പ​യ്യോ​ളി: തി​ക്കോ​ടി ക​ല്ല​ക​ത്ത് ഡ്രൈ​വ് ഇ​ൻ ബീ​ച്ചി​ൽ നാ​ലു​പേ​ർ മ​രി​ക്കാ​നി​ട​യാ​യ സം​ഭ​വം ഒ​രാ​ഴ്ച പി​ന്നി​ടു​മ്പോ​ൾ ജി​ല്ല ഭ​ര​ണ​കൂ​ടം ഇ​ട​പെ​ട്ട് വി​പു​ല​മാ​യ സു​ര​ക്ഷാ സം​വി​ധാ​ന​ങ്ങ​ൾ ഒ​രു​ക്കു​ന്നു. ക​ഴി​ഞ്ഞ ഞാ​യ​റാ​ഴ്ച റി​പ്പ​ബ്ലി​ക് ദി​ന​ത്തി​ലാ​യി​രു​ന്നു വി​നോ​ദ​സ​ഞ്ചാ​ര​ത്തി​നെ​ത്തി​യ വ​യ​നാ​ട് ക​ൽ​പ​റ്റ സ്വ​ദേ​ശി​ക​ളാ​യ നാ​ലു​പേ​ർ തി​ര​മാ​ല​യി​ൽ​പ്പെ​ട്ട് മു​ങ്ങി​മ​രി​ക്കാ​നി​ട​യാ​യ അ​പ​ക​ട​മു​ണ്ടാ​യ​ത്.

ഇ​തേ തു​ട​ർ​ന്ന് ജി​ല്ല ക​ല​ക്ട​ർ സ്നേ​ഹി​ൽ കു​മാ​ർ സിം​ങി​ന്റെ അ​ധ്യ​ക്ഷ​ത​യി​ൽ ക​ഴി​ഞ്ഞ ദി​വ​സം ക​ല​ക്ട​റേ​റ്റി​ൽ ഉ​ന്ന​ത​ത​ല യോ​ഗം ചേ​ർ​ന്നി​രു​ന്നു. ക​ട​ലി​ൽ പ​രി​ശീ​ല​നം നേ​ടി​യ ഒ​മ്പ​ത് മ​ത്സ്യ​ത്തൊ​ഴി​ലാ​ളി​ക​ളു​ടെ സേ​വ​നം ബീ​ച്ചി​ൽ തി​ര​ക്ക് കൂ​ടു​ന്ന വാ​രാ​ന്ത്യ​ങ്ങ​ളി​ലും അ​വ​ധി​ദി​ന​ങ്ങ​ളി​ലും ല​ഭ്യ​മാ​ക്കാ​ൻ തീ​രു​മാ​ന​മാ​യി. ആ​റ് ലൈ​ഫ് ഗാ​ർ​ഡു​മാ​രു​ടെ സേ​വ​നം ല​ഭ്യ​മാ​ക്കു​ന്ന ഡി.​ടി.​പി.​സി​യു​ടെ പ​ദ്ധ​തി നി​ല​വി​ൽ വ​രു​ന്ന​തു​വ​രെ മ​ത്സ്യ​ത്തൊ​ഴി​ലാ​ളി​ക​ളു​ടെ സേ​വ​നം പ്ര​യോ​ജ​ന​പ്പെ​ടു​ത്തും.

