ഏ​റ്റു​മാ​നൂ​ര്‍: വി​ക​സ​ന​മു​ര​ടി​പ്പി​ൽ കി​ത​ച്ച്​ ഏ​റ്റു​മാ​നൂ​ര്‍ റെ​യി​ൽ​വേ സ്റ്റേ​ഷ​ൻ. അ​മൃ​ത് ഭാ​ര​ത് സ്റ്റേ​ഷ​ൻ സ്കീം ​പ​ദ്ധ​തി​യു​ടെ ഭാ​ഗ​മാ​യി 2023ൽ ​ആ​രം​ഭി​ച്ച വി​ക​സ​ന​പ്ര​വൃ​ത്തി​ക​ളാ​ണ്​ ഒ​ച്ചി​ഴ​യും വേ​ഗ​ത്തി​ലാണ്​ നീ​ങ്ങു​ന്ന​ത്. നാ​ലു​കോ​ടി​യോ​ളം രൂ​പ​യാ​ണ്​ സ്റ്റേ​ഷ​ന്‍റെ വി​ക​സ​ന​ങ്ങ​ൾ​ക്ക്​ അ​നു​വ​ദി​ച്ച​ത്. എ​ന്നാ​ൽ, വ​ർ​ഷം ര​ണ്ട്​ പി​ന്നി​ട്ടി​ട്ടും പ്രാ​ഥ​മി​ക​വി​ക​സ​ന​ങ്ങ​ൾ​പോ​ലും പൂ​ർ​ത്തി​യാ​യി​ട്ടി​ല്ല. കോ​ൺ​ട്രാ​ക്​​ട്​ ഏ​റ്റെ​ടു​ത്ത ക​മ്പ​നി സ​ബ്​ ക​രാ​റു​കാ​രെ ഏ​ൽ​പി​ച്ചാ​ണ്​ നി​ർ​മാ​ണം മു​ന്നോ​ട്ടു​പോ​കു​ന്ന​തെ​ന്നാ​ണ്​ ആ​ക്ഷേ​പം. ക​വാ​ട​ത്തി​ന്‍റെ മേ​ൽ​ക്കൂ​ര​യു​ടെ പ​ണി ഇ​പ്പോ​ഴും പാ​തി​വ​ഴി​യി​ലാ​ണ്. വ​ഴി​യു​ടെ ന​ടു​വി​ലാണ്​ തൂ​ൺ സ്ഥി​തി​ചെ​യ്യു​ന്നത്​.

റെ​യി​ൽ​വേ സ്റ്റേ​ഷ​നി​ലേ​ക്കു​ള്ള വ​ൺ​വേ​യു​ടെ നി​ർ​മാ​ണ​ത്തി​ൽ ക​ന​ത്ത അ​പാ​ക​ത​യു​ണ്ടാ​യ​താ​യാ​ണ്​ യാ​ത്ര​ക്കാ​രു​ടെ ആ​ക്ഷേ​പം. അ​ടു​ത്ത ഇ​ട​റോ​ഡി​ലൂ​ടെ വേ​ണം ഓ​ട്ടോ ഉ​ൾ​പ്പെ​ടെ​യു​ള്ള വാ​ഹ​ന​ങ്ങ​ളി​ലെ​ത്തു​ന്ന യാ​ത്ര​ക്കാ​ർ​ക്ക്​ റെ​യി​ൽ​വേ സ്റ്റേ​ഷ​നി​ലെ​ത്താ​ൻ. ദൂ​ര​സ്ഥ​ല​ങ്ങ​ളി​ൽ​നി​ന്ന്​ പാ​ലാ, മെ​ഡി​ക്ക​ൽ കോ​ള​ജ്​ തു​ട​ങ്ങി​യ വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലെ​യും ആ​ശു​പ​ത്രി​ക​ളി​ലും എ​ത്തു​ന്ന​വ​ർ​ക്ക്​ ഉ​പ​യോ​ഗ​പ്ര​ദ​മാ​ണ്​ ഏ​റ്റു​മാ​നൂ​ര്‍ റെ​യി​ൽ​വേ സ്റ്റേ​ഷ​ൻ. കൂ​ടാ​തെ കോ​ട്ട​യ​ത്ത്​ ട്രെ​യി​ൻ ഇ​റ​ങ്ങു​ന്ന​തി​നെ​ക്കാ​ൾ സ​മ​യ​ക്കു​റ​വും ദൂ​ര​ക്കു​റ​വു​മു​ണ്ട്. കോ​ട്ട​യം റെ​യി​ൽ​വേ സ്റ്റേ​ഷ​ൻ പോ​ലെ പ്രാ​ധാ​ന്യ​മു​ണ്ട്​ ഏ​റ്റു​മാ​നൂ​ർ റെ​യി​ൽ​വേ സ്റ്റേ​ഷ​ന്. സൗ​ക​ര്യ​പ​രി​മി​തി​ക​ളി​ൽ നി​ര​വ​ധി പ​രാ​തി​ക​ൾ യാ​ത്ര​ക്കാ​രി​ൽ​നി​ന്ന്​ മ​റ്റും ഉ​യ​രു​ന്നു​ണ്ടെ​ങ്കി​ലും അ​ധി​കൃ​ത​രു​ടെ അ​വ​ഗ​ണ​ന​യി​ൽ മാ​റ്റ​മി​ല്ലാ​തെ തു​ട​രു​ക​യാ​ണ്​ ​ഇ​വി​ടു​ത്തെ ശോ​ച്യ​വ​സ്ഥ.

