ഈച്ചകളുമില്ല; കല്യാണം മുടങ്ങലുമില്ല എന്നിട്ടും ഈച്ചപ്പള്ളി​യെന്ന പേര്​ ബാക്കി

കോ​ട്ട​യം: ഒ​രു കാ​ല​ത്ത്​ നാ​ടി​ന്‍റെ ശാ​പ​മാ​യി​രു​ന്ന മാ​ലി​ന്യ​കേ​ന്ദ്രം പൂ​ട്ടി, ഈ​ച്ച​ക​ളും പ​റ​ന്നു​പോ​യി. എ​ന്നി​ട്ടും ഈ​ച്ച​പ്പ​ള്ളി​​യെ​ന്ന്​ പ​റ​ഞ്ഞാ​ൽ മാ​ത്രം പ​ഴ​യ ത​ല​മു​റ​ക്ക്​ അ​റി​യാ​വു​ന്നൊ​രു ​പ​ള്ളി​യു​ണ്ട്​ വ​ട​വാ​തൂ​രി​ൽ-​മാ​ർ അ​പ്രേം യാ​ക്കോ​ബാ​യ സു​റി​യാ​നി​പ​ള്ളി. മാ​ലി​ന്യ​ത്തി​ന്​ ന​ടു​വി​ൽ ശ്വാ​സം മു​ട്ടി​യ നാ​ട്​ ന​ട​ത്തി​യ ഒ​രു പ​തി​റ്റാ​ണ്ടി​​ലേ​റെ നീ​ണ്ട സ​മ​ര​പോ​രാ​ട്ട​ങ്ങ​ളെ​കു​റി​ച്ചാ​ണ് സ​വി​ശേ​ഷ​മാ​യ ഈ ​പേ​രി​ന്​ പ​റ​യാ​നു​ള്ള​ത്​​.

‘‘വീ​ടു​ക​ളി​ലെ ക​ഞ്ഞി​ക്ക​ലം നി​റ​യെ ആ​ഫ്രി​ക്ക​ൻ ഒ​ച്ചു​ക​ളാ​യി​രു​ന്നു. വെ​ള്ളം മ​ലി​ന​മാ​യി. കു​ട്ടി​ക​ൾ​ക്കും മു​തി​ർ​ന്ന​വ​ർ​ക്കും വ്യാ​പ​ക​മാ​യി ത്വ​ഗ്രോ​ഗം പി​ടി​പെ​ട്ടു. ചെ​റു​പ്പ​ക്കാ​രു​ടെ ക​ല്യാ​ണം ന​ട​ക്കാ​താ​യി. പ​ല​രും കി​ട്ടു​ന്ന വി​ല​ക്ക്​ സ്ഥ​ലം വി​റ്റു​പോ​യി. ദു​ർ​ഗ​ന്ധം കാ​ര​ണം പു​റം​നാ​ട്ടു​കാ​രാ​രും അ​ടു​ക്കാ​താ​യി. ബ​ന്ധു​വീ​ടു​ക​ളി​ൽ ക​യ​റ്റു​ക​യോ ബ​ന്ധു​ക്ക​ൾ ഇ​ങ്ങോ​ട്ടു​വ​രി​ക​യോ ഇ​ല്ലാ​താ​യി.

നി​യ​മ​സ​ഭ​യി​ൽ വി​ഷ​യം വ​ന്ന​പ്പോ​ൾ മു​ൻ മു​ഖ്യ​മ​ന്ത്രി ഉ​മ്മ​ൻ ചാ​ണ്ടി പ​റ​ഞ്ഞ​ത്​ നാ​ലു​കി​ലോ​മീ​റ്റ​ർ ദൂ​ര​മു​ള്ള ത​ന്‍റെ വീ​ട്ടി​ൽ പോ​ലും ഇ​രി​ക്കാ​ൻ വ​യ്യെ​ന്നാ​യി​രു​ന്നു. അ​ത്ര​ക്കു​ണ്ടാ​യി​രു​ന്നു ദു​ർ​ഗ​ന്ധം. സ്കൂ​ളി​ൽ കു​ട്ടി​ക​ൾ​ക്ക്​ ഉ​ച്ച​ഭ​ക്ഷ​ണം ക​ഴി​ക്കാ​നാ​വി​ല്ല. സ​മീ​പ​ത്തെ ആ​ശു​പ​ത്രി​യി​ൽ ആ​രും ചി​കി​ത്സ തേ​ടി എ​ത്താ​താ​യി’’- ആ​ക്ഷ​ൻ കൗ​ൺ​സി​ൽ ക​ൺ​വീ​ന​ർ പോ​ൾ​സ​ൻ പീ​റ്റ​ർ ഓ​ർ​മി​ക്കു​ന്നു. 2000 ആ​യ​തോ​ടെ ആ​ക്ഷ​ൻ​കൗ​ൺ​സി​ൽ നേ​തൃ​ത്വ​ത്തി​ൽ നാ​ട്ടു​കാ​ർ സം​ഘ​ടി​ച്ച്​ പ്ര​ക്ഷോ​ഭം തു​ട​ങ്ങി.

