കണ്ണൂർ റെയിൽവേ സ്റ്റേഷന് സമീപം യുവാവിന് കുത്തേറ്റു

ക​ണ്ണൂ​ർ: ‌റെ​യി​ൽ​വേ സ്റ്റേ​ഷ​ൻ കി​ഴ​ക്കേ ക​വാ​ട​ത്തി​ന് സ​മീ​പം യു​വാ​വി​ന് കു​ത്തേ​റ്റു. പ​ശ്ചി​മ ബം​ഗാ​ൾ സ്വ​ദേ​ശി ര​ഞ്ജി​ത്ത് മ​ങ്കാ​റി​നാ​ണ് (40) വ​യ​റി​ന് ആ​ഴ​ത്തി​ൽ കു​ത്തേ​റ്റ​ത്. ചൊ​വ്വാ​ഴ്ച പു​ല​ർ​ച്ചെ ഒ​ന്നോ​ടെ പൊ​ലീ​സ് നൈ​റ്റ് പ​ട്രോ​ളി​ങ്ങി​നി​ടെ ര​ഞ്ജി​ത്തി​നെ കു​ത്തേ​റ്റ നി​ല​യി​ൽ ക​ണ്ടെ​ത്തു​ക​യാ​യി​രു​ന്നു. ജി​ല്ല ആ​ശു​പ​ത്രി​യി​ൽ പ്രാ​ഥ​മി​ക ശു​ശ്രൂ​ഷ​ക്ക് ശേ​ഷം ക​ണ്ണൂ​ർ ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്ക് മാ​റ്റി​യ യു​വാ​വി​ന്റെ ആ​രോ​ഗ്യ നി​ല ഗു​രു​ത​ര​മാ​യി തു​ട​രു​ക​യാ​ണ്.

പൊ​ലീ​സ് വാ​ഹ​നം ക​ട​ന്നു​പോ​കു​ന്ന​തി​നി​ടെ കി​ഴ​ക്കേ ക​വാ​ട​ത്തി​ന് സ​മീ​പം ഒ​രാ​ൾ വീ​ണു കി​ട​ക്കു​ന്ന​ത് ശ്ര​ദ്ധ​യി​ൽ​പെ​ടു​ക​യാ​യി​രു​ന്നു. വാ​ഹ​നം നി​ർ​ത്തി പ​രി​ശോ​ധി​ച്ച​പ്പോ​ഴാ​ണ് യു​വാ​വി​ന് വ​യ​റി​ന് കു​ത്തേ​റ്റ​താ​യി ക​ണ്ട​ത്. ഉ​ട​ൻ ക​ണ്ണൂ​ർ ഫ​യ​ർ​ഫോ​ഴ്സി​ന്റെ വാ​ഹ​ന​ത്തി​ൽ ജി​ല്ല ആ​ശു​പ​ത്രി​യി​ൽ എ​ത്തി​ക്കു​ക​യാ​യി​രു​ന്നു.

മ​ദ്യ​പ​സം​ഘ​ങ്ങ​ൾ ത​മ്മി​ലു​ള്ള വാ​ക്ക് ത​ർ​ക്ക​മാ​യി​രി​ക്കാം ആ​ക്ര​മ​ണ​ത്തി​ന് പി​ന്നി​ലെ​ന്നാ​ണ് പൊ​ലീ​സി​ന്‍റെ പ്രാ​ഥ​മി​ക നി​ഗ​മ​നം. ടൗ​ൺ സ്റ്റേ​ഷ​നി​ൽ​നി​ന്ന് നോ​ക്കി​യാ​ൽ കാ​ണു​ന്നി​ട​ത്ത് ന​ട​ന്ന കൊ​ല​പാ​ത​ക​ശ്ര​മ​ത്തി​ൽ പ്ര​തി​ക​ളെ ക​ണ്ടെ​ത്താ​നു​ള്ള തീ​വ്ര​ശ്ര​മ​ത്തി​ലാ​ണ് പൊ​ലീ​സ്. ടൗ​ൺ ഇ​ൻ​സ്പെ​ക്ട​ർ ശ്രി​ജി​ത്ത് കൊ​ടേ​രി​യു​ടെ നേ​തൃ​ത്വ​ത്തി​ൽ പ്ര​തി​ക​ൾ​ക്കാ​യി സി.​സി.​ടി.​വി ദൃ​ശ്യ​ങ്ങ​ള​ട​ക്കം പ​രി​ശോ​ധി​ച്ചുവ​രി​ക​യാ​ണ്.

