ഇല്ല, ഇനി ഞങ്ങളെ വഞ്ചിക്കാനാവില്ല, അ​വ​കാ​ശ​ങ്ങ​ൾ​ക്കാ​യി പോ​രാ​ടു​ം; നിശ്ചയദാർഢ്യത്തോടെ തോ​ട്ടം​ തൊ​ഴി​ലാ​ളി​കൾ

മൂ​ന്നാ​ർ: യോ​ഗം തു​ട​ങ്ങു​മ്പോ​ൾ നാ​ല​ഞ്ച്​ പേ​രേ സ​ദ​സ്സി​ൽ ഉ​ണ്ടാ​യി​രു​ന്നു​ള്ളു. സം​ഘാ​ട​ക​ർ​ക്കും വ​ലി​യ പ്ര​തീ​ക്ഷ​യൊ​ന്നും ഇ​ല്ലാ​യി​രു​ന്നു. ഏ​റി​യാ​ൽ ഒ​രു 25 പേ​ർ. അ​തി​ല​പ്പു​റം അ​വ​രും പ്ര​തീ​ക്ഷി​ച്ചി​രു​ന്നി​ല്ല. പ​ക്ഷേ, കാ​ണ​ക്കാ​ണെ സ​ദ​സ്സ്​ നി​റ​ഞ്ഞു​വ​ന്നു. ഒ​ടു​വി​ൽ നൂ​റി​നു​മ​പ്പു​റ​മാ​യ​പ്പോ​ൾ അ​വ​ർ​ക്ക്​ ആ​ത്മ​വി​ശ്വാ​സ​മാ​യി. അ​വ​സാ​നം വ​രെ പോ​രാ​ടും എ​ന്നു​റ​പ്പി​ച്ചാ​ണ്​ ഒ​ടു​വി​ൽ അ​വ​ർ പി​രി​ഞ്ഞ​ത്.

ക​ഴി​ഞ്ഞ 33 വ​ർ​ഷ​മാ​യി​ട്ടും ക്ഷാ​മ​ബ​ത്ത (ഡി.​എ) യി​ൽ വെ​റും ര​ണ്ടു പൈ​സ​യു​ടെ വ​ർ​ധ​ന മാ​ത്ര​മു​ണ്ടാ​യ സാ​ഹ​ച​ര്യ​ത്തി​ൽ ത​ങ്ങ​ളു​ടെ അ​വ​കാ​ശ​ങ്ങ​ളെ കു​റി​ച്ച്​ ​തോ​ട്ടം​ തൊ​ഴി​ലാ​ളി​ക​ളെ ബോ​ധ​വ​ത്​​ക​രി​ക്കാ​നാ​ണ്​ മൂ​ന്നാ​റി​ലെ ആ​ർ.​സി ച​ർ​ച്ച്​ വി.​എ​സ്.​എ​സ്.​എ​സ്​ ഒ​ഡി​റ്റോ​റി​യ​ത്തി​ൽ ഞാ​യ​റാ​ഴ്ച രാ​വി​ലെ ഒ​രു​കൂ​ട്ടം തൊ​ഴി​ലാ​ളി​ക​ൾ യോ​ഗം വി​ളി​ച്ച​ത്. ഉ​ദ്​​ഘാ​ട​ക​നാ​യ റി​ട്ട. ജ​സ്റ്റി​സ്​ കെ​മാ​ൽ പാ​ഷ നേ​ര​ത്തെ ത​ന്നെ എ​ത്തി​യി​രു​ന്നു. ഒ​മ്പ​ത്​ മ​ണി​ക്ക്​ തു​ട​ങ്ങാ​ൻ നി​ശ്​​ച​യി​ച്ച യോ​ഗം 10 മ​ണി​ക്കാ​ണ്​ ആ​രം​ഭി​ച്ച​ത്.

