പരാധീനതകളുടെ നടുവിൽ ഈ​രാ​റ്റു​പേ​ട്ട കെ.എസ്.ഇ.ബി ഓഫിസ്​

ഈ​രാ​റ്റു​പേ​ട്ട: സ​മൂ​ഹ​ത്തി​ന് വെ​ളി​ച്ചം പ്ര​സ​രി​പ്പി​ക്കേ​ണ്ട വൈ​ദ്യു​തി ഓ​ഫീ​സ് പ​രാ​ധീ​ന​ത​ക​ളു​ടെ കൂ​ടെ യാ​ത്ര തു​ട​ങ്ങി​യി​ട്ട് കാ​ല​ങ്ങ​ളാ​യി. നാ​ട്ടു​കാ​ർ പ​രാ​തി​പ്പെ​ട്ട് മ​ടു​ത്ത​പ്പോ​ൾ ഭ​ര​ണ​ക​ക്ഷി യൂ​നി​യ​ൻ നേ​താ​ക്ക​ൾ ത​ന്നെ കൊ​ടി എ​ടു​ക്കേ​ണ്ട അ​വ​സ്ഥ​യാ​യി. കെ.​എ​സ്.​ഇ.​ബി വ​ർ​ക്കേ​ഴ്സ് അ​സോ​സി​യേ​ഷ​ൻ (സി.​ഐ.​ടി.​യു) യൂ​നി​റ്റ് ക​മ്മ​റ്റി​യു​ടെ നേ​തൃ​ത്വ​ത്തി​ലാ​ണ് പ്ര​തി​ഷേ​ധ​യോ​ഗം സം​ഘ​ടി​പ്പി​ച്ച​ത്

കെ.​എ​സ്.​ഇ.​ബി സെ​ക്ഷ​ൻ ഓ​ഫി​സി​ന്‍റെ ശോ​ച്യാ​വ​സ്ഥ പ​രി​ഹ​രി​ക്കു​ക, ജോ​ലി ചെ​യ്യാ​നാ​വ​ശ്യ​മാ​യ സൗ​ക​ര്യ​ങ്ങ​ൾ ഏ​ർ​പ്പെ​ടു​ത്തു​ക, ജീ​വ​ന​ക്കാ​രു​ടെ ജീ​വ​ന് സു​ര​ക്ഷ ഏ​ർ​പ്പെ​ടു​ത്തു​ക തു​ട​ങ്ങി​യ ആ​വ​ശ്യ​ങ്ങ​ളാ​ണ് ജീ​വ​ന​ക്കാ​ർ സ​മ​ര​ത്തി​ൽ ഉ​ന്ന​യി​ച്ച​ത്.

നാ​ല് പ​തി​റ്റാ​ണ്ടി​ല​ധി​ക​മാ​യി വ​ട​ക്കേ​ക​ര​യി​ലെ വാ​ട​ക​ക്കെ​ട്ടി​ട​ത്തി​ലാ​ണ് ഓ​ഫീ​സ് പ്ര​വ​ർ​ത്തി​ക്കു​ന്ന​ത്. പ്ര​തി​വ​ർ​ഷം മൂ​ന്ന് ല​ക്ഷ​ത്തോ​ളം രൂ​പ​യാ​ണ് വാ​ട​ക​യി​ന​ത്തി​ൽ ന​ൽ​കു​ന്ന​ത്. ഓ​ട് മേ​ഞ്ഞ കെ​ട്ടി​ട​ത്തി​ന്‍റെ മേ​ൽ​ക്കൂ​ര പ​ഴ​കി തു​രു​മ്പി​ച്ചു. ശ​ക്ത​മാ​യ കാ​റ്റ​ടി​ച്ചാ​ൽ താ​ഴെ വീ​ഴാ​നും സാ​ധ്യ​ത​യു​ണ്ട്. മ​ഴ​പെ​യ്താ​ൽ ഓ​ഫി​സി​ന്‍റെ പ​ല​ഭാ​ഗ​ങ്ങ​ളും ചോ​ർ​ന്നൊ​ലി​ക്കും. 32ഓ​ളം ജീ​വ​ന​ക്കാ​ർ ഈ ​കെ​ട്ടി​ട​ത്തി​ൽ ജീ​വ​ൻ ഭ​യ​ന്നാ​ണ് ജോ​ലി നോ​ക്കു​ന്ന​ത്.

ശ​ക്ത​മാ​യ മ​ഴ​യി​ൽ വി​ല​പ്പെ​ട്ട പ​ല ഫ​യ​ലു​ക​ളും ന​ന​ഞ്ഞു​പോ​കു​ന്ന അ​വ​സ്ഥ​യു​മു​ണ്ട്. ഫ​യ​ലു​ക​ൾ ഭ​ദ്ര​മാ​യി സൂ​ക്ഷി​ക്കാ​ൻ വേ​ണ്ട അ​ല​മാ​ര​ക​ൾ പോ​ലും ഇ​വി​ടെ​യി​ല്ല.​ ജീ​വ​ന​ക്കാ​ർ​ക്ക് പ്രാ​ഥ​മി​ക ആ​വ​ശ്യ​ങ്ങ​ൾ നി​ർ​വ​ഹി​ക്കാ​ൻ വെ​ള്ള​മി​ല്ല. ജീ​വ​ന​ക്കാ​രും ഓ​ഫീ​സി​ൽ എ​ത്തു​ന്ന ഉ​പ​ഭോ​ക്താ​ക്ക​ളും ബു​ദ്ധി​മു​ട്ടു​ക​യാ​ണ്.

