കെ.എസ്.ആർ.ടി.സി ഉല്ലാസയാത്ര ബസ് അപകടത്തിൽപ്പെട്ടു

അടിമാലി: കെ.എസ്.ആർ.ടി.സിയുടെ ഉല്ലാസയാത്ര ബസ് അപകടത്തിൽപ്പെട്ടു. മൂന്നാർ ലക്ഷ്മി ഫാക്ടറിക്ക് സമീപം വെച്ചാണ് സംഭവം. കയറ്റം കയറി വരവേ വളവ് തിരിക്കുന്നതിനിടയിൽ സൈഡിലേക്ക് തെന്നിമാറിയാണ് അപകടം ഉണ്ടായത്. പിൻഭാഗം റോഡിൽനിന്ന് കുഴിയിലേക്ക് പോയെങ്കിലും ബസ് മറിയാതിരുന്നത് ദുരന്തം ഒഴിവാക്കി. ആർക്കും പരിക്കില്ല. മൂന്നാർ-മാങ്കുളം പാതയിലാണ് അപകടം.