പ്രതീക്ഷകൾക്ക്​ ചിറകായി ‘ഹോപ്​’

കൊ​ല്ലം: വി​ദ്യാ​ഭ്യാ​സം പാ​തി​യി​ൽ മു​റി​ഞ്ഞു​പോ​കു​ന്ന കൗ​മാ​ര​ക്കാ​രെ കൈ​പി​ടി​ച്ചു ന​ട​ത്താ​ൻ കേ​ര​ള പൊ​ലീ​സ്​ ന​ട​പ്പാ​ക്കി​യ ‘ഹോ​പ്​’ പ​ദ്ധ​തി വി​ജ​യ​ക​ര​മാ​യി മു​ന്നോ​ട്ട്. എ​സ്.​എ​സ്.​എ​ൽ.​സി, പ്ല​സ്​ ടു ​പ​രീ​ക്ഷ​ക​ളി​ൽ പ​രാ​ജ​യ​പ്പെ​ട്ട​വ​ർ​ക്കും പ​ഠ​നം പാ​തി​വ​ഴി​യി​ൽ നി​ർ​ത്തേ​ണ്ടി​വ​ന്ന​വ​ർ​ക്കും സൗ​ജ​ന്യ തു​ട​ർ പ​ഠ​ന​ത്തി​ന്​ സൗ​ക​ര്യ​മൊ​രു​ക്കി സ​ഹാ​യം ന​ൽ​കു​ന്ന പ​ദ്ധ​തി​യാ​ണ്​ ഹോ​പ്. പൊ​ലീ​സി​ന്‍റെ സോ​ഷ്യ​ൽ പൊ​ലീ​സി​ങ്​ ഡി​വി​ഷ​നാ​ണ്​ ‘ഹോ​പ്​’ ന​ട​പ്പാ​ക്കു​ന്ന​ത്. കൊ​ല്ലം സി​റ്റി പൊ​ലീ​സി​ന്‍റെ കീ​ഴി​ൽ മാ​ത്രം ക​ഴി​ഞ്ഞ വ​ർ​ഷം 54 കു​ട്ടി​ക​ളാ​ണ്​ തു​ട​ർ​പ​ഠ​ന സ​ഹാ​യം തേ​ടി ‘ഹോ​പ്പി​ൽ’ പ്ര​തീ​ക്ഷ​വെ​ച്ച്​ പ​ഠ​ന​വ​ഴി​യി​ൽ മു​ന്നേ​റു​ന്ന​ത്.

പ്ല​സ്​ ടു​വി​ന്​ തു​ട​ർ​പ​ഠ​ന​യോ​ഗ്യ​ത നേ​ടാ​തെ പോ​യ​വ​രും പാ​തി​വ​ഴി​യി​ൽ നി​ർ​ത്തി​യ​വ​രും ഉ​ൾ​പ്പെ​ടു​ന്ന ബാ​ച്ചി​ന്​ കൊ​ല്ലം ​ചാ​മ​ക്ക​ട​യി​ലെ പ​ഴ​യ ട്രാ​ഫി​ക്​ ​പൊ​ലീ​സ്​ സ്​​റ്റേ​ഷ​നി​ൽ പ്ര​വ​ർ​ത്തി​ക്കു​ന്ന ഡി ​ക്യാ​പ്​ സെ​ന്‍റ​ർ ഒ​രു ‘കു​ട്ടി വി​ദ്യാ​ല​യം’ ത​ന്നെ​യാ​യി മാ​റി. മൂ​ന്ന്​ പേ​ർ സം​സ്ഥാ​ന സി​ല​ബ​സി​ൽ പ്ല​സ്​ ടു ​സ​യ​ൻ​സി​ൽ ഏ​താ​നും വി​ഷ​യ​ങ്ങ​ളി​ൽ പി​ൻ​ത​ള്ളി​പോ​യ​വ​രാ​യി​രു​ന്നു. ഇ​വ​ർ​ക്ക്​ കൃ​ത്യ​മാ​യി ക്ലാ​സു​ക​ൾ ന​ൽ​കി പൊ​ലീ​സ്​ സം​ഘം കൂ​ടെ നി​ന്ന​പ്പോ​ൾ മൂ​ന്നു​പേ​രും ഇ​ത്ത​വ​ണ പ​രീ​ക്ഷ​യെ​ഴു​തി വി​ജ​യം കൈ​വ​രി​ച്ചു. ബാ​ക്കി​യു​ള്ള 51 പേ​ർ​ക്കും പ്ല​സ്​ ടു ​തു​ല്യ​ത പ​ഠ​ന​മാ​ണ്​ ന​ൽ​കു​ന്ന​ത്.

