മരണച്ചൂരടിക്കുന്ന മലമടക്കുകൾ

മു​മ്പെ​ങ്ങും ഇ​ല്ലാ​ത്ത വി​ധം കാ​ട്ടാ​ന​ശ​ല്യ​ത്തി​ൽ വീ​ർ​പ്പു​മു​ട്ടു​ക​യാ​ണ്​ ജി​ല്ല​യി​ലെ തോ​ട്ടം-​മ​ല​യോ​ര മേ​ഖ​ല. കാ​ട്ടാ​ന​ക​ൾ നാ​ട്ടി​ലി​റ​ങ്ങി ജ​ന​ജീ​വി​തം ദു​സ്സ​ഹ​മാ​ക്കു​ന്നു. നി​ര​വ​ധി ജീ​വ​നു​ക​ളാ​ണ്​ ഇ​തി​ന​കം കാ​ട്ടാ​ന​യു​​ടെ ആ​​ക്ര​മ​ണ​ത്തി​ൽ പൊ​ലി​ഞ്ഞ​ത്. വീ​ടും കൃ​ഷി​യു​മ​ട​ക്കം വ​ർ​ഷ​ങ്ങ​ളു​ടെ അ​ധ്വാ​നം കൊ​ണ്ടു​ണ്ടാ​ക്കി​യ​തെ​ല്ലാം കാ​ടി​റ​ങ്ങി വ​രു​ന്ന കാ​ട്ടാ​ന​ക​ൾ ത​ച്ചു​ട​ക്കു​ന്ന​ത്​ നി​സ്സ​ഹാ​യ​രാ​യി നോ​ക്കി​നി​ൽ​ക്കേ​ണ്ട ഗ​തി​കേ​ടി​ലാ​ണ് ക​ർ​ഷ​ക​ർ. മേ​ഖ​ല​യി​​​ലെ ജ​ന​ങ്ങ​ൾ നേ​രി​ടു​ന്ന ദു​ര​വ​സ്ഥ​യി​ലേ​ക്ക്​ ഒ​രു അ​ന്വേ​ഷ​ണം.

തൊ​ടു​പു​ഴ: ഇ​രു​ട്ട്​ വീ​ഴു​ന്ന​തി​ന്​ മു​മ്പേ വീ​ടെ​ത്താ​ൻ തി​ര​ക്കി​ട്ട്​ നീ​ങ്ങു​ന്ന​വ​ർ. സൂ​ക്ഷി​ച്ച്​ നോ​ക്കി​യാ​ൽ അ​വ​രു​ടെ മു​ഖ​ങ്ങ​ളി​ൽ ഭീ​തി കാ​ണാം. ഓ​രോ അ​ടി വെ​ക്കു​മ്പോ​ഴും മു​ന്നി​ൽ ആ​ന നി​ൽ​പ്പു​​​ണ്ടോ എ​ന്ന ആ​ധി​യാ​ണ്​ കാ​ര​ണം. ഇ​ടു​ക്കി​യി​ലെ തോ​ട്ടം മേ​ഖ​ല​ക​ളി​ലും വ​നാ​തി​ർ​ത്തി​ക​ളി​ലു​മു​ള്ള ജ​ന​ങ്ങ​ൾ​ ആ​ന​ക​ളെ പേ​ടി​ച്ചാ​ണ്​ ഇ​പ്പോ​ൾ​ ഓ​രോ ദി​വ​സ​വും ​ത​ള്ളി​നീ​ക്കു​ന്ന​ത്. അ​ത്ര​ക​ണ്ട്​ കാ​ട്ടാ​ന​ക​ൾ ഇ​വ​രു​ടെ സ്വൈ​ര​ജീ​വി​ത​ത്തെ ന​ശി​പ്പി​ച്ചു ക​ഴി​ഞ്ഞു. ഹൈ​റേ​ഞ്ച്​-​ലോ​റേ​ഞ്ച്​ ഭേ​ദ​മ​ന്യേ ആ​ന​യു​ടെ സാ​മീ​പ്യ​മു​ള്ള സ്ഥ​ല​ങ്ങ​ൾ രാ​ത്രി​യോ​​ട്​ അ​ടു​ക്കും​തോ​റും വി​ജ​ന​മാ​കു​ക​യാ​ണ്. ക​ട​ക​ൾ നേ​ര​ത്തേ അ​ട​ക്കും. വാ​ഹ​ന​ങ്ങ​ളു​ടെ എ​ണ്ണം കു​റ​യും. ഈ ​സ​മ​യം നോ​ക്കി​യാ​ണ്​ ആ​ന​ക​ളും ഇ​റ​ങ്ങു​ന്ന​ത്. മ​നു​ഷ്യ​നും- കാ​ട്ടാ​ന​ക​ളും ത​മ്മി​ലു​ള്ള നേ​ർ​ക്കു​നേ​ർ പോ​രാ​ട്ട​ത്തി​നാ​ണ്​ ഇ​പ്പോ​ൾ നാ​ളു​ക​ളാ​യി മ​ല​യോ​രം​ സാ​ക്ഷ്യം വ​ഹി​ക്കു​ന്ന​ത്.

