കാടിറങ്ങി അവരെത്തി, പുതുജീവിതത്തിലേക്ക്​; 10 ജോ​ടി യു​വ​തീ​യു​വാ​ക്ക​ളു​ടെ വിവാഹം നടത്തി ഗാ​ന്ധി​ഭ​വ​ൻ സ്നേ​ഹാ​ശ്ര​മം

കൊ​ട്ടി​യം: വേ​ള​മാ​നൂ​ർ ഗാ​ന്ധി​ഭ​വ​ൻ സ്നേ​ഹാ​ശ്ര​മം ഞാ​യ​റാ​ഴ്ച​പ​ക​ൽ സാ​ക്ഷി​യാ​യ​ത് മാ​റ്റ​ത്തി​ന്‍റെ പു​തു​മം​ഗ​ല​ത്തി​ന്. പ​ത്ത​നം​തി​ട്ട​യി​ലെ വ​ന​ങ്ങ​ളി​ലെ താ​മ​സ​ക്കാ​രാ​യ ഗോ​ത്ര​വ​ർ​ഗ​ക്കാ​രാ​യ 10 ജോ​ടി യു​വ​തീ​യു​വാ​ക്ക​ളു​ടെ വി​വാ​ഹ​മാ​ണ്​ ഇ​വി​ടെ ന​ട​ന്ന​ത്. കാ​ടി​നു​ള്ളി​ലെ ആ​ചാ​രാ​നു​ഷ്ഠാ​ന​ങ്ങ​ളെ അ​ക​റ്റി​നി​ർ​ത്താ​തെ ഒ​രു നാ​ട് മു​ഴു​വ​ൻ യു​വ​തീ​യു​വാ​ക്ക​ളെ ചേ​ർ​ത്തു​പി​ടി​ച്ചു.

ഗാ​ന്ധി​ഭ​വ​ൻ സ്നേ​ഹാ​ശ്ര​മ​ത്തി​ന്റെ ആ​റാം​വാ​ർ​ഷി​കാ​ഘോ​ഷ​ങ്ങ​ളു​ടെ ഭാ​ഗ​മാ​യാ​യി​രു​ന്നു ശ​ബ​രി​മ​ല​വ​ന​ത്തി​ലെ ഗോ​ത്ര​വ​ർ​ഗ​ക്കാ​രാ​യ യു​വ​തീ​യു​വാ​ക്ക​ളു​ടെ വി​വാ​ഹം. വ​ധൂ​വ​ര​ന്മാ​ർ​ക്കു​ള്ള വ​സ്ത്ര​ങ്ങ​ളും വ​ധു​വി​നു​ള്ള സ്വ​ർ​ണ താ​ലി​മാ​ല​യും ഗാ​ന്ധി​ഭ​വ​ൻ അ​ധി​കൃ​ത​ർ ന​ൽ​കി. വേ​ള​മാ​നൂ​ർ ജ​ങ്​​ഷ​നി​ൽ എ​ത്തി​യ വ​ധൂ​വ​ര​ന്മാ​രെ​യും ബ​ന്ധു​ക്ക​ളെ​യും വി​ശി​ഷ്ടാ​തി​ഥി​ക​ളും ഗാ​ന്ധി​ഭ​വ​ൻ അ​ധി​കൃ​ത​രും സ്വീ​ക​രി​ച്ച് സ്നേ​ഹാ​ശ്ര​മ​ത്തി​ൽ എ​ത്തി​ക്കു​ക​യാ​യി​രു​ന്നു. ജാ​തി​മ​ത ഭേ​ദ​മെ​ന്യേ നൂ​റു​ക​ണ​ക്കി​നാ​ളു​ക​ൾ വി​വാ​ഹ ച​ട​ങ്ങു​ക​ളി​ൽ പ​ങ്കെ​ടു​ത്തു. വി​ഭ​വ​സ​മൃ​ദ്ധ​മാ​യ സ​ദ്യ​യും ഒ​രു​ക്കി​യി​രു​ന്നു.

