മ​ഴ ക​ന​ത്തത്തോടെ റോ​ഡു​ക​ളു​ടെ ടാ​റി​ങ് നി​ല​ച്ചു; യാത്രാ ദുരിതത്തിൽ ജനങ്ങൾ

നീ​ലേ​ശ്വ​രം: ന​ഗ​ര​ഹൃ​ദ​യ​ത്തി​ലെ ഏ​റ്റ​വും പ്ര​ധാ​ന​പ്പെ​ട്ട അ​ഞ്ച് റി​ങ് റോ​ഡു​ക​ളു​ടെ ടാ​റി​ങ് നി​ല​ച്ച​തോ​ടെ വ്യാ​പാ​രി​ക​ളു​ടെ​യും ന​ഗ​ര​ത്തി​ലെ​ത്തു​ന്ന​വ​രു​ടെ​യും ദു​രി​തം ഇ​ര​ട്ടി​യാ​യി. വേ​ന​ൽ​കാ​ല​ത്ത് അ​ഞ്ച് റി​ങ് റോ​ഡു​ക​ളും കി​ള​ച്ച് ഉ​റ​പ്പി​ച്ച​ശേ​ഷം ടാ​റി​ങ്ങി​നു മു​ന്നോ​ടി​യാ​യു​ള്ള ക​രി​ങ്ക​ൽ പാ​കി​യി​രു​ന്നു. എ​ന്നാ​ൽ, ക​ത്തു​ന്ന വേ​ന​ലി​ൽ ഒ​രു മാ​സ​ക്കാ​ലം ടാ​റി​ങ് ന​ട​ത്താ​തെ ക​ബ​ളി​പ്പി​ച്ച അ​ധി​കൃ​ത​രു​ടെ ന​ട​പ​ടി​യി​ൽ വ്യാ​പ​ക പ്ര​തി​ഷേ​ധം ഉ​യ​ർ​ന്നി​രു​ന്നു. ഇ​പ്പോ​ൾ കാ​ല​വ​ർ​ഷം ആ​രം​ഭി​ച്ച​തോ​ടെ ടാ​റി​ങ് പ്ര​വൃ​ത്തി നി​ർ​ത്തി​വെ​ച്ചു.

ക​ഠി​ന​മാ​യ വേ​ന​ലു​ണ്ടാ​യി​ട്ടും ടാ​റി​ങ് ന​ട​ത്താ​തെ ന​ഗ​ര​സ​ഭ അ​ധി​കൃ​ത​ർ ജ​ന​ങ്ങ​ളെ വെ​ല്ലു​വി​ളി​ച്ചു. ക​രി​ങ്ക​ൽ ചീ​ളു​ക​ൾ​ക്ക് മു​ക​ളി​ലൂ​ടെ ആ​ളു​ക​ൾ ന​ട​ന്നു​പോ​കു​ന്ന​തും വാ​ഹ​ന​ങ്ങ​ൾ ക​ട​ന്നു​പോ​കു​ന്ന​തും ജ​ന​ങ്ങ​ളെ ദു​രി​ത​ത്തി​ലാ​ക്കി. ഇ​തോ​ടെ നീ​ലേ​ശ്വ​രം മ​ണ്ഡ​ലം കോ​ൺ​ഗ്ര​സ് ക​മ്മി​റ്റി​യും വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി നീ​ലേ​ശ്വ​രം യൂ​നി​റ്റും ന​ഗ​ര​സ​ഭ ഓ​ഫി​സി​ലേ​ക്ക് മാ​ർ​ച്ച് ന​ട​ത്തു​മെ​ന്ന് പ്ര​ഖ്യാ​പി​ച്ച​പ്പോ​ൾ ന​ഗ​ര​സ​ഭ ചെ​യ​ർ​പേ​ഴ്സ​ൻ ടി.​വി. ശാ​ന്ത ഇ​രു​വ​രു​മാ​യി ച​ർ​ച്ച ന​ട​ത്തി ടാ​റി​ങ് വേ​ഗം ന​ട​ത്തു​മെ​ന്ന് ഉ​റ​പ്പ് ന​ൽ​കി. ഇ​തോ​ടെ കോ​ൺ​ഗ്ര​സും വ്യാ​പാ​രി ഏ​കോ​പ​ന സ​മി​തി​യും സ​മ​ര​ത്തി​ൽ​നി​ന്ന് പി​ന്മാ​റി.

