സൗ​ത്തി​ൽ മു​നീ​റി​ന്റെ മൂ​ന്നാം വ​ര​വോ?

കോ​ഴി​ക്കോ​ട്: ക​ഴി​ഞ്ഞ ത​വ​ണ യു.​ഡി.​എ​ഫി​​നെ കൈ​വി​ട്ട കോ​ഴി​ക്കോ​ട് സൗ​ത്ത് മ​ണ്ഡ​ലം തി​രി​ച്ചു​പി​ടി​ക്കാ​ൻ ലീ​ഗ് ഇ​ത്ത​വ​ണ എം.​കെ. മു​നീ​റി​നെ ത​ന്നെ ക​ള​ത്തി​ലി​റ​ക്കി​യേ​ക്കും. സ്ഥാ​നാ​ർ​ഥി നി​ർ​ണ​യ ച​ർ​ച്ച​ക​ൾ പാ​ർ​ട്ടി​ക്കു​ള്ളി​ൽ സ​ജീ​വ​മാ​വു​മ്പോ​ൾ മു​നീ​ർ ത​ന്നെ​യാ​ണ് സാ​ധ്യ​താ​ലി​സ്റ്റി​ൽ ഒ​ന്നാ​മ​ൻ. അ​ല്ലെ​ങ്കി​ൽ കെ.​എം. ഷാ​ജി, എം.​എ. റ​സാ​ഖ് മാ​സ്റ്റ​ർ, ടി.​ടി. ഇ​സ്മാ​യി​ൽ എ​ന്നി​വ​രു​ടെ പേ​രു​ക​ളും ച​ർ​ച്ച​യി​ലു​ണ്ട്. 2008ൽ ​വാ​ർ​ഡ് പു​ന​ർ​വി​ഭ​ജ​ന​ശേ​ഷ​മാ​ണ് ഇ​ത് കോ​ഴി​ക്കോ​ട് സൗ​ത്ത് നി​യോ​ജ​ക മ​ണ്ഡ​ല​മാ​യി അ​റി​യ​പ്പെ​ടു​ന്ന​ത്.

2016ൽ ​മു​നീ​ർ ഈ ​മ​ണ്ഡ​ല​ത്തി​ൽ എ​തി​ർ സ്ഥാ​നാ​ർ​ഥി ഐ.​എ​ൻ.​എ​ല്ലി​ലെ എ.​പി. അ​ബ്ദു​ൽ വ​ഹാ​ബി​നെ 6327 വോ​ട്ടി​നാ​ണ് പ​രാ​ജ​യ​പ്പെ​ടു​ത്തി​യ​ത്. അ​തേ സ​മ​യം ക​ഴി​ഞ്ഞ ത​വ​ണ മു​നീ​ർ മ​ണ്ഡ​ലം മാ​റി കൊ​ടു​വ​ള്ളി​യി​ലേ​ക്ക് പോ​യ​പ്പോ​ൾ യു.​ഡി.​എ​ഫ് സ്ഥാ​നാ​ർ​ഥി​യാ​യി മ​ത്സ​രി​ച്ച​ത് മു​സ്‍ലിം ലീ​ഗി​ലെ നൂ​ർ​ബി​ന റ​ഷീ​ദ് ആ​ണ്. എ​തി​ർ സ്ഥാ​നാ​ർ​ഥി ഐ.​എ​ൻ.​എ​ല്ലി​ലെ അ​ഹ​മ്മ​ദ് ദേ​വ​ർ കോ​വി​ൽ 12469 വോ​ട്ട് ഭൂ​രി​പ​ക്ഷ​ത്തി​ന് നൂ​ർ​ബി​ന​യെ തോ​ൽ​പി​ക്കു​ക​യും മ​ന്ത്രി​യാ​വു​ക​യും ചെ​യ്തു. പി.​എം അ​ബൂ​ബ​ക്ക​ർ, പി.​എം.​എ. സ​ലാം, കോ​ൺ​ഗ്ര​സി​ലെ കാ​ള​പ്പ​ള്ളി മാ​ധ​വ​മേ​നോ​ൻ, സി.​പി. കു​ഞ്ഞു, എ​ള​മ​രം ക​രീം, ടി.​പി.​എം. സാ​ഹി​ർ തു​ട​ങ്ങി​യ​വ​രെ​ല്ലാം ഈ ​മ​ണ്ഡ​ല​ത്തി​ൽ നി​ന്ന് നി​യ​മ​സ​ഭ​യി​ലെ​ത്തി​യി​ട്ടു​ണ്ട്.