പാ​ലാ സ​ർ​ക്കി​ളി​ലെ ഏ​റ്റ​വും കൂ​ടു​ത​ൽ ക​ൺ​സ്യൂ​മേ​ഴ്സ് ഉ​ള്ള ഓ​ഫീ​സാ​ണി​ത്. ക​ണ​ക്ഷ​നു​ക​ൾ ഇ​രു​പ​തി​നാ​യി​ര​ത്തി​ല​ധി​കം വ​രും.​എ​ന്നാ​ലും കു​റ്റ​മ​റ്റ നി​ല​യി​ൽ സ​പ്ലൈ ന​ൽ​കാ​ൻ കെ.​എ​സ്.​ഇ.​ബി ക്ക് ​ഇ​പ്പോ​ഴും ക​ഴി​ഞ്ഞി​ട്ടി​ല്ല.​കൂ​ടു​ത​ൽ ട്രാ​ൻ​സ്ഫോ​മ​റു​ക​ൾ സ്ഥാ​പി​ച്ച് വൈ​ദ്യു​തി വി​ത​ര​ണം സു​ഗ​മ​മാ​ക്ക​ണ​മെ​ന്ന ആ​വ​ശ്യ​ത്തി​ന് കാ​ല​ങ്ങ​ളു​ടെ പ​ഴ​ക്ക​മു​ണ്ട്.

ഈ ​ഓ​ഫീ​സി​ന്‍റെ പ​രി​ധി​യി​ൽ ചെ​റി​യൊ​രു അ​പ​ക​ടം ന​ട​ന്നാ​ൽ എ​ല്ലാ ട്രാ​ൻ​സ്ഫോ​മ​റു​ക​ളും ഓ​ഫാ​ക്കും. ഇ​ത് ദൈ​നം​ദി​ന പ്ര​വ​ർ​ത്ത​ന​ങ്ങ​ൾ​ക്ക് ഏ​റെ ത​ട​സം സൃ​ഷ്ടി​ക്കാ​റു​ണ്ട്. മ​ല​യോ​ര​പ​ഞ്ചാ​യ​ത്തു​ക​ളാ​യ ത​ല​പ്പ​ലം, മൂ​ന്നി​ല​വ്, മേ​ലു​കാ​വ് ഇ​ല​വീ​ഴാ​പൂ​ഞ്ചി​റ, ഇ​ല്ലി​ക്ക​ൽ​ക്ക​ല്ല് ഉ​ൾ​പ്പ​ടെ​പ്ര​ദേ​ശ​ങ്ങ​ൾ ഈ ​ഓ​ഫി​സി​ന്‍റെ പ​രി​ധി​യി​ലാ​ണ്.

സം​സ്ഥാ​ന​ത്തെ മി​ക്ക ഇ​ല​ക്ട്രി​സി​റ്റി ഓ​ഫീ​സു​ക​ളും ഹൈ​ടെ​ക്കാ​കു​മ്പോ​ഴും വ​ലി​യ ക​ല​ക്ഷ​ൻ വ​രു​ന്ന ഈ ​ഓ​ഫീ​സി​ന് വേ​ണ്ട പ​രി​ഗ​ണ​ന ന​ൽ​കു​ന്നി​ല്ല​ന്ന പ​രാ​തി​യു​മു​ണ്ട്. ഓ​ഫീ​സ് ന​വീ​ക​രി​ക്കേ​ണ്ട കാ​ര്യം മേ​ലു​ദ്യോ​ഗ​സ്ഥ​രെ അ​റി​യി​ച്ചാ​ലും അ​തൊ​ന്നും ശ്ര​ദ്ധി​ക്കാ​റി​ല്ല. പ​രാ​തി​ക്ക് പ​രി​ഹാ​ര​മി​ല്ലാ​തെ വ​ന്ന​തോ​ടെ​യാ​ണ് യൂ​നി​യ​നു​ക​ൾ പ്ര​തി​ഷേ​ധ​വു​മാ​യി ഇ​റ​ങ്ങി​യ​ത്.

വ​ർ​ക്കേ​ഴ്സ് അ​സോ​സി​യേ​ഷ​ൻ പാ​ലാ ഡി​വി​ഷ​ൻ സെ​ക്ര​ട്ട​റി ബോ​ബി തോ​മ​സ് പ്ര​തി​ഷേ​ധ​യോ​ഗം ഉ​ദ്ഘാ​ട​നം ചെ​യ്തു. പ്ര​സി​ഡ​ന്‍റ്​ സെ​ബാ​സ്റ്റ്യ​ൻ മൈ​ക്കി​ൾ അ​ധ്യ​ക്ഷ​ത വ​ഹി​ച്ചു. യോ​ഗ​ത്തി​ൽ പ്ര​ദീ​ഷ് സി.​പി, വി​നോ​ദ്, മു​ജീ​ബ്, രെ​ഞ്ചു ടി.​ആ​ർ എ​ന്നി​വ​ർ സം​സാ​രി​ച്ചു. ഷെ​മീ​ർ എം.​എ, ഷാ​ന​വാ​സ്‌ പി.​എം എ​ന്നി​വ​ർ പ​രി​പാ​ടി​ക​ൾ​ക്ക് നേ​തൃ​ത്വം ന​ൽ​കി.