നാ​ഷ​ന​ൽ ഇ​ൻ​സ്റ്റി​റ്റ്യൂ​ട്ട്​ ഓ​ഫ്​ ഓ​പ​ൺ സ്കൂ​ളി​ന്‍റെ (എ​ൻ.​ഐ.​ഒ.​എ​സ്) ഹ്യു​മാ​നി​റ്റീ​സ്​ പ്ല​സ്​ ടു ​കോ​ഴ്​​സി​ൽ ഇ​വ​ർ​ക്കാ​യു​ള്ള ക്ലാ​സു​ക​ൾ മു​ന്നേ​റു​ക​യാ​ണ്. പ​ല​വി​ധ പ്ര​ശ്ന​ങ്ങ​ൾ കാ​ര​ണം പ​ല​രും ഏ​താ​നും​ വ​ർ​ഷം മു​മ്പ്​ പ​ഠ​നം പാ​തി​വ​ഴി​യി​ൽ ഉ​പേ​ക്ഷി​ച്ചു​പോ​യ​വ​രാ​ണ്. ഇ​ക്കൂ​ട്ട​ത്തി​ൽ, മു​മ്പ്​ കു​റ്റ​കൃ​ത്യ​ങ്ങ​ളു​ടെ പാ​ത​യി​ലേ​ക്ക്​ പോ​യ​വ​ർ പോ​ലു​മു​ണ്ട്. പ​ഠ​ന​ത്തി​ലൂ​ടെ ജീ​വി​തം തി​രി​ച്ചു​പി​ടി​ക്കാ​നു​ള്ള പോ​രാ​ട്ട​ത്തി​ലാ​ണ് അ​വ​ർ.

പ്ല​സ്​ ടു ​പ​ഠി​ച്ചു​പൂ​ർ​ത്തി​യാ​ക്കാ​നാ​കാ​തെ, പ​ല​വി​ധ ജോ​ലി​ക​ളി​ലേ​ക്ക്​ തി​രി​ഞ്ഞ​വ​രും പ​ഠ​നം പൂ​ർ​ത്തി​യാ​ക്കാ​ൻ പൊ​ലീ​സി​ന്‍റെ സ​ഹാ​യം സ്വീ​ക​രി​ച്ച്​ നി​ല​വി​ലെ ബാ​ച്ചി​ലു​ണ്ട്. ഇ​വ​ർ​ക്കു​ൾ​പ്പെ​ടെ 16 പേ​ർ​ക്ക്​ ഓ​ൺ​ലൈ​ൻ ക്ലാ​സു​ക​ളും ‘ഹോ​പ്​’ ല​ഭ്യ​മാ​ക്കു​ന്നു. നാ​ഷ​ന​ൽ ഓ​പ​ൺ സ്കൂ​ളി​ന്‍റെ ഷെ​ഡ്യൂ​ൾ പ്ര​കാ​രം മാ​ർ​ച്ചി​ൽ പ​രീ​ക്ഷ എ​ഴു​താ​മാ​യി​രു​ന്നെ​ങ്കി​ലും അ​ത്​ ഒ​ഴി​വാ​ക്കി, പ​ഠ​നം മി​ക​ച്ച​രീ​തി​യി​ൽ പൂ​ർ​ത്തി​യാ​ക്കി ഒ​ക്​​ടോ​ബ​റി​ൽ പ​രീ​ക്ഷ എ​ഴു​താ​നു​ള്ള ത​യാ​റെ​ടു​പ്പി​ലാ​ണ്​ സം​ഘം.

