ഡോക്ടർമാരില്ല; ചക്രശ്വാസം വലിച്ച് നെടുങ്കണ്ടം താലൂക്ക് ആശുപത്രി

നെ​ടു​ങ്ക​ണ്ടം: ഡോ​ക്ട​ര്‍മാ​രു​ടെ അ​ഭാ​വ​ത്താ​ൽ നെ​ടു​ങ്ക​ണ്ടം താ​ലൂ​ക്ക്​ ആ​ശു​പ​ത്രി​യു​ടെ പ്ര​വ​ർ​ത്ത​നം പ്ര​തി​സ​ന്ധി​യി​ലേ​ക്ക്. മി​നി മെ​ഡി​ക്ക​ൽ കോ​ള​ജ് നി​ല​വാ​ര​ത്തി​ലേ​ക്ക്​ ഉ​യ​ര്‍ത്തു​ക​യെ​ന്ന ല​ക്ഷ്യ​ത്തോ​ടെ കെ​ട്ടി​ട നി​ര്‍മാ​ണം ന​ട​ത്തു​ന്ന നെ​ടു​ങ്ക​ണ്ടം താ​ലൂ​ക്ക്​ ആ​ശു​പ​ത്രി​ക്കാ​ണ് ഈ ​ദു​ർ​ഗ​തി.

ഏ​റ്റ​വും കൂ​ടു​ത​ൽ രോ​ഗി​ക​ൾ എ​ത്തു​ന്ന തി​ങ്ക​ളാ​ഴ്ച ഒ​രു ഫി​സി​ഷ്യ​ൻ പോ​ലു​മു​ണ്ടാ​യി​രു​ന്നി​ല്ല. വി​വി​ധ രോ​ഗ​ങ്ങ​ളാ​ൽ ആ​ശു​പ​ത്രി​യി​ലെ​ത്തി​യ​വ​രെ​ല്ലാം മ​ട​ങ്ങി​പ്പോ​കു​ക​യാ​ണു​ണ്ടാ​യ​ത്. ദി​നേ​ന 700ഓ​ളം പേ​ർ ഒ.​പി​യി​ൽ ചി​കി​ത്സ​തേ​ടി എ​ത്തു​ന്ന ഇ​വി​ടെ തി​ങ്ക​ളാ​ഴ്ച ജ​ന​റ​ൽ മെ​ഡി​സി​നി​ൽ ഒ​രു താ​ല്‍ക്കാ​ലി​ക വ​നി​ത ഡോ​ക്ട​ർ മാ​ത്ര​മാ​ണു​ണ്ടാ​യി​രു​ന്ന​ത്. അ​വി​ടെ രോ​ഗി​ക​ളാ​വ​ട്ടെ 200ഓ​ളം പേ​ർ. കൂ​ടാ​തെ ശി​ശു​രോ​ഗ വി​ഭാ​ഗം, ഡെ​ന്‍റ​ൽ, ഇ.​എ​ൻ.​ടി വി​ഭാ​ഗ​ത്തി​ലും ഓ​രോ ഡോ​ക്ട​ര്‍മാ​ർ മാ​ത്ര​മാ​ണ് തി​ങ്ക​ളാ​ഴ്ച ഉ​ണ്ടാ​യി​രു​ന്ന​ത്. മൂ​ന്ന് പീ​ഡി​യാ​ട്രീ​ഷ​ന്‍മാ​ർ വേ​ണ്ടി​ട​ത്ത്​ നി​ല​വി​ൽ ഒ​രാ​ളാ​ണു​ള്ള​ത്. അ​ദ്ദേ​ഹം അ​വ​ധി​ക്കു ശേ​ഷം തി​ങ്ക​ളാ​ഴ്ച​യാ​ണ് മ​ട​ങ്ങി​യെ​ത്തി​യ​ത്.

