പള്ളൂർ ഇരട്ടപ്പിലാക്കൂലിൽ നിർത്തിയിട്ട പിക്അപ് വാനിന് തീപിടിച്ചു

മാഹി: പള്ളൂർ ഇരട്ടപ്പിലാക്കൂലിൽ ഇരട്ടപ്പിലാക്കൂലിൽ പിക്അപ് വാൻ കത്തി നശിച്ചു. കർണാടകയിൽനിന്ന് കോഴികളുമായി എത്തിയ പിക്അപ് വാൻ ലോഡിറക്കിയ ശേഷം നിർത്തിയിട്ടതായിരുന്നു. ശനിയാഴ്ച രാവിലെ പത്തോടെയാണ് ബൊലേറോ പിക്അപ് വാനിന് തീപിടിച്ചത്.

അഴിയൂർ കോട്ടാമല താഴെകുനിയിലെ സുഗതന്‍റെ ഉടമസ്ഥതയിലുള്ള പിക്അപ് വാനാണ് കത്തിയത്. ഷോർട്ട് സർക്യൂട്ടാണ് തീപിടിത്തത്തിന് കാരണമെന്നാണ് അറിയുന്നത്. മാഹിയിൽനിന്ന് ഫയർഫോഴ്സ് എത്തി തീയണച്ചു. അഞ്ചു ലക്ഷത്തോളം രൂപയുടെ നഷ്ടമുണ്ടായതായി കണക്കാക്കുന്നു.