പാ​പ്പി​നി​ശ്ശേ​രി ഉ​പ​ജി​ല്ല വി​ദ്യാ​ഭ്യാ​സ ഓ​ഫി​സ് വീ​ണ്ടും മാ​റ്റി

പാ​പ്പി​നി​ശ്ശേ​രി: പാ​പ്പി​നി​ശ്ശേ​രി ഉ​പ​ജി​ല്ല വി​ദ്യാ​ഭ്യാ​സ ഓ​ഫി​സ് വീ​ണ്ടും മ​റ്റൊ​രു വാ​ട​ക​ക്കെ​ട്ടി​ട​ത്തി​ലേ​ക്ക് മാ​റ്റി. കീ​ച്ചേ​രി പാ​മ്പാ​ല പെ​ട്രോ​ൾ പ​മ്പി​നു സ​മീ​പ​ത്തെ വാ​ട​ക വീ​ട്ടി​ലേ​ക്കാ​ണ് ഓ​ഫി​സ് മാ​റ്റി​യ​ത്.

ഓ​ഫി​സും പ​രി​സ​ര​വും സ​ഞ്ചാ​ര​യോ​ഗ്യ​മ​ല്ലാ​ത്ത നി​ല​യി​ലാ​യ​തി​നാ​ൽ വി​ദ്യാ​ഭ്യാ​സ ഓ​ഫി​സി​ലേ​ക്ക് ചു​റ്റി​ത്തി​രി​യാ​നാ​ണ് അ​ധ്യാ​പ​ക​രു​ടെ പ​രാ​തി. പാ​പ്പി​നി​ശ്ശേ​രി ഉ​പ​ജി​ല്ല വി​ദ്യാ​ഭ്യാ​സ ഓ​ഫി​സാ​ണ് വ​ർ​ഷ​ങ്ങ​ളാ​യി സ്ഥി​ര​മാ​യ ആ​സ്ഥാ​ന​മി​ല്ലാ​തെ വാ​ട​ക​ക്കെ​ട്ടി​ട​ങ്ങ​ളി​ലേ​ക്ക് മാ​റി​മാ​റി കു​ടി​യേ​റു​ന്ന​ത്.

ഏ​റ്റ​വും ഒ​ടു​വി​ൽ കീ​ച്ചേ​രി​യി​ലെ വാ​ട​ക​ക്കെ​ട്ടി​ട​ത്തി​ൽ ക​ഴി​ഞ്ഞ 2017മു​ത​ൽ പ്ര​വ​ർ​ത്തി​ക്കു​ന്ന കെ​ട്ടി​ടം തി​ങ്ക​ളാ​ഴ്ച മു​ത​ൽ പാ​പ്പി​നി​ശ്ശേ​രി പ​ഞ്ചാ​യ​ത്തി​ലെ പ​മ്പാ​ല​ക്ക് സ​മീ​പ​ത്തെ പു​തി​യ വാ​ട​ക​ക്കെ​ട്ടി​ട​ത്തി​ലേ​ക്ക് മാ​റ്റു​ക​യാ​ണ്.

പ​തി​റ്റാ​ണ്ടു​ക​ളാ​യി പാ​പ്പി​നി​ശ്ശേ​രി കോ​ട്ട​ൺ​സ് റോ​ഡി​ൽ പ്ര​വ​ർ​ത്തി​ച്ച വാ​ട​ക​ക്കെ​ട്ടി​ടം ജീ​ർ​ണാ​വ​സ്ഥ​യി​ലാ​യ​തി​നെ തു​ട​ർ​ന്ന് 2011ൽ ​ക​ല്യാ​ശ്ശേ​രി പ​ഞ്ചാ​യ​ത്തി​ലെ പ​ഴ​യ പ​ഞ്ചാ​യ​ത്ത് /വി​ല്ലേ​ജ് ഓ​ഫി​സ് കെ​ട്ടി​ട​ത്തി​ലേ​ക്ക് മാ​റി​യ​ത്.

എ​ന്നാ​ൽ, ആ ​കെ​ട്ടി​ട​വും അ​തീ​വ ശോ​ച്യാ​വ​സ്ഥ​യി​ലാ​യ​തോ​ടെ ഓ​ഫി​സ് ഫ​യ​ലു​ക​ൾ​പോ​ലും ന​ശി​ക്കു​ന്ന അ​വ​സ്ഥ​യു​ണ്ടാ​യ​താ​യി ഓ​ഫി​സ് ജീ​വ​ന​ക്കാ​രും അ​ധ്യാ​പ​ക​രും നി​ര​ന്ത​രം പ​രാ​തി​പ്പെ​ട്ടി​രു​ന്നു. തു​ട​ർ​ന്ന്, അ​ന്ന​ത്തെ പ്ര​ഥ​മാ​ധ്യാ​പ​ക ഫോ​റം മു​ൻ​കൈ എ​ടു​ത്താ​ണ് 2017ൽ ​ദേ​ശീ​യ പാ​ത​യോ​ര​ത്തു​ള്ള കീ​ച്ചേ​രി​യി​ലെ വാ​ട​ക കെ​ട്ടി​ട​ത്തി​ലേ​ക്ക് മാ​റ്റി​യ​ത്.

