​ഞ്ച​രി​ക്കു​ന്ന​ത്. സ്കൂ​ൾ ബ​സും ആം​ബു​ല​ൻ​സു​മൊ​ക്കെ ക​ട​ന്നു​പോ​കു​ന്ന​ത്. സാ​മി​യാ​ർ അ​ള​കം, പ​റ​ശ്ശി​ക്ക​ട​വ്​ കു​ടി, കൂ​ട​ലാ​ർ കു​ടി, വ​ല​സ​പ്പ​ട്ടി​ക്കു​ടി, മൂ​ളാ​പ്പ വ​ട്ട​വ​ട​യി​​ലെ ആ​ദി​വാ​സി കോ​ള​നി​ക​ളി​ലേ​ക്കും പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ലേ​ക്കു​മു​ള്ള വ​ഴി​യും ഇ​തു​ത​ന്നെ.

ഓ​രോ മ​ഴ​യി​ലും റോ​ഡ്​ ഒ​ലി​ച്ചു​പോ​യി ഇ​പ്പോ​ൾ റോ​ഡ്​ ത​ന്നെ ഇ​ല്ലാ​താ​യെ​ന്ന്​ പ്ര​ദേ​ശ​വാ​സി​ക​ൾ പ​റ​യു​ന്നു. അ​ത്​ ക​ണ്ടാ​ൽ ത​ന്നെ മ​ന​സ്സി​ലാ​കും. കോ​വി​ലൂ​ർ ജം​ഗ്​​ഷ​നി​ൽ നി​ന്ന്​ താ​ഴേ​ക്കു​ള്ള ഇ​റ​ക്ക​ത്തി​ൽ പ​ല​യി​ട​ത്തും റോ​ഡ്​ അ​പ്ര​ത്യ​ക്ഷ​മാ​യി​ട്ടു​ണ്ട്. ഓ​രോ മ​ഴ​ക്കാ​ല​ത്തും റോ​ഡു​ക​ൾ താ​ഴേ​ക്ക്​ കു​ത്തി​യൊ​ലി​ച്ചു​പോ​കും. ഇ​പ്പോ​ൾ പ​ല​യി​ട​ത്തും റോ​ഡി​ന്‍റെ പാ​ടു മാ​ത്രം.

റോ​ഡ്​ അ​റ്റ​കു​റ്റ​പ്പ​ണി​ക്കാ​യി അ​ഞ്ചു കോ​ടി അ​നു​വ​ദി​ച്ചെ​ന്ന്​ കേ​ൾ​ക്കു​ന്ന​താ​യി നാ​ട്ടു​കാ​ർ പ​റ​യു​ന്നു. പ​ത്ര​ങ്ങ​ളി​ൽ വ​ന്ന വാ​ർ​ത്ത​യി​ലൂ​ടെ​യും റോ​ഡി​ന്​ ഫ​ണ്ട്​ അ​നു​വ​ദി​ച്ച പൊ​തു​മ​രാ​മ​ത്ത്​ മ​ന്ത്രി​ക്കും എം.​എ​ൽ.​എ​ക്കും അ​ഭി​ന​ന്ദ​നം അ​ർ​പ്പി​ച്ച്​ സി.​പി.​എ​മ്മു​കാ​ർ നാ​ട്ടി​യ ഫ്ല​ക്സി​ൽ നി​ന്നു​മാ​ണ​ത്രെ നാ​ട്ടു​കാ​ർ വി​വ​രം അ​റി​ഞ്ഞ​ത്. അ​ത്​ ക​ഴി​ഞ്ഞി​ട്ട്​ എ​ട്ടു മാ​സ​മാ​യി. പ​ക്ഷേ, റോ​ഡി​ന്‍റെ കാ​ര്യ​ത്തി​ൽ മാ​ത്രം ഒ​രു അ​ന​ക്ക​വു​മി​ല്ല.

അ​രി​ക്കൊ​മ്പ​നെ പി​ടി​കൂ​ടി നാ​ടു​ക​ട​ത്തി​യ​പ്പോ​ൾ മൂ​ന്നാ​ർ മേ​ഖ​ല​യി​ലെ റോ​ഡു​ക​ളും ച​ർ​ച്ച​യാ​യി​രു​ന്നു. ലോ​ക നി​ല​വാ​ര​ത്തി​ൽ റോ​ഡ്​ പ​ണി​ത​കാ​ര്യം വ​കു​പ്പ്​ മ​ന്ത്രി ത​ന്നെ വി​ളി​ച്ചു​പ​റ​യു​ക​യും ചെ​യ്ത​താ​ണ്. പ​ക്ഷേ, മൂ​ന്നാ​റി​ന്​ തൊ​ട്ടി​പ്പു​റ​ത്ത്​ പാ​മ്പാ​ടും​ചോ​ല ദേ​ശീ​യോ​ദ്യാ​ന​ത്തി​ന​രി​കി​ൽ ഇ​ങ്ങ​നെ​​യൊ​രു ഗ്രാ​മ​വും റോ​ഡും ഉ​ണ്ടെ​ന്ന കാ​ര്യം കൂ​ടി മ​ന്ത്രി ഓ​ർ​ക്ക​ണ​മെ​ന്ന്​ നാ​ട്ടു​കാ​ർ പ​റ​യു​ന്നു. വ​ട്ട​വ​ട​ക്കാ​ർ​ക്ക്​ റോ​ഡ്​ വേ​ണ്ടെ​ന്നാ​ണോ അ​ധി​കൃ​ത​രു​ടെ മ​നോ​ഭാ​വ​മെ​ന്നും ഈ ​റോ​ഡൊ​ന്ന്​ ശ​രി​യാ​യി കി​ട്ടാ​ൻ ത​ങ്ങ​ൾ ഇ​നി സ​മ​ര​ത്തി​നി​റ​ങ്ങ​ണ​മോ എ​ന്നു​മാ​ണ്​ നാ​ട്ടു​കാ​രു​ടെ ന്യാ​യ​മാ​യ ചോ​ദ്യം.