വൈക്കം റോഡ് റെയിൽവേ സ്റ്റേഷൻ; വരുമാനത്തിലും റാങ്കിങ്ങിലും കുതിപ്പ്​

വൈ​ക്കം: ദ​ക്ഷി​ണ റെ​യി​ൽ​വേ തി​രു​വ​ന​ന്ത​പു​രം ഡി​വി​ഷ​ന്‍റെ 2024-25 സാ​മ്പ​ത്തി​ക​വ​ർ​ഷ​ത്തെ റെ​യി​ൽ​വേ സ്റ്റേ​ഷ​നു​ക​ളു​ടെ വ​രു​മാ​ന​ത്തി​ന്‍റെ ക​ണ​ക്ക് പു​റ​ത്ത് വ​ന്ന​പ്പോ​ൾ വ​രു​മാ​ന​ത്തി​ലും റാ​ങ്കി​ങ്ങി​ലും മു​ന്നേ​റ്റം ന​ട​ത്തി വൈ​ക്കം റോ​ഡ് റെ​യി​ൽ​വേ സ്റ്റേ​ഷ​ൻ. മു​ൻ​വ​ർ​ഷ​ത്തെ 70,16379 രൂ​പ​യി​ൽ​നി​ന്ന്​ 92,49,047 രൂ​പ​യി​ലേ​ക്കും റാ​ങ്കി​ങ്ങി​ൽ ക​ഴി​ഞ്ഞ​വ​ർ​ഷ​ത്തെ 45ാംറാ​ങ്കി​ൽ​നി​ന്ന്​ 37ലേ​ക്കും വൈ​ക്കം റോ​ഡ് സ്റ്റേ​ഷ​ൻ മു​ന്നേ​റി.

തൊ​ട്ട​ടു​ത്ത റെ​യി​ൽ​വേ സ്റ്റേ​ഷ​നു​ക​ളി​ൽ വ​രു​മാ​നം ഇ​ടി​യു​മ്പോ​ഴാ​ണ് പു​തി​യ ട്രെ​യി​ൻ സ്റ്റോ​പ്പു​ക​ൾ ല​ഭി​ക്കാ​ത്ത വൈ​ക്ക​ത്തി​ന്‍റെ ഈ ​നേ​ട്ടം. വ​രു​മാ​ന​ത്തി​ൽ മി​ക​ച്ച മു​ന്നേ​റ്റം ന​ട​ത്തു​മ്പോ​ഴും വേ​ണാ​ട്, വ​ഞ്ചി​നാ​ട്, പ​ര​ശു​റാം എ​ക്സ്​​പ്ര​സു​ക​ൾ​ക്ക് വൈ​ക്കം റോ​ഡ് സ്റ്റേ​ഷ​നി​ൽ സ്റ്റോ​പ് അ​നു​വ​ദി​ക്ക​ണ​മെ​ന്ന യാ​ത്ര​ക്കാ​രു​ടെ ആ​വ​ശ്യ​ത്തോ​ട് ഇ​പ്പോ​ഴും മു​ഖം​തി​രി​ഞ്ഞ് നി​ൽ​ക്കു​ക​യാ​ണ് റെ​യി​ൽ​വേ.

വൈ​ക്കം റോ​ഡി​ന്‍റെ തൊ​ട്ട​ടു​ത്ത പ്ര​ധാ​ന റെ​യി​ൽ​വേ സ്റ്റേ​ഷ​നാ​യ പി​റ​വം റോ​ഡ് സ്റ്റേ​ഷ​നി​ൽ മു​ൻ​വ​ർ​ഷ​ത്തെ​ക്കാ​ളും 38,25,901 രൂ​പ​യു​ടെ വ​രു​മാ​ന​ന​ഷ്ട​മാ​ണ് റെ​യി​ൽ​വേ​ക്ക്. മു​ൻ​വ​ർ​ഷ​ത്തെ 3,56,39843ൽ​നി​ന്ന്​ 3,18,13942 ലേ​ക്കാ​ണ് വ​രു​മാ​നം ഇ​ടി​ഞ്ഞ​ത്. മ​റ്റൊ​രു പ്ര​ധാ​ന സ്റ്റേ​ഷ​നാ​യ ഏ​റ്റു​മാ​നൂ​രി​ൽ മൂ​ന്ന്​ മാ​സ​ത്തോ​ളം ചെ​ന്നൈ, ബം​ഗ​ളൂ​രു, ഹൈ​ദ​രാ​ബാ​ദ് തു​ട​ങ്ങി​യ ദ​ക്ഷി​ണേ​ന്ത്യ​യി​ലെ എ​ല്ലാ പ്ര​ധാ​ന​സ്റ്റേ​ഷ​നു​ക​ളി​ൽ നി​ന്നു​മു​ള്ള ശ​ബ​രി​മ​ല സ്പെ​ഷ​ൽ ട്രെ​യി​നു​ക​ൾ അ​ട​ക്കം നി​ർ​ത്തി​യി​ട്ടും വ​രു​മാ​ന​ത്തി​ൽ 16,21,632 രൂ​പ​യു​ടെ വ​ർ​ധ​ന മാ​ത്ര​മേ​യു​ള്ളൂ.

