വി.എസിനെ നെഞ്ചേറ്റിയ വാഴൂർ

വാ​ഴൂ​ർ: വി.​എ​സ് എ​ന്ന ജ​ന​നേ​താ​വി​നെ എ​ന്നും നെ​ഞ്ചോ​ട് ചേ​ർ​ത്തു​പി​ടി​ച്ച നാ​ടാ​ണ് വാ​ഴൂ​ർ. അ​ത് സീ​റ്റ് നി​ഷേ​ധി​ച്ച​പ്പോ​ഴാ​ണെ​ങ്കി​ലും ഉ​ദ്ഘാ​ട​ന​ച്ച​ട​ങ്ങാ​ണെ​ങ്കി​ലും. അ​തി​ന്‍റെ ഏ​റ്റ​വും വ​ലി​യ ഉ​ദാ​ഹ​ര​ണ​മാ​ണ് അ​ന്ന് കോ​ൺ​ഗ്ര​സ് ഭ​രി​ക്കു​ന്ന പ​ഞ്ചാ​യ​ത്ത്​ ആ​യി​ട്ടു​കൂ​ടി വാ​ഴൂ​ർ പ​ഞ്ചാ​യ​ത്തി​ലെ പ്രാ​ഥ​മി​കാ​രോ​ഗ്യ​കേ​ന്ദ്രം ഉ​ദ്ഘാ​ട​ന​ച്ച​ട​ങ്ങി​ൽ സ​മ്മേ​ള​നം ഉ​ദ്ഘാ​ട​നം ചെ​യ്ത​ത് പ്ര​തി​പ​ക്ഷ നേ​താ​വാ​യി​രു​ന്ന വി.​എ​സ് ആ​യി​രു​ന്നു. നി​യ​മ​സ​ഭ​യി​ലേ​ക്ക് വി.​എ​സി​ന് സീ​റ്റ് നി​ഷേ​ധി​ക്ക​പ്പെ​ട്ട​പ്പോ​ൾ സം​സ്ഥാ​ന​ത്ത് ആ​ദ്യം പാ​ർ​ട്ടി അ​ണി​ക​ളും പ്ര​വ​ർ​ത്ത​ക​രും പ്ര​ക​ട​നം ന​ട​ത്തി​യ സ്ഥ​ല​ങ്ങ​ളി​ൽ ഒ​ന്നാ​യി​രു​ന്നു വാ​ഴൂ​ർ പ​ഞ്ചാ​യ​ത്ത്​ ആ​സ്ഥാ​ന​മാ​യ കൊ​ടു​ങ്ങൂ​ർ. തു​ട​ർ​ച്ച​യാ​യ ര​ണ്ടു​ദി​വ​സം പ്ര​വ​ർ​ത്ത​ക​രും അ​ണി​ക​ളും വി.​എ​സി​നാ​യി ചെ​ങ്കൊ​ടി​യേ​ന്തി പ്ര​ക​ട​നം ന​ട​ത്തി​യ​തും ഇ​വി​ടെ​യാ​ണ്.

2005 ആ​ഗ​സ്റ്റ് എ​ട്ടി​നാ​ണ്​ പ്ര​തി​പ​ക്ഷ നേ​താ​വാ​യി​രു​ന്ന വി.​എ​സ് പി​റ്റി​നാ​ൽ അ​യ്യ​പ്പ​ൻ​പി​ള്ള സ്മാ​ര​ക പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ന്‍റെ ഉ​ദ്ഘാ​ട​ന​ത്തി​ൽ പ​ങ്കെ​ടു​ക്കാ​ൻ വാ​ഴൂ​രി​ൽ എ​ത്തി​യ​ത്. പ്ര​തി​പ​ക്ഷ നേ​താ​വാ​യ വി.​എ​സി​ന്‍റെ ആ​ദ്യ ഔ​ദ്യോ​ഗി​ക പ​രി​പാ​ടി​യാ​യി​രു​ന്നു അ​ത്. ഗ്രാ​മ​പ്ര​ദേ​ശ​മാ​യി​രു​ന്നി​ട്ടു​കൂ​ടി വി.​എ​സി​നെ കാ​ണാ​നും പ്ര​സം​ഗം കേ​ൾ​ക്കാ​നും ദൂ​രെ​സ്ഥ​ല​ങ്ങ​ളി​ൽ നി​ന്നു​പോ​ലും ആ​ളു​ക​ൾ എ​ത്തി​യി​രു​ന്നു. സി.​പി.​എം പ്ര​തി​നി​ധി​ക​ളാ​യ പ​ഞ്ചാ​യ​ത്ത് അം​ഗ​ങ്ങ​ളു​ടെ അ​ഭി​പ്രാ​യം ക​ണ​ക്കി​ലെ​ടു​ത്താ​ണ് കോ​ൺ​ഗ്ര​സ് ഭ​ര​ണ​സ​മി​തി വി.​എ​സി​നെ സ​മ്മേ​ള​ന ഉ​ദ്ഘാ​ട​ക​നാ​ക്കി​യ​ത്.