കോരുത്തോടുകാരുടെ മനസ്സിൽ വി.എസ് എന്നുമുണ്ടാവും

കോ​രു​ത്തോ​ട്: വി.​എ​സി​ന്‍റെ വേ​ർ​പാ​ട് കോ​രു​ത്തോ​ടു​കാ​ർ കേ​ൾ​ക്കാ​ൻ ആ​ഗ്ര​ഹി​ക്കാ​ത്ത വാ​ർ​ത്ത​യാ​ണ്. 20 വ​ർ​ഷം മു​മ്പ്​ പ്ര​ഥ​മ കോ​രു​ത്തോ​ട് പ​ഞ്ചാ​യ​ത്ത് കാ​ര്യാ​ല​യം ഉ​ദ്ഘാ​ട​നം ചെ​യ്യാ​നെ​ത്തി​യ അ​ന്ന​ത്തെ പ്ര​തി​പ​ക്ഷ നേ​താ​വ് വി.​എ​സ്. അ​ച്യു​താ​നാ​ന്ദ​ന്‍റെ വാ​ക്കു​ക​ൾ കോ​രു​ത്തോ​ടു​കാ​രു​ടെ കാ​തി​ൽ ഇ​പ്പോ​ഴും മു​ഴ​ങ്ങി​ക്കേ​ൾ​ക്കു​ന്നു. നീ​ട്ടി​യും കു​റു​ക്കി​യു​മു​ള്ള വി.​എ​സി​ന്‍റെ പ്ര​സം​ഗം കേ​ൾ​ക്കാ​ൻ പ​ഞ്ചാ​യ​ത്തി​നു പു​റ​ത്തു​നി​ന്നും നി​ര​വ​ധി പേ​രാ​ണ് എ​ത്തി​യ​ത്.

2005ലാ​ണ് മു​ണ്ട​ക്ക​യം പ​ഞ്ചാ​യ​ത്തി​ൽ​നി​ന്ന്​ സം​സ്ഥാ​ന​ത്തെ ആ​യി​രാ​മ​ത്തെ പ​ഞ്ചാ​യ​ത്താ​യി കോ​രു​ത്തോ​ട് രൂ​പം​കൊ​ണ്ട​ത്. 2005 ഡി​സം​ബ​ർ ആ​റി​നാ​ണ് വി.​എ​സ് ഉ​ദ്ഘാ​ട​ന​ത്തി​ന് എ​ത്തു​ന്ന​ത്. ഇ​ട​തു മു​ന്ന​ണി​ക്കു പ​ഞ്ചാ​യ​ത്തി​ന്‍റെ ഭ​ര​ണം കി​ട്ടി​യ​തോ​ടെ പ​ഞ്ചാ​യ​ത്ത് കാ​ര്യാ​ല​യം ഉ​ദ്ഘാ​ട​നം ചെ​യ്യാ​ൻ ഭ​ര​ണ​സ​മി​തി പ്ര​തി​പ​ക്ഷ നേ​താ​വ് വി.​എ​സി​നെ ക്ഷ​ണി​ക്കു​ക​യാ​യി​രു​ന്നു. വി.​എ​സ് കോ​രു​ത്തോ​ട്ടി​ൽ ആ​ദ്യ​മാ​യി​ട്ടാ​യി​രു​ന്നു എ​ത്തി​യ​ത്. അ​തു​കൊ​ണ്ടു​ത​ന്നെ വി.​എ​സി​നെ കാ​ണാ​നും പ്ര​സം​ഗം കേ​ൾ​ക്കാ​നും വ​ൻ തി​ര​ക്കാ​യി​രു​ന്നു.

പി​ന്നീ​ട് പ​ഞ്ചാ​യ​ത്തി​ന്‍റെ വി​ക​സ​ന കാ​ര്യ​ങ്ങ​ളി​ൽ വി.​എ​സ് എ​ന്ന പ്ര​തി​പ​ക്ഷ നേ​താ​വും വി.​എ​സ് എ​ന്ന മു​ഖ്യ​മ​ന്ത്രി​യും കോ​രു​ത്തോ​ടി​ന് കാ​ര്യ​മാ​യ പ​രി​ഗ​ണ​ന ന​ൽ​കി​യി​രു​ന്നു. കോ​രു​ത്തോ​ടി​നോ​ടു​ള്ള ആ ​ബ​ന്ധം അ​വ​സാ​ന​ഘ​ട്ടം വ​രെ വി.​എ​സ് കാ​ത്തു​സൂ​ക്ഷി​ച്ചി​രു​ന്നു എ​ന്ന് പ​ഴ​യ​കാ​ല ജ​ന​പ്ര​തി​നി​ധി​ക​ൾ പ​റ​യു​ന്നു. വി.​എ​സി​ന്‍റെ സാ​ന്നി​ധ്യം​കൊ​ണ്ട്​ തു​ട​ക്കം​കു​റി​ച്ച കോ​രു​ത്തോ​ട് പ​ഞ്ചാ​യ​ത്ത് എ​ക്കാ​ല​വും അ​​ദ്ദേ​ഹ​ത്തെ ഓ​ർ​മി​ക്കും.