ഇതരസംസ്ഥാന തൊഴിലാളി ക്യാമ്പുകൾ വൃത്തിഹീനം; കണ്ടമട്ടില്ലാതെ അധികൃതർ

കൊ​ട്ടി​യം: ഇ​ത​ര​സം​സ്ഥാ​ന തൊ​ഴി​ലാ​ളി​ക​ള്‍ താ​മ​സി​ക്കു​ന്ന ക്യാ​മ്പു​ക​ൾ പ​ല​തും വൃ​ത്തി​ഹീ​ന​മാ​യ അ​ന്ത​രീ​ക്ഷ​ത്തി​ലാ​യി​ട്ടും അ​ധി​കൃ​ത​ർ ക​ണ്ട മ​ട്ട് കാ​ണി​ക്കു​ന്നി​ല്ലെ​ന്ന്​ ആ​ക്ഷേ​പം. പ​ക​ർ​ച്ച​വ്യാ​ധി​ക​ൾ പ​ട​ർ​ന്നു​പി​ടി​ച്ചി​ട്ടും മ​ഞ്ഞ​പ്പി​ത്തം ബാ​ധി​ച്ച് മ​ര​ണ​ങ്ങ​ളു​ണ്ടാ​യി​ട്ടും അ​ന്ത​ർ​സം​സ്ഥാ​ന തൊ​ഴി​ലാ​ളി ക്യാ​മ്പു​ക​ളി​ലെ പ​രി​ശോ​ധ​ന​ക്ക്​ പ​ഞ്ചാ​യ​ത്തു​ക​ളും ആ​രോ​ഗ്യ​വ​കു​പ്പ് അ​ധി​കൃ​ത​രും വി​മു​ഖ​ത കാ​ട്ടു​ക​യാ​ണ്. മ​യ്യ​നാ​ട്, തൃ​ക്കോ​വി​ൽ​വ​ട്ടം, നെ​ടു​മ്പ​ന പ​ഞ്ചാ​യ​ത്തു​ക​ളു​ടെ പ​രി​ധി​യി​ൽ നി​ര​വ​ധി ഇ​ത​ര​സം​സ്ഥാ​ന തൊ​ഴി​ലാ​ളി ക്യാ​മ്പു​ക​ളു​ണ്ട്. പ​ല ക്യാ​മ്പു​ക​ളി​ലും ആ​വ​ശ്യ​ത്തി​ന് ശു​ചി​മു​റി​ക​ളി​ല്ല. നി​ല​വി​ലു​ള്ള​വ​ത​​ന്നെ വൃ​ത്തി​ഹീ​നമായ സ്ഥി​തി​യി​ലാ​ണ്.

ഷീ​റ്റു​ക​ള്‍ കൊ​ണ്ട് മ​റ​ച്ച ഷെ​ഡു​ക​ളി​ല്‍ സ്ത്രീ​ക​ള​ട​ക്ക​മാ​ണ്​ താ​മ​സി​ക്കു​ന്ന​ത്. ഉ​ൾ​പ്ര​ദേ​ശ​ങ്ങ​ളി​ലെ ക്യാ​മ്പു​ക​ളി​ൽ ശു​ചി​മു​റി​ക​ൾ പോ​ലും ഇ​ല്ലാ​ത്ത അ​വ​സ്ഥ​യാ​ണ്. കോ​വി​ഡ് കാ​ല​ത്ത് ക്യാ​മ്പു​ക​ളി​ൽ പ​രി​ശോ​ധ​ന ന​ട​ന്നെ​ങ്കി​ലും പി​ന്നീ​ട് ഉ​ണ്ടാ​യി​ല്ല. ക്യാ​മ്പു​ക​ളി​ൽ വെ​ച്ച് അ​സു​ഖം പി​ടി​പെ​ടു​മ്പോ​ൾ ഇ​വ​ർ നാ​ട്ടി​ലേ​ക്ക് പോ​കാ​റാ​ണ് പ​തി​വ്. ഇ​വി​ടെ​നി​ന്ന്​ ക​ക്കൂ​സ് മാ​ലി​ന്യം ഉ​ള്‍പ്പെ​ടെ ഒ​ഴു​ക്കു​ന്ന​ത് മൂ​ടി​യി​ല്ലാ​ത്ത കു​ഴി​ക​ളി​ലേ​ക്കാ​ണ്. പ​രാ​തി ഉ​യ​രു​മ്പോ​ൾ പ​ല​ക​യും ഷീ​റ്റും കൊ​ണ്ട് മൂ​ടാ​റാ​ണ് പ​തി​വ്.

തൃ​ക്കോ​വി​ൽ​വ​ട്ട​ത്ത് മ​ഞ്ഞ​പ്പി​ത്ത​മ​ര​ണം ന​ട​ന്ന സ്ഥി​തി​ക്ക് ആ​രോ​ഗ്യ, തൊ​ഴി​ല്‍, ത​ദ്ദേ​ശ​സ്വ​യം​ഭ​ര​ണ, പൊ​ലീ​സ് വി​ഭാ​ഗ​ങ്ങ​ൾ ചേ​ർ​ന്ന് ഇ​ത​ര​സം​സ്ഥാ​ന​തൊ​ഴി​ലാ​ളി ക്യാ​മ്പു​ക​ളി​ൽ സം​യു​ക്ത പ​രി​ശോ​ധ​ന ന​ട​ത്ത​ണ​മെ​ന്ന ആ​വ​ശ്യം ശ​ക്ത​മാ​ണ്. ഓ​രോ പ​ഞ്ചാ​യ​ത്തി​ലും എ​ത്ര ഇ​ത​ര​സം​സ്ഥാ​ന തൊ​ഴി​ലാ​ളി ക്യാ​മ്പു​ക​ൾ ഉ​ണ്ടെ​ന്ന​ത്​ പ​ഞ്ചാ​യ​ത്ത് അ​ധി​കൃ​ത​ർ​ക്കോ ആ​രോ​ഗ്യ​വ​കു​പ്പ് അ​ധി​കൃ​ത​ർ​ക്കോ അ​റി​യാ​ത്ത സ്ഥി​തി​യാ​ണു​ള്ള​ത്.