കമ്പംമെട്ടില്‍ ചെക്‌പോസ്റ്റ്​ നാല്​, പേരിനുപോലുമില്ല പരിശോധന

നെ​ടു​ങ്ക​ണ്ടം: സം​സ്ഥാ​ന അ​തി​ര്‍ത്തി​യാ​യ ക​മ്പം​മെ​ട്ടി​ല്‍ ചെ​ക്‌​പോ​സ്റ്റു​ക​ള്‍ നാ​ലു​ണ്ടെ​ങ്കി​ലും ജി​ല്ല​യി​ല്‍ ഏ​റ്റ​വും കൂ​ടു​ത​ല്‍ ക​ള്ള​ക്ക​ട​ത്തു ന​ട​ക്കു​ന്ന​തി​വി​ടെ​യാ​ണ്.

കേ​ര​ള​ത്തി​ല്‍ നി​ന്നും സു​ഗ​ന്ധ​വ്യ​ഞ്ജ​ന​ങ്ങ​ള്‍ അ​തി​ര്‍ത്തി ക​ട​ക്കു​മ്പോ​ള്‍ ഇ​ങ്ങോ​ട്ടേ​ക്കെ​ത്തു​ന്ന​ത് മ​ഹാ വി​പ​ത്തു​ക​ൾ. എ​ക്‌​സൈ​സി​നും വ​നം​വ​കു​പ്പി​നും മൃ​ഗ​സം​ര​ക്ഷ​ണ​വ​കു​പ്പി​നും പൊ​ലീ​സി​നും പ്ര​ത്യേ​കം ചെ​ക്പോ​സ്റ്റു​ക​ൾ ഇ​വി​ടെ​യു​ണ്ട്. ച​ര​ക്കു​സേ​വ​ന നി​കു​തി (ജി.​എ​സ്.​ടി)​ നി​ല​വി​ല്‍ വ​ന്ന​തോ​ടെ വാ​ണി​ജ്യ നി​കു​തി ചെ​ക്‌​പോ​സ്റ്റ് ഇ​വി​ടെ നി​ന്നും നീ​ക്കം ചെ​യ്തു. കേ​ര​ള​ത്തി​ല്‍ നി​ന്ന് ച​ന്ദ​നം, ഏ​ലം, കു​രു​മു​ള​ക്, എ​ട​ന​തൊ​ലി തു​ട​ങ്ങി​യ സാ​ധ​ന​ങ്ങ​ള്‍ ചെ​ക്‌ പോ​സ്റ്റ് ക​ട​ന്ന് ത​മി​ഴ്‌​നാ​ട്ടി​ലേ​ക്ക് പോ​കു​മ്പോ​ള്‍ ക​ഞ്ചാ​വ്, ല​ഹ​രി ഉ​ൽ​പ​ന്ന​ങ്ങ​ള്‍, നി​രോ​ധി​ത കീ​ട​നാ​ശി​നി​ക​ള്‍, മ​രു​ന്നു​ക​ള്‍ തു​ട​ങ്ങി​യ​വ​യാ​ണ് കേ​ര​ള​ത്തി​ലേ​ക്കെ​ത്തു​ന്ന​ത്.