ഡ്രൈ​വ് ഇ​ൻ ബീ​ച്ചി​ലെ 250 മീ​റ്റ​ർ പ​രി​ധി​യി​ൽ അ​പാ​യ സൂ​ച​ന ബോ​ർ​ഡു​ക​ൾ ജി​ല്ല ടൂ​റി​സം പ്ര​മോ​ഷ​ൻ കൗ​ൺ​സി​ൽ ഇ​ട​പെ​ട്ട് സ്ഥാ​പി​ക്കും. ബീ​ച്ചി​ൽ ശു​ചി​മു​റി, സു​ര​ക്ഷ ജീ​വ​ന​ക്കാ​ര​ൻ, ബീ​ച്ച് ശു​ചി​യാ​ക്കാ​നു​ള്ള സം​വി​ധാ​നം എ​ന്നി​വ​ക്കാ​യി താ​ത്കാ​ലി​ക സം​വി​ധാ​നം ഏ​ർ​പ്പെ​ടു​ത്താ​ൻ തി​ക്കോ​ടി ഗ്രാ​മ​പ​ഞ്ചാ​യ​ത്തി​ന് ക​ല​ക്ട​ർ നി​ർ​ദേ​ശം ന​ൽ​കി. ബീ​ച്ചി​ൽ വൈ​ദ്യു​തി വി​ള​ക്കു​ക​ൾ അ​ടി​യ​ന്തി​ര​മാ​യി സ്ഥാ​പി​ക്ക​ണ​മെ​ന്ന് പൊ​ലീ​സ് ആ​വ​ശ്യ​പ്പെ​ട്ടു. ബീ​ച്ചി​ന്റെ തെ​ക്കു​ഭാ​ഗ​ത്ത് ഡി.​ടി.​പി.​സി​യു​ടെ നേ​തൃ​ത്വ​ത്തി​ൽ ശു​ചി​മു​റി ഉ​ൾ​പ്പെ​ടെ​യു​ള്ള സം​വി​ധാ​നം ഒ​രു​ക്കു​ന്ന പ്ര​വൃ​ത്തി ന​ട​ന്നു​വ​രു​ന്നു​ണ്ടെ​ങ്കി​ലും ഇ​ത് പൂ​ർ​ത്തി​യാ​വാ​ൻ സ​മ​യ​മെ​ടു​ക്കും.

ഡെ​പ്യൂ​ട്ടി ക​ല​ക്ട​ർ (ദു​ര​ന്ത​നി​വാ​ര​ണം) ഇ. ​അ​നി​ത​കു​മാ​രി, പ​യ്യോ​ളി ന​ഗ​ര​സ​ഭ സെ​ക്ര​ട്ട​റി എം. ​വി​ജി​ല, കൊ​യി​ലാ​ണ്ടി ത​ഹ​സി​ൽ​ദാ​ർ എ​സ്. ജ​യ​ശ്രീ വാ​ര്യ​ർ, വി​നോ​ദ​സ​ഞ്ചാ​ര വ​കു​പ്പ് ഡെ​പ്യൂ​ട്ടി ഡ​യ​റ​ക്ട​ർ സ​ത്യ​ജി​ത്ത് ശ​ങ്ക​ർ, തി​ക്കോ​ടി ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി എ. ​സ​ന്ദീ​പ്, മൂ​ടാ​ടി ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി പി. ​ജി​ജി, ഡി.​ടി.​പി.​സി സെ​ക്ര​ട്ട​റി ടി. ​നി​ഖി​ൽ​ദാ​സ്, പ​യ്യോ​ളി എ​സ്.​ഐ വി. ​പ്ര​കാ​ശ​ൻ എ​ന്നി​വ​ർ പ​ങ്കെ​ടു​ത്തു.

സ​ന്ദ​ർ​ശ​ക​രെ നി​യ​ന്ത്രി​ച്ച് തീ​ര​ദേ​ശ പൊ​ലീ​സ്

പ​യ്യോ​ളി: ദു​ര​ന്ത​മു​ണ്ടാ​യി ഒ​രാ​ഴ്ച പി​ന്നി​ടു​ന്ന തി​ക്കോ​ടി ക​ല്ല​ക​ത്ത് ഡ്രൈ​വ് ഇ​ൻ ബീ​ച്ചി​ലെ​ത്തു​ന്ന സ​ന്ദ​ർ​ശ​ക​ർ​ക്ക് ക​ർ​ശ​ന നി​യ​ന്ത്ര​ണ​മേ​ർ​പ്പെ​ടു​ത്തി പൊ​ലീ​സ്. സ​ന്ദ​ർ​ശ​ക​രെ ആ​രെ​യും ക​ട​ലി​ൽ ഇ​റ​ങ്ങാ​ൻ അ​നു​വ​ദി​ക്കാ​തെ പൊ​ലീ​സ് തി​ക​ഞ്ഞ ജാ​ഗ്ര​ത പു​ല​ർ​ത്തു​ന്നു​ണ്ട്.