രാ​ത്രി​യും പ​ക​ലും സാമൂ​ഹിക വി​രു​ദ്ധ​രു​ടെ അ​ഴി​ഞ്ഞാ​ട്ടം

രാ​ത്രി​യും പ​ക​ലും വ്യ​ത്യാ​സ​മി​ല്ലാ​തെ ന​ഗ​ര​ത്തി​ൽ പ​ല​യി​ട​ത്തും സാ​മൂ​ഹി​ക വി​രു​ദ്ധ​രു​ടെ ശ​ല്യം രൂ​ക്ഷ​മാ​ണ്. ഒ​ന്ന​ര​വ​ർ​ഷം മു​മ്പ് പൂ​ള​ക്കു​റ്റി സ്വ​ദേ​ശി​യാ​യ ലോ​റി ഡ്രൈ​വ​ർ കൊ​ല്ല​പ്പെ​ട്ട സ്ഥ​ല​ത്തി​ന് സ​മീ​പ​ത്താ​ണ് ചൊ​വ്വാ​ഴ്ച പ​ശ്ചി​മ ബം​ഗാ​ൾ സ്വ​ദേ​ശി​ക്ക് കു​ത്തേ​റ്റ​ത്. ച​ര​ക്കു​മാ​യി വ​രു​ന്ന ലോ​റി​ക​ൾ നി​ർ​ത്തി​യി​ടു​ന്ന​തി​ന് സ​മീ​പ​ത്തു നി​ന്നാ​ണ് അ​ന്ന് ഡ്രൈ​വ​ർ​ക്ക് കു​ത്തേ​റ്റ​ത്. സം​ഭ​വ​ത്തി​ൽ സ്ഥി​രം കു​റ്റ​വാ​ളി​ക​ളാ​ണ് അ​റ​സ്റ്റി​ലാ​യ​ത്. വ​ർ​ഷ​ങ്ങ​ൾ​ക്കു മു​മ്പും ഇ​വി​ടെ ഒ​രു ലോ​റി ഡ്രൈ​വ​റെ കൊ​ല​പ്പെ​ടു​ത്തി​യ നി​ല​യി​ൽ ക​ണ്ടെ​ത്തി​യി​രു​ന്നു.

കോ​ർ​പ​റേ​ഷ​ന്റെ മ​ൾ​ട്ടി ലെ​വ​ൽ കാ​ർ​പാ​ർ​ക്കി​ങ് കേ​ന്ദ്രം, റെ​യി​ൽ​വേ സ്റ്റേ​ഷ​ൻ, പ​ഴ​യ ബ​സ് സ്റ്റാ​ൻ​ഡ് തു​ട​ങ്ങി​യ ഭാ​ഗ​ങ്ങ​ളി​ൽ സ്ഥി​രം കു​റ്റ​വാ​ളി​ക​ളും ല​ഹ​രി സം​ഘ​ങ്ങ​ളും ത​മ്പ​ടി​ക്കു​ന്നു​ണ്ട്. കാ​ർ​പാ​ർ​ക്കി​ങ് കേ​ന്ദ്ര​ത്തി​നു​ള്ളി​ൽ പൊ​ലീ​സി​ന്റെ ശ്ര​ദ്ധ എ​ത്താ​ത്ത​തി​നെ​തി​രെ പ​രാ​തി​യു​ണ്ട്. പ​രി​ശോ​ധ​ന ക​ർ​ശ​ന​മാ​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്. പൊ​ലീ​സ് സ്റ്റേ​ഷ​ന് സ​മീ​പം പോ​ലും മ​ദ്യ​പ​സം​ഘ​ങ്ങ​ളു​ടെ പോ​ർ​വി​ളി​ക​ളും വാ​ക്കേ​റ്റ​വും സ്ഥി​ര​മാ​ണ്. ക​ണ്ണൂ​ർ പ​ഴ​യ ബ​സ് സ്റ്റാ​ൻ​ഡി​ൽ പ​ക​ൽ സ​മ​യ​ങ്ങ​ളി​ൽ പോ​ലും സാ​മൂ​ഹി​ക വി​രു​ദ്ധ ശ​ല്യം രൂ​ക്ഷ​മാ​ണ്.

പ​ര​സ്യ മ​ദ്യ​പാ​നം വ്യാ​പാ​രി​ക​ളും മ​റ്റും ചോ​ദ്യം ചെ​യ്താ​ലും ഭീ​ഷ​ണി​പ്പെ​ടു​ത്ത​ലും ആ​ക്ര​മി​ക്ക​ലു​മാ​ണ് മ​റു​പ​ടി. ചാ​യ​കു​ടി​ച്ച​ശേ​ഷം പ​ണം ചോ​ദി​ച്ച​തു​മാ​യി ബ​ന്ധ​പ്പെ​ട്ട വാ​ക്കേ​റ്റ​ത്തി​ൽ മി​ൽ​മ ബൂ​ത്ത് അ​ടി​ച്ചു​ത​ക​ർ​ത്ത സം​ഭ​വ​വും ക​ഴി​ഞ്ഞ​മാ​സ​മു​ണ്ടാ​യി​രു​ന്നു. മാ​ർ​ക്ക​റ്റാ​ണ് സാ​മൂ​ഹി​ക വി​രു​ദ്ധ​രു​ടെ മ​റ്റൊ​രു കേ​ന്ദ്രം. ഇ​രു​ട്ടി​ന്റെ മ​റ​വി​ൽ ഇ​വി​ടം ല​ഹ​രി​വി​ൽ​പ​ന​ക്കാ​രും മ​ദ്യ​പ​രും കൈ​യ​ട​ക്കു​ക​യാ​ണ്. താ​ണ​യി​ലെ വാ​ട​ക ക്വാ​ര്‍ട്ടേ​ഴ്‌​സി​ല്‍ അ​തി​ഥി തൊ​ഴി​ലാ​ളി കൊ​ല്ല​പ്പെ​ട്ട​ത് ജ​നു​വ​രി​യി​ലാ​ണ്. സം​ഭ​വ​ത്തി​ൽ സ​ഹ​പ്ര​വ​ര്‍ത്ത​ക​രാ​യ ര​ണ്ടു പേ​രെ പൊ​ലീ​സ് അ​റ​സ്റ്റു ചെ​യ്തി​രു​ന്നു.