നിർമാണത്തിനിടെ തകർന്നുവീണ പാലം പൊളിച്ചുമാറ്റിത്തുടങ്ങി

ഇ​ര​വി​പു​രം: ബൈ​പാ​സ് റോ​ഡി​ൽ നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്കി​ടെ ത​ക​ർ​ന്നു​വീ​ണ പാ​ലം പൊ​ളി​ച്ചു​മാ​റ്റി​ത്തു​ട​ങ്ങി. ദേ​ശീ​യ​പാ​ത​യു​ടെ പു​ന​ർ​നി​ർ​മാ​ണ​ത്തി​ന്‍റെ ഭാ​ഗ​മാ​യി ബൈ​പാ​സ് റോ​ഡി​ൽ അ​യ​ത്തി​ൽ സാ​ര​ഥി ജ​ങ്​​ഷ​നി​ൽ നി​ല​വി​ലു​ള്ള പാ​ല​ത്തി​ന് സ​മാ​ന്ത​ര​മാ​യി നി​ർ​മാ​ണം ന​ട​ന്നു​കൊ​ണ്ടി​രു​ന്ന പാ​ല​മാ​ണ് കോ​ൺ​ക്രീ​റ്റ് ചെ​യ്യു​ന്ന​തി​നി​ടെ ത​ക​ർ​ന്നു​വീ​ണ​ത്. ന​വം​ബ​ർ 28ന് ​ഉ​ച്ച​ക്ക്​​ഒ​ന്ന​ര​യോ​ടെ ആ​യി​രു​ന്നു സം​ഭ​വം.

പാ​ലം നി​ർ​മി​ക്കു​ന്ന​തി​നാ​യി ക​മ്പി കെ​ട്ടി കോ​ൺ​ക്രീ​റ്റ് ഇ​ടു​ന്ന​തി​നി​ടെ​യാ​ണ് ക​മ്പി​ക​ൾ വ​ള​ഞ്ഞ് നി​ലം​പൊ​ത്തി​യ​ത്. സം​ഭ​വ​മ​റി​ഞ്ഞെ​ത്തി​യ നാ​ട്ടു​കാ​രു​ടെ​യും കോ​ൺ​ഗ്ര​സ് പ്ര​വ​ർ​ത്ത​ക​രു​ടെ​യും പ്ര​തി​ഷേ​ധ​ത്തെ തു​ട​ർ​ന്ന് ക​ല​ക്ട​റും എം.​എ​ൽ.​എ​യും സ്ഥ​ലം സ​ന്ദ​ർ​ശി​ക്കു​ക​യും ക​രാ​ർ ക​മ്പ​നി, ഹൈ​വേ അ​തോ​റി​റ്റി എ​ന്നി​വ​രോ​ട് റി​പ്പോ​ർ​ട്ട് ആ​വ​ശ്യ​പ്പെ​ടു​ക​യും ചെ​യ്തി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ൽ ക​ഴി​ഞ്ഞ​ദി​വ​സം ഹൈ​വേ അ​തോ​റി​റ്റി​യു​ടെ പ്രോ​ജ​ക്ട് ഡ​യ​റ​ക്ട​റും ജ​ന​റ​ൽ മാ​നേ​ജ​രും എ​ൻ.​ഐ.​ടി സം​ഘ​വും സ്ഥ​ല​ത്തെ​ത്തി പാ​ലം ത​ക​ർ​ന്നു​വീ​ഴാ​നു​ണ്ടാ​യ കാ​ര​ണ​ങ്ങ​ളെ​ക്കു​റി​ച്ച് വി​ല​യി​രു​ത്ത​ൽ ന​ട​ത്തി​യി​രു​ന്നു. അ​തി​നു​ശേ​ഷ​മാ​ണ്​ ത​ക​ർ​ന്ന പാ​ലം പൊ​ളി​ച്ചു മാ​റ്റാ​നു​ള്ള ശ്ര​മം തു​ട​ങ്ങി​യ​ത്.

പാ​ല​ത്തി​നു​വേ​ണ്ടി കെ​ട്ടി​യ ക​മ്പി​ക​ൾ ഗ്യാ​സ് ക​ട്ട​ർ ഉ​പ​യോ​ഗി​ച്ച് മു​റി​ച്ചു​മാ​റ്റി​ത്തു​ട​ങ്ങി. നി​ല​വി​ലെ ക​മ്പി​ക​ളും ത​ക​ർ​ന്ന കോ​ൺ​ക്രീ​റ്റും പൂ​ർ​ണ​മാ​യും മാ​റ്റി​യ​ശേ​ഷ​മാ​കും പു​തി​യ​പാ​ലം നി​ർ​മി​ക്കു​ക. ക​രാ​ർ ക​മ്പ​നി​യു​ടെ കാ​ലാ​വ​ധി​ക്കു​ള്ളി​ൽ ഇ​വി​ടെ പു​തി​യ പാ​ലം നി​ർ​മി​ക്കാ​നാ​ണ് ഇ​വ​ർ ല​ക്ഷ്യ​മി​ട്ടി​ട്ടു​ള്ള​ത്.