ഇരിട്ടി പഴയപാലത്തിൽ നിയന്ത്രണ നടപടികളില്ല; വാഹനങ്ങൾ കുടുങ്ങുന്നത് പതിവ്

ഇ​രി​ട്ടി: കാ​ല​പ്പ​ഴ​ക്കം കാ​ര​ണം ബ​ല​ക്ഷ​യം സം​ഭ​വി​ച്ച ഇ​രി​ട്ടി പ​ഴ​യ പാ​ല​ത്തി​നു പ​ക​രം പു​തി​യ പാ​ലം വ​ന്നെ​ങ്കി​ലും ഭാ​രം ക​യ​റ്റി​യു​ള്ള വാ​ഹ​ന​ങ്ങ​ളു​ടെ അ​നി​യ​ന്ത്രി​ത​മാ​യ ക​ട​ന്നു​പോ​ക്ക് കാ​ര​ണം പ​ഴ​യ പാ​ലം ത​ക​ർ​ച്ച ഭീ​ഷ​ണി​യി​ൽ. പൈ​തൃ​ക പ​ട്ടി​ക​യി​ലു​ൾ​പ്പെ​ടു​ത്തി ഇ​രി​ട്ടി പ​ഴ​യ​പാ​ല​ത്തെ സം​ര​ക്ഷി​ക്കാ​നു​ള്ള പ്ര​വ​ർ​ത്ത​നം ഒ​രു ഭാ​ഗ​ത്തു ന​ട​ക്കു​മ്പോ​ൾ ഭാ​രം ക​യ​റ്റി​യ വ​ലി​യ വാ​ഹ​ന​ങ്ങ​ൾ പാ​ല​ത്തി​ൽ പ്ര​വേ​ശി​ക്കു​ന്ന​തി​ന് ഏ​ർ​പ്പെ​ടു​ത്തി​യ നി​യ​ന്ത്ര​ണ​ങ്ങ​ൾ വ്യാ​പ​ക​മാ​യി ലം​ഘി​ക്ക​പ്പെ​ടു​ക​യാ​ണ്.

ഭാ​രം ക​യ​റ്റി​യ വാ​ഹ​ന​ങ്ങ​ൾ​ക്ക് നി​യ​ന്ത്ര​ണം ഏ​ർ​പ്പെ​ടു​ത്തി സ്ഥാ​പി​ച്ച ബോ​ർ​ഡു​ക​ളും ഒ​ടി​ഞ്ഞ് തൂ​ങ്ങി​യ നി​ല​യി​ലാ​ണ്.1933​ൽ ബ്രി​ട്ടീ​ഷു​കാ​ർ നി​ർ​മി​ച്ച പ​ഴ​യ പാ​ലം പൈ​തൃ​ക​മാ​യി സം​ര​ക്ഷി​ക്കു​ന്ന​തി​ന് വേ​ണ്ടി​യാ​ണ് വ​ലി​യ ഭാ​രം ക​യ​റ്റി​യ വാ​ഹ​ന​ങ്ങ​ൾ​ക്ക് നി​യ​ന്ത്ര​ണം ഏ​ർ​പ്പെ​ടു​ത്തി​യ​ത്.

പു​തി​യ പാ​ലം യാ​ഥാ​ർ​ഥ്യ​മാ​യ​തോ​ടെ ച​രി​ത്ര​ത്തി​ന്റെ ഭാ​ഗ​മാ​യ പ​ഴ​യ പാ​ലം സം​ര​ക്ഷി​ക്ക​ണ​മെ​ന്ന് വി​വി​ധ കോ​ണു​ക​ളി​ൽ നി​ന്നും ഉ​യ​ർ​ന്ന ആ​വ​ശ്യ​പ്ര​കാ​ര​മാ​യി​രു​ന്നു പൊ​തു​മാ​രാ​മ​ത്ത് വ​കു​പ്പ് പാ​ലം സം​ര​ക്ഷി​ക്കാ​ൻ തീ​രു​മാ​നി​ച്ച​ത്. പു​തി​യ പാ​ല​ത്ത​ന്റെ നി​ർ​മാ​ണ പു​രോ​ഗ​തി വി​ല​യി​രു​ത്താ​നെ​ത്തി​യ അ​ന്ന​ത്തെ പൊ​തു​മ​രാ​മ​ത്ത് മ​ന്ത്രി ജി. ​സു​ധാ​ക​ര​നും പ​ഴ​യ പാ​ലം പൈ​തൃ​ക​മാ​യി സം​ര​ക്ഷി​ക്കു​മെ​ന്ന ഉ​റ​പ്പ് ന​ൽ​കി​യി​രു​ന്നു.

