മുതുപിലാക്കാട്​ മോഷണ പരമ്പര; 25,000 രൂപയും മൂന്നര പവനും കവർന്നു

ശാ​സ്താം​കോ​ട്ട: മു​തു​പി​ലാ​ക്കാ​ടി​നെ ഭീ​തി​യി​ലാ​ഴ്ത്തി വി​വി​ധ വീ​ടു​ക​ളി​ൽ മോ​ഷ​ണം. 25,000 രൂ​പ​യും മൂ​ന്ന​ര പ​വ​ൻ സ്വ​ർ​ണ​വും ക​വ​ർ​ന്നു. ഞാ​യ​റാ​ഴ്ച പു​ല​ർ​ച്ച ര​ണ്ട​ര​ക്ക്​ ശേ​ഷ​മാ​ണ് ഏ​ഴോ​ളം വീ​ടു​ക​ളി​ൽ ക​ള്ള​ൻ ക​യ​റി​യ​ത്. മോ​ഷ്ടാ​വെ​ന്ന്​ സം​ശ​യി​ക്കു​ന്ന ആ​ളു​ടെ മു​ഖം സി.​സി.​ടി.​വി​യി​ൽ പ​തി​ഞ്ഞു.

എ​ല്ലാ വീ​ടു​ക​ളു​ടെ​യും പി​ൻ​ഭാ​ഗ​ത്ത് ക​ത​കി​ന്റെ പൂ​ട്ടു​പൊ​ളി​ച്ച നി​ല​യി​ലാ​ണ്. ശാ​സ്താം​കോ​ട്ട പ​ഞ്ചാ​യ​ത്ത് വി​ക​സ​ന​കാ​ര്യ സ്ഥി​രം സ​മി​തി അ​ധ്യ​ക്ഷ​യും മു​തു​പി​ലാ​ക്കാ​ട് ഒ​മ്പ​താം വാ​ർ​ഡ് മെം​ബ​റു​മാ​യ ഉ​ഷ​കു​മാ​രി​യു​ടെ വീ​ട്ടി​ൽ വെ​ളു​പ്പി​നെ ര​ണ്ട​ര​യോ​ടെ മോ​ഷ​ണം ന​ട​ന്നു.

വീ​ടി​ന്റെ പി​ൻ​ഭാ​ഗ​ത്തെ ക​ത​കി​ന്റെ​യും അ​ക​ത്തെ ക​ത​കി​ന്റെ​യും പൂ​ട്ടു​പൊ​ളി​ച്ചാ​ണ് മോ​ഷ്​​ടാ​വ് അ​ക​ത്തു​ക​ട​ന്ന​ത്. തു​ട​ർ​ന്ന് ബെ​ഡ്‌​റൂ​മി​ൽ സൂ​ക്ഷി​ച്ചി​രു​ന്ന 25,000 രൂ​പ​യും മൂ​ന്ന​ര പ​വ​ന്റെ മാ​ല​യും ക​വ​ർ​ന്നു. മു​റ​യി​ൽ ഉ​റ​ക്ക​ത്തി​ലാ​യി​രു​ന്ന ഉ​ഷാ​കു​മാ​രി കാ​ലി​ലെ പാ​ദ​സ​രം മോ​ഷ്ടി​ക്കാ​ൻ ശ്ര​മി​ക്ക​വെ ഉ​ണ​ർ​ന്ന​തോ​ടെ മോ​ഷ്ടാ​വ് ഓ​ടി ര​ക്ഷ​പ്പെ​ട്ടു.

മൂ​ന്ന്​ മ​ണി​യോ​ടെ മു​തു​പി​ലാ​ക്കാ​ട് പ​ടി​ഞ്ഞാ​റ് ശി​വ​ഭ​വ​ന​ത്തി​ൽ ശി​വ​ൻ​പി​ള്ള​യു​ടെ അ​ടു​ക്ക​ള​യു​ടെ പൂ​ട്ട് പൊ​ളി​ച്ചു. എ​ന്നാ​ൽ വീ​ടി​നു​ള്ളി​ൽ ക​യ​റാ​ൻ ക​ഴി​ഞ്ഞി​ല്ല.

മൂ​ന്ന​ര​യോ​ടെ മു​തു​പി​ലാ​ക്കാ​ട് ക്ഷേ​ത്ര​ത്തി​ന് കി​ഴ​ക്കു​വ​ശം നാ​ല് വീ​ടു​ക​ളി​ൽ മോ​ഷ​ണ​ശ്ര​മം ന​ട​ന്നു. മു​തു​പി​ലാ​ക്കാ​ട് കി​ഴ​ക്ക് ക​ണ്ടോ​ലി​ൽ (രേ​ഖ ഭ​വ​നം) ശ​ശി​ധ​ര​ൻ​പി​ള്ള​യു​ടെ വീ​ട്, മാ​യ ഭ​വ​ന​ത്തി​ൽ മോ​ഹ​ന​ൻ​പി​ള്ള​യു​ടെ വീ​ട്, രോ​ഹി​ണി​യി​ൽ വി​ജ​യ​കൃ​ഷ്ണ​ന്റെ വീ​ട്, ക​ണ്ടോ​ളി​ൽ തെ​ക്ക​തി​ൽ ജ​യ​ച​ന്ദ്ര​ൻ പി​ള്ള​യു​ടെ വീ​ട് എ​ന്നി​വി​ട​ങ്ങ​ളി​ൽ പൂ​ട്ട് പൊ​ളി​ച്ച്​ മോ​ഷ​ണ ശ്ര​മം ന​ട​ന്നു.

വി​ജ​യ​കൃ​ഷ്ണ​ന്റെ വീ​ട്ടി​ലെ സി.​സി.​ടി.​വി​യി​ൽ മോ​ഷ്ടാ​വെ​ന്ന് സം​ശ​യി​ക്കു​ന്ന​യാ​ളു​ടെ മു​ഖം പ​തി​യു​ക​യാ​യി​രു​ന്നു. പ്ര​ദേ​ശ​ത്തെ വി​വി​ധ വീ​ടു​ക​ളി​ൽ മോ​ഷ​ണം ന​ട​ന്ന​തോ​ടെ ജ​ന​ങ്ങ​ൾ ആ​ശ​ങ്ക​യി​ലാ​ണ്. സി.​സി.​ടി.​വി ദൃ​ശ്യ​ങ്ങ​ളു​ടെ അ​ടി​സ്ഥാ​ന​ത്തി​ൽ പൊ​ലീ​സ് പ​രി​ശോ​ധ​ന ആ​രം​ഭി​ച്ച​താ​യും സ്ഥ​ല​ത്ത് പൊ​ലീ​സ് പ​ട്രോ​ളി​ങ് ഊ​ർ​ജി​ത​മാ​ക്കു​മെ​ന്നും ശാ​സ്താം​കോ​ട്ട എ​സ്.​എ​ച്ച്.​ഒ കെ.​ബി. മ​നോ​ജ്‌​കു​മാ​ർ പ​റ​ഞ്ഞു.