കരുണമരങ്ങൾ പൂവിട്ടു; മലയോരങ്ങളിൽ ഇനി തേൻകാലം

ക​ട്ട​പ്പ​ന: ഏ​ല​മ​ല​ക്കാ​ടു​ക​ളി​ൽ ക​രു​ണ മ​ര​ങ്ങ​ൾ പൂ​വി​ട്ട​തോ​ടെ മ​ല​യോ​ര​ങ്ങ​ളി​ൽ തേ​ൻ സീ​സ​ൺ തു​ട​ങ്ങി. പ​ശ്ചി​മ​ഘ​ട്ട മ​ല​നി​ര​ക​ളി​ലെ ഏ​ല​മ​ലക്കാടു​ക​ളി​ൽ ഏ​ല​ത്തി​ന് ത​ണ​ലേ​കു​ന്ന ക​രു​ണ മ​ര​ങ്ങ​ൾ പൂ​വി​ട്ട​തോ​ടെ തേ​ൻ ശേ​ഖ​രി​ക്കാ​ൻ തേ​നീ​ച്ച​ക​ൾ കൂ​ട്ട​മാ​യി എ​ത്തു​ന്നു. ല​ക്ഷ​ക്ക​ണ​ക്കി​ന് തേ​നീ​ച്ച​ക​ളാ​ണ് ഓ​രോ മ​ര​ത്തി​ലും പ​റ​ന്നു വ​ന്നു തേ​ൻ ശേ​ഖ​രി​ക്കു​ന്ന​ത്. ക​രു​ണ മ​ര​ങ്ങ​ളി​ലെ പൂ​വി​ൽ നി​റ​യെ തേ​നാ​ണ്. ക​രു​ണ​മ​ര​ങ്ങ​ൾ പൂ​ക്കു​ന്ന ഫെ​ബ്രു​വ​രി മു​ത​ൽ ഏ​പ്രി​ൽ വ​രെ​യു​ള്ള മാ​സ​ങ്ങ​ളി​ൽ പൂ​ക്ക​ളി​ലെ തേ​ൻ നു​ക​രാ​ൻ ത​മി​ഴ്നാ​ട്ടി​ലെ ക​മ്പം, തേ​നി, മ​ധു​ര തു​ട​ങ്ങി​യ പ്ര​ദേ​ശ​ങ്ങ​ളി​ൽ നി​ന്ന് ആ​യി​ര​ക്ക​ണ​ക്കി​ന് തേ​നീ​ച്ച ക്കൂ​ട്ട​ങ്ങ​ൾ ഏ​ല​മ​ല കാ​ടു​ക​ളി​ലെ വ​ൻ വൃ​ക്ഷ​ങ്ങ​ളി​ൽ ചേ​ക്കേ​റും. തേ​ൻ ആ​വോ​ളം നു​ക​ർ​ന്ന് കൂ​ടു​ക​ളി​ൽ ശേ​ഖ​രി​ച്ചു​വെ​ക്കും. മ​ഴ​ക്കാ​ലം തു​ട​ങ്ങു​ന്ന​തി​നു മു​ൻ​പ് കൂ​ടു​ക​ളി​ൽ ശേ​ഖ​രി​ച്ച തേ​ൻ മു​ഴു​വ​ൻ കു​ടി​ച്ചു തീ​ർ​ത്ത​ശേ​ഷം തി​രി​ക വ​ന്ന സ്‌​ഥ​ല​ങ്ങ​ളി​ലേ​ക്ക് മ​ട​ങ്ങും.

നൂ​റ്റാ​ണ്ടു​ക​ളാ​യി തു​ട​ർ​ന്നു വ​രു​ന്ന ഈ ​പ്ര​തി​ഭാ​സം ഏ​ല​മ​ര​ക്കാ​ടു​ക​ളി​ലെ ഏ​ലം കൃ​ഷി​ക്കും ഗു​ണ​ക​ര​മാ​ണ്. ഏ​ല​ത്തി​ന്റെ പ​രാ​ഗ​ണം ന​ട​ക്കു​ന്ന​ത് തേ​നീ​ച്ച​ക​ൾ വ​ഴി​യാ​ണ്. ക​രു​ണ​മ​ര​ങ്ങ​ൾ പൂ​വി​ടു​ന്ന സ​മ​യ​ത്ത്​ ഒ​ട്ടു​മി​ക്ക ഏ​ല​ത്തോ​ട്ട​ങ്ങ​ളി​ലെ മ​ര​ങ്ങ​ളി​ലും തേ​നീ​ച്ച​ക്കൂ​ടു​ക​ൾ കാ​ണാം. ചി​ല പാ ​റ​ക്കൂ​ട്ട​ങ്ങ​ളും മ​ര​ങ്ങ​ളും പ​തി​വാ​യി പെ​രും​തേ​നീ​ച്ച​ക​ളു​ടെ ആ​വാ​സ കേ​ന്ദ്ര​ങ്ങ​ളാ​ണ്. ഒ​രു മ​ര​ത്തി​ൽ ത​ന്നെ അ​മ്പ​തോ​ളം തേ​നീ​ച്ച​ക​ൾ കൂ​ടു​കൂ​ട്ടി​യി​രി​ക്കു​ന്ന​തും കാ​ണാം.