എ​ന്നാ​ൽ, കെ​ട്ടി​ട ഉ​ട​മ​ക്ക് പൊ​തു​മ​രാ​മ​ത്ത് വ​കു​പ്പ് നി​ശ്ച​യി​ച്ച വാ​ട​ക​പോ​ലും ല​ഭി​ക്കു​ന്ന​തി​ന് വ​ർ​ഷ​ങ്ങ​ളു​ടെ കാ​ത്തി​രി​പ്പ് വേ​ണ്ടി​വ​ന്നു. ഒ​ടു​വി​ൽ കോ​ട​തി​യെ സ​മീ​പി​ച്ച് അ​നു​ക​ല ഉ​ത്ത​ര​വ് നേ​ടി​യാ​ണ് വാ​ട​ക ല​ഭി​ച്ച​തെ​ന്നാ​ണ് അ​റി​യാ​ൻ ക​ഴി​ഞ്ഞ​ത്. എ​ന്നാ​ൽ, പൊ​തു​മ​രാ​മ​ത്ത് വ​കു​പ്പ് നി​ശ്ച​യി​ച്ച വാ​ട​ക പു​തു​ക്കി ന​ൽ​ക​ണ​മെ​ന്ന കെ​ട്ടി​ട ഉ​ട​മ​യു​ടെ നി​ല​പാ​ടി​നെ​ത്തു​ട​ർ​ന്നാ​ണ് വി​ദ്യാ​ഭ്യാ​സ വ​കു​പ്പി​ന് ആ ​കെ​ട്ടി​ട​വും ഒ​ഴി​യേ​ണ്ടി വ​ന്ന​തെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്. ഇ​തേ​ത്തു​ട​ർ​ന്നാ​ണ് കീ​ച്ചേ​രി പെ​ട്രോ​ൾ പ​മ്പി​നു സ​മീ​പ​ത്തെ മ​റ്റൊ​രു വാ​ട​ക​ക്കെ​ട്ടി​ടം ക​ണ്ടെ​ത്തി ന​വം​ബ​ർ നാ​ലു മു​ത​ൽ മാ​റാ​നാ​യി തീ​രു​മാ​നി​ച്ച​ത്. ഇ​ത് മു​ൻ വാ​ട​ക തു​ക​യി​ലും കു​റ​വാ​ണ് എ​ന്ന ഒ​രു നേ​ട്ടം മാ​ത്രം.

പാ​പ്പി​നി​ശ്ശേ​രി ഉ​പ​ജി​ല്ല​യി​ൽ ഉ​ൾ​പ്പെ​ട്ട നി​ര​വ​ധി സ​ർ​ക്കാ​ർ വി​ദ്യാ​ല​യ​ങ്ങ​ളു​ടെ സ്ഥ​ല​ങ്ങ​ളി​ലും പൊ​തു​സ്ഥ​ല​ങ്ങ​ളി​ലും ഉ​പ​ജി​ല്ല വി​ദ്യാ​ഭ്യാ​സ ഓ​ഫി​സ് മാ​റ്റു​ന്ന​തി​നു​ള്ള ഭൗ​തീ​ക സൗ​ക​ര്യ​ങ്ങ​ൾ നി​ല​വി​ലു​ണ്ട്. കൂ​ടു​ത​ൽ സീ​കാ​ര്യ​പ്ര​ദ​മാ​യി കാ​ട്ടാ​മ്പ​ള്ളി​യി​ലെ സ​ർ​ക്കാ​ർ സ്കൂ​ളി​ലെ കെ​ട്ടി​ട​ത്തി​ലേ​ക്ക് മാ​റ്റാ​ൻ വി​ദ്യാ​ഭ്യാ​സ വ​കു​പ്പ് ഉ​ത്ത​ര​വി​ട്ടെ​ങ്കി​ലും കാ​ട്ടാ​മ്പ​ള്ളി ഗ​വ. യു.​പി സ്കൂ​ൾ പി.​ടി.​എ കേ​ട​തി​യെ സ​മീ​പി​ച്ച​തി​നാ​ൽ മാ​റ്റാ​ൻ സാ​ധി​ച്ചി​ല്ല.

2010ൽ ​പാ​പ്പി​നി​ശ്ശേ​രി വെ​ൽ​ഫെ​യ​ർ സ്കൂ​ളി​ലെ സ്ഥ​ല​ത്ത് വി​ദ്യാ​ഭ്യാ​സ ഓ​ഫി​സി​നാ​യി കെ​ട്ടി​ടം പ​ണി​യാ​ൻ അ​ന്ന​ത്തെ എം.​പി. കെ. ​സു​ധാ​ക​ര​ൻ ഫ​ണ്ട് അ​നു​വ​ദി​ച്ചി​രു​ന്നു. എ​ന്നാ​ൽ, ചി​ല സ​മ്മ​ർ​ദ്ദ​ങ്ങ​ൾ മൂ​ലം ന​ട​പ്പി​ലാ​യി​ല്ല.

ക​ണ്ണൂ​ർ കോ​ർ​പ​റേ​ഷ​ന്‍റെ ഭാ​ഗ​മാ​യ പു​ഴാ​തി, പ​ള്ളി​ക്കു​ന്ന് എ​ന്നി​വ​യും അ​ഴീ​ക്കോ​ട്, ചി​റ​ക്ക​ൽ, നാ​റാ​ത്ത്, വ​ള​പ​ട്ട​ണം, പാ​പ്പി​നി​ശ്ശേ​രി, ക​ല്യാ​ശ്ശേ​രി എ​ന്നീ പ​ഞ്ചാ​യ​ത്ത് പ​രി​ധി​ക​ളും ഉ​ൾ​പ്പെ​ടു​ന്ന​താ​ണ് പാ​പ്പി​നി​ശ്ശേ​രി ഉ​പ​ജി​ല്ല.