താ​ലൂ​ക്ക് എ​ന്ന് യാ​ഥാ​ർ​ഥ്യ​മാ​കും? കാ​ത്തി​രി​പ്പ് നീ​ളു​ന്നു

നീ​ലേ​ശ്വ​രം: എ​ൽ.​ഡി.​എ​ഫ് മ​ന്ത്രി​സ​ഭ​യു​ടെ കാ​ലാ​വ​ധി തീ​രാ​ൻ ഒ​രു​വ​ർ​ഷം ബാ​ക്കി​നി​ൽ​ക്കെ നാ​ലു പ​തി​റ്റാ​ണ്ട് പ​ഴ​ക്ക​മു​ള്ള നീ​ലേ​ശ്വ​രം ആ​സ്ഥാ​ന​മാ​യു​ള്ള താ​ലൂ​ക്കി​ന് വേ​ണ്ടി കാ​ത്തി​രി​പ്പ് നീ​ളു​ന്നു. ഉ​ട​ൻ തീ​രു​മാ​ന​മെ​ടു​ക്കു​മെ​ന്ന വി​ശ്വാ​സ​ത്തി​ലാ​ണ് നീ​ലേ​ശ്വ​രം ജ​ന​ത. ഇ​ട​ക്കാ​ല​ത്ത് താ​ലൂ​ക്കി​നാ​യി സ​ർ​ക്കാ​ർ നി​ർ​ദേ​ശ​പ്ര​കാ​രം ഹോ​സ്‌​ദു​ർ​ഗ് ത​ഹ​സി​ൽ​ദാ​ർ യോ​ഗം വി​ളി​ച്ച് രാ​ഷ്ട്രീ​യ പാ​ർ​ട്ടി​ക​ളു​ടെ അ​ഭി​പ്രാ​യം തേ​ടി​യ​ത് ജ​ന​ങ്ങ​ളി​ൽ പ്ര​തീ​ക്ഷ​യു​ണ​ർ​ത്തി​യി​രു​ന്നു. ത​ഹ​സി​ൽ​ദാ​ർ ക​ല​ക്ട​ർ​ക്ക് നി​ർ​ദേ​ശ​മ​ട​ങ്ങി​യ ഫ​യ​ൽ ന​ൽ​കി​യി​രു​ന്നു. എ​ന്നാ​ൽ, പി​ന്നീ​ട് ഇ​ക്കാ​ര്യ​ത്തി​ൽ അ​ധി​കൃ​ത​രു​ടെ ഭാ​ഗ​ത്തു​നി​ന്ന് തു​ട​ർ​ന​ട​പ​ടി​ക​ളു​ണ്ടാ​യി​ല്ല.

നീ​ലേ​ശ്വ​രം താ​ലൂ​ക്ക് യാ​ഥാ​ർ​ഥ്യ​മാ​കാ​ൻ ഇ​നി​യും എ​ത്ര വ​രെ കാ​ത്തി​രി​ക്ക​ണ​മെ​ന്നാ​ണ് നാ​ട്ടു​കാ​ർ ചോ​ദി​ക്കു​ന്ന​ത്. താ​ലൂ​ക്ക് ഓ​ഫി​സി​ന് ആ​വ​ശ്യ​മാ​യ കെ​ട്ടി​ടം ഉ​ൾ​പ്പെ​ടെ എ​ല്ലാ സൗ​ക​ര്യ​വും ചെ​യ്തു​ന​ൽ​കാ​ൻ ത​യാ​റാ​ണെ​ന്ന് ന​ഗ​ര​സ​ഭ ചെ​യ​ർ​പേ​ഴ്‌​സ​ൻ ടി.​വി. ശാ​ന്ത ക​ല​ക്ട​ർ ഉ​ൾ​പ്പെ​ടെ​യു​ള്ള​വ​രെ അ​റി​യി​ച്ചി​രു​ന്നു. പ​തി​ന​ഞ്ചോ​ളം രാ​ഷ്ട്രീ​യ​പാ​ർ​ട്ടി പ്ര​തി​നി​ധി​ക​ൾ പ​ങ്കെ​ടു​ത്ത യോ​ഗം ക​ഴി​ഞ്ഞ് മാ​സം ര​ണ്ടു ക​ഴി​ഞ്ഞെ​ങ്കി​ലും താ​ലൂ​ക്ക് പ്ര​ഖ്യാ​പ​നം ഇ​ഴ​യു​ക​യാ​ണ്. പു​തി​യ സി​വി​ൽ സ്റ്റേ​ഷ​ൻ കെ​ട്ടി​ട​നി​ർ​മാ​ണം പൂ​ർ​ത്തി​യാ​കു​ന്ന​തു​വ​രെ താ​ലൂ​ക്ക് ഓ​ഫി​സി​നാ​യി പു​തി​യ ന​ഗ​ര​സ​ഭ ഓ​ഫി​സോ പ​ഴ​യ ന​ഗ​ര​സ​ഭ ഓ​ഫി​സോ താ​ൽ​ക്കാ​ലി​ക​മാ​യി ഉ​പ​യോ​ഗി​ക്കാം. രാ​ഷ്ട്രീ​യ പാ​ർ​ട്ടി​ക​ളു​ടെ അ​ഭി​പ്രാ​യം​തേ​ടി​യ ത​ഹ​സി​ൽ​ദാ​ർ നീ​ലേ​ശ്വ​രം താ​ലൂ​ക്കി​നാ​യി അ​നു​കൂ​ല റി​പ്പോ​ർ​ട്ട് സ​ർ​ക്കാ​റി​ന് ന​ൽ​കി​യ​തോ​ടെ താ​ലൂ​ക്ക് പ്ര​ഖ്യാ​പ​നം ഉ​ട​ൻ ഉ​ണ്ടാ​കു​മെ​ന്നാ​യി​രു​ന്നു ജ​ന​ങ്ങ​ളു​ടെ പ്ര​തീ​ക്ഷ. എ​ന്നാ​ൽ, ക​ഴി​ഞ്ഞ ബ​ജ​റ്റി​ൽ താ​ലൂ​ക്ക് പ്ര​ഖ്യാ​പ​ന​മു​ണ്ടാ​കാ​ത്ത​തി​ൽ ജ​ന​ങ്ങ​ൾ നി​രാ​ശ​യി​ലാ​യി​രു​ന്നു.

