വനിത മണ്ഡലം പ്രസിഡന്‍റിനെ പുറത്താക്കിതിനു പിന്നാലെ ബി.ജെ.പിയിൽ പൊട്ടിത്തെറി

പ​റ​വൂ​ർ: വ​നി​ത മ​ണ്ഡ​ലം പ്ര​സി​ഡ​ന്‍റി​നെ പു​റ​ത്താ​ക്കി​യ​തി​നെ​ച്ചൊ​ല്ലി ബി.​ജെ.​പി വ​ട​ക്കേ​ക്ക​ര മ​ണ്ഡ​ലം ക​മ്മി​റ്റി​യി​ൽ പൊ​ട്ടി​ത്തെ​റി. മ​ണ്ഡ​ലം പ്ര​സി​ഡ​ന്‍റാ​യി​രു​ന്ന മാ​യ ഹ​രി​ദാ​സി​നെ കാ​ര​ണം​പ​റ​യാ​തെ മാ​റ്റി​യ​ത്​ അ​ണി​ക​ളി​ൽ നേ​തൃ​ത്വ​ത്തി​നെ​തി​രെ പ്ര​തി​ഷേ​ധ​ത്തി​ന് കാ​ര​ണ​മാ​യി​ട്ടു​ണ്ട്.

ജ​നു​വ​രി​യി​ലാ​ണ് മാ​യ​യെ മ​ണ്ഡ​ലം പ്ര​സി​ഡ​ന്‍റാ​യി അ​ന്ന​ത്തെ ജി​ല്ല പ്ര​സി​ഡ​ന്‍റ് അ​ഡ്വ. കെ.​എ​സ്. ഷൈ​ജു നാ​മ​നി​ർ​ദേ​ശം ചെ​യ്ത​ത്. ഇ​വി​ടെ പ്ര​സി​ഡ​ന്‍റ് സ്ഥാ​ന​ത്തേ​ക്ക് ര​ണ്ടു​പേ​ർ മ​ത്സ​രി​ച്ചി​രു​ന്നു. കൂ​ടു​ത​ൽ വോ​ട്ട് ല​ഭി​ച്ച​യാ​ളെ പ്ര​സി​ഡ​ന്‍റാ​യി അം​ഗീ​ക​രി​ക്കാ​ൻ ജി​ല്ല കോ​ർ ക​മ്മി​റ്റി ത​യാ​റാ​കാ​തി​രു​ന്ന​തി​നെ​ത്തു​ട​ർ​ന്നാ​ണ് മാ​യ പ്ര​സി​ഡ​ന്‍റ് സ്ഥാ​ന​ത്തേ​ക്ക് എ​ത്തു​ന്ന​ത്.എ​ന്നാ​ൽ, ഫെ​ബ്രു​വ​രി​യി​ൽ ജി​ല്ല ക​മ്മി​റ്റി മൂ​ന്നാ​യി വി​ഭ​ജി​ച്ചു. എം.​എ. ബ്ര​ഹ്മ​രാ​ജ് പ്ര​സി​ഡ​ന്‍റാ​യ എ​റ​ണാ​കു​ളം നോ​ർ​ത്ത് ജി​ല്ല ക​മ്മി​റ്റി​ക്ക് കീ​ഴി​ലാ​ണ് ഇ​പ്പോ​ൾ വ​ട​ക്കേ​ക്ക​ര മ​ണ്ഡ​ലം ക​മ്മി​റ്റി. പ​ല​വ​ട്ടം മ​ണ്ഡ​ലം ക​മ്മി​റ്റി രൂ​പ​വ​ത്ക​രി​ച്ച്​ ന​ൽ​കാ​ൻ ജി​ല്ല നേ​തൃ​ത്വ​ത്തോ​ട് ആ​വ​ശ്യ​പ്പെ​ട്ടെ​ങ്കി​ലും കൂ​ട്ടാ​ക്കാ​ൻ ത​യാ​റാ​യി​ല്ലെ​ന്ന് പ്ര​വ​ർ​ത്ത​ക​ർ പ​റ​യു​ന്നു.

