ഇനി, പാചക വാതകം പൈപ്പ്​ വഴി വീടുകളിലെത്തും

മ​ല​പ്പു​റം: വീ​ട്ട​മ്മ​മാ​ർ​ക്ക്​ ഇ​നി പാ​ച​ക​വാ​ത​കം തീ​ർ​ന്നാ​ൽ ഏ​ജ​ന്‍റി​നെ വി​ളി​ച്ച് വ​ണ്ടി വ​രു​ന്ന​തും​ കാ​ത്തി​രി​ക്കേ​ണ്ടി വ​രി​ല്ല. അ​യ​ൽ​പ​ക്ക​ത്തോ ബ​ന്ധു വീ​ടു​ക​ളി​ലോ വി​ളി​ക്കേ​ണ്ട​തി​ല്ല. പാ​ച​ക​വാ​ത​കം പൈ​പ്പ്​ വ​ഴി നി​ങ്ങ​ളു​ടെ അ​ടു​പ്പി​ലേ​ക്ക്​ നേ​രി​ട്ടെ​ത്തും. ഉ​പ​യോ​ഗി​ക്കു​ന്ന അ​ള​വി​ന്​​ അ​നു​സ​രി​ച്ച് മീ​റ്റ​റി​ൽ കാ​ണു​ന്ന യൂ​നി​റ്റി​ന്​​ ര​ണ്ടു മാ​സം കൂ​ടു​മ്പോ​ൾ ബി​ൽ അ​ട​ച്ചാ​ൽ മ​തി.

പൈ​പ്പു​ക​ളി​ലൂ​ടെ പാ​ച​ക വാ​ത​കം വീ​ടു​ക​ളി​ലേ​ക്കെ​ത്തി​ക്കു​ന്ന 'സി​റ്റി ഗ്യാ​സ്​' പ​ദ്ധ​തി​​ ജി​ല്ല​യി​ൽ ദ്രു​ത​ഗ​തി​യി​ൽ പു​രോ​ഗ​മി​ക്കു​ക​യാ​ണ്. മ​ഞ്ചേ​രി ന​ഗ​ര​സ​ഭ​യി​ലെ ആ​റ്, ഏ​ഴ്​ വാ​ർ​ഡു​ക​ളി​ൽ വീ​ടു​ക​ളി​ലേ​ക്ക്​ പൈ​പ്പി​ടു​ന്ന ജോ​ലി​ക​ൾ തീ​ർ​ന്നു. മാ​ർ​ച്ചോ​ടെ ന​ഗ​ര​സ​ഭ​യി​ലെ മൊ​ത്തം വീ​ടു​ക​ളി​ലും വാ​ത​ക​മെ​ത്തി​ക്കാ​നാ​വു​മെ​ന്നാ​ണ്​ പ്ര​തീ​ക്ഷി​ക്കു​ന്ന​തെ​ന്ന്​​ പ​ദ്ധ​തി​യു​ടെ ചു​മ​ത​ല വ​ഹി​ക്കു​ന്ന എം.​ആ​ർ. ഹ​രി​കൃ​ഷ്ണ അ​റി​യി​ച്ചു.

ക​ണ​ക്ഷ​ൻ വേ​ണ്ട​വ​രി​ൽ​നി​ന്ന്​ അ​ടു​ത്ത മാ​സം അ​പേ​ക്ഷ ക്ഷ​ണി​ക്കും. ഇ​ന്ത്യ​ൻ ഓ​യി​ൽ കോ​ർ​പ​റേ​ഷ​നും (​ഐ.​ഒ.​സി) അ​ദാ​നി​യും ചേ​ർ​ന്നാ​ണ്​ പ​ദ്ധ​തി ന​ട​പ്പാ​ക്കു​ന്ന​ത്. ഗെ​യി​ലു​മാ​യി ക​രാ​റി​ലേ​ർ​പ്പെ​ട്ട ക​മ്പ​നി 150 കോ​ടി രൂ​പ​യാ​ണ്​ ആ​ദ്യ​ഘ​ട്ട​ത്തി​ന്​​ ചെ​ല​വ്​ ക​ണ​ക്കാ​ക്കു​ന്ന​ത്. നാ​ലു ഘ​ട്ട​ങ്ങ​ളാ​യാ​ണ്​ പ​ദ്ധ​തി പൂ​ർ​ത്തി​യാ​ക്കു​ക.