1991​ലെ ​നി​യ​മ​സ​ഭാ തെ​ര​ഞ്ഞെ​ടു​പ്പി​ലും മു​നീ​ർ ഈ ​മ​ണ്ഡ​ല​ത്തി​ൽ നി​ന്ന് വി​ജ​യി​ച്ചി​ട്ടു​ണ്ട്. ക​ഴി​ഞ്ഞ കോ​ർ​പ​റേ​ഷ​ൻ തെ​ര​ഞ്ഞെ​ടു​പ്പോ​ടെ ഈ ​മ​ണ്ഡ​ലം കൂ​ടു​ത​ൽ സു​ര​ക്ഷി​ത​മാ​ണെ​ന്ന് യു.​ഡി.​എ​ഫി​ന് ആ​ത്മ​വി​ശ്വാ​സം വ​ർ​ധി​ച്ചി​ട്ടു​ണ്ട്. മു​നീ​റി​നാ​വ​​ട്ടെ അ​നു​കൂ​ല​മാ​യ വോ​ട്ട്ബാ​ങ്ക് ഇ​വി​ടെ​യു​ണ്ട്.

കോ​ർ​പ​റേ​ഷ​ൻ മ​ണ്ഡ​ല​ത്തി​ലെ 23 വാ​ർ​ഡു​ക​ളി​ൽ 12 എ​ണ്ണം യു.​ഡി.​എ​ഫി​നെ തു​ണ​ച്ച​​പ്പോ​ൾ, എ​ൽ.​ഡി.​എ​ഫ് അ​ഞ്ച് വാ​ർ​ഡു​ക​ളി​ൽ ഒ​തു​ങ്ങി. ആ​റ് വാ​ർ​ഡു​ക​ൾ ബി.​ജെ.​പി​ക്ക് ല​ഭി​ച്ചു. 32913 വോ​ട്ടു​ക​ളാ​ണ് യു.​ഡി.​എ​ഫ് സൗ​ത്ത് നി​യോ​ജ​ക​മ​ണ്ഡ​ല​ത്തി​ലെ വാ​ർ​ഡു​ക​ളി​ൽ നി​ന്ന് നേ​ടി​യ​ത്. എ​ൽ.​ഡി.​എ​ഫ് 7760 വോ​ട്ടു​ക​ളും എ​ൻ.​ഡി.​എ 7989 വോ​ട്ടു​ക​ളും നേ​ടി. പാ​ള​യം, മേ​ത്തോ​ട്ട് താ​ഴം, കു​റ്റി​യി​ൽ​താ​ഴം പൊ​ക്കു​ന്ന്, പ​റ​യ​ഞ്ചേ​രി വാ​ർ​ഡു​ക​ളാ​ണ് എ​ൽ.​ഡി.​എ​ഫ് നേ​ടി​യ​ത്. പ​യ്യാ​ന​ക്ക​ൽ, ച​ക്കും ക​ട​വ്, കു​റ്റി​ച്ചി​റ, മു​ഖ​ദാ​ർ, കി​ണാ​ശ്ശേ​രി, ആ​ഴ്ച​വ​ട്ടം, ക​ല്ലാ​യി, മീ​ഞ്ച​ന്ത, തി​രു​വ​ണ്ണൂ​ർ, കൊ​മ്മേ​രി, ന​ദീ​ന​ഗ​ർ, ച​ക്കും​ക​ട​വ് വാ​ർ​ഡു​ക​ളി​ലാ​ണ് യു.​ഡി.​എ​ഫ് ജ​യി​ച്ച​ത്.

ചാ​ല​പ്പു​റം, പു​തി​യ​റ, കു​തി​ര​വ​ട്ടം, പൊ​റ്റ​മ്മ​ൽ, മാ​വൂ​ർ റോ​ഡ്, പ​ന്നി​യ​ങ്ക​ര വാ​ർ​ഡു​ക​ൾ എ​ൻ.​ഡി.​എ നേ​ടി. 2021ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ൽ എ​ൽ.​ഡി.​എ​ഫ് സ്ഥാ​നാ​ർ​ഥി അ​ഹ​മ്മ​ദ് ദേ​വ​ർ​കോ​വി​ൽ നേ​ടി​യ ഭൂ​രി​പ​ക്ഷം 12448 ആ​ണ്. 2024ലെ ​പാ​ർ​ല​മെ​ന്റ് തെ​ര​ഞ്ഞെ​ടു​പ്പി​ൽ യു.​ഡി.​എ​ഫി​ലെ എം.​കെ. രാ​ഘ​വ​ൻ നേ​ടി​യ ഭൂ​രി​പ​ക്ഷം 23,000 ആ​ണ്. 2019ലെ ​ക​ണ​ക്ക് പ്ര​കാ​രം സൗ​ത്ത് നി​യോ​ജ​ക മ​ണ്ഡ​ല​ത്തി​ലെ വോ​ട്ട​ർ​മാ​രു​ടെ എ​ണ്ണം 1,49,054 ആ​ണ്.