ലോറിയും കെ.എസ്.ആർ.ടി.സി ബസും കൂട്ടിയിടിച്ച് 11 പേർക്കു പരിക്ക്

ചേമഞ്ചേരി: ദേശീയപാതയിൽ പൂക്കാടിനടുത്ത് ടിപ്പർ ലോറിയുടെ പിറകിൽ കെ.എസ്.ആർ.ടി.സി ഇടിച്ച് 11 പേർക്കു നിസ്സാര പരിക്കേറ്റു. കാബിനുള്ളിൽ കുടുങ്ങിയ ബസ് ഡ്രൈവറെ നാട്ടുകാർ പുറത്തെടുത്തു. റോഡിൽ പൊട്ടിക്കിടന്ന ചില്ലുകൾ അഗ്നിശമനസേന വെള്ളം ഉപയോഗിച്ച് ശുചീകരിച്ചു. സ്റ്റേഷൻ ഓഫിസർ സി.പി. ആനന്ദൻ നേതൃത്വം നൽകി. ഒരു മണിക്കൂറോളം ദേശീയപാതയിൽ ഗതാഗതം തടസ്സപ്പെട്ടു.