മ​ഞ്ചേ​രി​യി​ൽ തു​ട​ക്കം, പി​ന്നെ മ​ല​പ്പു​റം, കോ​ട്ട​ക്ക​ൽ

മ​ഞ്ചേ​രി ന​ഗ​ര​സ​ഭ​യി​ൽ പ​ദ്ധ​തി പൂ​ർ​ത്തി​യാ​ക്കി​യ​തി​നു​ശേ​ഷം വ​ള്ളു​വ​മ്പ്രം വ​ഴി മ​ല​പ്പു​റം ന​ഗ​ര​സ​ഭ​യി​ലും കോ​ട്ട​ക്ക​ലു​മാ​ണ്​ ആ​ദ്യ​ഘ​ട്ട​ത്തി​ൽ പാ​ച​ക​വാ​ത​കം എ​ത്തി​ക്കു​ക. മ​ല​പ്പു​റം, കോ​ട്ട​ക്ക​ൽ എ​ന്നി​വി​ട​ങ്ങ​ളി​ൽ പൈ​പ്പി​ട​ൽ പു​രോ​ഗ​മി​ക്കു​ക​യാ​ണ്. ഏ​പ്രി​ൽ, മേ​യ്​ മാ​സ​ങ്ങ​ളി​ൽ ഇ​ത്​ പൂ​ർ​ത്തി​യാ​വു​മെ​ന്നാ​ണ്​ ക​രു​തു​ന്ന​ത്. പെ​രി​ന്ത​ൽ​മ​ണ്ണ, കൊ​ണ്ടോ​ട്ടി, കാ​ക്ക​ഞ്ചേ​രി എ​ന്നി​വി​ട​ങ്ങ​ളി​ൽ ഈ ​വ​ർ​ഷം അ​വ​സാ​ന​ത്തോ​ടെ വാ​ത​ക​മെ​ത്തും. 2023ൽ ​മൂ​ന്നാം ഘ​ട്ട​ത്തി​ൽ തി​രൂ​ർ, പ​ര​പ്പ​ന​ങ്ങാ​ടി, തി​രൂ​ര​ങ്ങാ​ടി ന​ഗ​ര​സ​ഭ​ക​ളി​ൽ പ​ദ്ധ​തി ന​ട​പ്പാ​ക്കും. ബാ​ക്കി​യു​ള്ള ന​ഗ​ര​സ​ഭ​ക​ളി​ൽ അ​വ​സാ​ന​ഘ​ട്ട​ത്തി​ലും അ​തി​ന്​ പി​റ​കെ പ​ഞ്ചാ​യ​ത്തു​ക​ളി​ലേ​ക്കും പ​ദ്ധ​തി വ്യാ​പി​പ്പി​ക്കാ​നാ​ണ്​ ല​ക്ഷ്യ​മി​ടു​ന്ന​ത്. ന​ഗ​ര​സ​ഭ​ക​ളു​ടെ​യും ദേ​ശീ​യ​പാ​ത, പൊ​തു​മ​രാ​മ​ത്ത്​ അ​ധി​കൃ​ത​രു​ടെ​യും അ​നു​മ​തി​ക​ൾ കൂ​ടി ല​ഭി​ക്കു​ന്ന​തോ​ടെ നി​ർ​മാ​ണ പ്ര​വൃ​ത്തി​ക​ൾ​ക്ക്​ വേ​ഗം കൂ​ടും.

വാ​ത​കം എ​ടു​ക്കു​ന്ന​ത്​​ ഗെ​യി​ൽ പൈ​പ്പ്​ ലൈ​നി​ൽ​നി​ന്ന്​

കൊ​ച്ചി-​മം​ഗ​ളൂ​രു ഗെ​യി​ൽ പൈ​പ്പ്​ ലൈ​നി​ൽ​നി​ന്നാ​ണ്​ പ്ര​കൃ​തി വാ​ത​കം എ​ട​ക്കു​ന്ന​ത്. ഇ​തി​നാ​യി ജി​ല്ല​യി​ൽ നേ​ര​ത്തേ ത​ന്നെ സ്റ്റേ​ഷ​നു​ക​ൾ സ്ഥാ​പി​ച്ചി​ട്ടു​ണ്ട്. മ​ല​പ്പു​റം കോ​ഡൂ​ർ, മ​ഞ്ചേ​രി വീ​മ്പൂ​ർ, വ​ളാ​​ഞ്ചേ​രി കാ​ട്ടി​പ്പ​രു​ത്തി, അ​രീ​ക്കോ​ട്​ ആ​ലു​ക്ക​ൽ എ​ന്നി​വി​ട​ങ്ങ​ളി​ലാ​ണ്​ ഗെ​യി​ൽ സ്റ്റേ​ഷ​നു​ക​ളു​ള്ള​ത്. വീ​മ്പൂ​രി​ൽ നി​ന്നാ​ണ്​ പ​ദ്ധ​തി​ക്കാ​വ​ശ്യ​മാ​യ വാ​ത​കം എ​ടു​ക്കു​ന്ന​ത്. ഗെ​യി​ലി​ന്‍റെ ​പ്ര​ധാ​ന ലൈ​നി​ൽ വാ​ൾ​വു​ക​ൾ ഘ​ടി​പ്പി​ച്ച്​ ആ​റി​ഞ്ച്​ വ്യാ​സ​മു​ള്ള പൈ​പ്പു​ക​ൾ വ​ഴി​യാ​ണ് വാ​ത​കം സ്റ്റേ​ഷ​നി​ലേ​ക്ക്​ മാ​റ്റു​ന്ന​ത്. ഇ​വി​ടെ നി​ന്ന്​ റോ​ഡി​ന്‍റെ വ​ശ​ങ്ങ​ളി​ലൂ​ടെ എ​ട്ടി​ഞ്ച്​ വ്യാ​സ​മു​ള്ള പൈ​പ്പു​ക​ൾ വ​ഴി​യാ​ണ്​ കൊ​ണ്ടു​പോ​വു​ക. വീ​ടു​ക​ളി​ലേ​ക്ക്​ എ​ത്തു​മ്പോ​ൾ പൈ​പ്പു​ക​ളു​ടെ വ്യാ​സം ഒ​രി​ഞ്ചാ​യി മാ​റും.

