ന​ടു​വ​ണ്ണൂ​ർ: കോ​ട്ടൂ​ർ ഗ്രാ​മ​പ​ഞ്ചാ​യ​ത്തി​ൽ വീ​ടും സ്ഥ​ല​വും സ്വ​കാ​ര്യ ധ​ന​കാ​ര്യ സ്ഥാ​പ​നം ജ​പ്തി​ചെ​യ്തു. ഇ​തേ​ത്തു​ട​ർ​ന്ന് ഗൃ​ഹ​നാ​ഥ​നും കു​ടും​ബ​വും പെ​രു​വ​ഴി​യി​ലാ​യി. കോ​ട്ടൂ​ർ പെ​ര​വ​ച്ചേ​രി നാ​ലു​പു​ര​യ്ക്ക​ൽ സു​കു​മാ​ര​നും കു​ടും​ബ​വു​മാ​ണ് വാ​യ്പ തി​രി​ച്ച​ട​ക്കാ​ൻ ക​ഴി​യാ​ത്ത​തി​നെ തു​ട​ർ​ന്ന് ജ​പ്തി ന​ട​പ​ടി​ക്കി​ര​യാ​യ​ത്.

മൂ​ന്ന​ര​ല​ക്ഷം രൂ​പ അ​ട​ക്കാ​നു​ണ്ടെ​ന്ന് പ​റ​ഞ്ഞാ​ണ് മു​ത്തൂ​റ്റ് ഫി​നാ​ൻ​സ് കു​ടും​ബ​ത്തി​ന്റെ ദു​ര​വ​സ്ഥ​പോ​ലും ക​ണ​ക്കി​ലെ​ടു​ക്കാ​തെ ജ​പ്തി ന​ട​പ​ടി​യു​മാ​യി മു​ന്നോ​ട്ടു​പോ​യ​ത്. ആ​കെ​യു​ള്ള 17 സെ​ന്റ് ഭൂ​മി​യി​ൽ 10 സെ​ന്റും വീ​ടും ഈ​ടു​വെ​ച്ചാ​ണ് മൂ​ന്നു​ല​ക്ഷം രൂ​പ വാ​യ്പ​യെ​ടു​ത്ത​ത്. 12 വ​ർ​ഷ​മാ​യി 4500 രൂ​പ​വെ​ച്ച് വാ​യ്പ​യി​ലേ​ക്ക് മു​ട​ങ്ങാ​തെ അ​ട​ക്കാ​റു​ണ്ടെ​ന്ന് സു​കു​മാ​ര​ൻ പ​റ​ഞ്ഞു. ജ​പ്തി​ന​ട​പ​ടി പാ​ടി​ല്ലെ​ന്നി​രി​ക്കെ സ്വ​കാ​ര്യ സ്ഥാ​പ​നം ജ​പ്തി​ന​ട​പ​ടി സ്വീ​ക​രി​ച്ച​തി​നെ​തി​രെ പ്ര​ദേ​ശ​ത്ത് പ്ര​തി​ഷേ​ധ​മു​യ​രു​ന്നു​ണ്ട്.

ജ​പ്‌​തി ചെ​യ്ത ഭൂ​മി​ക്ക് സ​മീ​പ​മാ​യു​ള്ള ഏ​ഴ് സെ​ന്റ് ഭൂ​മി​യി​ൽ ടാ​ർ​പോ​ളി​ൻ ഷീ​റ്റ് വ​ലി​ച്ചു​കെ​ട്ടി അ​തി​ൽ ക​ഴി​യു​ക​യാ​ണ് സു​കു​മാ​ര​നും കു​ടും​ബ​വും. വീ​ട്ടു​സാ​ധ​ന​ങ്ങ​ളെ​ല്ലാം ഇ​വി​ടേ​ക്ക് മാ​റ്റി. വീ​ടി​ന്റെ വൈ​ദ്യു​തി ക​ണ​ക്ഷ​ൻ വ​രെ വി​ച്ഛേ​ദി​ച്ചെ​ന്നും സു​കു​മാ​ര​ൻ പ​റ​ഞ്ഞു. എ​ന്നാ​ൽ, വൈ​ദ്യു​തി വി​ച്ഛേ​ദി​ക്കാ​ൻ സ്വ​കാ​ര്യ സ്ഥാ​പ​ന​ത്തി​ന് അ​ധി​കാ​ര​മി​ല്ലെ​ന്ന് കെ.​എ​സ്.​ഇ.​ബി അ​ധി​കൃ​ത​ർ പ​റ​ഞ്ഞു. പി​ന്നീ​ട് കെ.​എ​സ്.​ഇ.​ബി ഇ​ട​പെ​ട്ട് ക​ണ​ക്ഷ​ൻ പു​നഃ​സ്ഥാ​പി​ച്ചു ന​ൽ​കി. നി​യ​മ​പ​ര​മാ​യ എ​ല്ലാ ന​ട​പ​ടി​ക​ളും പാ​ലി​ച്ച ശേ​ഷ​മാ​ണ് ജ​പ്തി ചെ​യ്‌​ത​തെ​ന്ന് മു​ത്തൂ​റ്റ് ഫി​നാ​ൻ​സ് അ​ധി​കൃ​ത​ർ അ​റി​യി​ച്ചു.

കുടുംബത്തെ ചേർത്തുപിടിച്ച് കാരുണ്യ പ്രവർത്തകർ

നടുവണ്ണൂർ: ജപ്തി നടപടിക്ക് വിധേയനായ കുടുംബത്തെ ചേർത്തുപിടിച്ച് കാരുണ്യ പ്രവർത്തകർ. പൊതുപ്രവർത്തകൻ വട്ടക്കണ്ടി ഇസ്മായിലിന്റെ നേതൃത്വത്തിൽ കുന്നരം വെള്ളി മുസ്‍ലിം റിലീഫ് കമ്മിറ്റിയാണ് 26,386 രൂപ അടച്ചത്. അഞ്ചു മാസത്തെ അടവ് അടച്ചതിനെത്തുടർന്ന് താൽക്കാലികമായി ജപ്തി ഒഴിവായി. ഇതോടെ കുടുംബം വീട്ടിൽ തിരികെ പ്രവേശിച്ചു. ശനിയാഴ്ച രാത്രി 8.30ന് ഓൺലൈനായാണ് പണം ബാങ്കിലടച്ചത്.