തോ​ട്ടം ഉ​ട​മ​ക​ളും ഉ​ദ്യോ​ഗ​സ്ഥ​രും ട്രേ​ഡ്​ യൂ​ണി​യ​ൻ നേ​താ​ക്ക​ളും ചേ​ർ​ന്ന്​ എ​ങ്ങ​നെ​യാ​ണ്​ തൊ​ഴി​ലാ​ളി​ക​ളെ വ​ഞ്ചി​ക്കു​ന്ന​തെ​ന്ന്​ ക​ണ​ക്കു​ക​ളും കോ​ട​തി ഉ​ത്ത​ര​വു​ക​ളും തെ​ളി​വാ​യി നി​ര​ത്തി​യാ​ണ്​ കെ​മാ​ൽ പാ​ഷ സം​സാ​രി​ച്ച​ത്. 86 തൊ​ഴി​ൽ വി​ഭാ​ഗ​ങ്ങ​ളി​ൽ 85ലും ​ഡി.​എ വ​ർ​ധ​ന ക​ണ​ക്കു​പ്ര​കാ​രം ന​ട​പ്പാ​ക്കി​യി​ട്ടും തോ​ട്ടം തൊ​ഴി​ലാ​ളി​ക​ൾ​ക്കു മാ​ത്രം അ​ത്​ ന​ട​പ്പാ​ക്കാ​ത്ത​ത്​ നി​യ​മ​പ​ര​മാ​യ പ​ദ​വി​യി​ല്ലാ​ത്ത പ്ലാ​ന്‍റേ​ഷ​ൻ ക​മ്മി​റ്റി​യും തോ​ട്ടം മു​ത​ലാ​ളി​മാ​രും ട്രേ​ഡ്​ യൂ​നി​യ​ൻ നേ​താ​ക്ക​ന്മാ​രും ചേ​ർ​ന്നാ​ണെ​ന്ന്​ അ​ദ്ദേ​ഹം പ​റ​ഞ്ഞു. പ്ര​തി​മാ​സം അ​യ്യാ​യി​രം രൂ​പ വ​രെ​യാ​ണ്​ തൊ​ഴി​ലാ​ളി​ക​ൾ​ക്ക്​ ന​ഷ്ടം വ​രു​ന്ന​തെ​ന്ന വി​വ​രം അ​മ്പ​ര​പ്പോ​ടെ​യാ​ണ്​ തൊ​ഴി​ലാ​ളി​ക​ൾ കേ​ട്ടി​രു​ന്ന​ത്.

പ​ള്ളി​വാ​സ​ൽ മേ​ഖ​ല​യി​ലെ തൊ​ഴി​ലാ​ളി​ക​ളാ​യ ഐ.​ക​രീം, സി.​രാ​മ​ർ, ഷ​ണ്മു​ഖ​നാ​ഥ​ൻ, പ​ള​നി​ച്ചാ​മി എ​ന്നി​വ​ർ ചേ​ർ​ന്നാ​ണ്​ തൊ​ഴി​ലാ​ളി​ക​ളി​ൽ ഡി.​എ വ​ർ​ധ​ന​യെ​കു​റി​ച്ചു​ള്ള ബോ​ധ​വ​ത്​​ക​ര​ണ പ്ര​വ​ർ​ത്ത​ന​ങ്ങ​ൾ തു​ട​ങ്ങി​യ​ത്. മൂ​ന്നാ​റി​ൽ കെ​മാ​ൽ പാ​ഷ​യെ പ​​ങ്കെ​ടു​പ്പി​ച്ച്​ പ​രി​പാ​ടി സം​ഘ​ടി​പ്പി​ച്ച​തും ഈ ​സം​ഘ​മാ​ണ്. ​ഈ ​പ​രി​പാ​ടി​യി​ൽ പ​​ങ്കെ​ടു​ക്ക​രു​തെ​ന്ന്​ പ്ര​ധാ​ന ട്രേ​ഡ്​ യൂ​നി​യ​നു​ക​ൾ വീ​ടു​വീ​ടാ​ന്ത​രം ക​യ​റി തൊ​ഴി​ലാ​ളി​ക​ളെ വി​ല​ക്കി​യെ​ന്നും അ​ത്​ വ​ക​വെ​യ്ക്കാ​തെ​യാ​ണ്​ നൂ​റി​നു മേ​ൽ തൊ​ഴി​ലാ​ളി​ക​ൾ പ​​ങ്കെ​ടു​ത്ത​തെ​ന്നും സം​ഘാ​ട​ക​ർ പ​റ​ഞ്ഞു.