മ​റ്റ് ര​ണ്ടു​പേ​ർ സ്ഥ​ലം​മാ​റി​പ്പോ​യി. ഒ​രാ​ൾ ഇ​വി​ടെ വ​ന്നി​ട്ട് ഒ​രു​മാ​സം​പോ​ലും ജോ​ലി​ചെ​യ്യാ​തെ പാ​മ്പാ​ടി​യി​ലേ​ക്ക് പോ​യി. മ​റ്റൊ​രാ​ൾ വ​ര്‍ക്കി​ങ് അ​റേ​ജ്‌​മെ​ന്‍റി​ൽ വ​ന്ന​താ​യി​രു​ന്നു. കാ​ലാ​വ​ധി പൂ​ര്‍ത്തി​യാ​യ​തോ​ടെ അ​ദ്ദേ​ഹ​വും പോ​യി. ഗൈ​ന​ക്കോ​ള​ജി​യി​ൽ മൂ​ന്നു​പേ​ർ വേ​ണ്ടി​ട​ത്ത് ഒ​രു ലേ​ഡി ഡോ​ക്ട​ർ മാ​ത്ര​മാ​ണു​ള്ള​ത്. ക​ണ്ണി​ന്‍റെ ഡോ​ക്ട​റെ പ​ത്ത​നം​തി​ട്ട​യി​ലേ​ക്ക് സ്ഥ​ലം​മാ​റ്റി.

പ​ക​രം എ​റ​ണാ​കു​ള​ത്തു​നി​ന്ന് ഒ​രാ​ൾ വ​ന്നെ​ങ്കി​ലും ഏ​ത് നി​മി​ഷ​വും പോ​കാ​ന്‍ ത​യാ​റാ​യി നി​ല്‍ക്കു​ക​യാ​ണ്. സ​ര്‍ജ​ൻ ഏ​റെ നാ​ളാ​യി അ​വ​ധി​യി​ലാ​ണ്. ചി​ല ഡോ​ക്ട​ര്‍മാ​ർ ഒ​ന്ന​ട​വി​ട്ട ദി​വ​സ​ങ്ങ​ളി​ലേ ഡ്യൂ​ട്ടി എ​ടു​ക്കാ​റു​ള്ളൂ എ​ന്ന നി​ര്‍ബ​ന്ധ​ബു​ദ്ധി​യി​ലാ​ണ്. ഇ​തി​നെ നി​യ​ന്ത്രി​ക്കാ​ൻ സൂ​പ്ര​ണ്ടി​നും ക​ഴി​യു​ന്നി​ല്ല​ത്രെ. വ​ല്ല​പ്പോ​ഴും ചേ​രു​ന്ന വി​ക​സ​ന​സ​മി​തി ചാ​യ​സ​ല്‍ക്കാ​രം ക​ഴി​ഞ്ഞ് പി​രി​യു​ന്ന​താ​യാ​ണ് ആ​ക്ഷേ​പം.

ഡോ​ക്ട​ര്‍മാ​രു​ടെ തസ്തിക 23​; ഡ്യൂ​ട്ടി​യി​ൽ വി​ര​ലി​ലെ​ണ്ണാ​വു​ന്ന​വ​ർ

താലൂക്ക്​ ആശുപത്രിയിൽ 23 ഡോ​ക്ട​ര്‍മാ​രു​ടെ തസ്​തികയാണ്​ ഉള്ള​ത്. ഡ്യൂ​ട്ടി​യി​ലു​ള്ള​ത് വി​ര​ലി​ലെ​ണ്ണാ​വു​ന്ന​വ​ർ മാ​ത്രം. ഇ​വി​ടെ സേ​വ​ന​മ​നു​ഷ്ഠി​ക്കേ​ണ്ട പ്ര​ധാ​ന ഫി​സി​ഷ​നി​ൽ ഒ​രാ​ളെ മൂ​ന്നു​ദി​വ​സം കോ​ട്ട​യം ജി​ല്ല​യി​ലെ കാ​ഞ്ഞി​ര​പ്പ​ള്ളി​യി​ലും ര​ണ്ടു​ദി​വ​സം നെ​ടു​ങ്ക​ണ്ട​ത്തു​മാ​ക്കി​യി​രു​ന്നു. ഇ​ദ്ദേ​ഹം പ​നി ബാ​ധി​ച്ച്​ അ​വ​ധി​യി​ലാ​ണ്.