മാ​ർ​ച്ചി​ൽ മാ​യ​യു​ടെ വീ​ട്ടി​ലെ​ത്തി​യ ജി​ല്ല പ്ര​സി​ഡ​ന്റ് രാ​ജി ആ​വ​ശ്യ​പ്പെ​ടു​ക​യും കാ​ര​ണം​ചോ​ദി​ച്ച​പ്പോ​ൾ ബ​ഹ​ളം കൂ​ട്ടി​യ​താ​യും പ്ര​വ​ർ​ത്ത​ക​ർ പ​റ​ഞ്ഞു. പ്ര​സി​ഡ​ന്‍റ് സ്ഥാ​ന​ത്തു​നി​ന്ന് പു​റ​ത്താ​ക്കു​മെ​ന്നും ബ്ര​ഹ്മ​രാ​ജ് ഭീ​ഷ​ണി​പ്പെ​ടു​ത്തി. ഒ​രു മു​ന്ന​റി​യി​പ്പു​മി​ല്ലാ​തെ​യാ​ണ്​ മാ​യ​യെ നീ​ക്കി പ​ക​രം സി​മി തി​ല​ക​നെ പ്ര​സി​ഡ​ന്‍റാ​ക്കി​യ​ത്. ധീ​വ​ര സ​മു​ദാ​യാം​ഗ​മാ​യ ഒ​രു സ്ത്രീ​ക്ക് ജി​ല്ല പ്ര​സി​ഡ​ന്‍റി​ന്‍റെ​യും സം​ഘ​ട​ന സെ​ക്ര​ട്ട​റി​യു​ടെ​യും പ​ക്ക​ൽ​നി​ന്നു​ണ്ടാ​യ അ​നു​ഭ​വം ബി.​ജെ.​പി​യു​ടെ ജാ​തി​മേ​ൽ​ക്കോ​യ്മ​യാ​ണ് തു​റ​ന്നു​കാ​ണി​ക്കു​ന്ന​തെ​ന്നാ​ണ് ഒ​രു​വി​ഭാ​ഗം പ്ര​വ​ർ​ത്ത​ക​ർ പ​റ​യു​ന്ന​ത്.

ത​ന്നെ മാ​റ്റി​യ വി​വ​രം സം​സ്ഥാ​ന പ്ര​സി​ഡ​ന്‍റ് രാ​ജീ​വ് ച​ന്ദ്ര​ശേ​ഖ​റെ ഫോ​ണി​ലൂ​ടെ ധ​രി​പ്പി​ച്ച​പ്പോ​ൾ, ത​നി​ക്കൊ​ന്നു​മ​റി​യി​ല്ലെ​ന്ന മ​റു​പ​ടി​യാ​ണ് മാ​യ​ക്ക് ല​ഭി​ച്ച​തെ​ന്നും പ്ര​വ​ർ​ത്ത​ക​ർ പ​റ​ഞ്ഞു. ത​നി​ക്ക് നേ​രി​ട്ട മാ​ന​സി​ക​പീ​ഡ​നം, മാ​ന​ന​ഷ്ടം, അ​നീ​തി എ​ന്നി​വ​ക്കെ​തി​രെ ദേ​ശീ​യ അ​ധ്യ​ക്ഷ​ൻ ജെ.​പി. ന​ഡ്ഡ, സം​സ്ഥാ​ന പ്ര​ഭാ​രി പ്ര​കാ​ശ് ജാ​വ​ദേ​ക്ക​ർ, അ​പ​രാ​ജി​ത സാ​രം​ഗി, രാ​ജീ​വ് ച​ന്ദ്ര​ശേ​ഖ​ർ എ​ന്നി​വ​ർ​ക്ക് മാ​യ പ​രാ​തി ന​ൽ​കി​യി​ട്ടു​ണ്ട്. നീ​തി ല​ഭി​ച്ചി​ല്ലെ​ങ്കി​ൽ കോ​ട​തി​യെ സ​മീ​പി​ക്കാ​നാ​ണ് നീ​ക്ക​മെ​ന്നും അ​വ​ർ പ​റ​യു​ന്നു.