ഔദ്യോഗിക ആവശ്യങ്ങൾക്ക് സൈക്കിൾ; ജീവനക്കാരിൽ അമർഷം

വ​ട​ക​ര: കു​ടി​ശ്ശി​ക​യെ തു​ട​ർ​ന്ന് ന​ഗ​ര​സ​ഭ വാ​ഹ​ന​ങ്ങ​ൾ​ക്ക് പെ​ട്രോ​ൾ പ​മ്പു​ക​ൾ ഇ​ന്ധ​നം ന​ൽ​കു​ന്ന​ത് നി​ർ​ത്തി​യ​ത് വി​വാ​ദ​മാ​യ​തി​നു പി​ന്നാ​ലെ ജീ​വ​ന​ക്കാ​ർ ഔ​ദ്യോ​ഗി​ക കാ​ര്യ​ങ്ങ​ൾ​ക്ക് സൈ​ക്കി​ൾ ഉ​പ​യോ​ഗി​ക്ക​ണ​മെ​ന്ന വി​ചി​ത്ര ഉ​ത്ത​ര​വു​മാ​യി വ​ട​ക​ര ന​ഗ​ര​സ​ഭ. ഇ​ത് ജീ​വ​ന​ക്കാ​രി​ൽ ക​ടു​ത്ത അ​മ​ർ​ഷ​ത്തി​നി​ട​യാ​ക്കി​യി​ട്ടു​ണ്ട്. നി​കു​തി പി​രി​വ്, ലൈ​സ​ൻ​സ്, പെ​ർ​മി​റ്റ്, അ​പേ​ക്ഷ​ക​ൾ, പ​രാ​തി​ക​ൾ എ​ന്നി​വ സം​ബ​ന്ധി​ച്ചു​ള്ള ഫീ​ൽ​ഡ് വി​ഭാ​ഗം പ​രി​ശോ​ധ​ന​ക​ൾ​ക്കും നോ​ട്ടീ​സു​ക​ൾ, ക​ത്തു​ക​ൾ എ​ന്നി​വ വി​ത​ര​ണം ചെ​യ്യു​ന്ന​തി​നും ന​ഗ​ര​സ​ഭ​യു​ടെ ഉ​ട​മ​സ്ഥ​ത​യി​ലു​ള്ള അ​ഞ്ച് സൈ​ക്കി​ളു​ക​ൾ ഉ​പ​യോ​ഗി​ക്ക​ണ​മെ​ന്നാ​ണ് സ​ർ​ക്കു​ല​ർ.

ജീ​വ​ന​ക്കാ​രാ​യ ബി​ൽ ക​ല​ക്‌​ട​ർ, ക്ല​ർ​ക്ക്, ഹെ​ൽ​ത്ത് ഇ​ൻ​സ്പെ​ക്ട​ർ​മാ​ർ, ഓ​വ​ർ​സി​യ​ർ​മാ​ർ എ​ന്നി​വ​ർ​ക്ക് ഔ​ദ്യോ​ഗി​ക യാ​ത്ര​ക്ക് സൈ​ക്കി​ൾ ഉ​പ​യോ​ഗ​പ്പെ​ടു​ത്താ​വു​ന്ന​താ​ണ്. ഇ​തു സം​ബ​ന്ധി​ച്ച ര​ജി​സ്റ്റ​ർ ജ​ന​റ​ൽ വി​ഭാ​ഗം സൂ​പ്ര​ണ്ട് സൂ​ക്ഷി​ക്ക​ണം. ജീ​വ​ന​ക്കാ​ർ യാ​ത്ര പു​റ​പ്പെ​ടു​ന്ന സ​മ​യ​വും ര​ജി​സ്റ്റ​റി​ൽ രേ​ഖ​പ്പെ​ടു​ത്ത​ണ​മെ​ന്നാ​ണ് ഉ​ത്ത​ര​വി​ലു​ള്ള​ത്. ന​ഗ​ര​സ​ഭ കാ​ർ​ബ​ൺ ഫ്രീ ​ന​ഗ​ര​സ​ഭ​യാ​യി പ്ര​ഖ്യാ​പി​ച്ച​തി​നാ​ൽ ഓ​ഫി​സി​ന്റെ സു​ഗ​മ​മാ​യ പ്ര​വ​ർ​ത്ത​ന​ത്തി​നാ​ണ് സൈ​ക്കി​ൾ ഉ​പ​യോ​ഗ​പ്പെ​ടു​ത്താ​ൻ ആ​വ​ശ്യ​പ്പെ​ടു​ന്ന​തെ​ന്നാ​ണ് ഉ​ത്ത​ര​വി​ൽ പ​റ​യു​ന്ന​ത്.

എ​ന്നാ​ൽ, വാ​ഹ​ന​ങ്ങ​ൾ​ക്ക് ഇ​ന്ധ​നം ല​ഭി​ക്കാ​ത്ത​തി​നാ​ലാ​ണ് ന​ഗ​ര​സ​ഭ​യെ ഇ​ത്ത​ര​മൊ​രു തീ​രു​മാ​ന​മെ​ടു​പ്പി​ക്കാ​ൻ പ്രേ​രി​പ്പി​ച്ച​തെ​ന്നാ​ണ് പ​റ​യ​പ്പെ​ടു​ന്ന​ത്. ഇ​ന്ധ​നം അ​ടി​ച്ച വ​ക​യി​ൽ 2.60 ല​ക്ഷം രൂ​പ കു​ടി​ശ്ശി​ക വ​ന്ന​തി​നാ​ൽ പെ​ട്രോ​ൾ പ​മ്പു​ക​ൾ ന​ഗ​ര​സ​ഭ വാ​ഹ​ന​ങ്ങ​ൾ​ക്ക് ഇ​ന്ധ​നം ന​ൽ​കു​ന്ന​ത് നി​ർ​ത്തി​യി​രു​ന്നു. വാ​ഹ​ന​ങ്ങ​ളു​ടെ സ​ഞ്ചാ​ര​വി​വ​രം ലോ​ഗ് ബു​ക്കി​ൽ രേ​ഖ​പ്പെ​ടു​ത്ത​ണ​മെ​ന്നാ​ണ് ച​ട്ടം. എ​ന്നാ​ൽ, ലോ​ഗ് ബു​ക്കി​ൽ ചെ​യ​ർ​പേ​ഴ്സ​ന്റെ യാ​ത്രാ​വി​വ​രം രേ​ഖ​പ്പെ​ടു​ത്താ​ത്ത​തി​നാ​ൽ അ​ക്കൗ​ണ്ട്സ് വി​ഭാ​ഗം പ​മ്പു​ക​ൾ​ക്ക് ന​ൽ​കാ​നു​ള്ള പ​ണം ന​ൽ​കാ​ത്ത​ത് പ്ര​തി​സ​ന്ധി​ക്കി​ട​യാ​ക്കി​യി​രു​ന്നു. ന​ഗ​ര​സ​ഭ​യു​ടെ ഭാ​ഗ​ത്തു​നി​ന്നു​ള്ള വീ​ഴ്ച​യി​ൽ സാ​ധാ​ര​ണ ജ​ന​ങ്ങ​ൾ​ക്ക് കി​ട്ടേ​ണ്ട സേ​വ​ന​ങ്ങ​ൾ വാ​ഹ​ന​ത്തി​ന്റെ പേ​രി​ൽ വൈ​കു​മെ​ന്നാ​ണ് വി​ല​യി​രു​ത്തു​ന്ന​ത്.