കാ​ട​റി​ഞ്ഞ വി​മ​ല​ന​റി​ഞ്ഞി​ല്ല ആ​ന​യു​​ടെ ചൂ​ര്​

കാ​ട്​ മ​ന​പ്പാ​ഠ​മാ​ക്കി​യ​വ​നാ​യി​രു​ന്നു വി​മ​ല​ൻ. എ​ന്നാ​ൽ, പ​തു​ങ്ങി​യെ​ത്തി​യ കാ​ട്ടാ​ന​യു​ടെ നീ​ക്ക​ത്തെ പ്ര​തി​രോ​ധി​ക്കാ​ൻ വി​മ​ല​ന്​ ക​ഴി​ഞ്ഞി​ല്ല. ക​ഴി​ഞ്ഞ വ്യാ​ഴാ​ഴ്ച​യാ​ണ്​ മ​റ​യൂ​രി​ൽ വ​നം വ​കു​പ്പി​ന്‍റെ ജോ​ലി​യി​ലേ​ർ​പ്പെ​ട്ടി​രു​ന്ന വി​മ​ല​ൻ കാ​ട്ടാ​ന​യു​ടെ ആ​​ക്ര​മ​ണ​ത്തി​നി​ര​യാ​യി ​കൊ​ല്ല​പ്പെ​ട്ട​ത്.

ചി​ന്നാ​ർ വ​ന്യ​ജീ​വി സ​​ങ്കേ​ത​ത്തി​ലെ എ​ക്കോ ഡെ​വ​ല​പ്​​മെ​ന്‍റ്​ ക​മ്മി​റ്റി പ്ര​വ​ർ​ത്ത​ന​ങ്ങ​ൾ​ക്കാ​യി വ​ന​ത്തി​ൽ എ​ല്ലാ ജോ​ലി​ക​ളി​ലും വി​മ​ല​നു​ണ്ടാ​യി​രു​ന്നു. വ​നം വ​കു​പ്പ്​ അ​ധി​കൃ​ത​ർ ഉ​ൾ​പ്പെ​ടെ എ​ല്ലാ​വ​ർ​ക്കും പ്രി​യ​പ്പെ​ട്ട​വ​ൻ. കാ​ടി​നെ ന​ന്നാ​യി അ​റി​യാ​വു​ന്ന​തി​നാ​ൽ വ​ന​ത്തി​ലെ ഫ​യ​ർ​ലൈ​ൻ തെ​ളി​ക്കു​ന്ന​തി​നാ​ണ്​​ വി​മ​ല​ൻ എ​ത്തി​യ​ത്. ഇ​വ​ർ ഒ​മ്പ​തം​ഗ സം​ഘ​മാ​യി​രു​ന്നു. പെ​ട്ടെ​ന്ന്​ മു​ന്നി​ലെ​ത്തി​യ വി​രി​കൊ​മ്പ​ൻ എ​ന്ന ആ​ന വി​മ​ലി​നെ ഒ​രു​നി​മി​ഷം കൊ​ണ്ട്​ ആ​​ക്ര​മി​ച്ച്​ കൊ​ല​പ്പെ​ടു​ത്തി. ഒ​ന്ന്​ ഓ​ടി ര​ക്ഷ​പ്പെ​ടാ​ൻ പോ​ലും ആ​കാ​തെ നി​ന്ന വി​മ​ല​നെ ആ​ന തു​മ്പി​ക്കൈ കൊ​ണ്ട് എ​റി​യു​ക​യും പി​ന്നെ ച​വി​ട്ടു​ക​യു​മാ​യി​രു​ന്നു​വെ​ന്ന്​ ഒ​പ്പ​മു​ണ്ടാ​യി​രു​ന്ന​വ​ർ പ​റ​ഞ്ഞു. വി​മ​ല​ന്‍റെ വേ​ർ​പാ​ട്​ മാ​റു​ന്ന​തി​ന്​ മു​മ്പാ​ണ്​ ക​ഴി​ഞ്ഞ ദി​വ​സം പെ​രു​വ​ന്താ​ന​ത്ത്​ സോ​ഫി​യ​യും കൊ​ല്ല​പ്പെ​ടു​ന്ന​ത്.

