ചാലിയം ഫിഷ് ലാൻഡിങ് സെന്റർ അവഗണനയുടെ നടുക്കടലിൽ

ക​ട​ലു​ണ്ടി: ചെ​മ്മീ​ൻ ഉ​ൾ​പ്പെ​ടെ മ​ത്സ്യ​ക്ക​യ​റ്റു​മ​തി​യി​ലൂ​ടെ സ​ർ​ക്കാ​റി​ന്​ ല​ക്ഷ​ങ്ങ​ളു​ടെ വി​ദേ​ശ​നാ​ണ്യം നേ​ടി​ക്കൊ​ടു​ക്കു​ന്ന ചാ​ലി​യ​ത്തെ പ​ര​മ്പ​രാ​ഗ​ത മ​ത്സ്യ​വി​പ​ണ​ന മേ​ഖ​ല അ​വ​ഗ​ണ​ന​യു​ടെ ന​ടു​ക്ക​ട​ലി​ൽ. അ​ഴു​ക്കു​വെ​ള്ളം കെ​ട്ടി​ക്കി​ട​ന്ന് ച​ളി​ക്കു​ള​മാ​യ ഫി​ഷ് ലാ​ൻ​ഡി​ങ് സെ​ന്റ​റു​മാ​യി ബ​ന്ധ​പ്പെ​ട്ട് ആ​യി​ര​ക്ക​ണ​ക്കി​നു തൊ​ഴി​ലാ​ളി​ക​ളാ​ണ് ജീ​വി​ത​മാ​ർ​ഗം ക​ണ്ടെ​ത്തു​ന്ന​ത്.

ക​ട​ലി​നോ​ടു മ​ല്ല​ടി​ച്ച് മ​ത്സ്യ​വു​മാ​യെ​ത്തു​ന്ന വ​ള്ള​ങ്ങ​ൾ​ക്ക് ക​ര​പ​റ്റാ​ൻ സു​ര​ക്ഷി​ത​മാ​യ ജെ​ട്ടി​യി​ല്ല. മ​ത്സ്യം വി​റ്റ​ഴി​ക്കാ​നും സൂ​ക്ഷി​ക്കാ​നും ഇ​ട​മി​ല്ല. ച​ളി​യി​ൽ കു​തി​ർ​ന്ന സ്ഥ​ല​ത്താ​ണ് മ​ത്സ്യം ലേ​ലം ചെ​യ്യു​ന്ന​ത്. ജീ​വി​ത​മാ​ർ​ഗ​മാ​യ​തു​കൊ​ണ്ട് എ​ല്ലാം സ​ഹി​ക്കു​ക​യാ​ണെ​ന്നാ​ണ് തൊ​ഴി​ലാ​ളി​ക​ൾ പ​റ​യു​ന്ന​ത്.

15 കോ​ടി ചെ​ല​വ​ഴി​ച്ച് ഫി​ഷ് ലാ​ൻ​ഡി​ങ് സെ​ന്റ​ർ നി​ർ​മി​ക്കാ​ൻ സം​സ്ഥാ​ന സ​ർ​ക്കാ​ർ ന​ട​പ​ടി കൈ​ക്കൊ​ണ്ടി​ട്ടു​ണ്ടെ​ങ്കി​ലും കേ​ന്ദ്ര സ​ർ​ക്കാ​റി​ന്റെ ചി​ല ന​ട​പ​ടി​ക്ര​മ​ങ്ങ​ൾ വൈ​കു​ന്ന​തു​കൊ​ണ്ടാ​ണ് പ​ദ്ധ​തി വെ​ളി​ച്ചം കാ​ണാ​ത്ത​ത്. 150ഓ​ളം ഫൈ​ബ​ർ എ​ൻ​ജി​ൻ വ​ള്ള​ങ്ങ​ൾ, 300 ചെ​റു​വ​ള്ള​ങ്ങ​ൾ, 200ൽ ​പ​രം തോ​ണി​ക്കാ​ർ ഉ​ൾ​പ്പെ​ടെ മ​ത്സ്യ​വി​പ​ണ​ന​വു​മാ​യി ബ​ന്ധ​പ്പെ​ട്ട് 4,000ത്തോ​ളം തൊ​ഴി​ലാ​ളി​ക​ളാ​ണ് ഫി​ഷ് ലാ​ൻ​ഡി​ങ് സെ​ന്റ​റി​നെ ആ​ശ്ര​യി​ച്ച് ജീ​വി​ക്കു​ന്ന​ത്.