വീ​ണ്ടും വേ​ന​ൽ കി​ട്ടി​യെ​ങ്കി​ലും ടാ​റി​ങ് ന​ട​ത്താ​തെ ന​ഗ​ര​സ​ഭ അ​ധി​കൃ​ത​ർ ജ​ന​ങ്ങ​ളെ ക​ബ​ളി​പ്പി​ച്ചു. ഇ​പ്പോ​ൾ ഒ​ന്ന​ര മാ​സ​മാ​യി അ​ഞ്ച് റി​ങ് റോ​ഡു​ക​ളി​ലും ക​രി​ങ്ക​ൽ ചീ​ളു​ക​ൾ ചി​ത​റി​ക്കി​ട​ക്കു​ക​യാ​ണ്. പൊ​ടു​ന്ന​നെ വി​ചാ​രി​ച്ച​തി​ലും നേ​ര​ത്തേ കാ​ല​വ​ർ​ഷം എ​ത്തി​യ​തോ​ടെ എ​ല്ലാ റോ​ഡു​ക​ളു​ടെ​യും ടാ​റി​ങ് പ്ര​വൃ​ത്തി പൂ​ർ​ണ​മാ​യും നി​ല​ച്ചു. മ​ഴ​യാ​യ​തി​നാ​ൽ ആ​രും പ്ര​തി​ഷേ​ധ​വു​മാ​യി മു​ന്നോ​ട്ട് വ​രു​ന്നി​ല്ല. ഇ​പ്പോ​ൾ റോ​ഡി​ലെ ക​രി​ങ്ക​ൽ ചീ​ളു​ക​ൾ ഇ​ള​കി റോ​ഡി​ൽ കു​ഴി രൂ​പ​പ്പെ​ട്ടു. ഈ ​കു​ഴി​യി​ൽ മ​ഴ​വെ​ള്ളം കെ​ട്ടി​ക്കി​ട​ക്കു​ന്ന​തു മൂ​ലം തെ​രു റോ​ഡി​ലെ വീ​ടു​ക​ളി​ലേ​ക്കാ​ണ് ച​ളി​വെ​ള്ളം എ​ത്തു​ന്ന​ത്.

ആ​ധു​നി​ക​വ​ത്ക​ര​ണ​ത്തി​ന്‍റെ ഭാ​ഗ​മാ​യി ന​ഗ​ര​ഹൃ​ദ​യ​ത്തി​ലൂ​ടെ ക​ട​ന്നു​പോ​കു​ന്ന നീ​ലേ​ശ്വ​രം രാ​ജാ റോ​ഡു​മാ​യി ബ​ന്ധി​പ്പി​ക്കു​ന്ന നീ​ലേ​ശ്വ​രം ബ​സാ​ർ, ത​ളി​യി​ൽ അ​മ്പ​ലം റോ​ഡ്, വി​ല്ലേ​ജ് ഓ​ഫി​സ് റോ​ഡ്, ശ്രീ​വ​ത്സം തെ​രു റോ​ഡ്, രാ​ജാ റോ​ഡ് ലി​ങ്ക് റോ​ഡ്, ചി​റ-​ക​രി​ഞ്ചാ​ത്തം വ​യ​ൽ റോ​ഡ് എ​ന്നീ അ​ഞ്ച് ന​ഗ​ര​സ​ഭ റോ​ഡു​ക​ളെ ബ​ന്ധി​പ്പി​ക്കു​ന്ന​താ​ണ് ന​വീ​ക​ര​ണ പ്ര​വൃ​ത്തി. 1.5 കി​ലോ​മീ​റ്റ​ർ ദൂ​ര​ത്തി​ൽ 3.80 മീ​റ്റ​ർ മു​ത​ൽ ഏ​ഴ് മീ​റ്റ​ർ വീ​തി വ​രെ മെ​ക്കാ​ഡം ടാ​റി​ങ്ങാ​ണ് ന​ട​ത്തേ​ണ്ട​ത്.