ട്രോളിങ് നിരോധനം; അയല, മത്തി മഹാവില

ബേ​പ്പൂ​ർ: ട്രോ​ളി​ങ് നി​രോ​ധ​ന​ത്തെ​ത്തു​ട​ർ​ന്ന് യ​ന്ത്ര​വ​ത്കൃ​ത ബോ​ട്ടു​ക​ളു​ടെ ആ​ഴ​ക്ക​ട​ൽ മീ​ൻ​പി​ടി​ത്തം നി​ല​ച്ച​പ്പോ​ൾ മാ​ർ​ക്ക​റ്റു​ക​ളി​ൽ മീ​ൻ ല​ഭ്യ​ത കു​റ​ഞ്ഞു. ഉ​ള്ള​തി​ന് പൊ​ള്ളു​ന്ന വി​ല​യും. വി​ല പി​ടി​വി​ട്ട് കു​തി​ക്കു​ന്ന​തി​നി​ടെ, ക്ഷാ​മം രൂ​ക്ഷ​മാ​യ​ത് തീ​ൻ​മേ​ശ​ക​ളി​ൽ മ​ത്സ്യ​പ്രേ​മി​ക​ളെ നി​രാ​ശ​രാ​ക്കി. സാ​ധാ​ര​ണ​ക്കാ​രു​ടെ ഇ​ഷ്ട​മീ​നു​ക​ളാ​യ അ​യ​ല​ക്കും മ​ത്തി​ക്കു​മെ​ല്ലാം പൊ​ൻ​വി​ല​യാ​ണ്. മ​ത്തി​ക്ക് 400 കി​ലോ വി​ല. കോ​ഴി​യി​റ​ച്ചി​ക്ക് 240 രൂ​പ​യും, ബീ​ഫി​ന് 340 രൂ​പ​യു​മു​ള്ള​പ്പോ​ഴാ​ണി​ത്. മു​ള്ള​ൻ, നെ​ത്തോ​ലി തു​ട​ങ്ങി​യ ചെ​റു​മീ​നു​ക​ൾ​ക്കെ​ല്ലാം 200 മു​ത​ൽ 300 വ​രെ​യാ​ണ് കി​ലോ​ക്ക് വി​ല.

ആ​വോ​ലി, അ​യ​ക്കൂ​റ, നെ​യ്മീ​ൻ തു​ട​ങ്ങി​യ വ​ലി​യ മീ​നു​ക​ൾ​ക്ക് കി​ലോ​ക്ക് 1000ത്തി​ലും അ​പ്പു​റ​വും കൊ​ടു​ക്ക​ണം. മാ​ർ​ക്ക​റ്റു​ക​ളി​ൽ മീ​ൻ കു​റ​ഞ്ഞ​തോ​ടെ ഉ​ള്ള​തി​ന് വി​ല കു​ത്ത​നെ കൂ​ടു​ക​യാ​യി​രു​ന്നു. നേ​ര​ത്തെ മ​ത്സ്യ​ങ്ങ​ൾ​ക്ക് വി​ല​കു​റ​ഞ്ഞ അ​വ​സ​ര​ങ്ങ​ളി​ൽ ശീ​തീ​ക​രി​ച്ച് സൂ​ക്ഷി​ച്ച​വ​യാ​ണ് ഇ​പ്പോ​ൾ കി​ട്ടു​ന്ന​തി​ൽ കൂ​ടു​ത​ലും. ത​മി​ഴ്നാ​ട്ടി​ൽ നി​ന്നെ​ത്തു​ന്ന ചൂ​ര, കേ​ത​ർ, പ​പ്പ​ൻ​സ് (ബാ​റ്റ്) തു​ട​ങ്ങി​യ​വ​യു​ടെ വി​ല 400 ഉം ​അ​തി​നു മു​ക​ളി​ലേ​ക്കും എ​ത്തി​ക്ക​ഴി​ഞ്ഞു.

ട്രോ​ളി​ങ് നി​രോ​ധ​ന​മേ​ർ​പ്പെ​ടു​ത്തി​യാ​ൽ സാ​ധാ​ര​ണ ഘ​ട്ട​ങ്ങ​ളി​ൽ പ​ര​മ്പ​രാ​ഗ​ത​മാ​യി ചെ​റു​വ​ഞ്ചി​ക​ളി​ൽ പോ​യി മീ​ൻ​പി​ടി​ത്തം ന​ട​ത്തു​ന്ന മ​ത്സ്യ​ത്തൊ​ഴി​ലാ​ളി​ക​ൾ​ക്ക് പ്ര​തീ​ക്ഷ​യു​ടെ കാ​ല​മാ​ണ്. മു​ൻ​കാ​ല​ങ്ങ​ളി​ൽ വ​ലി​യ ബോ​ട്ടു​കാ​ർ അ​ടി​ത്ത​ട്ടി​ൽ നി​ന്നും മീ​ൻ അ​രി​ച്ചെ​ടു​ത്ത് കൊ​ണ്ടു​പോ​കാ​ത്ത​തി​നാ​ൽ വ​ഞ്ചി​ക്കാ​രു​ടെ വ​ല‌ നി​റ​യും. ഇ​പ്പോ​ൾ പേ​രി​ന് പോ​ലും മീ​ൻ കി​ട്ടാ​ത്ത ദു​ര​വ​സ്ഥ​യി​ലാ​ണ് മ​ത്സ്യ​ത്തൊ​ഴി​ലാ​ളി​ക​ൾ.