2.30 രൂ​പ ഡി.​എ ഇ​ന​ത്തി​ൽ വ​ർ​ധി​ക്കേ​ണ്ട​തി​നു പ​ക​രം ലേ​ബ​ർ ക​മ്മീ​ഷ​ണ​ർ നി​ർ​ദേ​ശി​ച്ച​ത്​ 1.41 രൂ​പ​യു​ടെ വ​ർ​ധ​ന​യാ​ണ്. എ​ന്നാ​ൽ, അ​തു​പോ​ലും ഇ​പ്പോ​ൾ ന​ട​പ്പാ​ക്കേ​ണ്ട എ​ന്നാ​ണ്​ ​പി.​എ​ൽ.​സി​യി​ൽ യു​നി​യ​ൻ നേ​താ​ക്ക​ൾ ആ​വ​ശ്യ​പ്പെ​ട്ട​തെ​ന്ന്​ ​വി​വ​രാ​വ​കാ​ശ നി​യ​മ​പ്ര​കാ​രം ല​ഭി​ച്ച യോ​ഗ മി​നി​റ്റ്​​സ്​ സ​ഹി​ത​മാ​ണ്​ സം​ഘാ​ട​ക​ർ തൊ​ഴി​ലാ​ളി​ക​ളെ ബോ​ധ​വ​ത്​​ക​രി​ച്ച​ത്. ആ​ദ്യം ലേ​ബ​ർ ക​മീ​ഷ​ണ​ർ നി​ർ​ദേ​ശി​ച്ച വ​ർ​ധ​ന ന​ട​പ്പാ​ക്കി​യെ​ടു​ക്കാ​നും തു​ട​ർ​ന്ന്​ നി​യ​മ​പോ​രാ​ട്ട​ത്തി​ലൂ​ടെ മു​ഴു​വ​ൻ ഡി.​എ വ​ർ​ധ​ന​യും നേ​ടി​യെ​ടു​ക്ക​ണ​മെ​ന്നും അ​തി​ന്​ കൂ​ടെ​യു​ണ്ടാ​കു​മെ​ന്നും കെ​മാ​ൽ പാ​ഷ ത​ന്നോ​ട്​ സ​ങ്ക​ടം പ​റ​ഞ്ഞ തൊ​ഴി​ലാ​ളി​ക​ൾ​ക്ക്​ ഉ​റ​പ്പു ന​ൽ​കി. അ​വ​കാ​ശ​ങ്ങ​ൾ​ക്കാ​യി പോ​രാ​ടു​മെ​ന്നു​റ​പ്പി​ച്ചാ​ണ്​ തൊ​ഴി​ലാ​ളി​ക​ൾ പി​രി​ഞ്ഞ​ത്. സാ​മൂ​ഹി​ക പ്ര​വ​ർ​ത്ത​ക​നാ​യ ഫാ​ദ​ർ അ​ഗ​സ്റ്റി​ൻ വ​ട്ടോ​ളി, ​ഹൈ​ക്കോ​ട​തി അ​ഭി​ഭാ​ഷ​ക​നാ​യ അ​ഡ്വ. വി.​വി സു​രേ​ഷ്, വ്യാ​പാ​രി വ്യ​വ​സാ​യി ഏ​കോ​പ​ന​സ​മി​തി ജി​ല്ലാ വൈ. ​പ്ര​സി​ഡ​ന്‍റ്​ വി.​എം ബേ​ബി തു​ട​ങ്ങി​യ​വ​രും പ​രി​പാ​ടി​യി​ൽ പ​​ങ്കെ​ടു​ത്തു. റ​സാ​ഖ്​ ചൂ​ര​വേ​ലി​ൽ അ​ധ്യ​ക്ഷ​ത വ​ഹി​ച്ചു.