ഏ​കീ​ക​ര​ണ​മി​ല്ലാ​തെ യാ​ത്രാ​സം​വി​ധാ​നം

ചി​കി​ത്സ​ക്കും പ​ഠ​നാ​വ​ശ്യ​ങ്ങ​ൾ​ക്കു​മാ​യി ഇ​വി​ടെ​യി​റ​ങ്ങു​ന്ന യാ​ത്ര​ക്കാ​രു​ടെ പ്ര​ധാ​ന ആ​ശ്ര​യ​മാ​ണ്​ ഏ​റ്റു​മാ​നൂ​ർ റെ​യി​ൽ​വേ സ്റ്റേ​ഷ​നി​ലെ ഓ​ട്ടോ-​ടാ​ക്സി സ്റ്റാ​ൻ​ഡ്. 30ഓ​ളം ഓ​ട്ടോ​റി​ക്ഷ​ക​ളും അ​തി​ലേ​റെ ടാ​ക്സി​ക​ളു​മാ​ണ്​ ഇ​വി​ടെ​നി​ന്ന്​ സ​ർ​വി​സ്​ ന​ട​ത്തു​ന്ന​ത്. എ​ന്നാ​ൽ, 13 വ​ർ​ഷ​മാ​യി സ്റ്റാ​ൻ​ഡി​ൽ ഓ​ടു​ന്ന ഓ​ട്ടോ​റി​ക്ഷ​ക​ൾ​ക്ക്​ കൃ​ത്യ​മാ​യ ഏ​കീ​ക​ര​ണ​മി​ല്ല. രാ​വി​ലെ അ​ഞ്ച്​ മു​ത​ൽ വൈ​കീ​ട്ട്​ 11വ​രെ​യാ​ണ്​ സ്റ്റേ​ഷ​നി​ലെ ഓ​ട്ടോ-​ടാ​ക്സി സ്റ്റാ​ൻ​ഡ് ഡ്രൈ​വ​ർ​മാ​ർ സ​ർ​വി​സ്​ ന​ട​ത്തു​ന്ന​ത്.

ഇ​തി​നു​ശേ​ഷം അ​ന​ധി​കൃ​ത​മാ​യി സ​വാ​രി പി​ടി​ക്കു​ന്ന​വ​ർ യാ​ത്ര​ക്കാ​രി​ൽ​നി​ന്ന്​ അ​മി​ത​കൂ​ലി ഈ​ടാ​ക്കു​ന്ന​താ​യി യാ​ത്ര​ക്കാ​ർ പ​ല​ത​വ​ണ പ​രാ​തി​പ്പെ​ട്ടി​ട്ടു​ണ്ട്. ഇ​തി​നും പ​ഴി കേ​ൾ​ക്കേ​ണ്ടി​വ​രു​ന്ന​ത്​ ഇ​വി​ടെ സ​ർ​വി​സ്​ ന​ട​ത്തു​ന്ന​വ​ർ​ക്കാ​ണ്. പൊ​ലീ​സ്​ വെ​രി​ഫി​ക്കേ​ഷ​ൻ ഉ​ൾ​പ്പെ​ടെ ഒ​രു​വ​ർ​ഷ​ത്തേ​ക്ക്​ 2000 രൂ​പ​യോ​ളം റെ​യി​ൽ​വേ​യി​ൽ അ​ട​ച്ചാ​ണ്​ ഓ​ട്ടോ-​ടാ​ക്സി​ക​ൾ സ​ർ​വി​സ്​ ന​ട​ത്തു​ന്ന​ത്. ജി.​എ​സ്.​ടി ഉ​ൾ​പ്പെ​ടെ 1000 രൂ​പ​യി​ൽ താ​ഴെ​യാ​യി​രു​ന്നു ക​ഴി​ഞ്ഞ​വ​ർ​ഷം അ​ട​ച്ചു​കൊ​ണ്ടി​രു​ന്ന​ത്. കോ​ട്ട​യം റെ​യി​ൽ​വേ സ്റ്റേ​ഷ​നി​ലു​ള്ള പ്രീ​പെ​യ്​​ഡ്​ ടാ​ക്സി കൗ​ണ്ട​റു​ക​ൾ ഏ​ർ​​പ്പെ​ടു​ത്തി​യാ​ൽ യാ​ത്ര​ക്കാ​ർ​ക്കും ഓ​ട്ടോ-​ടാ​ക്സി ഡ്രൈ​വ​ർ​മാ​ർ​ക്കും ഒ​രു​പോ​ലെ സ​ഹാ​യ​ക​ര​മാ​കും.