വാ​ഹ​ന​ങ്ങ​ൾ​ക്ക്​ സി.​എ​ൻ.​ജി, കി​ലോ 75 രൂ​പ

പാ​ച​ക വാ​ത​ക​ത്തി​ന്​ പു​റ​മെ വാ​ഹ​ന​ങ്ങ​ളി​ൽ ഉ​പ​യോ​ഗി​ക്കു​ന്ന കം​പ്ര​സ്​​ഡ്​ നാ​ച്വ​റ​ൽ ഗ്യാ​സ്​ (സി.​എ​ൻ.​ജി) വി​ത​ര​ണം ചെ​യ്യു​ന്ന പ​ദ്ധ​തി​ക്കും ജി​ല്ല​യി​ൽ തു​ട​ക്ക​മാ​യി​ട്ടു​ണ്ട്. ഒ​രു കി​ലോ വാ​ത​ക​ത്തി​ന്​ 75 രൂ​പ​യാ​ണ്​ ഇ​പ്പോ​ഴ​ത്തെ വി​ല. ഒ​രു കി​ലോ ഗ്യാ​സ്​ 1.2 ലി​റ്റ​ർ ഡീ​സ​ലി​ന്​ തു​ല്യ​മാ​ണ്. മൈ​ലേ​ജ്​ അ​ധി​ക​മാ​യി ല​ഭി​ക്കു​മെ​ന്ന നേ​ട്ട​വു​മു​ണ്ട്. സി.​എ​ൻ.​ജി ഉ​പ​യോ​ഗി​ക്കു​ന്ന ഓ​ട്ടോ ഡ്രൈ​വ​ർ​മാ​ർ ഇ​ത്​ സാ​ക്ഷ്യ​പ്പെ​ടു​ത്തു​ന്നു. ​ഒ​രു കി​ലോ​ക്ക്​ 70 കി.​മീ​റ്റ​ർ വ​രെ​ മൈ​ലേ​ജ് ല​ഭി​ക്കും. ഡീ​സ​ലി​നി​ത്​ 40-45 കി.​മീ​റ്റ​റാ​ണ്. പെ​ട്രോ​ൾ പ​മ്പു​ക​ൾ വ​ഴി​യാ​ണ്​ വി​ത​ര​ണം. ഐ.​ഒ.​സി, എ​ച്ച്.​പി, ബി.​പി.​സി.​എ​ൽ ക​മ്പ​നി​ക​ളു​ടെ പെ​ട്രോ​ൾ ബ​ങ്കു​ക​ളി​ലാ​ണ്​ ടാ​ങ്കു​ക​ൾ സ്ഥാ​പി​ച്ചി​രി​ക്കു​ന്ന​ത്. കോ​ഡൂ​ർ, വ​ണ്ടൂ​ർ, ത​ല​ക്ക​ട​ത്തൂ​ർ, പ​ര​പ്പ​ന​ങ്ങാ​ടി, രാ​മ​നാ​ട്ടു​ക​ര എ​ന്നി​വി​ട​ങ്ങ​ളി​ലാ​ണ്​​ നി​ല​വി​ൽ സി.​എ​ൻ.​ജി സ്റ്റേ​ഷ​നു​ക​ളു​ള്ള​ത്. തി​രൂ​ർ, പെ​രി​ന്ത​ൽ​മ​ണ്ണ, തി​രു​നാ​വാ​യ, എ​ട​പ്പാ​ൾ, പൊ​ന്നാ​നി, ച​ങ്ങ​രം​കു​ളം, നി​ല​മ്പൂ​ർ എ​ന്നീ ന​ഗ​ര​ങ്ങ​ളി​ൽ കൂ​ടി ഈ ​വ​ർ​ഷം ത​ന്നെ സ്റ്റേ​ഷ​നു​ക​ൾ തു​ട​ങ്ങും. പ്ര​കൃ​തി വാ​ത​കം മ​ർ​ദം കൂ​ട്ടി​യാ​ണ്​ വാ​ഹ​ന​ങ്ങ​ൾ​ക്ക്​ വേ​ണ്ട സി.​എ​ൻ.​ജി ആ​ക്കി മാ​റ്റു​ന്ന​ത്.