മാ​ലി​ന്യം കൊ​ണ്ടു​വ​ന്ന വാ​ഹ​നം ത​ക​ർ​ക്ക​ലും കൂ​ട്ട അ​റ​സ്​​റ്റും ആ​ത്​​മാ​ഹു​തി ശ്ര​മ​ങ്ങ​ളു​മ​ട​ക്കം ശ​ക്​​ത​മാ​യ പോ​രാ​ട്ടം. ഗാ​യ​ക​ൻ യേ​ശു​ദാ​സ്, മേ​ധ പ​ട്​​ക​ർ, വി.​ആ​ർ. കൃ​ഷ്ണ​യ്യ​ർ എ​ന്നി​വ​ർ സ​മ​ര​ത്തി​ന്​ പി​ന്തു​ണ​യു​മാ​യി വ​ട​വാ​തൂ​രി​ലെ​ത്തി. ഒ​ടു​വി​ൽ 2013ൽ ​മാ​ലി​ന്യ​കേ​ന്ദ്രം പൂ​ട്ടി​യ​തോ​ടെ​യാ​ണ്​ ആ ​നാ​ടി​ന്​ ശ്വാ​സം തി​രി​ച്ചു​കി​ട്ടി​യ​ത്.

12 വ​ർ​ഷം പി​ന്നി​ടു​മ്പോ​ൾ മാ​ലി​ന്യ​കേ​ന്ദ്ര​ത്തി​ലെ വ​ർ​ഷ​ങ്ങ​ൾ പ​ഴ​ക്ക​മു​ള്ള മാ​ലി​ന്യം നീ​ക്ക​ൽ പു​രോ​ഗ​മി​ക്കു​ന്നു. വീ​ടു​ക​ളി​ൽ ബ​ന്ധു​ക്ക​ളെ​ത്തി. ഈ​ച്ച​പ്പ​ള്ളി​യി​ൽ ക​ല്യാ​ണ​ങ്ങ​ൾ ന​ട​ക്കു​ന്നു, ഭ​ക്ഷ​ണം വി​ള​മ്പു​ന്നു. നി​ര​വ​ധി വി​ക​സ​ന പ്ര​വ​ർ​ത്ത​ന​ങ്ങ​ൾ നാ​ട്ടി​ൽ ന​ട​പ്പാ​യി. മാ​ലി​ന്യ​ത്തി​നെ​തി​രാ​യ പോ​രാ​ട്ടം ഇ​ന്ന്​ വ​ട​വാ​തൂ​രി​ലെ പു​തു​ത​ല​മു​റ​ക്ക്​​ ഓ​ർ​മ മാ​​ത്രം.

ഒ​രു കാ​ല​ത്ത്​ ന​ഗ​ര​ത്തി​ലെ മാ​ലി​ന്യ​ക്കൊ​ട്ട ആ​യി​രു​ന്നു വ​ട​വാ​തൂ​ർ. മാ​ലി​ന്യ​ത്തി​ന്‍റെ ദു​ർ​ഗ​ന്ധ​വും ഈ​ച്ച​ശ​ല്യ​വും മൂ​ലം ജ​നം വ​ല​ഞ്ഞു. ച​ട​ങ്ങു​ക​ൾ​ക്കൊ​ന്നി​നും ഭ​ക്ഷ​ണം വി​ള​മ്പാ​നാ​വി​ല്ല. അ​പ്പോ​ൾ പ​റ​ന്നെ​ത്തും കാ​ർ​മേ​ഘം പോ​ലെ ആ​ർ​ത്തു​വി​ളി​ച്ച്​ മ​ണീ​യ​നീ​ച്ച​ക​ൾ.​ പ​ള്ളി​യി​ൽ ക​ല്യാ​ണ​ത്തി​ന്​ ഭ​ക്ഷ​ണം വി​ള​മ്പി​യ​പ്പോ​ൾ നി​റ​യെ ഈ​ച്ച​ക​ളാ​യി​രു​ന്നു. വ​ന്ന​വ​രെ​ല്ലാം ഭ​ക്ഷ​ണം ക​ഴി​ക്കാ​തെ മ​ട​ങ്ങി. അ​ങ്ങ​നെ​യാ​ണ്​ ഈ​ച്ച​പ്പ​ള്ളി​യെ​ന്ന്​ പേ​ര്​ വ​ന്ന​ത്. പു​റം​നാ​ട്ടി​ലു​ള്ള​വ​ർ​ക്ക്​ ഇ​ത്​ കേ​ൾ​ക്കു​മ്പോ​ൾ അ​തി​​ശ​യോ​ക്​​തി തോ​ന്നാ​മെ​ങ്കി​ലും വ​ട​വാ​തൂ​രു​കാ​ർ അ​നു​ഭ​വി​ച്ച യാ​ഥാ​ർ​ഥ്യ​മാ​ണി​ത്.