മെ​ഡി​ക്ക​ൽ കോ​ള​ജി​ൽ ശൗ​ചാ​ല​യം പൊ​ളി​ച്ചു; ബ​ദ​ൽ സം​വി​ധാ​ന​മി​ല്ല

ഗാ​ന്ധി​ന​ഗ​ർ: രോ​ഗി​ക​ൾ​ക്കും കൂ​ട്ടി​രി​പ്പു​കാ​ർ​ക്കും പ​ക​രം സം​വി​ധാ​നം ഒ​രു​ക്കാ​തെ മെ​ഡി​ക്ക​ൽ കോ​ള​ജ് ആ​ശു​പ​ത്രി​യു​ടെ ആ​റാം വാ​ർ​ഡി​ൽ ശൗ​ചാ​ല​യം പൊ​ളി​ക്ക​ൽ തു​ട​ങ്ങി. ഇ​തോ​ടെ പ്രാ​ഥ​മി​ക കൃ​ത്യ​നി​ർ​വ്വ​ഹ​ണ​ത്തി​ന് രോ​ഗി​ക​ളും കൂ​ട്ടി​രി​പ്പു​കാ​രും നെ​ട്ടോ​ട്ടം ഓ​ടു​ക​യാ​ണ്. മെ​ഡി​സി​ൻ വി​ഭാ​ഗ​ത്തി​ൽ പു​രു​ഷ​ന്മാ​രു​ടെ വാ​ർ​ഡാ​ണ് ആ​റ്.

മ​റ്റ് വാ​ർ​ഡു​ക​ളു​ടെ ശു​ചി​മു​റി ഉ​പ​യോ​ഗി​ക്ക​ണ​മെ​ന്നാ​ണ് അ​ധി​കൃ​ത​ർ പ​റ​യു​ന്ന​തെ​ങ്കി​ലും സ​മീ​പ​ത്തെ ഏ​ഴാം വാ​ർ​ഡി​ൽ നാ​ല് ശു​ചി​മു​റി​ക​ൾ മാ​ത്ര​മാ​ണു​ള്ള​ത്. ഒ​രു​വാ​ർ​ഡി​ൽ ശ​രാ​ശ​രി 65 കി​ട​ക്ക​ക​ളാ​ണ് ഉ​ള്ള​തെ​ങ്കി​ലും ത​റ​യി​ൽ പാ​യ് വി​രി​ച്ച് കി​ട​ക്കു​ന്ന രോ​ഗി​ക​ൾ ഉ​ൾ​പ്പെ​ടെ 120 പേ​രാ​ണ്​ ചി​കി​ത്സ​യി​ൽ ക​ഴി​യു​ന്ന​ത്. ഒ​രു രോ​ഗി​ക്ക് കൂ​ട്ടി​രി​പ്പി​നാ​യി ചു​രു​ങ്ങി​യ​ത്​ ഒ​രാ​ളു​ണ്ടാ​കും. ഇ​ത്ര​യും പേ​ർ​ക്ക്​ തൊ​ട്ട​ടു​ത്ത നാ​ല്​ ശു​ചി​മു​റി​ക​ൾ ഉ​പ​യോ​ഗി​ക്ക​ണ​മെ​ന്നാ​ണ്​ നി​ർ​ദേ​ശം.

ആ​രോ​ഗ്യ​സ്ഥി​തി അ​ൽ​പം മെ​ച്ച​പ്പെ​ട്ട​വ​ർ പ​ടി​ക​ൾ ക​യ​റി​യി​റ​ങ്ങി മ​റ്റ്​ വാ​ർ​ഡു​ക​ളി​ൽ എ​ത്തും. എ​ഴു​ന്നേ​റ്റ്​ ന​ട​ക്കാ​ൻ പ​റ്റാ​ത്ത​വ​രെ സ്​​ട്ര​ച്ച​റി​ലും മ​റ്റും കൊ​ണ്ടു​പോ​യാ​ണ്​ പ്രാ​ഥ​മി​ക കൃ​ത്യം നി​ർ​വ്വ​ഹി​പ്പി​ക്കു​ന്ന​ത്. അ​ഞ്ച്​ മാ​സം മു​മ്പ്​ പ​ഴ​യ ജ​ന​റ​ൽ സ​ർ​ജ​റി വാ​ർ​ഡി​ലെ ശൗ​ചാ​ല​യം ത​ക​ർ​ന്ന്​ ത​ല​യോ​ല​പ്പ​റ​മ്പ് സ്വ​ദേ​ശി​നി മ​രി​ച്ചി​രു​ന്നു. ഇ​തേ തു​ട​ർ​ന്ന് നി​ര​വ​ധി വാ​ർ​ഡു​ക​ളും പ്ര​ധാ​ന ശ​സ്ത്ര​ക്രി​യ തി​യ​റ്റ​റും ഇ​വി​ടെ നി​ന്ന് പു​തി​യ സ​ർ​ജ​റി ബ്ലോ​ക്കി​ലേ​ക്ക് മാ​റ്റി​യി​രു​ന്നു.