കാ​ല​വ​ർ​ഷം; താ​ലൂ​ക്കി​ൽ 19 വീ​ടു​ക​ൾ​കൂ​ടി ഭാ​ഗി​ക​മാ​യി ത​ക​ർ​ന്നു; ഒമ്പത് കു​ടും​ബ​ങ്ങ​ളെ മാ​റ്റി താ​മ​സി​പ്പി​ച്ചു

വ​ട​ക​ര: ശ​ക്ത​മാ​യ കാ​റ്റി​ലും മ​ഴ​യി​ലു​മാ​യി താ​ലൂ​ക്കി​ലെ വി​വി​ധ വി​ല്ലേ​ജ് പ​രി​ധി​യി​ൽ 19 വീ​ടു​ക​ൾ കൂ​ടി ഭാ​ഗി​ക​മാ​യി ത​ക​ർ​ന്നു. ക​ട​ലാ​ക്ര​മ​ണം രൂ​ക്ഷ​മാ​യ തീ​ര​മേ​ഖ​ല​യി​ൽ​നി​ന്ന് ഒ​മ്പ​ത് കു​ടും​ബ​ങ്ങ​ളെ മാ​റ്റി താ​മ​സി​പ്പി​ച്ചു. ക​ഴി​ഞ്ഞ ദി​വ​സ​ങ്ങ​ളി​ൽ 72 ഓ​ളം വീ​ടു​ക​ൾ ത​ക​ർ​ന്നി​രു​ന്നു. ബു​ധ​നാ​ഴ്ച പ​ക​ൽ മ​ഴ​ക്ക് അ​ൽ​പം ശ​മ​ന​മു​ണ്ടാ​യെ​ങ്കി​ലും വ​ട​ക​ര​യു​ടെ തീ​ര​മേ​ഖ​ല​ക​ളി​ൽ ക​ട​ലാ​ക്ര​മ​ണം രൂ​ക്ഷ​മാ​ണ്.

അ​ഴി​ത്ത​ല, കൊ​യി​ലാ​ണ്ടി വ​ള​പ്പ് എ​ന്നി​വി​ട​ങ്ങ​ളി​ലാ​ണ് ക​ട​ലാ​ക്ര​മ​ണം രൂ​ക്ഷ​മാ​യി​രി​ക്കു​ന്ന​ത്. കൊ​യി​ലാ​ണ്ടി വ​ള​പ്പി​ൽ ഒ​മ്പ​ത് കു​ടും​ബ​ങ്ങ​ളെ​യും അ​ഴി​ത്ത​ല​യി​ൽ മൂ​ന്ന് കു​ടും​ബ​ങ്ങ​ളെ​യു​മാ​ണ് റ​വ​ന്യൂ അ​ധി​കൃ​ത​ർ ബ​ന്ധു​വീ​ടു​ക​ളി​ലേ​ക്ക് മാ​റ്റി താ​മ​സി​പ്പി​ച്ച​ത്. വ​ട​ക​ര-​പേ​രാ​മ്പ്ര സം​സ്ഥാ​ന പാ​ത​യി​ൽ തോ​ട​ന്നൂ​ർ ടൗ​ണി​ൽ റോ​ഡ​രി​കി​ലെ ത​ണ​ൽ മ​രം ക​ട​പു​ഴ​കി വീ​ണ് ഗ​താ​ഗ​തം ത​ട​സ്സ​പ്പെ​ട്ടു. ബു​ധ​നാ​ഴ്ച ഉ​ച്ച​ക്ക് ഒ​ന്ന​ര​യോ​ടെ തോ​ട​ന്നൂ​ർ എ.​ഇ.​ഒ ഓ​ഫി​സ് പ​രി​സ​ര​ത്താ​ണ് അ​പ​ക​ടം. നാ​ലു മ​ണി​ക്കൂ​റു​ക​ളോ​ളം വാ​ഹ​ന​ഗ​താ​ഗ​തം ത​ട​സ്സ​പ്പെ​ട്ടു. അ​ഗ്നി​ര​ക്ഷാ​സേ​ന​യും കെ.​എ​സ്. ഇ.​ബി അ​ധി​കൃ​ത​രു​മെ​ത്തി മ​രം മു​റി​ച്ചു​മാ​റ്റി. മ​രം വീ​ണ് വൈ​ദ്യു​തി വി​ത​ര​ണം നി​ല​ച്ചു.

വൈദ്യുതിത്തൂൺ ​വീ​ണ്​ വീ​ടി​ന് കേ​ടു​പാ​ട്​

കു​റ്റ്യാ​ടി: കാ​വി​ലും​പാ​റ പ​ഞ്ചാ​യ​ത്തി​ലെ ഓ​ട​ൻ​കാ​ടു​മ്മ​ൽ വ​ണ്ണ​ത്താ​ൻ കോ​ട്ടേ​മ്മ​ൽ കു​മാ​ര​ന്റെ വീ​ടി​ന് മു​ക​ളി​ൽ വൈദ്യുതിത്തൂൺ വീ​ണു. വീ​ടി​ന് കേ​ടു​പാ​ടു​ക​ളു​ണ്ട്. ബു​ധ​നാ​ഴ്ച ഉ​ച്ച​ക്കു​ണ്ടാ​യ ശ​ക്ത​മാ​യ കാ​റ്റി​ലും മ​ഴ​യി​ലും സ​മീ​പ​ത്തെ ഇ​ല​ക്ട്രി​ക് ലൈ​നി​ൽ മ​രം വീ​ഴു​ക​യാ​യി​രു​ന്നു. ഇ​തേ​ത്തു​ട​ർ​ന്നാ​ണ് വൈദ്യുതിത്തൂണും ലൈ​നും വീ​ടി​ന് മു​ക​ളി​ൽ പ​തി​ച്ച​ത്. വീ​ട് പൂ​ട്ടി​യി​ട്ട സ​മ​യ​ത്താ​യ​തി​നാ​ൽ ആ​ള​പാ​യും ഒ​ഴി​വാ​യി.