Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightപുതിയാപ്പയിൽ...

പുതിയാപ്പയിൽ മത്സ്യത്തൊഴിലാളികൾക്ക്​ മെഡിക്കൽ ക്യാമ്പൊരുക്കി ഡോക്ടർമാർ

text_fields
bookmark_border
പുതിയാപ്പയിൽ മത്സ്യത്തൊഴിലാളികൾക്ക്​ മെഡിക്കൽ ക്യാമ്പൊരുക്കി ഡോക്ടർമാർ
cancel

കോഴിക്കോട്: ലോക പ്രമേഹ ദിനാചരണത്തിന്റെ ഭാഗമായി പുതിയാപ്പയിലെ മത്സ്യത്തൊഴിലാളികൾക്കായി സൗജന്യ മെഗാ മെഡിക്കൽ ക്യാമ്പ് സംഘടിപ്പിച്ചു. പുതിയാപ്പ ശ്രീ ഭഗവതി ധർമ്മ പരിപാലന അരയ സമാജം, കാലിക്കറ്റ് ഫോറം ഓഫ് ഡയബറ്റിസ്, കാലിക്കറ്റ് ഫോറം ഫോർ ഇന്റേണൽ മെഡിസിൻ, മെഡിക്കൽ എഡ്യൂക്കേഷൻ ആൻഡ് റിസർച്ച് ഗ്രൂപ്പ് എന്നിവർ സംയുക്തമായാണ് ക്യാമ്പ് സംഘടിപ്പിച്ചത്.

രക്തസമ്മർദ്ദം, ഉയരം, ഭാരം, ബി.എം.ഐ, ഇ.സി.ജി റാൻഡം ബ്ലഡ് ഗ്ലൂക്കോസ് പരിശോധന, കിഡ്നി പ്രവർത്തനക്ഷമത പരിശോധന, ലിപ്പിഡ് പ്രൊഫൈൽ, തൈറോയ്ഡ്, യു.എ.സി.ആർ തുടങ്ങിയവയുടെ വിപുലമായ ലാബ് പരിശോധന ക്യാമ്പിൽ ഒരുക്കിയിരുന്നു. ലിവർ ഫൈബ്രോസ്കാൻ, പ്രമേഹ രോഗികൾക്കുള്ള പ്രത്യേക പാദ പരിശോധന എന്നിവയും നൽകി. അൻപതോളം പേർക്ക് നൽകിയ അടിയന്തര ഘട്ടങ്ങളിൽ ജീവൻ രക്ഷിക്കാനുള്ള പ്രാഥമിക ജീവൻരക്ഷാ പരിശീലനം (ബി.എൽ.എസ്) ശ്രദ്ധേയമായി. മത്സ്യത്തൊഴിലാളികളുടെ തൊഴിൽപരമായ വെല്ലുവിളികൾ മുൻനിർത്തി ആരോഗ്യകരമായ ഭക്ഷണരീതി, നിർജ്ജലീകരണം തടയൽ, ഹൃദയാരോഗ്യം, വൃക്കസംരക്ഷണം എന്നിവയിൽ പ്രത്യേക ബോധവൽക്കരണം നൽകി. ഇരുനൂറോളം പേർ ക്യാമ്പിലെത്തി.

കോഴിക്കോട്​ മെഡിക്കൽ കോളേജ്​ പ്രിൻസിപ്പാൾ പ്രൊഫ. കെ.ജി. സജീത് കുമാർ ക്യാമ്പ്​ ഉദ്​ഘാടനം ചെയ്തു. നിരവധി ദിവസങ്ങൾ വീട്ടിൽനിന്നു വിട്ട്​ കടലിൽ ക​ഴിയേണ്ടി വരുന്ന മത്സ്യത്തൊഴിലാളികൾക്ക്​ ആരോഗ്യ ബോധവൽക്കരണവും വിദഗ്​ധ പരിശോധനയും നടത്താനുള്ള തീരുമാനം ഏറ്റവും ഉചിതമായെന്ന്​ അദ്ദേഹം അഭിപ്രായപ്പെട്ടു. ഡോ. എസ്​.കെ. സുരേഷ്​ കുമാറിന്‍റെ നേതൃത്വത്തിൽ കോഴിക്കോട്ടെ വിദഗ്​ധരായ ഡോക്ടർമാരും ടെക്​നീഷ്യന്മാരും ചേർന്ന്​ എല്ലാ വർഷവും ഏറ്റവും അനിവാര്യമായ ഗ്രൂപ്പിനെ കണ്ടെത്തി ഇത്തരത്തിൽ ആരോഗ്യ ക്യാമ്പ്​ നടത്തുന്നതിനെ അദ്ദേഹം അഭിനന്ദിച്ചു. ഡോ. നീരജ് മണിക്​കത്ത്, ഡോ. വി.കെ. ഷമീർ എന്നിവർ സംശയങ്ങൾക്ക്​ മറുപടി നൽകി. പ്രോഗ്രാം കോ ഓർഡിനേറ്റർ ഡോ. എസ്.കെ. സുരേഷ് കുമാർ അധ്യക്ഷത വഹിച്ചു.

പ്രൊഫ. എൻ.കെ. തുളസീധരൻ, പ്രൊഫ. ഉദയഭാസ്കരൻ, ഡോ. കെ.പി. രാജേഷ്, ഡോ. ആർ. ഗായത്രി, ഡോ. റോജിത് ബാലകൃഷ്ണൻ, ഡോ. എം.കെ. കൃപാൽ, ഡോ. പി.കെ. സിന്ധു, ഡോ. കെ.പി. ദിപു, ഡോ. സിജുകുമാർ തുടങ്ങിയവർ പരിശോധനകൾക്ക്​ നേതൃത്വം നൽകി.

Show Full Article
25% Off
E-Paper First Page
Today
Today's Edition is out

Want the complete newspaper?

Print Replica Crop & Save India & GCC Zoom in and zoom out
TAGS:medical camp Fisherman Kozhikode Health 
News Summary - Medical Camp For Fishermen
Next Story