കൊച്ചിയിൽ മ​ദ്യ​പാ​ന​ത്തി​നി​ടെ സുഹൃത്തിനെകൊന്ന കേസിൽ ഒന്നാം പ്രതി പട്രോളിങ്ങിനിടയിൽ പിടിയിൽ

ബേ​പ്പൂ​ർ: ഫോ​ർ​ട്ട് കൊ​ച്ചി​യി​ൽ സു​ഹൃ​ത്തു​ക്ക​ളു​ടെ മ​ദ്യ​പാ​ന​ത്തി​നി​ടെ​യു​ണ്ടാ​യ കൊ​ല​പാ​ത​ക​ത്തി​ൽ ഒ​ന്നാം​പ്ര​തി​യെ ബേ​പ്പൂ​ർ പൊ​ലീ​സ് പി​ടി​കൂ​ടി. ബേ​പ്പൂ​ർ ചെ​റു​പു​ര​ക്ക​ൽ വീ​ട്ടി​ൽ അ​ബ്ദു​ൾ ഗ​ഫൂ​റാ​ണ് (51) അ​റ​സ്റ്റി​ലാ​യ​ത്. 2014 ജ​നു​വ​രി​യി​ൽ ക​ള​രി​ക്ക​ൽ ജോ​ർ​ജ് സോ​ളി​യെ മ​ർ​ദി​ച്ചും അ​മ്മി​ക്ക​ല്ലു​കൊ​ണ്ട് ഇ​ടി​ച്ചും ച​വി​ട്ടി​യും കൊ​ല​പ്പെ​ടു​ത്തി​യ കേ​സി​ൽ ഗ​ഫൂ​ർ, ജാ​മ്യ​ത്തി​ലി​റ​ങ്ങി​യ​ശേ​ഷം വി​ചാ​ര​ണ​ക്കി​ടെ മു​ങ്ങി​യ​താ​യി​രു​ന്നു.

ബു​ധ​നാ​ഴ്ച പു​ല​ർ​ച്ചെ ഒ​ന്നി​ന് ബേ​പ്പൂ​ർ പൊ​ലീ​സി​ന്റെ പ​ട്രോ​ളി​ങ്ങി​നി​ടെ ബേ​പ്പൂ​ർ ആ​ർ.​എം ആ​ശു​പ​ത്രി​യു​ടെ പി​ൻ​വ​ശ​ത്തു​നി​ന്നാ​ണ് സം​ശ​യാ​സ്പ​ദ സാ​ഹ​ച​ര്യ​ത്തി​ൽ ഗ​ഫൂ​റി​നെ ക​സ്റ്റ​ഡി​യി​ലെ​ടു​ത്ത​ത്. അ​ബ്ദു​ൾ ഗ​ഫൂ​ർ ഒ​ന്നാം​പ്ര​തി​യാ​യി കൊ​ച്ചി തോ​പ്പും​പ​ടി പൊ​ലീ​സ് ര​ജി​സ്റ്റ​ർ ചെ​യ്ത കേ​സി​ൽ, മൂ​ന്നാം​പ്ര​തി​യും ബേ​പ്പൂ​ർ സ്വ​ദേ​ശി​യു​മാ​യ കോ​യ​മോ​നെ ജീ​വ​പ​ര്യ​ന്തം ത​ട​വി​ന് നേ​ര​ത്തെ ശി​ക്ഷി​ച്ചി​രു​ന്നു. ര​ണ്ടാം​പ്ര​തി ആ​ന്റ​ണി വി​ചാ​ര​ണ​ക്കി​ടെ മ​ര​ണ​പ്പെ​ട്ടു.

ര​ണ്ടാം പ്ര​തി കൊ​ച്ചി നോ​ർ​ത്ത് മു​ലം​കു​ഴി സ്വ​ദേ​ശി ആ​ന്റ​ണി​യു​ടെ വീ​ട്ടി​ലി​രു​ന്ന് മ​ദ്യ​പി​ച്ചു​കൊ​ണ്ടി​രി​ക്കെ​യു​ണ്ടാ​യ വാ​ക്കേ​റ്റ​ത്തി​നി​ട​യി​ൽ ജോ​ർ​ജ് സോ​ളി​യെ സു​ഹൃ​ത്തു​ക്ക​ളാ​യ മൂ​വ​രും ചേ​ർ​ന്ന് കൊ​ല​പ്പെ​ടു​ത്തി​യെ​ന്നാ​ണ് കേ​സ്. അ​ബ്ദു​ൽ ഗ​ഫൂ​ർ നി​ര​വ​ധി കേ​സു​ക​ളി​ൽ വേ​റെ​യും പ്ര​തി​യാ​ണ്. ര​ണ്ടു​വ​ർ​ഷം മു​മ്പ് ബേ​പ്പൂ​ർ ബ​സ് സ്റ്റാ​ൻ​ഡി​നു മു​ൻ​വ​ശ​മു​ള്ള നാ​ഷ​ന​ൽ ബി​രി​യാ​ണി സെ​ന്റ​ർ ഉ​ട​മ എ.​ടി. അ​ഷ്റ​ഫി​നെ രാ​ത്രി​യി​ൽ ഹോ​ട്ട​ലി​ൽ ക​യ​റി ക​ത്തി​കൊ​ണ്ട് മാ​ര​ക​മാ​യി മു​റി​വേ​ൽ​പ്പി​ച്ച കേ​സ് നി​ല​വി​ലു​ണ്ട്. ബേ​പ്പൂ​ർ സ​ബ് ഇ​ൻ​സ്പെ​ക്ട​ർ​മാ​രാ​യ എം. ​ര​വീ​ന്ദ്ര​ൻ, പി. ​ഡി. ധ​നീ​ഷ്, സി​വി​ൽ പൊ​ലീ​സ് ഓ​ഫി​സ​റാ​യ സു​ധീ​ഷ്, ഹോം ​ഗാ​ർ​ഡ് അ​നി​ൽ​കു​മാ​ർ എ​ന്നി​വ​രു​ൾ​പ്പെ​ട്ട സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്. പ്ര​തി​യെ തോ​പ്പും​പ​ടി പൊ​ലീ​സി​ന് കൈ​മാ​റി.