ആ​ന​ങ്ങാ​ടി, ചെ​ട്ടി​പ്പ​ടി, പ​ര​പ്പ​ന​ങ്ങാ​ടി, താ​നൂ​ർ ഭാ​ഗ​ങ്ങ​ളി​ലു​ള്ള തൊ​ഴി​ലാ​ളി​ക​ളും മീ​ൻ വി​ൽ​ക്കാ​നെ​ത്തു​ന്ന​ത് ചാ​ലി​യ​ത്താ​ണ്‌. മ​ത്സ്യ​ത്തൊ​ഴി​ലാ​ളി​ക​ൾ ഉ​പ​യോ​ഗി​ച്ചു​വ​രു​ന്ന വ​നം വ​കു​പ്പി​ന്റെ കൈ​വ​ശ​മു​ള്ള അ​ഞ്ച് ഏ​ക്ക​ർ ഭൂ​മി ഫി​ഷ് ലാ​ൻ​ഡി​ങ് സെ​ന്റ​ർ നി​ർ​മി​ക്കാ​ൻ ഏ​റ്റെ​ടു​ക്കു​ക​യും പ​ക​രം ചെ​മ്പ​നോ​ട വി​ല്ലേ​ജി​ൽ ര​ണ്ട് ഹെ​ക്ട​ർ സ്ഥ​ലം സം​സ്ഥാ​ന സ​ർ​ക്കാ​ർ വ​നം വ​കു​പ്പി​നു വി​ട്ടു​കൊ​ടു​ക്കു​ക​യും ചെ​യ്തി​രു​ന്നു.

വ​നം -ഫി​ഷ​റീ​സ് വ​കു​പ്പു​ക​ൾ ഭൂ​മി കൈ​മാ​റ്റ ന​ട​പ​ടി പൂ​ർ​ത്തീ​ക​രി​ച്ച് കേ​ന്ദ്ര വ​നം പ​രി​സ്ഥി​തി മ​ന്ത്രാ​ല​യ​ത്തി​നു കൈ​മാ​റി​യെ​ങ്കി​ലും കേ​ന്ദ്രാ​നു​മ​തി ല​ഭി​ച്ചി​ട്ടി​ല്ല. ആ​ധു​നി​ക രീ​തി​യി​ലു​ള്ള ജെ​ട്ടി, മ​ത്സ്യ​ബ​ന്ധ​ന ബോ​ട്ട് അ​റ്റ​കു​റ്റ​പ്പ​ണി​ക്കു​ള്ള കേ​ന്ദ്രം, മ​ത്സ്യം വേ​ർ​തി​രി​ച്ച് വി​ൽ​പ​ന ന​ട​ത്താ​നു​ത​കു​ന്ന വി​ശാ​ല​മാ​യ ഹാ​ൾ ഉ​ൾ​പ്പെ​ടെ സൗ​ക​ര്യ​ങ്ങ​ളൊ​രു​ക്കാ​നാ​യി​രു​ന്നു പ​ദ്ധ​തി. ഹാ​ർ​ബ​ർ എ​ൻ​ജി​നീ​യ​റി​ങ്ങും ഫി​ഷ​റീ​സ് വ​കു​പ്പും സം​യു​ക്ത​മാ​യി നി​ർ​മാ​ണ​ത്തി​നു നേ​തൃ​ത്വം കൊ​ടു​ക്ക​ണ​മെ​ന്നും സ​ർ​ക്കാ​ർ നി​ർ​ദേ​ശി​ച്ചി​രു​ന്നു. മ​ല​ബാ​റി​ൽ അ​റി​യ​പ്പെ​ടു​ന്ന മ​ത്സ്യ ബ​ന്ധ​ന മേ​ഖ​ല​യാ​ണ് ചാ​ലി​യം. സ്വ​ന്ത​മാ​യി സൗ​ക​ര്യ​മി​ല്ലാ​ത്ത​തി​നാ​ൽ പ​തി​റ്റാ​ണ്ടു​ക​ളാ​യി മ​ത്സ്യ​വി​പ​ണ​നം ന​ട​ക്കു​ന്ന​ത് വ​നം വ​കു​പ്പ് ഭൂ​മി​യി​ലാ​ണെ​ന്ന​താ​ണ് വി​രോ​ധാ​ഭാ​സം.