നെടുങ്കണ്ടത്തെ സ്‌പോര്‍ട്‌സ് ഹോസ്റ്റല്‍ അടച്ചുപൂട്ടല്‍ ഭീഷണിയില്‍

​നെടു​ങ്ക​ണ്ടം: 17 വ​ര്‍ഷ​മാ​യി നെ​ടു​ങ്ക​ണ്ട​ത്ത് പ്ര​വ​ര്‍ത്തി​ക്കു​ന്ന സ്‌​പോ​ര്‍ട്‌​സ് ഹോ​സ്റ്റ​ലി​ലേ​ക്ക് ഈ ​അ​ധ്യ​യ​ന വ​ര്‍ഷം പു​തി​യ​താ​യി എ​ത്തി​യ​ത് ഒ​രു കാ​യി​ക താ​രം മാ​ത്രം. ഇ​തോ​ടെ ഹോ​സ്റ്റ​ല്‍ അ​ട​ച്ചു​പൂ​ട്ട​ല്‍ ഭീ​ഷ​ണി​യി​ലാ​ണ്. സ്‌​പോ​ര്‍ട്‌​സ് കൗ​ണ്‍സി​ലി​ന്​ കീ​ഴി​ല്‍ നെ​ടു​ങ്ക​ണ്ട​ത്ത് പ്ര​വ​ര്‍ത്തി​ക്കു​ന്ന സെ​ന്‍ട്ര​ലൈ​സ്ഡ് സ്‌​പോ​ര്‍ട്‌​സ് ഹോ​സ്റ്റ​ലാ​ണ് പ്ര​തി​സ​ന്ധി നേ​രി​ടു​ന്ന​ത്. നെ​ടു​ങ്ക​ണ്ട​ത്തേ​ക്ക് സ്‌​പോ​ര്‍ട്‌​സ് കൗ​ണ്‍സി​ല്‍ കു​ട്ടി​ക​ളെ അ​നു​വ​ദി​ക്കാ​ത്ത​താ​ണ് നി​ല​വി​ലെ പ്ര​തി​സ​ന്ധി​ക്ക് കാ​ര​ണ​മെ​ന്നാ​ണ് പ​റ​യ​പ്പെ​ടു​ന്ന​ത്.

2008ല്‍ ​നെ​ടു​ങ്ക​ണ്ട​ത്ത് ആ​രം​ഭി​ച്ച സ്‌​പോ​ര്‍ട്‌​സ് ഹോ​സ്റ്റ​ലി​ല്‍ തു​ട​ക്ക​ത്തി​ല്‍ 98 കാ​യി​ക താ​ര​ങ്ങ​ള്‍ ഉ​ണ്ടാ​യി​രു​ന്നൂ. ജൂ​ഡോ, അ​ത്‌​ല​റ്റി​ക്‌​സ്, ആ​ര്‍ച്ച​റി എ​ന്നീ ഇ​ന​ങ്ങ​ളി​ല്‍ പ​രി​ശീ​ല​ന​വു​മു​ണ്ടാ​യി​രു​ന്നു. ജൂ​ഡോ​യി​ല്‍ അ​ഞ്ച് താ​ര​ങ്ങ​ള്‍ അ​ന്ത​ര്‍ദേ​ശീ​യ മ​ത്സ​ര​ങ്ങ​ളി​ല്‍ വ​രെ നേ​ട്ടം സ്വ​ന്ത​മാ​ക്കി​യ​ത് ഉ​ള്‍പ്പ​ടെ നെ​ടു​ങ്ക​ണ്ട​ത്തെ കു​ട്ടി​ക​ള്‍ മി​ക​ച്ച നേ​ട്ട​മാ​ണ് ഈ ​കാ​ല​യ​ള​വി​ല്‍ സ്വ​ന്ത​മാ​ക്കി​യ​ത്.

12ഓ​ളം ദേ​ശീ​യ മെ​ഡ​ലു​ക​ള്‍ വ​രെ മു​മ്പ് നേ​ടി​യി​ട്ടു​ണ്ട്. എ​ന്നാ​ല്‍ കു​റെ വ​ര്‍ഷ​ങ്ങ​ളാ​യി മെ​ഡ​ലു​ക​ളി​ല്ല. സ്റ്റേ​ഡി​യ​മി​ല്ലെ​ന്ന കാ​ര​ണം ചൂ​ണ്ടി​ക്കാ​ട്ടി അ​ത്‌​ല​റ്റി​ക്‌​സ് വി​ഭാ​ഗം നി​ര്‍ത്തു​ക​യാ​യി​രു​ന്നു.

തു​ട​ര്‍ന്ന് ജൂ​ഡോ​യി​ലും ആ​ര്‍ച്ച​റി​യി​ലു​മാ​യി 60ഓ​ളം കു​ട്ടി​ക​ള്‍ ഉ​ണ്ടാ​യി​രു​ന്നു. ഈ ​വ​ര്‍ഷം മു​ത​ല്‍ ആ​ര്‍ച്ച​റി​യു​ടെ പ​രി​ശീ​ല​ന​വും അ​വ​സാ​നി​പ്പി​ച്ചു. അ​വ​ശേ​ഷി​ച്ച ജൂ​ഡോ​ക്കാ​യി ഈ ​വ​ര്‍ഷം സ്‌​പോ​ര്‍ട്‌​സ് കൗ​ണ്‍സി​ല്‍ പു​തി​യ​താ​യി അ​യ​ച്ച​ത് ഒ​രാ​ളെ മാ​ത്ര​മാ​ണ്. ക​ഴി​ഞ്ഞ വ​ര്‍ഷം 35 കു​ട്ടി​ക​ള്‍ ഉ​ണ്ടാ​യി​രു​ന്നു.