ഇ​വി​ടെ കാ​ത്ത്‌​ലാ​ബും ഐ.​സി.​യു​വൂം വെ​ന്റി​ലേ​റ്റ​റും ഇ​ല്ലാ​ത്ത​തി​നാ​ലാ​ണ് ആ​ഴ്ച​യി​ല്‍ മൂ​ന്നു​ദി​വ​സം കാ​ഞ്ഞി​ര​പ്പ​ള്ളി​യി​ൽ ചു​മ​ത​ല ന​ല്‍കി​യ​ത്. ഇ​വി​ടെ എ​ക്കോ ചെ​യ്യു​ന്ന രോ​ഗി​ക​ളി​ൽ വേ​രി​യേ​ഷ​നു​ള്ള​വ​രെ കാ​ഞ്ഞി​ര​പ്പ​ള്ളി​യി​ൽ കൊ​ണ്ടു​പോ​കും.

ജ​ന​റ​ൽ ഒ.​പി​യി​ൽ ഡോ​ക്ട​ര്‍മാ​ർ ആ​രു​മി​ല്ല. മ​റ്റ് ഡോ​ക്ട​ര്‍മാ​രി​ല്ലാ​ത്ത​പ്പോ​ൾ രോ​ഗി​ക​ളു​ടെ ഏ​ക ആ​ശ്ര​യം ജ​ന​റ​ൽ ഒ.​പി​യാ​ണ്. ആ​കെ​യു​ള്ള​ത് ഒ​രു ഡോ​ക്ട​ർ മാ​ത്ര​മാ​ണ്. അ​ദ്ദേ​ഹം 200ഉം 250​ഉം രോ​ഗി​ക​ളെ നോ​ക്ക​ണം. അ​ന​സ്‌​തേ​ഷ്യ വി​ഭാ​ഗ​ത്തി​ൽ ര​ണ്ടു​പേ​ർ വേ​ണ്ടി​ട​ത്ത് ഒ​രാ​ളേ​യു​ള്ളൂ. കാ​ഷ്വ​ൽ​റ്റി​യി​ൽ ഡോ​ക്ട​ര്‍മാ​ർ തീ​രെ കു​റ​വാ​ണ്. അ​വി​ടെ മൂ​ന്ന് ഷി​ഫ്റ്റാ​ണ് നി​ല​വി​ലു​ള്ള​ത്.

കാ​ഷ്വാ​ലി​റ്റി ഡോ​ക്ട​ര്‍മാ​ർ ഇ​വി​ടെ​യി​ല്ല. ഈ ​ചു​മ​ത​ല​യും മ​റ്റ് ഡോ​ക്ട​ര്‍മാ​ര്‍ക്കാ​ണു​ള്ള​ത്. 23 ഡോ​ക്ട​ര്‍മാ​രു​ടെ പോ​സ്റ്റി​ൽ 20 പേ​ർ ഉ​ണ്ടാ​യി​രു​ന്നി​ട​ത്താ​ണ് വി​ര​ലി​ലെ​ണ്ണാ​വു​ന്ന ഡോ​ക്ട​ര്‍മാ​ർ മാ​ത്രം ഉ​ള്ള​ത്. സേ​വ​നം ചെ​യ്യു​ന്ന ഡോ​ക്ട​ര്‍മാ​രാ​വ​ട്ടെ അ​മി​ത ജോ​ലി​കാ​ര​ണം സ്ഥ​ലം​മാ​റി​പ്പോ​കാ​നു​ള്ള ശ്ര​മ​ത്തി​ലു​മാ​ണ്.