മഴയെടുത്തു...; മ​ല​യോ​ര മേ​ഖ​ല​യി​ൽ വ്യാ​പ​കമായ​ നാ​ശം

പു​ന​ലൂ​ർ: ശ​ക്ത​മാ​യ കാ​റ്റോ​ടു​കൂ​ടി കാ​ല​വ​ർ​ഷം ശ​ക്ത​മാ​യ​തോ​ടെ കി​ഴ​ക്ക​ൻ മ​ല​യോ​ര മേ​ഖ​ല​യി​ൽ വ്യാ​പ​ക നാ​ശം. മ​ര​ങ്ങ​ൾ ഒ​ടി​ഞ്ഞും പി​ഴു​തും വീ​ണ് നി​ര​വ​ധി വീ​ടു​ക​ൾ​ക്കും സ്ഥാ​പ​ന​ങ്ങ​ൾ​ക്കും നാ​ശ​മു​ണ്ടാ​യി. അ​ഞ്ച്​ വീ​ടു​ക​ൾ പൂ​ർ​ണ​മാ​യി ത​ക​ർ​ന്നു. ഏ​ഴ്​ വീ​ടു​ക​ൾ​ക്ക്​ ഭാ​ഗി​ക നാ​ശ​മു​ണ്ടാ​യി.

പു​ന​ലൂ​ർ താ​ഴെ​വാ​തു​ക്ക​ൽ ഉ​ഗ്ര​കു​ന്ന് ഭാ​ഗ​ത്ത് വി​ശ്വം​ഭ​ര​ൻ, ക​ഴു​തു​രു​ട്ടി പ്ലാ​വി​ള പു​ത്ത​ൻ​വീ​ട്ടി​ൽ സു​മ​ഗം​ല, ആ​ര്യ​ങ്കാ​വ് വി​ല്ലേ​ജി​ൽ ഷൈ​ജു ഭ​വ​നി​ൽ സ​ര​സ്വ​തി, ആ​യി​ര​നെ​ല്ലൂ​ർ പു​ത്തു​ത്ത​ടം ജോ​ജു ഭ​വ​നം വീ​ട്ടി​ൽ മി​നി ജോ​ർ​ജ്, ഐ​ക്ക​ര​കോ​ണം മ​ണി​മ​ന്ദി​ര​ത്തി​ൽ ലീ​ല, അ​റ​യ്ക്ക​ൽ തേ​വ​ർ​തോ​ട്ടം ല​ക്ഷം വീ​ട് കോ​ള​നി​യി​ൽ മ​ന, ഉ​റു​കു​ന്ന് പാ​റ​വി​ളി​യി​ൽ സു​ലോ​ച​ന, അ​ഞ്ച​ൽ കു​ഴി​വി​ള​യി​ൽ ഷെ​ഫീ​ഖി​ന്‍റെ ചു​റ്റു​മ​തി​ൽ, ക​രു​കോ​ൺ ച​രു​വി​ള പു​ത്ത​ൻ​വീ​ട്ടി​ൽ എ​സ്. അ​നി​ൽ എ​ന്നി​വ​രു​ടെ വീ​ടു​ക​ൾ വീ​ണ് ത​ക​ർ​ന്നു.

പു​ന​ലൂ​ർ ന​ഗ​ര​സ​ഭ പ്ര​ദേ​ശ​ത്തും വീ​ടു​ക​ൾ​ക്കും മ​റ്റും നാ​ശ​മു​ണ്ടാ​യി. മ​ര​ങ്ങ​ൾ വീ​ണ് വൈ​ദ്യു​തി ലൈ​നു​ക​ളും നി​ര​വ​ധി പോ​സ്റ്റു​ക​ളും ത​ക​ർ​ന്നു. അ​ച്ച​ൻ​കോ​വി​ലി​ൽ നാ​ല് ദി​വ​സ​മാ​യി മു​ട​ങ്ങി​യ വൈ​ദ്യു​തി പു​നഃ​സ്ഥാ​പി​ക്കാ​ൻ ശ്ര​മം ന​ട​ക്കു​ന്നു. വൈ​ദ്യു​തി നി​ല​ച്ച​തി​നെ തു​ട​ർ​ന്ന് അ​ച്ച​ൻ​കോ​വി​ൽ പ്രാ​ഥ​മി​ക ആ​രോ​ഗ്യ കേ​ന്ദ്ര​ത്തി​ലെ ജീ​വ​ൻ ര​ക്ഷാ​മ​രു​ന്നു​ക​ൾ കേ​ടാ​കാ​തി​രി​ക്കാ​ൻ തെ​ന്മ​ല പി.​എ​ച്ച്.​സി​യി​ലേ​ക്ക്​ മാ​റ്റി.

തെ​ന്മ​ല​യി​ൽ​നി​ന്ന് പ്രി​യ എ​സ്റ്റേ​റ്റി​ലും വ​ന​ത്തി​ലൂ​ടെ​യു​ള്ള കെ.​വി ലൈ​നി​ൽ മ​ര​ങ്ങ​ൾ വീ​ണ​താ​ണ് വൈ​ദ്യു​തി മു​ട​ങ്ങാ​നി​ട​യാ​ക്കി​യ​ത്. ക​ന​ത്ത മ​ഴ​യും വ​ന്യ​മൃ​ഗ​ങ്ങ​ളു​ടെ ഭീ​ഷ​ണി​യും കാ​ര​ണം അ​ധി​കൃ​ത​ർ​ക്ക് വ​ന​ത്തി​ലെ​ത്തി നി​ർ​ഭ​യ​മാ​യി ലൈ​നു​ക​ൾ ന​ന്നാ​ക്കി വൈ​ദ്യു​തി പു​നഃ​സ്ഥാ​പി​ക്കാ​നും ക​ഴി​യു​ന്നി​ല്ല.