ആ​ദി​വാ​സി​ക​ൾ ഇ​ത്ത​രം മ​ര​ങ്ങ​ളി​ൽ ക​യ​റി തേ​നെ​ടു​ത്തു ഭ​ക്ഷി​ക്കു​ക​യും വി​ൽ​ക്കു​ക​യും ചെ​യ്യു​ന്ന​ത് ഇ​ക്കാ​ല​ത്താ​ണ്. അ​തി​നാ​ൽ ക​രു​ണ​മ​ര​ങ്ങ​ൾ പൂ​വി​ടു​ന്ന സ​മ​യം മ​ല​യോ​ര​ത്തു തേ​ൻ സീ​സ​ൺ ആ​യാ​ണ് അ​റി​യ​പ്പെ​ടു​ന്ന​ത്. ഈ ​സ​മ​യം മ​ര​ങ്ങ​ളി​ൽ നി​ന്ന് തേ​നെ​ടു​ക്കു​ക​യും സ്വ​ന്ത​മാ​യി തേ​നീ​ച്ച​കൃ​ഷി ന​ട​ത്തു​ക​യും ചെ​യ്യു​ന്ന ക​ട്ട​പ്പ​ന കാ​വും​പ​ടി സ്വ​ദേ​ശി അ​ഭി​ലാ​ഷി​നു ഇ​ത്‌ വ​രു​മാ​ന സ​മ​യം കൂ​ടി​യാ​ണ്. അ​ഭി​ലാ​ഷി​നെ പോ​ലെ നി​ര​വ​ധി പേ​ർ ഇ​പ്പോ​ൾ തേ​നെ​ടു​ക്ക​ൽ തൊ​ഴി​ലാ​യി സ്വീ​ക​രി​ച്ചി​ട്ടു​ണ്ട്. നാ​ലു​മാ​സ​മാ​ണ് ഇ​വ​ർ​ക്ക് തൊ​ഴി​ലെ​ടു​ക്കാ​ൻ ക​ഴി​യു​ക. അ​തു​ക​ഴി​ഞ്ഞാ​ൽ അ​ടു​ത്ത സീ​സ​ൺ ആ​കാ​ൻ കാ​ത്തി​രി​ക്ക​ണം.

ചെ​റു​തേ​നും, വ​ൻ​തേ​നും ഇ​വ​ർ ശേ​ഖ​രി​ക്കും. ചെ​റു​തേ​നി​ന് കി​ലോ​യ്ക്ക്​ 3000 രൂ​പ​യും വ​ൻ​തേ​നി​ന് കി​ലോ 500 രൂ​പ​യു​മാ​ണ് വി​ല്പ​ന വി​ല. കാ​ട്ടി​ലെ വ​ൻ​മ​ര​ങ്ങ​ളി​ലും ഉ​യ​ർ​ന്ന പാ​റ യി​ടു​ക്കു​ക​ളി​ലും ഇ​പ്പോ​ൾ തേ​നീ​ച്ച​ക്കൂ​ടു​ക​ൾ ധാ​രാ​ളം ഉ​ണ്ട്‌. ആ​ദി​വാ​സി​ക​ളാ​യ യു​വാ​ക്ക​ളാ​ണ് ഇവ ശേ​ഖ​രി​ക്കു​ന്ന​ത്.

