അഷ്ടമുടി കായലിൽ മത്സ്യങ്ങൾ ചത്തുപൊങ്ങി

അ​ഞ്ചാ​ലും​മൂ​ട്: അ​ഷ്ട​മു​ടി കാ​യ​ലി​ന്റെ വി​വി​ധ ഭാ​ഗ​ങ്ങ​ളി​ൽ മ​ത്സ്യ​ങ്ങ​ൾ ച​ത്തു​പൊ​ങ്ങി. ആ​ശ്രാ​മം ഉ​ളി​യ​ക്കോ​വി​ൽ, ക​ട​വൂ​ർ ഭാ​ഗ​ത്ത് കു​തി​ര​ക്ക​ട​വ്, മു​ട്ട​ത്തു​മൂ​ല എ​ന്നി​വി​ട​ങ്ങ​ളി​ലാ​ണ് മീ​നു​ക​ൾ കൂ​ട്ട​ത്തോ​ടെ ച​ത്തു​പൊ​ങ്ങി​യ​ത്.

ഞാ​യ​റാ​ഴ്ച രാ​വി​ലെ​യോ​ടെ​യാ​ണ്​ വ​ലി​യ തോ​തി​ൽ മ​ത്സ്യ​ങ്ങ​ൾ ച​ത്ത് ക​ര​യി​ലേ​ക്ക് അ​ടി​യാ​ൻ തു​ട​ങ്ങി​യ​ത്. ഇ​തു​കാ​ര​ണം ക​ടു​ത്ത ദു​ർ​ഗ​ന്ധം വ​മി​ക്കാ​ൻ തു​ട​ങ്ങി​യ​ത്​ കാ​യ​ലി​ന്റെ വ​ശ​ങ്ങ​ളി​ലെ താ​മ​സ​ക്കാ​ർ​ക്ക്​ ഏ​റെ ബു​ദ്ധി​മു​ട്ട്​ സൃ​ഷ്ടി​ച്ചു.

ച​ത്ത മ​ത്സ്യ​ങ്ങ​ളെ കൊ​ല്ലം കോ​ർ​പ​റേ​ഷ​ൻ അ​ധി​കൃ​ത​രു​ടെ നേ​തൃ​ത്വ​ത്തി​ൽ കാ​യ​ലി​ൽ​നി​ന്ന്​ കോ​രി മാ​റ്റി കു​ഴി​ച്ചു​മൂ​ടി. ഫി​ഷ​റീ​സ് വി​ഭാ​ഗം വെ​ള്ള​ത്തി​ന്‍റെ സാ​മ്പ്​​ൾ ശേ​ഖ​രി​ച്ച്​ പ​രി​ശോ​ധ​ന​ക്ക്​ അ​യ​ച്ചി​ട്ടു​ണ്ട്.

വി​ശ​ദ​മാ​യ റി​പ്പോ​ർ​ട്ട് വ​ന്നാ​ലേ കാ​ര​ണം അ​റി​യാ​ൻ ക​ഴി​യൂ​വെ​ന്ന് അ​ധി​കൃ​ത​ർ പ​റ​ഞ്ഞു.

അ​തേ​സ​മ​യം, രാ​സ​വ​സ്തു ക​ല​ർ​ത്തി​യ ക​ക്കൂ​സ് മാ​ലി​ന്യം ഉ​ൾ​പ്പെ​ടെ കാ​യ​ലി​ൽ ത​ള്ളു​ന്ന​ത്​ വ്യാ​പ​ക​മാ​യ​താ​ണ്​ മ​ത്സ്യം ച​ത്തു​പൊ​ങ്ങു​ന്ന​തി​ന് കാ​ര​ണ​മാ​കു​ന്ന​തെ​ന്ന്​ പ്ര​ദേ​ശ​വാ​സി​ക​ൾ ആ​രോ​പി​ക്കു​ന്നു.