ഇ​തി​ന്റെ ഭാ​ഗ​മാ​യി പ​ല​ത്തി​ന്റെ തൂ​ണു​ക​ൾ​ക്കി​ട​യി​ലും മ​റ്റു​മു​ള്ള ക​ള​ക​ൾ നീ​ക്കു​ക​യും പാ​ല​ത്തി​ൽ വാ​ഹ​ന​ങ്ങ​ൾ ക​യ​റു​മ്പോ​ൾ ഉ​ണ്ടാ​കു​ന്ന ഭാ​രം ക്ര​മീ​ക​രി​ക്കു​ന്ന പാ​ല​ത്തി​ന്റെ മേ​ൽ​ക്കൂ​ര സം​വി​ധാ​നം ബ​ല​പ്പെ​ടു​ത്തു​ക​യും പൊ​യി​ന്റി​ങ്ങ് ന​ട​ത്തി മോ​ടി​കൂ​ട്ടു​ക​യും ചെ​യ്തു. ഇ​തോ​ടൊ​പ്പ​മാ​ണ് ഭാ​രം ക​യ​റ്റി​യ വ​ലി​യ വാ​ഹ​ന​ങ്ങ​ൾ​ക്ക് നി​യ​ന്ത്ര​ണം ഏ​ർ​പ്പെ​ടു​ത്തി ബോ​ർ​ഡും സ്ഥാ​പി​ച്ച​ത്.

ഇ​രി​ട്ടി​യി​ൽ നി​ന്നും ഉ​ളി​ക്ക​ൽ, ത​ളി​പ്പ​റ​മ്പ് ഭാ​ഗ​ങ്ങ​ളി​ലേ​ക്ക് പോ​കേ​ണ്ട ബ​സ് ഉ​ൾ​പ്പെ​ടെ​യു​ള്ള യാ​ത്ര​വാ​ഹ​ന​ങ്ങ​ൾ​ക്കു​ള്ള വ​ൺ​വേ പാ​ത​യാ​യും പാ​ല​ത്തെ മാ​റ്റി. ഇ​ത് പു​തി​യ പാ​ല​ത്തി​ലു​ള്ള വാ​ഹ​ന​ത്തി​ര​ക്ക് കു​റ​ക്കു​ന്ന​തി​ന് പ​രി​ധി​വ​രെ സ​ഹാ​യ​വു​മാ​യി. എ​ന്നാ​ൽ ഗ​താ​ഗ​ത നി​യ​ന്ത്ര​ണ ബോ​ർ​ഡു​ക​ൾ പെ​ട്ടെ​ന്ന് ശ്ര​ദ്ധ​യി​ൽ​പ്പെ​ടാ​ത്ത രീ​തി​യി​ലാ​യ​തോ​ടെ അ​ന്ത​ർ സം​സ്ഥാ​ന ച​ര​ക്ക് വാ​ഹ​ന​ങ്ങ​ൾ പാ​ല​ത്തി​ലേ​ക്ക് ക​യ​റു​ക​യും പാ​ല​ത്തി​ന്റെ മേ​ൽ​ക്കൂ​ര​യി​ൽ ത​ട്ടി പാ​ല​ത്തി​ൽ കു​ടു​ങ്ങു​ക​യും ചെ​യ്യു​ന്ന​ത് പ​തി​വാ​ണ്.

പ​ല​പ്പോ​ഴും മു​ന്നോ​ട്ടും പി​ന്നോ​ട്ട് ച​ലി​പ്പി​ക്കാ​ൻ ക​ഴി​യാ​ത്ത രീ​തി​യി​ൽ കു​ടു​ങ്ങിക്കിട​ക്കു​ന്ന വ​ാഹ​ന​ത്തി​ന്റെ ട​യ​റി​ന്റെ കാ​റ്റ് അ​ഴി​ച്ചു​വി​ട്ടും മ​റ്റു​മാ​ണ് പാ​ല​ത്തി​ൽ നി​ന്നും മാ​റ്റു​ന്ന​ത്. ഭാ​രം ക​യ​റ്റി​യ വാ​ഹ​ന​ങ്ങ​ളി​ലെ പ​രി​ച​യ​മി​ല്ലാ​ത്ത ഡ്രൈ​വ​ർ​മാ​രാ​ണ് പാ​ല​ത്തി​നു മു​ക​ളി​ൽ ക​യ​റ്റു​ന്ന​ത്.

പാ​ലം എ​ത്തു​ന്ന​തി​നു മു​മ്പേ ത​ന്നെ പാ​ല​ത്തി​ന്റെ ഉ​യ​ര​ത്തി​ന് ക​ണ​ക്കാ​യി മ​റ്റെ​ന്തെ​ങ്കി​ലും താ​ൽ​ക്കാ​ലി​ക സം​വി​ധാ​നം ഒ​രു​ക്കി​യാ​ൽ പാ​ല​ത്തി​ൽ വാ​ഹ​ന​ങ്ങ​ൾ ത​ട്ടു​ന്ന​ത് ഒ​ഴി​വാ​ക്കാം. കൂ​ടു​ത​ലാ​യും രാ​ത്രി​കാ​ല​ങ്ങ​ളി​ലാ​ണ് ഇ​ത്ത​ര​ത്തി​ൽ വാ​ഹ​ന​ങ്ങ​ൾ കു​ടു​ങ്ങു​ന്ന​ത്. നി​യ​ന്ത്ര​ണം ശ്ര​ദ്ധി​ക്ക​പ്പെ​ടു​ന്ന നി​ല​യി​ൽ മു​ന്ന​റി​യി​പ്പ് ലൈ​റ്റു​ക​ളോ റി​ഫ്ല​ക്ട​റു​ക​ളോ സ്ഥാ​പി​ക്കേ​ണ്ട​തു​മു​ണ്ട്. ഇ​തി​നു പ​രി​ഹാ​രം കാ​ണാ​ൻ ബ​ന്ധ​പ്പെ​ട്ട​വ​ർ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് ആ​വ​ശ്യം.