കാ​ട്ടാ​ന ഭീ​തി​യു​​​ടെ നി​ഴ​ലി​ൽ മ​ല​യോ​രം

തി​ങ്ക​ളാ​ഴ്ച ​വൈ​കീ​ട്ട്​​ അ​രു​വി​യി​ൽ കു​ളി​ക്കാ​ൻ പോ​കു​ന്ന​തി​നി​ടെ​യാ​ണ്​ പെ​രു​വ​ന്താ​നം ടി.​ആ​ർ ആ​ൻ​ഡ്​ ടി ​തോ​ട്ട​ത്തി​ൽ സോ​ഫി​യ​യെ കാ​ട്ടാ​ന ച​വി​ട്ടി ​കൊ​ല്ലു​ന്ന​ത്. ഏ​റെ നേ​ര​മാ​യി​ട്ടും മാ​താ​വി​നെ കാ​ണാ​ത്ത​തി​നെ തു​ട​ർ​ന്ന്​ അ​ന്വേ​ഷി​ച്ച്​ പോ​യ മ​ക​നാ​ണ്​ മൃ​ത​ദേ​ഹം ക​ണ്ട​ത്. ആ​ന​ക​ളു​ടെ ശ​ല്യം ഇ​വി​ടെ പ​തി​വാ​യി​രു​ന്നെ​ങ്കി​ലും പ​ക​ൽ കു​റ​വാ​യി​രു​ന്നു.

മാ​സ​ങ്ങ​ൾ​ക്കു മു​മ്പ്​ 24 ആ​ന​ക​ൾ കൂ​ട്ട​ത്തോ​ടെ ജ​ന​വാ​സ മേ​ഖ​ല​യി​ൽ എ​ത്തു​ക​യും വ​നം വ​കു​പ്പ് ദി​വ​സ​ങ്ങ​ളാ​യി ന​ട​ത്തി​യ ശ്ര​മ​ത്തി​നൊ​ടു​വി​ൽ കാ​ട്ടി​ലേ​ക്ക് തി​രി​കെ​വി​ടു​ക​യും ചെ​യ്ത​താ​ണ്. കൊ​മ്പു​കു​ത്തി ഉ​ൾ​പ്പെ​ടെ വ​നം അ​തി​ർ​ത്തി ഗ്രാ​മ​ങ്ങ​ളി​ൽ ആ​ന​ക​ളു​ടെ ആ​ക്ര​മ​ണ​ങ്ങ​ൾ ഇ​പ്പോ​ഴും ഉ​ണ്ട്. ഒ​രാ​ഴ്ച​ക്കി​ടെ മ​റ​യൂ​രി​ലും പെ​രു​വ​ന്താ​ന​ത്തു​മാ​യി ര​ണ്ടു​പേ​ർ മ​രി​ച്ച​തോ​ടെ ഇ​ടു​ക്കി കാ​ട്ടാ​ന​ഭീ​തി​യു​ടെ നി​ഴ​ലി​ലാ​ണ്. ആ​ദ്യം ഒ​റ്റ​പ്പെ​ട്ട സം​ഭ​വ​ങ്ങ​ളാ​യി ക​ണ്ടി​രു​ന്നെ​ങ്കി​ലും ഇ​പ്പോ​ൾ കാ​ട്ടാ​ന​ക​ളു​ടെ ആ​ക്ര​മ​ണം മൂ​ലം ജീ​വ​നും സ്വ​ത്തു​ക്ക​ളും കൃ​ഷി​യു​മ​ട​ക്കം ഇ​ല്ലാ​താ​കു​ന്ന​വ​രു​ടെ എ​ണ്ണം വ​ർ​ധി​ച്ചു​കൊ​ണ്ടി​രി​ക്കു​ന്നു.