അ​ഭി​ലാ​ഷി​ന്​ ഇ​ത്‌ സു​വ​ർ​ണകാ​ലം

ക​ട്ട​പ്പ​ന: തേ​നീ​ച്ച ക​ർ​ഷ​ക​നാ​യ ക​ട്ട​പ്പ​ന കാ​വും​പ​ടി ഓ​ലേ​ട​ത്ത് അ​ഭി​ലാ​ഷി​ന് ഇ​ത്‌ സു​വ​ർ​ണ്ണ കാ​ലം. സ്വ​ന്ത​മാ​യി നി​ര​വ​ധി തേ​ൻ പെ​ട്ടി​ക​ൾ ഉ​ള്ള​ത് കൂ​ടാ​തെ സീ​സ​ണി​ൽ മ​ര​ങ്ങ​ളി​ൽ നി​ന്ന് തേ​ൻ ശേ​ഖ​രി​ക്കു​ന്ന​ത് വ​ലി​യ വ​രു​മാ​ന മാ​ർ​ഗം കൂ​ടി​യാ​ണ്. ഇ​യാ​ളു​ടെ ഒ​രു തേ​നി​ച്ച​പ്പെ​ട്ടി​യി​ൽ നി​ന്ന് ശ​രാ​ശ​രി ല​ഭി​ക്കു​ന്ന​ത് നാ​ലു​കി​ലോ വ​ൻ​തേ​നാ​ണ്.​ക​ഴി​ഞ്ഞ 30 വ​ർ​ഷ​മാ​യി തേ​നീ​ച്ച പ​രി​പാ​ല​ന​വും വി​ൽ​പ്പ​ന​യും ന​ട​ത്തി ശ്ര​ദ്ധേ​യ​നാ​യ അ​ഭി​ലാ​ഷ് 15ാം വ​യ​സ്സി​ലാ​ണ് തേ​നീ​ച്ച​ക്കൃ​ഷി ആ​രം​ഭി​ച്ച​ത്.

ഇ​പ്പോ​ൾ ഇ​ടു​ക്കി ജി​ല്ല​യു​ടെ ഏ​തു ഭാ​ഗ​ത്തും തേ​നീ​ച്ച ഉ​ൾ​പ്പെ​ടെ പെ​ട്ടി​യും സ്റ്റാ​ന്റും എ​ത്തി​ച്ച് ന​ൽ​കു​ക​യും ഇ​വ​യു​ടെ പ​രി​പാ​ല​നം പ​ഠി​പ്പി​ക്കു​ക​യും ചെ​യ്യു​ക​യാ​ണ് അ​ഭി​ലാ​ഷ്. ഇ​ടു​ക്കി,നെ​ടു​ങ്ക​ണ്ടം, ക​ട്ട​പ്പ​ന, ആ​ന​വി​ലാ​സം, പു​റ്റ​ടി, രാ​ജ​ക്കാ​ട്, ച​പ്പാ​ത്ത്, വാ​ഴ​വ​ര തു​ട​ങ്ങി​യ മി​ക്ക സ്ഥ​ല​ങ്ങ​ളി​ലും അ​ഭി​ലാ​ഷ് തേ​നീ​ച്ച​പ്പെ​ട്ടി ന​ൽ​കി സ​ർ​വ്വീ​സും ചെ​യ്ത് വ​രു​ന്നു​ണ്ട്. ഈ ​സീ​സ​ൺ ക​ഴി​ഞ്ഞാ​ൽ മെ​യ് മു​ത​ൽ ഡി​സം​ബ​ർ വ​രെ തേ​നീ​ച്ച​ക്ക് പ​ഞ്ചാ​സാ​ര ലാ​യ​നി തീ​റ്റ​യാ​യി ന​ൽ​ക​ണം. ജ​നു​വ​രി​യി​ൽ കൂ​ടു​ക​ളി​ൽ ത​ട്ട് വ​യ്ക്കും. ഫെ​ബ്രു​വ​രി, മാ​ർ​ച്ച്, ഏ​പ്രി​ൽ മാ​സ​ങ്ങ​ളി​ലാ​ണ് ഏ​റ്റ​വും കൂ​ടു​ത​ൽ തേ​ൻ ല​ഭി​ക്കു​ന്ന​ത്.​

ഒ​രു പെ​ട്ടി​യി​ൽ നി​ന്ന് നാ​ലു​കി​ലോ​യോ​ളം തേ​ൻ ല​ഭി​ക്കും. ഒ​രു വ​ർ​ഷം ശ​രാ​ശ​രി 500 കി​ലോ തേ​ൻ വ​രെ അ​ഭി​ലാ​ഷ് ശേ​ഖ​രി​ച്ചു വി​ൽ​ക്കും. ആ​വ​ശ്യ​ക്കാ​ർ​ക്ക് തേ​നീ​ച്ച​യും പെ​ട്ടി​യും സ്റ്റാ​ൻ​ഡും ഉ​ൾ​പ്പെ​ടെ 2250 രൂ​പ​ക്കാ​ണ് ന​ൽ​കു​ന്ന​ത്. തേ​നീ​ച്ച പ​രി​പാ​ല​ന​ത്തി​ൽ അ​ഭി​ലാ​ഷി​ന്റെ ഭാ​ര്യ സൗ​മ്യ, മ​ക്ക​ളാ​യ അ​ന​ന്ദു, ആ​ദി​ന​ന്ദ​ന എ​ന്നി​വ​രും ശ​ക്ത​മാ​യ പി​ന്തു​ണ​യു​മാ​യി കൂ​ടെ​യു​ണ്ട്.