അ​പ്ര​തീ​ക്ഷി​ത​മാ​യി ക​ട​ൽ ഉ​ൾ​വ​ലി​യു​ന്ന​തും പി​ന്നീ​ട് ശ​ക്ത​മാ​യ തി​ര​മാ​ല​യു​ണ്ടാ​വു​ന്ന​തും അ​പ​ക​ട സാ​ധ്യ​ത വ​ർ​ധി​പ്പി​ക്കും. നാ​ലു​പേ​ർ ദു​ര​ന്ത​ത്തി​ൽ​പെ​ടാ​നു​ള്ള പ്ര​ധാ​ന കാ​ര​ണ​വും ഇ​താ​ണെ​ന്നാ​ണ് പൊ​തു​വേ വി​ല​യി​രു​ത്ത​പ്പെ​ടു​ന്ന​ത്. കൂ​ടാ​തെ, തീ​ര​ത്തോ​ട് അ​ടു​പ്പി​ച്ചി​ട്ടു​ള്ള പെ​ട്ടെ​ന്ന് കാ​ഴ്ച​യി​ൽ​പ്പെ​ടാ​ത്ത ചെ​റു​പാ​റ​ക്കെ​ട്ടു​ക​ളും ക​ട​ലി​ലേ​ക്ക് ഇ​റ​ങ്ങു​ന്ന​വ​ർ​ക്ക് ഏ​റെ ഭീ​ഷ​ണി​യാ​ണ്.

അ​വ​ധി ദി​ന​മാ​യ ഇ​ന്ന​ലെ ഞാ​റാ​ഴ്ച​യും തീ​ര​ദേ​ശ പൊ​ലീ​സി​നെ കൂ​ടാ​തെ പ​യ്യോ​ളി പൊ​ലീ​സും സ്ഥ​ല​ത്തെ​ത്തി​യി​രു​ന്നു. തീ​ര​ദേ​ശ പൊ​ലീ​സി​ന്റെ ര​ണ്ട് ഉ​ദ്യോ​ഗ​സ്ഥ​ർ എ​ല്ലാ​ദി​വ​സ​വും തീ​ര​ത്ത് കാ​വ​ലു​ണ്ടാ​വും.

വാ​ഹ​ന​ങ്ങ​ൾ എ​ല്ലാ ഭാ​ഗ​ത്ത് നി​ന്നും ക​ട​ൽ​ക​ര​യി​ലേ​ക്ക് പ്ര​വേ​ശി​ക്കു​ന്ന​ത് പൊ​ലീ​സി​ന് ബു​ദ്ധി​മു​ട്ടി​ലാ​ക്കു​ന്നു​ണ്ട്. ഒ​രു വ​ശ​ത്തൂ​ടെ തീ​ര​ത്തേ​ക്ക് പ്ര​വേ​ശി​ച്ച് മ​റ്റൊ​രു വ​ശ​ത്തൂ​ടെ വാ​ഹ​ന​ങ്ങ​ൾ പു​റ​ത്തേ​ക്ക് പോ​കു​ന്ന രീ​തി​യി​ൽ ക്ര​മീ​ക​ര​ണം ഏ​ർ​പ്പെ​ടു​ത്ത​ണ​മെ​ന്നാ​ണ് പൊ​തു​വേ​യു​ള്ള ആ​വ​ശ്യം.