പെ​ണ്‍കു​ട്ടി​ക​ള​ട​ക്കം 11 കാ​യി​ക താ​ര​ങ്ങ​ളാ​ണ് നി​ല​വി​ല്‍ ഇ​വി​ടെ ഉ​ള്ള​ത്. നെ​ടു​ങ്ക​ണ്ട​ത്ത് ഹൈ ​ആ​ള്‍റ്റി​ട്യൂ​ഡ് സി​ന്ത​റ്റി​ക് സ്റ്റേ​ഡി​യം പൂ​ര്‍ത്തി​യാ​യ​തോ​ടെ അ​ത്‌​ല​റ്റി​ക് പ​രി​ശീ​ല​നം പു​നഃ​രാ​രം​ഭി​ക്കു​മെ​ന്നാ​യി​രു​ന്നു നാ​ട്ടു​കാ​രു​ടെ പ്ര​തീ​ക്ഷ. എ​ന്നാ​ല്‍ അ​തും ഉ​ണ്ടാ​യി​ല്ല.

ഹോ​സ്​​റ്റ​ൽ പ്ര​വ​ർ​ത്തി​ക്കു​ന്ന​ത്​ അ​സൗ​ക​ര്യ​ങ്ങ​ളു​ടെ ന​ടു​വി​ൽ പ​ഞ്ചാ​യ​ത്ത് അ​ധി​കൃ​ത​ർ വാ​ട​ക​ക്കെ​ടു​ത്ത്​ ന​ല്‍കി​യി​രി​ക്കു​ന്ന കെ​ട്ടി​ട​ത്തി​ല്‍ അ​സൗ​ക​ര്യ​ങ്ങ​ളു​ടെ ന​ടു​വി​ലാ​ണ് ഹോ​സ്റ്റ​ലി​ന്റെ പ്ര​വ​ര്‍ത്ത​നം. സ്‌​പോ​ര്‍ട്‌​സ് ഹോ​സ്റ്റ​ലി​ന് സ്വ​ന്ത​മാ​യി കെ​ട്ടി​ടം നി​ര്‍മി​ക്കാ​ന്‍ വ​ര്‍ഷ​ങ്ങ​ള്‍ക്കു മു​മ്പ് റ​വ​ന്യൂ വ​കു​പ്പ് സ്ഥ​ലം കൈ​മാ​റി​യി​രു​ന്നു. കെ​ട്ടി​ട നി​ര്‍മാ​ണ​ത്തി​നാ​യി അ​ഞ്ചു​കോ​ടി രൂ​പ​യും ബ​ജ​റ്റി​ല്‍ വ​ക​യി​രു​ത്തി. എ​ന്നാ​ല്‍ നി​ര്‍മാ​ണം ആ​രം​ഭി​ച്ചി​ട്ടി​ല്ല.

ര​ണ്ട്​ വ​ര്‍ഷ​ത്തി​ല​ധി​ക​മാ​യി ഭ​ര​ണ സ്വാ​ധീ​നം ഉ​പ​യോ​ഗി​ച്ചും സ്‌​പോ​ര്‍ട്‌​സ് കൗ​ണ്‍സി​ലി​നെ സ്വാ​ധീ​നി​ച്ചും ചി​ല സ്വ​കാ​ര്യ സ​ഥാ​പ​ന​ങ്ങ​ള്‍ ഹോ​സ്റ്റ​ല്‍ അ​ട​ച്ചു​പൂ​ട്ടി​ക്കാ​ൻ ശ്ര​മി​ക്കു​ന്ന​താ​യി പ​ര​ക്കെ ആ​ക്ഷേ​പ​മു​ണ്ട്. നാ​ല്​ വ​ര്‍ഷ​മാ​യി സ്വ​കാ​ര്യ കെ​ട്ടി​ട​ത്തി​ല്‍ 65,000 രൂ​പ പ്ര​തി​മാ​സ വാ​ട​ക​ക്കാ​ണ് ഹോ​സ്റ്റ​ല്‍ പ്ര​വ​ര്‍ത്തി​ക്കു​ന്ന​ത്. ക​ഴി​ഞ്ഞ മൂ​ന്ന്​ മാ​സ​മാ​യി വാ​ട​ക​യും കു​ടി​ശ്ശി​ക​യാ​ണ്. ര​ണ്ട് നി​ല​ക​ളി​ല്‍ ഒ​രു നി​ല പെ​ണ്‍കു​ട്ടി​ക​ള്‍ക്കും മ​റ്റൊ​രു നി​ല ആ​ണ്‍കു​ട്ടി​ക​ള്‍ക്കു​മാ​ണ്.