ട്രോളിങ് നിരോധനം: ബോട്ടുകൾ തീരമണഞ്ഞു തുടങ്ങി

ബേ​പ്പൂ​ർ: ട്രോ​ളി​ങ് നി​രോ​ധ​നം തി​ങ്ക​ളാ​ഴ്ച അ​ര്‍ധ​രാ​ത്രി​മു​ത​ല്‍ നി​ല​വി​ല്‍വ​രും. പ​തി​വു​പോ​ലെ ഇ​ത്ത​വ​ണ​യും ജൂ​ലൈ 31വ​രെ 52 ദി​വ​സ​മാ​ണ് നി​രോ​ധ​ന കാ​ല​യ​ള​വ്. ആ​ഴ​ക്ക​ട​ൽ മീ​ൻ​പി​ടി​ത്ത ബോ​ട്ടു​ക​ളി​ൽ മി​ക്ക​തും മ​ത്സ്യ​ല​ഭ്യ​ത​യു​ടെ കു​റ​വു കാ​ര​ണം ഒ​രു​മാ​സം മു​മ്പ് ത​ന്നെ ഹാ​ർ​ബ​റി​ലെ പ​രി​മി​ത​മാ​യ സൗ​ക​ര്യ​ത്തി​ൽ ന​ങ്കൂ​ര​മി​ട്ട നി​ല​യി​ലാ​ണ്.

ശേ​ഷി​ക്കു​ന്ന ബോ​ട്ടു​ക​ൾ തി​ങ്ക​ളാ​ഴ്ച അ​ർ​ധ​രാ​ത്രി​ക്ക് മു​മ്പാ​യി ഫി​ഷി​ങ് ഹാ​ർ​ബ​റി​ൽ തീ​ര​മ​ണി​യും. ട്രോ​ളി​ങ് നി​രോ​ധ​നം സം​ബ​ന്ധി​ച്ച് ഫി​ഷ​റീ​സ് വ​കു​പ്പ് വ്യാ​പ​ക​മാ​യ മൈ​ക്ക് പ്ര​ചാ​ര​ണം ന​ട​ത്തി. ട്രോ​ളി​ങ് നി​രോ​ധ​ന​ത്തെ​തു​ട​ര്‍ന്ന് തീ​ര​മേ​ഖ​ല​യി​ല്‍ മു​ൻ വ​ർ​ഷ​ങ്ങ​ളെ​ക്കാ​ളും സു​ര​ക്ഷ ക​ര്‍ശ​ന​മാ​ക്കാ​നു​ള്ള തീ​രു​മാ​ന​ത്തി​ലാ​ണ് അ​ധി​കൃ​ത​ർ.

24 മ​ണി​ക്കൂ​റും പ്ര​വ​ർ​ത്തി​പ്പി​ക്കു​ന്ന ക​ൺ​ട്രോ​ൾ റൂം ​തു​റ​ന്നാ​ണ് പ്ര​വ​ർ​ത്ത​നം ഏ​കോ​പി​പ്പി​ക്കു​ക. പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ൾ​ക്ക് ഔ​ട്ട് ബോ​ർ​ഡ്, ഇ​ൻ ബോ​ർ​ഡ് എ​ൻ​ജി​നു​ക​ൾ ഘ​ടി​പ്പി​ച്ച വ​ഞ്ചി​ക​ൾ​ക്ക് ക​ട​ലി​ൽ പോ​കു​ന്ന​തി​ന് ത​ട​സ്സ​മി​ല്ല.

വ​ഞ്ചി​ക​ൾ​ക്ക് ഇ​ന്ധ​നം നി​റ​ക്കാ​ൻ മ​ത്സ്യ​ഫെ​ഡ് പ​മ്പു​ക​ൾ പ്ര​വ​ർ​ത്തി​ക്കും. പ​മ്പു​ക​ളി​ൽ​നി​ന്ന് കാ​നു​ക​ളി​ലോ കു​പ്പി​ക​ളി​ലോ ഡീ​സ​ലും പെ​ട്രോ​ളും ന​ൽ​ക​രു​തെ​ന്ന് മു​ന്ന​റി​യി​പ്പ് ന​ൽ​കി​യി​ട്ടു​ണ്ട്. ജി​ല്ല​യി​ല്‍ ഏ​റ്റ​വും കൂ​ടു​ത​ല്‍ ആ​ളു​ക​ൾ മ​ത്സ്യ​ബ​ന്ധ​ന മേ​ഖ​ല​യു​മാ​യി ബ​ന്ധ​പ്പെ​ട്ട് ജോ​ലി​യെ​ടു​ക്കു​ന്ന​ത് ബേ​പ്പൂ​ർ ഫി​ഷി​ങ് ഹാ​ർ​ബ​ർ കേ​ന്ദ്രീ​ക​രി​ച്ചാ​ണ്. എ​ഴു​ന്നൂ​റി​ല​ധി​കം വ​ലു​തും ചെ​റു​തു​മാ​യ ബോ​ട്ടു​ക​ളാ​ണ് ബേ​പ്പൂ​ർ ഹാ​ർ​ബ​റി​ൽ​നി​ന്ന് മീ​ൻ​പി​ടി​ത്ത​ത്തി​നാ​യി പോ​കു​ന്ന​ത്.

