ഉത്തരവാദിത്തം ഏറ്റെടുക്കാൻ ആളില്ല; ഏരൂർ ഗ്രാമപഞ്ചായത്തിൽ ആംബുലൻസുകൾ ‘ബാധ്യത’യാകുന്നു

അ​ഞ്ച​ൽ: ഏ​രൂ​ർ ഗ്രാ​മ​പ​ഞ്ചാ​യ​ത്തി​ലെ ര​ണ്ടാ​മ​ത്തെ ആം​ബു​ല​ൻ​സും ഓ​ട്ടം നി​ർ​ത്തി. പി.​എ​സ്. സു​പാ​ൽ എം.​എ​ൽ.​എ​യു​ടെ പ്രാ​ദേ​ശി​ക വി​ക​സ​ന ഫ​ണ്ട് ഉ​പ​യോ​ഗി​ച്ച് വാ​ങ്ങി​യ ആം​ബു​ല​ൻ​സു​ക​ളാ​ണ് പ​ഞ്ചാ​യ​ത്തി​ന് തീ​രാ​ബാ​ധ്യ​ത​യാ​കു​ന്ന​ത്.

ആം​ബു​ല​ൻ​സു​ക​ളി​ലൊ​ന്ന്​ ഓ​ടാ​നാ​വാ​തെ 2020 മു​ത​ൽ ഏ​രൂ​ർ പൊ​ലീ​സ് സ്‌​റ്റേ​ഷ​ന് സ​മീ​പ​ത്തെ പ​ക​ൽ​വീ​ടി​നോ​ട് ചേ​ർ​ന്നു​ള്ള പോ​ർ​ച്ചി​ലാ​ണ്. ഓ​ട്ട​ത്തി​നി​ടെ കേ​ടാ​യി വ​ഴി​യി​ൽ കി​ട​ന്ന​തി​നെ​ത്തു​ട​ർ​ന്ന് ഒ​ന്ന​ര ല​ക്ഷ​ത്തോ​ളം രൂ​പ മു​ട​ക്കി അ​റ്റ​കു​റ്റ​പ്പ​ണി ന​ട​ത്തി​യ ശേ​ഷ​മാ​ണ് ഇ​ത് ഷെ​ഡി​ൽ ക​യ​റ്റി​യ​ത്.

2022-23 സാ​മ്പ​ത്തി​ക​വ​ർ​ഷ​ത്തി​ൽ 25,59,825 രൂ​പ ഉ​പ​യോ​ഗി​ച്ച് വാ​ങ്ങി​യ മ​റ്റൊ​രു സി ​ലെ​വ​ൽ ആം​ബു​ല​ൻ​സ്​ ഏ​രൂ​ർ ഗ്രാ​മ​പ​ഞ്ചാ​യ​ത്ത് പ​ടി​ക്ക​ൽ ‘വി​ശ്ര​മ’​ത്തി​ലാ​ണ്. മാ​ർ​ച്ച്​ 16 മു​ത​ൽ ഇ​ത് സ​ർ​വി​സ് ന​ട​ത്തു​ന്നി​ല്ല. അ​ടി​യ​ന്ത​ര സാ​ഹ​ച​ര്യ​ത്തി​ൽ ഡ്രൈ​വ​റെ വി​ളി​ച്ചാ​ൽ ഫോ​ൺ പ്ര​വ​ർ​ത്ത​ന​ര​ഹി​ത​മാ​ണെ​ന്ന മ​റു​പ​ടി​യാ​ണ് ല​ഭി​ക്കു​ന്ന​ത്. ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റി​നെ വി​ളി​ച്ചാ​ൽ ബ​ന്ധ​പ്പെ​ട്ട വാ​ർ​ഡ് മെം​ബ​റെ വി​ളി​ക്കാ​നും വാ​ർ​ഡ് മെം​ബ​റെ വി​ളി​ക്കു​മ്പോ​ൾ ആം​ബു​ല​ൻ​സ് പ്ര​വ​ർ​ത്ത​ന​ക്ഷ​മ​മ​ല്ല എ​ന്ന മ​റു​പ​ടി​യു​മാ​ണ് ല​ഭി​ക്കു​ന്ന​ത്. പ​ഞ്ചാ​യ​ത്ത് സെ​ക്ര​ട്ട​റി​യു​ടെ പേ​രി​ൽ ര​ജി​സ്റ്റ​ർ ചെ​യ്ത ആം​ബു​ല​ൻ​സി​ന്റെ ന​ട​ത്തി​പ്പ് പ​ഞ്ചാ​യ​ത്തി​ന് അ​ധി​ക ബാ​ധ്യ​ത​യാ​യ​തു​കൊ​ണ്ട് പ്രാ​ഥ​മി​കാ​രോ​ഗ്യ​കേ​ന്ദ്ര​ത്തി​ന് കൈ​മാ​റി​യെ​ന്നാ​ണ്​ അ​ന്വേ​ഷ​ണ​ത്തി​ൽ അ​റി​ഞ്ഞ​ത്.എ​ന്നാ​ൽ പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ൽ ബ​ന്ധ​പ്പെ​ട്ട​പ്പോ​ൾ വാ​ഹ​ന​ത്തി​ന്റെ ഉ​ട​മ​സ്ഥാ​വ​കാ​ശം ജി​ല്ല മെ​ഡി​ക്ക​ൽ ഓ​ഫി​സ​റു​ടെ പേ​രി​ലേ​ക്ക് മാ​റ്റി ബ​ന്ധ​പ്പെ​ട്ട രേ​ഖ​ക​ൾ സ​മ​ർ​പ്പി​ച്ചാ​ലേ വാ​ഹ​നം ഏ​റ്റെ​ടു​ക്കൂ​വെ​ന്ന്​ മെ​ഡി​ക്ക​ൽ ഓ​ഫി​സ​ർ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റി​നെ അ​റി​യി​ച്ച​താ​യാ​ണ്​ വി​വ​രം.