പ​ഞ്ചാ​യ​ത്ത് അ​ധി​കൃ​ത​ർ ഇ​വ​ർ​ക്ക് ത​ൽ​സ​മ​യം വി​വാ​ഹ സ​ർ​ട്ടി​ഫി​ക്ക​റ്റും ന​ൽ​കി. ഗോ​ത്ര​വ​ർ​ഗ​ക്കാ​ർ​ക്കി​ട​യി​ലെ വി​വാ​ഹ​ങ്ങ​ളി​ൽ നി​യ​മ​ന​ട​പ​ടി​ക്ര​മ​ങ്ങ​ൾ പാ​ലി​ക്കാ​ത്ത​തി​നാ​ൽ പ​ല ആ​നു​കൂ​ല്യ​ങ്ങ​ളും ന​ഷ്ട​പ്പെ​ടു​ന്ന സാ​ഹ​ച​ര്യ​ത്തി​ലാ​ണ് ഗാ​ന്ധി​ഭ​വ​ൻ ഈ ​ഉ​ദ്യ​മം മു​ന്നോ​ട്ടു​വെ​ച്ച​ത്. ഗാ​ന്ധി​ഭ​വ​ൻ ഇ​ൻ​റ​ർ​നാ​ഷ​ന​ൽ ട്ര​സ്റ്റി​ന്റെ നേ​തൃ​ത്വ​ത്തി​ൽ ഗോ​ത്ര​വ​ർ​ഗ​വി​ഭാ​ഗ​ക്കാ​രു​ടെ ഉ​ന്ന​മ​ന​ത്തി​നാ​യു​ള്ള പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യാ​യി​രു​ന്നു വി​വാ​ഹം. ഗോ​ത്ര​മേ​ഖ​ല​യി​ൽ പ്ര​വ​ർ​ത്തി​ക്കു​ന്ന അം​ഗ​ൻ​വാ​ടി അ​ധ്യാ​പി​ക പി.​കെ. കു​ഞ്ഞു​മോ​ളാ​ണ് വ​ധൂ​വ​ര​ന്മാ​രെ ക​ണ്ടെ​ത്തി​യ​ത്.

ച​ട​ങ്ങ്​ മ​ന്ത്രി ജെ. ​ചി​ഞ്ചു​റാ​ണി ഉ​ദ്ഘാ​ട​നം ചെ​യ്തു. ഗാ​ന്ധി​ഭ​വ​ൻ ഇ​ൻ​റ​ർ​നാ​ഷ​ന​ൽ ട്ര​സ്റ്റ് ചെ​യ​ർ​പേ​ഴ്സ​ൺ ഡോ. ​ഷാ​ഹി​ദാ ക​മാ​ൽ, അം​ഗം പ്ര​സ​ന്നാ രാ​ജ​ൻ, എ​ൻ.​കെ. പ്രേ​മ​ച​ന്ദ്ര​ൻ എം.​പി, ജി.​എ​സ്. ജ​യ​ലാ​ൽ എം.​എ​ൽ.​എ, വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി ജി​ല്ല പ്ര​സി​ഡ​ൻ​റ് ദേ​വ​രാ​ജ​ൻ, എ​സ്. പ​ള​നി പ​ത്മ, ഇ​ത്തി​ക്ക​ര ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ൻ​റ് ശ്രീ​കു​മാ​ർ, വേ​ള​മാ​നൂ​ർ ഗാ​ന്ധി​ഭ​വ​ൻ സ്നേ​ഹാ​ശ്ര​മം ചെ​യ​ർ​മാ​ൻ ബി. ​പ്രേ​മാ​ന​ന്ദ്, ഡ​യ​റ​ക്ട​ർ പ​ത്മാ​ല​യം ആ​ർ. രാ​ധാ​കൃ​ഷ്ണ​ൻ, സെ​ക്ര​ട്ട​റി പി.​എം. രാ​ധാ​കൃ​ഷ്ണ​ൻ, വെ​ൽ​ഫെ​യ​ർ ഓ​ഫി​സ​ർ ആ​ല​പ്പാ​ട്ട് ശ​ശി​ധ​ര​ൻ, ഗാ​ന്ധി​ഭ​വ​ൻ ഭാ​ര​വാ​ഹി​ക​ൾ, പ​ഞ്ചാ​യ​ത്ത് പ്ര​സി​ഡ​ൻ​റു​മാ​ർ, ബ്ലോ​ക്ക് പ​ഞ്ചാ​യ​ത്തം​ഗ​ങ്ങ​ൾ തു​ട​ങ്ങി നൂ​റു​ക​ണ​ക്കി​നാ​ളു​ക​ൾ ച​ട​ങ്ങി​ന് സാ​ക്ഷി​യാ​യി.