വൈ​ക്കം റോ​ഡ് സ്റ്റേ​ഷ​നെ​ക്കാ​ളും 6,11,036 രൂ​പ​യു​ടെ കു​റ​വ്. വൈ​ക്കം മ​ഹാ​ദേ​വ ക്ഷേ​ത്രം, ക​ടു​ത്തു​രു​ത്തി ത​ളി​യി​ൽ മ​ഹാ​ദേ​വ​ക്ഷേ​ത്രം, ആ​ദി​ത്യ​പു​രം സൂ​ര്യ​ദേ​വ​ക്ഷേ​ത്രം, മ​ള്ളി​യൂ​ർ മ​ഹാ​ഗ​ണ​പ​തി ക്ഷേ​ത്രം എ​ന്നി​വ​ക്ക്​ സ​മീ​പ​മു​ള്ള സ്റ്റേ​ഷ​നാ​യി​ട്ടും ശ​ബ​രി​മ​ല തീ​ർ​ഥാ​ട​ന​കാ​ല​ത്ത് ഒ​രു സ്പെ​ഷ​ൽ ട്രെ​യി​നും വൈ​ക്കം റോ​ഡ് സ്റ്റേ​ഷ​നി​ൽ സ്റ്റോ​പ് അ​നു​വ​ദി​ക്കാ​ൻ റെ​യി​ൽ​വേ ത​യാ​റാ​യി​രു​ന്നി​ല്ല.

നി​ല​വി​ൽ ഈ​വ​ർ​ഷ​ത്തെ റാ​ങ്കി​ങ്​ പ്ര​കാ​രം പി​റ​വം റോ​ഡ് സ്റ്റേ​ഷ​ൻ 31ാം റാ​ങ്കി​ലും ഏ​റ്റു​മാ​നൂ​ർ സ്റ്റേ​ഷ​ൻ 35ാം റാ​ങ്കി​ലും വൈ​ക്കം റോ​ഡ് 37ാംറാ​ങ്കി​ലു​മാ​ണ്. പ​ക്ഷേ, പി​റ​വം റോ​ഡ് സ്റ്റേ​ഷ​നി​ൽ 30 ട്രെ​യി​നു​ക​ളും ഏ​റ്റു​മാ​നൂ​രി​ൽ 21 ട്രെ​യി​നു​ക​ളും നി​ർ​ത്തു​മ്പോ​ൾ വൈ​ക്ക​ത്ത് 19 ട്രെ​യി​ൻ മാ​ത്ര​മാ​ണ് നി​ർ​ത്തു​ന്ന​ത്.

വൈ​ക്കം, ക​ടു​ത്തു​രു​ത്തി, പാ​ലാ നി​യോ​ജ​ക മ​ണ്ഡ​ല​ങ്ങ​ളി​ലെ ജ​ന​ങ്ങ​ൾ​ക്ക് ഏ​റ്റ​വും സൗ​ക​ര്യ​പ്ര​ദ​വും മെ​യി​ൻ​ലൈ​നി​ൽ ഐ​ല​ൻ​ഡ് പ്ലാ​റ്റ്ഫോ​മു​ക​ൾ അ​ട​ക്കം മൂ​ന്ന്​ പ്ലാ​റ്റ്ഫോ​മു​ക​ളു​മു​ള്ള കോ​ട്ട​യം-​എ​റ​ണാ​കു​ളം മെ​യി​ൻ റോ​ഡി​നോ​ട് ചേ​ർ​ന്ന ഏ​ക​സ്റ്റേ​ഷ​നാ​യ നി​ര​വ​ധി തീ​ർ​ഥാ​ട​ന കേ​ന്ദ്ര​ങ്ങ​ൾ​ക്കും ടൂ​റി​സം കേ​ന്ദ്ര​ങ്ങ​ൾ​ക്കും അ​ടു​ത്ത സ്റ്റേ​ഷ​നാ​യ വൈ​ക്കം റോ​ഡ് സ്റ്റേ​ഷ​നോ​ടു​ള്ള റെ​യി​ൽ​വേ അ​വ​ഗ​ണ​ന ഇ​നി​യെ​ങ്കി​ലും അ​വ​സാ​നി​പ്പി​ക്ക​ണ​മെ​ന്നും മ​ണ്ഡ​ല​ത്തി​ൽ നി​ന്നു​ള്ള കേ​ന്ദ്ര​സ​ഹ​മ​ന്ത്രി അ​ട​ക്ക​മു​ള്ള ജ​ന​പ്ര​തി​നി​ധി​ക​ൾ ഇ​ട​പെ​ട്ട് എ​ത്ര​യും വേ​ഗ​ത്തി​ൽ കൂ​ടു​ത​ൽ ട്രെ​യി​നു​ക​ൾ​ക്ക് സ്റ്റോ​പ്പ് അ​നു​വ​ദി​പ്പി​ക്ക​ണ​മെ​ന്നു​മാ​ണ് യാ​ത്ര​ക്കാ​രു​ടെ ആ​വ​ശ്യം.