‘പുസ്തക വസന്ത’വുമായി നൗഷാദ്​ സഞ്ചരിക്കുകയാണ്

ക​ട​യ്ക്ക​ൽ: പു​സ്ത​ക​പ്രേ​മി​ക​ൾ​ക്കും എ​ഴു​ത്തു​കാ​ർ​ക്കും ഒ​രു​പോ​ലെ പ്രി​യ​പ്പെ​ട്ട​വ​നാ​ണ് ചി​ത​റ തു​മ്പ​മ​ൺ തൊ​ടി പ​ള്ളി​പ്പ​ടി​ഞ്ഞാ​റ്റ​തി​ൽ വീ​ട്ടി​ൽ നൗ​ഷാ​ദ്.

ഒ​രു തു​ണി​സ​ഞ്ചി നി​റ​യെ സാ​ഹി​ത്യ-​വൈ​ജ്ഞാ​നി​ക പു​സ്ത​ക​ങ്ങ​ൾ കു​ത്തി​നി​റ​ച്ച് ചു​മ​ലി​ലേ​റ്റി കോ​ഴി​ക്കോ​ട്ടെ ഒ​ട്ടു​മി​ക്ക ഓ​ഫി​സു​ക​ളി​ലും ക​ലാ​ല​യ​ങ്ങ​ളി​ലും സ​മ്മേ​ള​ന ന​ഗ​രി​യി​ലു​മെ​ല്ലാം ഉ​പ​ജീ​വ​ന​ത്തി​നാ​യി പു​സ്ത​ക​വി​ൽ​പ​ന​യു​മാ​യി ന​ട​ന്നു​നീ​ങ്ങു​ക​യാ​ണ് 43കാ​ര​നാ​യ നൗ​ഷാ​ദ്. കൊ​ല്ലം കാ​ർ​ഷി​ക ഗ്രാ​മ​വി​ക​സ​ന ബാ​ങ്കി​ലെ ജോ​ലി ഉ​പേ​ക്ഷി​ച്ച് കോ​ഴി​ക്കോ​ടെ​ത്തി​യ​തോ​ടെ പു​സ്ത​ക​ങ്ങ​ളും വാ​യ​ന​ക്കാ​രു​മാ​ണ് ക​ഴി​ഞ്ഞ കാ​ൽ നൂ​റ്റാ​ണ്ടി​ലേ​റെ​യാ​യി നൗ​ഷാ​ദി​ന്‍റെ സൗ​ഹൃ​ദ​വ​ഴി​ക​ൾ. അ​ക്ഷ​ര​ങ്ങ​ളി​ഷ്ട​പ്പെ​ടു​ന്ന അ​നേ​കം​പേ​രാ​ണ് സ​മൂ​ഹ​മാ​ധ്യ​മ​ങ്ങ​ളി​ലൂ​ടെ നൗ​ഷാ​ദി​ന്‍റെ പു​സ്ത​ക​ലോ​ക​ത്തി​ലെ നി​ത്യ​സൗ​ഹൃ​ദ​ങ്ങ​ൾ. വി​ദേ​ശ​ത്തും സ്വ​ദേ​ശ​ത്തു​മു​ള്ള മ​ല​യാ​ളി വാ​യ​ന​ക്കാ​ർ​ക്ക്​ പു​സ്ത​ക​ങ്ങ​ൾ പ​രി​ച​യ​പ്പെ​ടാ​നും അ​വ​ർ​ക്കെ​ത്തി​ച്ചു​ന​ൽ​കാ​നും ‘പു​സ്ത​ക​ലോ​കം’ എ​ന്ന ത​ന്‍റെ സൈ​ബ​ർ കൂ​ട്ടാ​യ്​​മ​യെ ഉ​പ​യോ​ഗി​ക്കു​ക​യാ​ണ് നൗ​ഷാ​ദ്.

ഒ​രു​പു​സ്ത​കം ആ​വ​​ശ്യം​വ​ന്നാ​ൽ പേ​രു​മാ​ത്ര​മേ അ​റി​യു​ള്ളു, ആ​രാ​ണ് എ​ഴു​തി​യ​തെ​ന്നോ എ​ന്നാ​ണ് പ്ര​സി​ദ്ധീ​ക​രി​ച്ച​തെ​ന്നോ, ആ​രാ​ണ് പ്ര​സാ​ധ​നം ചെ​യ്ത​തെ​ന്നോ ഒ​ന്നും ത​ന്നെ അ​റി​യി​ല്ല. എ​ന്നാ​ൽ, പു​സ്ത​കം ന​മു​ക്ക് അ​ത്യാ​വ​ശ്യ​മാ​യി കി​ട്ടു​ക​യും വേ​ണം.