ട്രോ​ളി​ങ് നി​രോ​ധ​ന​ത്തോ​ടെ ഹാ​ർ​ബ​റി​ൽ ബോ​ട്ടു​ക​ൾ ഒ​രു​മി​ച്ച് കെ​ട്ടി​യി​ടു​ന്ന​തി​നു​ള്ള സൗ​ക​ര്യ​മി​ല്ല. തൊ​ട്ട​ടു​ത്ത ചാ​ലി​യം, ക​രു​വ​ൻ​തി​രു​ത്തി, ബി.​സി റോ​ഡി​ലെ ചീ​ർ​പ്പ് പാ​ലം തു​ട​ങ്ങി​യ സ്ഥ​ല​ങ്ങ​ളി​ലെ ന​ദീ​തീ​ര​ങ്ങ​ളി​ലാ​ണ് സു​ര​ക്ഷി​ത​മാ​ക്കി നി​ർ​ത്തി​യി​ടു​ക. നി​രോ​ധ​ന കാ​ല​യ​ള​വി​ൽ വ​ലി​യ ബോ​ട്ടു​ക​ളി​ലെ ജി.​പി.​എ​സ്, എ​ക്കോ സൗ​ണ്ട​ർ, വ​യ​ർ​ലെ​സ് തു​ട​ങ്ങി​യ വി​ല​പി​ടി​പ്പു​ള്ള ഇ​ല​ക്ട്രോ​ണി​ക്സ് ഉ​പ​ക​ര​ണ​ങ്ങ​ളെ​ല്ലാം അ​ഴി​ച്ചു​മാ​റ്റി സു​ര​ക്ഷി​ത​മാ​ക്കും.

വ​ല​യും മ​റ്റു മീ​ൻ​പി​ടി​ത്ത ഉ​പ​ക​ര​ണ​ങ്ങ​ളും ബോ​ട്ടു​ക​ളി​ൽ​ത​ന്നെ​യു​ള്ള സ്റ്റോ​റേ​ജു​ക​ളി​ലാ​ണ് സൂ​ക്ഷി​ക്കു​ക. ചെ​റി​യ ബോ​ട്ടു​കാ​ർ റോ​പ്പ്, വ​ല, ബോ​ക്സു​ക​ൾ തു​ട​ങ്ങി​യ​വ വീ​ടു​ക​ളി​ലേ​ക്കും പ്ര​ത്യേ​ക ഷെ​ഡ്ഡു​ക​ളി​ലേ​ക്കും മാ​റ്റി​വെ​ക്കും. ട്രോ​ളി​ങ് നി​രോ​ധ​നം അ​ടു​ത്ത​തോ​ടെ ത​മി​ഴ്നാ​ട്ടി​ലെ ക​ന്യാ​കു​മാ​രി, കു​ള​ച്ച​ൽ പ​ശ്ചി​മ​ബം​ഗാ​ൾ, ബി​ഹാ​ർ, അ​സം തു​ട​ങ്ങി​യ അ​ന്ത​ർ​സം​സ്ഥാ​ന മീ​ൻ പി​ടി​ത്ത​ത്തൊ​ഴി​ലാ​ളി​ക​ൾ സ്വ​ദേ​ശ​ത്തേ​ക്ക് മ​ട​ങ്ങി​ത്തു​ട​ങ്ങി.

നി​രോ​ധ​നം ആ​രം​ഭി​ക്കു​ന്ന​തോ​ടെ മ​ത്സ്യ​ത്തൊ​ഴി​ലാ​ളി​ക​ളും അ​നു​ബ​ന്ധ മേ​ഖ​ല​യി​ൽ ജോ​ലി ചെ​യ്യു​ന്ന​വ​രു​മ​ട​ക്കം ആ​യി​ര​ക്ക​ണ​ക്കി​ന് കു​ടും​ബ​ങ്ങ​ള്‍ക്ക് വ​റു​തി​യു​ടെ നാ​ളു​ക​ളാ​യി​രി​ക്കും.