നി​ല​വി​ൽ പാ​ലി​യേ​റ്റി​വ് കെ​യ​ർ പ്ര​വ​ർ​ത്ത​ന​ങ്ങ​ൾ​ക്കാ​യി ഭാ​ര​തി​പു​രം പ്രാ​ഥ​മി​കാ​രോ​ഗ്യ​കേ​ന്ദ്ര​ത്തി​ന് മ​റ്റൊ​രു ആം​ബു​ല​ൻ​സ് ഉ​ണ്ട്. ഈ ​വാ​ഹ​നം കൂ​ടി ഏ​റ്റെ​ടു​ക്കു​ന്ന​തോ​ടെ പ്രാ​ഥ​മി​കാ​രോ​ഗ്യ​കേ​ന്ദ്ര​ത്തി​ന് അ​ധി​ക ബാ​ധ്യ​ത​യാ​കും. ക​ഴി​ഞ്ഞ ഏ​ഴു​മാ​സ​മാ​യി ആം​ബു​ല​ൻ​സി​ന്‍റെ ഡ്രൈ​വ​ർ​ക്ക് ശ​മ്പ​ളം ല​ഭി​ക്കു​ന്നി​ല്ല​ത്രെ. ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി​യു​ടെ ഉ​ട​മ​സ്ഥ​ത​യി​ലു​ള്ള വാ​ഹ​ന​ത്തി​ന്റെ ക​ണ​ക്കു​ക​ൾ പ്ര​കാ​ര​മു​ള്ള ചെ​ല​വു​തു​ക ഗ്രാ​മ​പ​ഞ്ചാ​യ​ത്തും മെ​ഡി​ക്ക​ൽ ഓ​ഫി​സ​റും സ്വീ​ക​രി​ക്കാ​റി​ല്ലെ​ന്നും പ​റ​യ​പ്പെ​ടു​ന്നു. പെ​ട്രോ​ൾ പ​മ്പി​ൽ​നി​ന്ന്​ ഇ​ന്ധ​നം ല​ഭി​ക്കാ​റി​ല്ലെ​ന്നും വാ​ഹ​ന​ത്തി​ന്റെ നാ​ളി​തു​വ​രെ​യു​ള്ള ക​ണ​ക്കു​ക​ൾ പോ​ലും ല​ഭ്യ​മ​ല്ലെ​ന്നു​മാ​ണ​റി​വ്. ഇ​ക്ക​ഴി​ഞ്ഞ ഗ്രാ​മ​പ​ഞ്ചാ​യ​ത്ത് ബ​ജ​റ്റി​ൽ പോ​ലും വാ​ഹ​ന​ത്തി​ന്റെ വ​ര​വു​ചെ​ല​വ് ക​ണ​ക്കു​ക​ൾ ഉ​ൾ​പ്പെ​ടു​ത്തി​യി​ട്ടി​ല്ലെ​ന്ന ആ​ക്ഷേ​പ​വും ഉ​യ​ർ​ന്നി​രു​ന്നു. ഫ​ല​ത്തി​ൽ ഉ​പ​യോ​ഗ​മി​ല്ലാ​തെ ആം​ബു​ല​ൻ​സ്​ ആ​ക്രി​ക്ക​ട​യി​ലേ​ക്ക്​ പോ​കു​മോ എ​ന്നാ​ണ്​ ജ​നം ഭ​യ​പ്പെ​ടു​ന്ന​ത്.