കേ​ര​ള​ത്തി​ന്റെ പ്ര​ഥ​മ മു​ഖ്യ​മ​ന്ത്രി ഇ.​എം.​എ​സ്. ന​മ്പൂ​തി​രി​പ്പാ​ട് മ​ത്സ​രി​ച്ചു​ജ​യി​ച്ച നീ​ലേ​ശ്വ​രം മ​ണ്ഡ​ല​ത്തി​ന്‍റെ ഓ​ർ​മ നി​ല​നി​ർ​ത്താ​ൻ നീ​ലേ​ശ്വ​രം താ​ലൂ​ക്ക് രൂ​പ​വ​ത്ക​രി​ക്ക​ണ​മെ​ന്ന് അ​ദ്ദേ​ഹം ആ​ഗ്ര​ഹി​ച്ചി​രു​ന്നു. ഇ​തി​നാ​യി അ​ദ്ദേ​ഹം ക​മീ​ഷ​നെ നി​യ​മി​ച്ചി​രു​ന്നു. പി​ന്നീ​ട് കാ​സ​ർ​കോ​ട് ജി​ല്ല രൂ​പ​വ​ത്ക​രി​ക്കു​മ്പോ​ൾ അ​ന്ന​ത്തെ മു​ഖ്യ​മ​ന്ത്രി കെ. ​ക​രു​ണാ​ക​ര​നും നീ​ലേ​ശ്വ​രം താ​ലൂ​ക്ക് രൂ​പ​വ​ത്ക​രി​ക്കു​മെ​ന്ന് താ​ലൂ​ക്ക് ആ​ക്ഷ​ൻ ക​മ്മി​റ്റി​ക്ക് വാ​ഗ്ദാ​ന​വും ന​ൽ​കി. ജി​ല്ല രൂ​പ​വ​ത്ക​രി​ക്കു​മ്പോ​ൾ കാ​സ​ർ​കോ​ട്, ഹോ​സ്‌​ദു​ർ​ഗ് എ​ന്നീ ര​ണ്ട് താ​ലൂ​ക്കു​ക​ൾ മാ​ത്ര​മാ​ണു​ണ്ടാ​യി​രു​ന്ന​ത്. പി​ന്നീ​ട് മ​ഞ്ചേ​ശ്വ​ര​ത്തും വെ​ള്ള​രി​ക്കു​ണ്ടി​ലും താ​ലൂ​ക്ക് രൂ​പ​വ​ത്ക​രി​ച്ച​പ്പോ​ഴും നീ​ലേ​ശ്വ​രം താ​ലൂ​ക്കെ​ന്ന ആ​വ​ശ്യം അ​വ​ഗ​ണി​ക്ക​പ്പെ​ടു​ക​യാ​യി​രു​ന്നു. നീ​ലേ​ശ്വ​രം ആ​സ്ഥാ​ന​മാ​യി താ​ലൂ​ക്ക് അ​നു​വ​ദി​ക്ക​ണ​മെ​ന്ന് നാ​ലു ക​മീ​ഷ​നു​ക​ൾ സ​ർ​ക്കാ​റി​ന് റി​പ്പോ​ർ​ട്ട് ന​ൽ​കി​യെ​ങ്കി​ലും മാ​റി​മാ​റി​വ​ന്ന സ​ർ​ക്കാ​റു​ക​ൾ ഈ ​റി​പ്പോ​ർ​ട്ടി​നെ അ​വ​ഗ​ണി​ക്കു​ക​യാ​യി​രു​ന്നു. ചെ​റു​വ​ത്തൂ​ർ, പ​ട​ന്ന, തൃ​ക്ക​രി​പ്പൂ​ർ, പി​ലി​ക്കോ​ട്, വ​ലി​യ​പ​റ​മ്പ്, ക​യ്യൂ​ർ-​ചീ​മേ​നി, മ​ടി​ക്കൈ തു​ട​ങ്ങി​യ ഗ്രാ​മ​പ​ഞ്ചാ​യ​ത്തു​ക​ളും നീ​ലേ​ശ്വ​രം ന​ഗ​ര​സ​ഭ​യും ഉ​ൾ​പ്പെ​ടു​ത്തി​യാ​ണ് നീ​ലേ​ശ്വ​രം താ​ലൂ​ക്ക് രൂ​പ​വ​ത്ക​രി​ക്കേ​ണ്ട​തെ​ന്നാ​ണ് ക​ല​ക്ട​ർ സ​ർ​ക്കാ​റി​ന് ന​ൽ​കി​യ റി​പ്പോ​ർ​ട്ട്.