ഇ​രു സം​സ്ഥാ​ന​ങ്ങ​ള്‍ക്കും ഇ​വി​ടെ ചെ​ക്‌​പോ​സ്റ്റു​ക​ളു​ണ്ടെ​ങ്കി​ലും ക​ഞ്ചാ​വും വി​വി​ധ ല​ഹ​രി പ​ദാ​ർ​ഥ​ങ്ങ​ളും നി​രോ​ധി​ത കീ​ട​നാ​ശി​നി​ക​ളും ക​മ്പം​മെ​ട്ട് ചെ​ക്‌​പോ​സ്റ്റ് ക​ട​ന്ന് വ​ന്‍ തോ​തി​ല്‍ കേ​ര​ള​ത്തി​ലെ​ത്തു​ന്നു​ണ്ട്. മു​മ്പ് വാ​ഹ​നം പ​രി​ശോ​ധി​ക്കു​മ്പോ​ള്‍ ഇ​വ പി​ടി​ക്കു​ന്നു​ണ്ടാ​യി​രു​ന്നു. ഇ​പ്പോ​ള്‍ പ​രി​ശോ​ധ​ന ന​ട​ക്കു​ന്നി​ല്ലെ​ന്ന്​ നാ​ട്ടു​കാ​ർ പ​റ​യു​ന്നു. ക​ള്ള​ക്ക​ട​ത്ത്​ മാ​ഫി​യ​ക​ളും ഉ​ദ്യാ​ഗ​സ്ഥ​രും ധാ​ര​ണ​യി​ലാ​ണെ​ന്നാ​ണ്​ ആ​ക്ഷേ​പം. ല​ക്ഷ​ങ്ങ​ളാ​ണ് പ​ല​രും വാ​ങ്ങു​ന്ന​ത്. ചി​ല​ർ രാ​ഷ്ട്രീ​യ ഒ​ത്താ​ശ​യോ​ടെ​യാ​ണ് അ​ന​ധി​കൃ​ത ക​ട​ത്ത് ന​ട​ത്തു​ന്ന​ത്. പ​ച്ച​ക്ക​റി​ക​ള്‍, മു​ന്തി​രി, വാ​ഴ​ക്കു​ല, തെ​ങ്ങോ​ല, വെ​ള്ള​രി​ക്ക തു​ട​ങ്ങി​യ​വ ക​യ​റ്റി​യ വാ​ഹ​ന​ങ്ങ​ള്‍ അ​തി​വേ​ഗം അ​തി​ര്‍ത്തി ക​ട​ക്കു​ക​യാ​ണ്. ത​മി​ഴ്‌​നാ​ട്ടി​ല്‍ നി​ന്ന് വ​രു​ന്ന ചു​രു​ക്കം ചി​ല വാ​ഹ​ന​ങ്ങ​ള്‍ മാ​ത്ര​മാ​ണ് പ​രി​ശോ​ധി​ക്കു​ന്ന​ത്. കേ​ര​ള​ത്തി​ല്‍ നി​ന്ന് ത​മി​ഴ്‌​നാ​ട്ടി​ലേ​ക്ക്​ പോ​കു​ന്ന ഒ​രു വാ​ഹ​ന​വും ചെ​ക്‌​പോ​സ്റ്റി​ല്‍ പ​രി​ശോ​ധി​ക്കാ​റി​ല്ലെ​ന്നാ​ണ് വാ​ഹ​ന ഉ​ട​മ​ക​ള്‍ പോ​ലും പ​റ​യു​ന്ന​ത്.

ജി​ല്ല​യി​ല്‍ ക്വാ​റി​ക​ള്‍ പ​ല​തും ഇ​പ്പോ​ള്‍ പ്ര​വ​ര്‍ത്തി​ക്കു​ന്നി​ല്ല. ത​മി​ഴ്‌​നാ​ട്ടി​ല്‍നി​ന്നു​മാ​ണ് മെ​റ്റ​ലും പാ​റ​പ്പൊ​ടി​യും മ​റ്റും വ​രു​ന്ന​ത്. പാ​റ​പൊ​ടി​യും മ​റ്റും പാ​സി​ല്ലാ​തെ​യാ​ണ് അ​തി​ര്‍ത്തി ക​ട​ക്കു​ന്ന​ത്.

ഉ​ദ്യോ​ഗ​സ്ഥ​രെ സ്വാ​ധീ​നി​ച്ച് നി​കു​തി വെ​ട്ടി​ച്ച് ജി​ല്ല​യി​ലെ അ​തി​ര്‍ത്തി ചെ​ക്‌​പോ​സ്റ്റു​ക​ള്‍ വ​ഴി ത​മി​ഴ്‌​നാ​ട്ടി​ലേ​ക്ക് ഏ​ല​ക്ക ക​ട​ത്തു​ന്ന സം​ഘ​ങ്ങ​ള്‍ പ്ര​വ​ര്‍ത്തി​ക്കു​ന്ന​താ​യി ജി.​എ​സ്.​ടി.​സ്‌​പെഷ​ല്‍ സ്‌​ക്വാ​ഡി​ന് വി​വ​രം ല​ഭി​ച്ച​തി​നെ തു​ട​ര്‍ന്ന് ന​ട​ത്തി​യ പ​രി​ശോ​ധ​ന​യി​ല്‍ 60 ല​ക്ഷം രൂ​പ വി​ല​വ​രു​ന്ന ഏ​ല​ക്ക​യാ​ണ് ബോ​ഡി​മെ​ട്ട് ചെ​ക്‌​പോ​സ്റ്റി​ന് സ​മീ​പ​ത്തു​നി​ന്നും ക​ഴി​ഞ്ഞ മാ​സം പി​ടി​കൂ​ടി​യ​ത്. നി​കു​തി വ​കു​പ്പ് ക​മ്പം​മെ​ട്ടി​ലേ​ക്ക് തി​രി​ഞ്ഞു നോ​ക്കാ​റേ​യി​ല്ല.