മ​ത്സ്യ​ല​ഭ്യ​ത​യി​ൽ വ​ന്നി​രി​ക്കു​ന്ന ഇ​ത്ര​യും വ​ലി​യ കു​റ​വി​ൽ തൊ​ഴി​ലാ​ളി​ക​ൾ ആ​ശ​ങ്ക​യി​ലാ​ണ്. വ​ലി​യ ബോ​ട്ടു​ക​ളു​ടെ അ​മി​ത​മാ​യ ക​ട​ന്നു​ക​യ​റ്റ​വും മു​ൻ​വ​ർ​ഷ​ങ്ങ​ളി​ലെ കാ​ലാ​വ​സ്ഥ വ്യ​തി​യാ​ന​വും ക​ട​ലി​ൽ മ​ത്സ്യ ല​ഭ്യ​ത കു​റ​യാ​നു​ള്ള കാ​ര​ണ​മാ​യ​താ​യി പ​ഠ​ന​ങ്ങ​ളും പ​റ​യു​ന്നു. വ​ലി​യ ബോ​ട്ടു​ക​ൾ ചെ​റു​കി​ട തൊ​ഴി​ലാ​ളി​ക​ളു​ടെ പ​രി​ധി​യി​ലെ​ത്തി മ​ത്സ്യ​ബ​ന്ധ​നം ന​ട​ത്തു​ന്ന​തി​ൽ പ​ര​മ്പ​രാ​ഗ​ത തൊ​ഴി​ലാ​ളി​ക​ൾ വ​ലി​യ പ്ര​തി​ഷേ​ധ​ത്തി​ലാ​ണ്.

അ​ന്ത​ർ സം​സ്ഥാ​ന ബോ​ട്ടു​ക​ളും ട്രോ​ളി​ങ് നി​രോ​ധ​ന​മേ​ർ​പ്പെ​ടു​ത്തി​യ​തി​നു പി​ന്നാ​ലെ തി​രി​ച്ചു​പോ​യെ​ങ്കി​ലും, ത​ങ്ങ​ൾ​ക്ക് ഈ ​കാ​ല​ങ്ങ​ളി​ൽ ല​ഭി​ക്കേ​ണ്ടു​ന്ന മ​ത്സ്യം മു​മ്പ്ത​ന്നെ അ​രി​ച്ചെ​ടു​ത്ത​താ​യി പ​ര​മ്പ​രാ​ഗ​ത​ക്കാ​ർ ആ​രോ​പി​ക്കു​ന്നു. വ​ഞ്ചി​ക്കാ​ർ​ക്ക് ഇ​ന്ധ​ന​വും ഭ​ക്ഷ​ണ​വും മ​റ്റ് ചെ​ല​വു​ക​ളു​മ​ട​ക്കം പോ​യി വ​രാ​ൻ കു​റ​ഞ്ഞ​ത് ഇ​രു​പ​തി​നാ​യി​രം രൂ​പ​യു​ടെ ചെ​ല​വു​ണ്ട്. മു​മ്പ് അ​മ്പ​തി​നാ​യി​രം രൂ​പ​യു​ടെ മീ​ൻ കി​ട്ടി​യെ​ങ്കി​ൽ, ഇ​ന്ന് വെ​റും​കൈ​യോ​ടെ മ​ട​ങ്ങേ​ണ്ടി വ​രു​ന്ന​തി​നാ​ൽ പ​ല​രും ക​ട​ലി​ൽ പോ​കാ​ത്ത സ്ഥി​തി​യാ​ണ്.

ലോ​ണെ​ടു​ത്ത് വ​ഞ്ചി​യും വ​ല​യു​മെ​ല്ലാം വാ​ങ്ങി​യ​വ​ർ​ക്ക് തി​രി​ച്ച​ട​ക്കാ​ൻ മ​റ്റ് ജോ​ലി​ക്ക് പോ​കേ​ണ്ട സ്ഥി​തി​യാ​ണെ​ന്നും ഇ​വ​ർ പ​റ​യു​ന്നു. കാ​ലാ​വ​സ്ഥ പ്ര​തി​കൂ​ല​മാ​വു​ക​യും, മീ​ൻ​പി​ടി​ത്ത​ത്തി​ന് പോ​ക​രു​തെ​ന്ന മു​ന്ന​റി​യി​പ്പും കാ​ര​ണം പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ൾ ക​ട​ലി​ൽ പോ​കു​ന്ന​തും പ്ര​തി​സ​ന്ധി​യാ​ണ്.