ഓ​പ​ൺ സ്കൂ​ൾ തു​ല്യ​ത പ്ല​സ്​ ടു ​ക്ലാ​സ്​ തെ​ര​ഞ്ഞെ​ടു​ക്കു​ന്ന​വ​ർ​ക്ക്​ 2250 രൂ​പ ര​ജി​സ്​​ട്രേ​ഷ​ൻ ഫീ​സ്, 1500 രൂ​പ ഫീ​സ് എ​ന്നി​വ​യെ​ല്ലാം ​പൊ​ലീ​സ്​ ഹോ​പ്​ ഡി​വി​ഷ​ൻ ത​ന്നെ അ​ട​ക്കും. ഐ.​ഡി കാ​ർ​ഡ്​ ഉ​ൾ​പ്പെ​ടെ സൗ​ജ​ന്യ​മാ​യാ​ണ്​ ന​ൽ​കു​ന്ന​ത്.​ ​ചാ​മ​ക്ക​ട​യി​ലെ പ​ഠ​ന​കേ​ന്ദ്ര​ത്തി​ൽ തി​ങ്ക​ൾ മു​ത​ൽ വെ​ള്ളി​വ​രെ രാ​വി​ലെ മു​ത​ൽ ഉ​ച്ച വ​രെ ആ​ണ്​ ക്ലാ​സു​ക​ൾ ന​ട​ക്കു​ന്ന​ത്. ക്ലാ​സെ​ടു​ക്കാ​ൻ സ്ഥി​ര​മാ​യി അ​ധ്യാ​പി​ക​യു​മു​ണ്ട്.

മു​മ്പ്​ ഹോ​പി​ലൂ​ടെ പ​ഠി​ച്ചി​റ​ങ്ങി​യ ര​ണ്ട്​ പേ​രും പ​ഠ​ന​ത്തി​ന്​ സ​ഹാ​യം ന​ൽ​കു​ന്നു. ഓ​ൺ​ലൈ​ൻ ക്ലാ​സ്​ വ​ഴി പ​ഠി​ക്കു​ന്ന​വ​ർ​ ഞാ​യ​റാ​ഴ്ച ഇ​വി​ടെ എ​ത്ത​ണം. സാ​ധാ​ര​ണ സ്കൂ​ളി​ലേ​ത്​ പോ​ലെ, പ​ഠ​നം കൂ​ടാ​തെ പ​ല​വി​ധ ആ​ഘോ​ഷ​ങ്ങ​ളും സ്റ്റ​ഡി ടൂ​റും ഉ​ൾ​പ്പെ​ടെ വി​ദ്യാ​ർ​ഥി ജീ​വി​ത​ത്തി​ന്​ മു​ത​ൽ​ക്കൂ​ട്ടാ​കു​ന്ന എ​ല്ലാ​വി​ധ പി​ന്തു​ണ​യും ഹോ​പി​ലൂ​ടെ ന​ൽ​കു​ന്നു​ണ്ട്. കു​ട്ടി​ക​ൾ​ക്ക്​ കൗ​ൺ​സി​ലി​ങ്​ വ​ഴി മാ​ന​സി​ക പി​ന്തു​ണ​യും മോ​ട്ടി​വേ​ഷ​ൻ ക്ലാ​സു​ക​ളും വ്യ​ക്തി​ത്വ വി​ക​സ​ന​ത്തി​ന്​ സ​ഹാ​യ​വു​മെ​ല്ലാം ഇ​വി​ടെ ല​ഭി​ക്കും.