അ​ങ്ങ​നെ​യു​ള്ള​പ്പോ​ൾ നൗ​ഷാ​ദി​ന്​ വാ​ട്സ്ആ​പ് വ​ഴി സ​ന്ദേ​ശ​മ​യ​ച്ചാ​ൽ മ​തി, ചു​രു​ങ്ങി​യ ദി​വ​സ​ത്തി​നു​ള്ളി​ൽ നാ​മ​ന്വേ​ഷി​ക്കു​ന്ന പു​സ്ത​കം ആ​വ​​ശ്യ​ക്കാ​രു​ടെ കൈ​ക​ളി​ലെ​ത്തും.

കൊ​ല്ലം-​തി​രു​വ​ന​ന്ത​പു​രം, കൊ​ല്ലം-​കോ​ട്ട​യം, കൊ​ല്ലം-​എ​റ​ണാ​കു​ളം റെ​യി​ൽ റൂ​ട്ടു​ക​ളി​ലും, കൊ​ല്ലം ഭ​ര​ണി​ക്കാ​വി​ൽ സ​ർ​വി​സ് ബ​സു​ക​ളി​ലും പു​സ്ത​ക​വി​ൽ​പ​ന​ക്കാ​ര​നാ​യി​രു​ന്നു നൗ​ഷാ​ദ്. പ്രാ​ഥ​മി​ക​വി​ദ്യാ​ഭ്യാ​സ​ത്തി​നു​ശേ​ഷം ചെ​റി​യ തൊ​ഴി​ലു​ക​ളോ​ടൊ​പ്പം ത​ന്നെ പ്രീ​ഡി​ഗ്രി​യും, ബി.​എ ഇം​ഗ്ലീ​ഷും പ്രൈ​വ​റ്റാ​യി പ​ഠി​ച്ച് പാ​സാ​യി. തു​ട​ർ​ന്ന് കേ​ര​ള സ​ർ​വ​ക​ലാ​ശാ​ല​യി​ൽ​നി​ന്ന്​ ഇം​ഗ്ലീ​ഷ് സാ​ഹി​ത്യ​ത്തി​ലും മ​ധു​ര കാ​മ​രാ​ജ് സ​ർ​വ​ക​ലാ​ശാ​ല​യി​ൽ നി​ന്നും ജേ​ണ​ലി​സ​ത്തി​ലും ബി​രു​ദാ​ന​ന്ത​ര ബി​രു​ദ​വും കൊ​ട്ടാ​ര​ക്ക​ര സ​ഹ​ക​ര​ണ​പ​രി​ശീ​ല​ന​കേ​ന്ദ്ര​ത്തി​ൽ നി​ന്നും എ​ച്ച്.​ഡി.​സി​യും ക​ര​സ്ഥ​മാ​ക്കി. മു​ന്നൂ​റോ​ളം ഗ​വേ​ഷ​ണ-​പ​ഠ​ന- വൈ​ജ്ഞാ​നി​ക പു​സ്ത​ക​ങ്ങ​ൾ ഇ​ത്ത​ര​ത്തി​ൽ നൗ​ഷാ​ദ് പു​റ​ത്തി​റ​ക്കി.

റോ​യ​ൽ​റ്റി​യോ, എ​ഴു​ത്തു​കാ​ർ​ക്കു​ള്ള അ​ധി​കം കോ​പ്പി​ക​ളോ ന​ൽ​കാ​തെ, ഉ​ട​മ്പ​ടി​ക​ളോ ഉ​പാ​ധി​ക​ളോ ഒ​ന്നും ത​ന്നെ​യി​ല്ലാ​തെ പ​ക​ർ​പ്പ​വ​കാ​ശം എ​ഴു​ത്തു​കാ​ര​നി​ലും അ​വ​രു​ടെ അ​വ​കാ​ശി​ക​ളി​ലും മാ​ത്രം നി​ല​നി​ർ​ത്തി പു​സ്ത​ക​ങ്ങ​ൾ പു​റ​ത്തി​റ​ക്കു​ന്ന പ്ര​സാ​ധ​ക​നു​മാ​ണ്. പ​ല​തി​നും ഒ​ട്ടേ​റെ പ​തി​പ്പു​ക​ൾ വ​ന്നു.

മ​ല​യാ​ള​ത്തി​ൽ ഏ​തൊ​ക്കെ പു​തി​യ പു​സ്ത​ക​ങ്ങ​ൾ ഇ​റ​ങ്ങു​ന്നു എ​ന്ന​റി​യാ​ൽ ‘പു​സ്ത​ക​ലോ​കം’ എ​ന്ന നൗ​ഷാ​ദി​ന്‍റെ സ​മൂ​ഹ​മാ​ധ്യ​മ പേ​ജ്​ സ​ന്ദ​ർ​ശി​ച്ചാ​ൽ മ​തി. അ​ങ്ങ​നെ എ​ത്തി​യ വി​ദ്യാ​ർ​ഥി​ക​ൾ, അ​ധ്യാ​പ​ക​ർ, ഗ​വേ​ഷ​ക​ർ എ​ന്നി​ങ്ങ​നെ വ​ലി​യ​യൊ​രു കൂ​ട്ട​മാ​ണ്​ പു​സ്ത​ക​ലോ​ക​ത്തി​ന്റെ ക​രു​ത്ത്.