മ​റ​യൂ​ർ, മൂ​ന്നാ​ർ, പീ​രു​മേ​ട്, ത​ട്ടാ​ത്തി​ക്കാ​നം, കാ​ളി​യാ​ര്‍ റേ​ഞ്ചി​ന്​ കീ​ഴി​ല്‍ ഉ​ടു​മ്പ​ന്നൂ​ര്‍ പ​ഞ്ചാ​യ​ത്തി​ലെ വേ​ളൂ​ര്‍, ചാ​ത്ത​മ​റ്റം, തൊ​മ്മ​ന്‍കു​ത്ത്, കോ​ത​മം​ഗ​ലം ഫോ​റ​സ്റ്റ്​ ഡി​വി​ഷ​നു കീ​ഴി​ല്‍ മു​ള്ള​രി​ങ്ങാ​ട്, കാ​ഞ്ചി​യാ​ര്‍ പ​ഞ്ചാ​യ​ത്തി​ലെ കോ​ഴി​മ​ല, ഉ​പ്പു​ത​റ പ​ഞ്ചാ​യ​ത്തി​ലെ കി​ഴു​കാ​നം തു​ട​ങ്ങി​യ മേ​ഖ​ല​ക​ളി​ലും കാ​ട്ടാ​ന​ശ​ല്യം പ​തി​വാ​ണ്. കാ​ട്ടാ​ന​ക​ള്‍ ജ​ന​വാ​സ​മേ​ഖ​ല​ക​ളി​ലേ​ക്ക് ക​ട​ക്കു​മ്പോ​ള്‍ ഇ​വ​യെ പ​ട​ക്കം പൊ​ട്ടി​ച്ചും മ​റ്റും തു​ര​ത്തു​ക​യാ​ണ് ചെ​യ്യു​ക. ത​ൽ​ക്കാ​ല​ത്തേ​ക്ക്​ കാ​ട്ടാ​ന​ക​ള്‍ മ​ട​ങ്ങു​മെ​ങ്കി​ലും വീ​ണ്ടും തി​രി​കെ​യെ​ത്തും.

കാ​ട്ടാ​ന​ശ​ല്യം വ്യാ​പ​ക​മാ​യ മേ​ഖ​ല​യി​ല്‍ പോ​ലും പ്ര​തി​രോ​ധ പ്ര​വ​ര്‍ത്ത​ന​ങ്ങ​ള്‍ കാ​ര്യ​മാ​യി ന​ട​ക്കു​ന്നി​ല്ല. ജി​ല്ല​യി​ല്‍ ആ​ർ.​ആ​ർ.​ടി സം​ഘ​ത്തി​ന്റെ ശേ​ഷി വ​ര്‍ധി​പ്പി​ച്ച് കൂ​ടു​ത​ല്‍ ഇ​ട​ങ്ങ​ളി​ല്‍ ഇ​വ​രെ വി​ന്യ​സി​ക്ക​ണ​മെ​ന്ന ആ​വ​ശ്യം ശ​ക്ത​മാ​യി​ട്ടു​ണ്ട്.

തുടരും...