ഇ​ത്ത​വ​ണ പു​തി​യ ബാ​ച്ചി​ലേ​ക്ക്​ അ​പേ​ക്ഷ ക്ഷ​ണി​ച്ച്​ തു​ട​ങ്ങി​യ​പ്പോ​ൾ ത​ന്നെ 18 എ​ണ്ണ​മെ​ത്തി. ഇ​തി​ൽ കൂ​ടു​ത​ലും പ്ല​സ്​ ടു​വി​ന്​ വി​വി​ധ വി​ഷ​യ​ങ്ങ​ൾ ന​ഷ്ട​പ്പെ​ട്ടു​പോ​യ​വ​രാ​ണ്. പ​ത്തോ​ളം പേ​ർ സ​യ​ൻ​സി​ൽ ത​ന്നെ​യു​ണ്ട്. ഇ​ത്ത​വ​ണ കൂ​ടു​ത​ൽ കു​ട്ടി​ക​ൾ കോ​ഴ്​​സി​ന്​ എ​ത്തു​മെ​ന്ന ക​ണ​ക്കു​കൂ​ട്ട​ലി​ലാ​ണ്​ ‘ഹോ​പ്​’ അ​ധി​കൃ​ത​ർ. അ​ങ്ങ​നെ​യെ​ങ്കി​ൽ സ്ഥ​ല സൗ​ക​ര്യ​ത്തി​നാ​യി എ.​ആ​ർ ക്യാ​മ്പി​ലേ​ക്ക്​ ക്ലാ​സ്​ മാ​റ്റാ​നും സാ​ധ്യ​ത​യു​ണ്ട്.

കൂ​ടാ​തെ, സ​യ​ൻ​സ്​ ബാ​ച്ചു​കാ​ർ കൂ​ടു​ത​ലു​ള്ള​ത്​ ക​ണ​ക്കി​ലെ​ടു​ത്ത്​ സി​റ്റി​യി​ൽ ജോ​ലി നോ​ക്കു​ന്ന പൊ​ലീ​സു​കാ​ർ ത​ന്നെ അ​ധ്യാ​പ​ക​രാ​യി എ​ത്താ​നും സ​ന്ന​ദ്ധ​ത അ​റി​യി​ച്ചി​ട്ടു​ണ്ട്. സോ​ഷ്യ​ൽ പൊ​ലീ​സ്​ ഡി​വി​ഷ​ന്​ ല​ഭി​ക്കു​ന്ന ഫ​ണ്ട്, സ​ഹാ​യ​മാ​യി ല​ഭി​ക്കു​ന്ന സി.​എ​സ്.​ആ​ർ ഫ​ണ്ട്, പൊ​ലീ​സ്​ സൊ​സൈ​റ്റി ന​ൽ​കു​ന്ന സ​ഹാ​യം എ​ന്നി​വ​യാ​ണ്​ ​‘ഹോ​പ്​’ പ​ദ്ധ​തി​യെ മു​ന്നോ​ട്ടു​ന​യി​ക്കു​ന്ന​ത്. കഴിഞ്ഞ വർഷം വരെ 20 വയസായിരുന്ന പ്രായപരിധി ഇത്തവണ 21 ആയി ഉയർത്തിയിട്ടുണ്ട്​. കൊ​ല്ലം സി​റ്റി​യി​ൽ ക​മീ​ഷ​ണ​ർ കി​ര​ൺ മാ​ത്യു​വി​ന്‍റെ മേ​ൽ​നോ​ട്ട​ത്തി​ൽ നോ​ഡ​ൽ ഓ​ഫി​സ​റാ​യ അ​ഡീ​ഷ​ന​ൽ എ​സ്.​പി ​സ​ക്ക​റി​യ മാ​ത്യു​വി​ന്‍റെ നേ​തൃ​ത്വ​ത്തി​ലാ​ണ്​ ‘ഹോ​പ്​’ മു​ന്നേ​റു​ന്ന​ത്.