സുബൈദയുടെ പ്രവാസം മണക്കുന്ന കഥകൾ

ഇ​രി​ട്ടി: പ്ര​വാ​സ​ത്തി​ന്റെ കാ​ൽ നൂ​റ്റാ​ണ്ടി​ൽ എ​ത്തി​നി​ൽ​ക്കു​മ്പോ​ൾ ഉ​ളി​യി​ൽ സ്വ​ദേ​ശി സു​ബൈ​ദ കോ​മ്പി​ൽ ഇ​ന്ന് കൈ​ര​ളി​ക്ക് അ​ഞ്ചു മ​നോ​ഹ​ര സാ​ഹി​ത്യ​കൃ​തി​ക​ൾ സ​മ്മാ​നി​ച്ച​തി​ന്റെ സ​ന്തോ​ഷ​ത്തി​ലാ​ണ്. കോ​വി​ഡി​ന്റെ ഭീ​ക​ര മു​ഖം ലോ​ക​മാ​കെ പി​ടി​ച്ചു​ല​ച്ച​പ്പോ​ൾ സ​ർ​ഗാ​ത്മ​ക വാ​സ​ന​ക​ളെ തേ​ച്ചു​മി​നു​ക്കി അ​ക്ഷ​ര​ങ്ങ​ളാ​ക്കി അ​വ​ർ നാ​ടി​ന് സ​മ​ർ​പ്പി​ച്ചു. 25 വ​ർ​ഷ​മാ​യി സൗ​ദി​യി​ൽ പ്ര​വാ​സ ജീ​വി​തം ന​യി​ക്കു​ന്ന സു​ബൈ​ദ​യെ മ​ഹാ​മാ​രി​ക്കാ​ലം ഏ​റെ സ്വാ​ധീ​നി​ച്ചു.

ലോ​ക​മാ​കെ അ​ട​ച്ചു​പൂ​ട്ട​ലി​ന്റെ ആ​ല​സ്യ​ത്തി​ൽ ക​ഴി​യു​മ്പോ​ൾ ‘വാ​ക്കി​ന്റെ വെ​ളി​പാ​ട്’ എ​ന്ന ക​വി​താ​സ​മാ​ഹാ​രം പ്ര​സി​ദ്ധീ​ക​രി​ച്ചാ​ണ് സാ​ഹി​ത്യ അ​ര​ങ്ങേ​റ്റം. 2021ൽ ​സാ​ഹി​ത്യ പ​ബ്ലി​ക്കേ​ഷ​ൻ​സാ​ണ് പു​സ്ത​കം പു​റ​ത്തി​റ​ക്കി​യ​ത്. പി​ന്നാ​ലെ നാ​ട്ടി​ലെ ന​ന്മ​ക​ളു​ടെ ക​ഥ പ​റ​യു​ന്ന ‘പാ​റാ​ട​ൻ’ ക​ഥാ​സ​മാ​ഹാ​രം പ്ര​സി​ദ്ധീ​ക​രി​ച്ചു.

മാ​തൃ​വി​ദ്യാ​ല​യ​മാ​യ ഉ​ളി​യി​ൽ ഗ​വ. യു.​പി സ്കൂ​ളി​ന്റെ തി​രു​മു​റ്റ​ത്തു​നി​ന്നാ​ണ് ‘പാ​റാ​ട​ൻ’ പ​റ​ന്നു​യ​ർ​ന്ന​ത്. അ​ടു​ത്ത വ​ർ​ഷം ത​ന്നെ കോ​ഴി​ക്കോ​ട്ടെ ഹ​രി​തം ബു​ക്സ് പ്ര​സി​ദ്ധീ​ക​രി​ച്ച ‘ചോ​ര​ച്ചീ​ന്ത്’ എ​ന്ന ക​വി​താ​സ​മാ​ഹാ​രം ഷാ​ർ​ജ അ​ന്താ​രാ​ഷ്ട്ര പു​സ്ത​ക​മേ​ള​യി​ൽ പ്ര​കാ​ശ​നം ചെ​യ്തു. ‘കു​രു​ടി പ്രാ​വ്’ ബാ​ല​സാ​ഹി​ത്യ കൃ​തി​യും ‘ക​ള്ള​ന്റെ മ​ക​ൾ’ നോ​വ​ലും ഉ​ളി​യി​ൽ വെ​ളി​ച്ചം വാ​യ​ന​ശാ​ല​യി​ൽ സം​ഘ​ടി​പ്പി​ച്ച സ​ദ​സ്സി​ൽ സ​ണ്ണി ജോ​സ​ഫ് എം.​എ​ൽ.​എ​യാ​ണ് പ്ര​കാ​ശ​നം ചെ​യ്ത​ത്.

പെ​ൺ​പ്ര​വാ​സം പ്ര​മേ​യ​മാ​ക്കു​ന്ന നോ​വ​ൽ അ​വ​ർ ക​ണ്ടും കേ​ട്ടും അ​നു​ഭ​വി​ച്ചു​മ​റി​ഞ്ഞ പ്ര​വാ​സ ജീ​വി​ത​ത്തി​ന്റെ പ്ര​തി​ഫ​ല​നം ത​ന്നെ​യാ​ണ് വാ​യ​ന​ക്കാ​ർ​ക്ക് സ​മ്മാ​നി​ക്കു​ന്ന​ത്. പ്ര​വാ​സ​ത്തി​ന്റെ കു​തി​പ്പും കി​ത​പ്പും ഹൃ​ദ​യ​ത്തി​ലേ​റ്റി​യ സു​ബൈ​ദ ത​നി​ക്കു ചു​റ്റു​മു​ള്ള ജീ​വി​ത​ത്തി​ന് നോ​വ​ൽ ഭാ​ഷ്യം ന​ൽ​കു​മ്പോ​ൾ അ​ത് ഏ​റെ ജീ​വി​ത​ഗ​ന്ധി​യാ​യി മാ​റു​ന്നു.

മ​രു​ഭൂ​മി​യി​ൽ ന​ട്ടു​വ​ള​ർ​ത്തി​യ സ​ഹ​ന​ങ്ങ​ൾ, ചെ​റി​യ വ​ലി​യ മ​ണ​ൽ കൊ​ട്ടാ​ര​ങ്ങ​ൾ, മു​ടി​നാ​രി​ഴ കീ​റി നേ​രി​യ പാ​ലം കെ​ട്ടി​യി​ട്ട് ഉ​പ​ജീ​വ​നം തേ​ടി പോ​യ​വ​ർ, എ​ല്ലാ​വ​ർ​ക്കു​മു​ണ്ട് സ്വ​പ്ന​ങ്ങ​ൾ... പ്ര​വാ​സി​ക​ളു​ടെ അ​നു​ഭ​വ​ങ്ങ​ൾ അ​ക്ഷ​ര​ങ്ങ​ളാ​ക്കി സു​ബൈ​ദ​യു​ടെ ക​ഥ തു​ട​രു​ക​യാ​ണ്.