ബ​സു​ക​ൾ​ക്കും വ്യ​വ​സാ​യ​ങ്ങ​ൾ​ക്കും വൈ​കാ​തെ

വ്യാ​വ​സാ​യി​ക സ്ഥാ​പ​ന​ങ്ങ​ൾ​ക്കും വാ​ണി​ജ്യാ​വ​ശ്യ​ങ്ങ​ൾ​ക്കും പ്ര​കൃ​തി വാ​ത​കം ഉ​പ​യോ​ഗി​ക്കാം. അ​തി​നു​ള്ള ക്ര​മീ​ക​ര​ണ​ങ്ങ​ൾ ഏ​ർ​പ്പെ​ടു​ത്തി​യ​താ​യി അ​ധി​കൃ​ത​ർ അ​റി​യി​ച്ചു. ഇ​തി​നാ​യി ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ സ്റ്റേ​ഷ​നു​ക​ൾ സ്ഥാ​പി​ക്കും. കാ​റു​ക​ളും ഓ​ട്ടോ റി​ക്ഷ​ക​ളു​മാ​ണ്​ നി​ല​വി​ൽ സി.​എ​ൻ.​ജി ഉ​പ​യോ​ഗി​ക്കു​ന്ന​ത്. കോ​വി​ഡി​ന്‍റെ മൂ​ന്നാം ത​രം​ഗം​ കാ​ര​ണം നി​ർ​മാ​ണ ജോ​ലി​ക​ൾ​ക്ക്​ അ​ൽ​പം ത​ട​സ്സം നേ​രി​ട്ടി​ട്ടു​ണ്ടെ​ങ്കി​ലും അ​ധി​കം വൈ​കാ​തെ ആ​ദ്യ​ഘ​ട്ടം പൂ​ർ​ത്തി​യാ​ക്കാ​നാ​വു​മെ​ന്നാ​ണ്​ പ്ര​തീ​ക്ഷ.

ര​ണ്ടു മാ​സ​ത്തേ​ക്ക് 700 രൂ​പ

ര​ണ്ടു മാ​സ​ത്തേ​ക്ക്​ നാ​ലം​ഗ കു​ടും​ബ​ത്തി​ന്​ 700 രൂ​പ​യോ​ള​മാ​ണ്​ ബി​ൽ അ​ട​ക്കേ​ണ്ടി വ​രി​ക. ഉ​പ​യോ​ഗി​ക്കു​ന്ന വാ​ത​ക​ത്തി​ന്‍റെ അ​ള​വ്​ തീ​രു​മാ​നി​ക്കാ​ൻ ഓ​രോ വീ​ടു​ക​ളി​ലും അ​ടു​ക്ക​ള​ക്ക്​ പു​റ​ത്ത്​ മീ​റ്റ​റു​ക​ൾ സ്ഥാ​പി​ക്കും. ചു​മ​ർ തു​ള​ച്ച്​ പൈ​പ്പ്​ അ​ടു​പ്പി​ലേ​ക്ക്​ ഘ​ടി​പ്പി​ക്കും. അ​ടു​പ്പി​ന്​ പു​റ​ത്തും മീ​റ്റ​റി​ന്​ സ​മീ​പ​വും ചോ​ർ​ച്ച​യോ അ​പ​ക​ട​മോ ഉ​ണ്ടാ​യാ​ൽ ത​ട​യു​ന്ന​തി​ന്​ വാ​ൾ​വു​ക​ളു​ണ്ടാ​വും. വൈ​ദ്യു​തി ബി​ൽ മാ​തൃ​ക​യി​ൽ​ തു​ക ക​ണ​ക്കാ​ക്കി വീ​ടു​ക​ളി​ൽ​നി​ന്ന്​ ശേ​ഖ​രി​ക്കാ​ൻ ജീ​വ​ന​ക്കാ​രെ​ത്തും. പി​ന്നീ​ട്​ ഓ​ൺ​ലൈ​നാ​യും അ​ട​ക്കാ​ൻ സൗ​ക​ര്യ​മൊ​രു​ക്കും.​ നി​ല​വി​ലെ ഗ്യാ​സ്​ അ​ടു​പ്പു​ക​ളു​ടെ ബ​ർ​ണ​റു​ക​ളി​ൽ ചെ​റി​യ മാ​റ്റം വ​രു​ത്തേ​ണ്ടി വ​രും. ഇ​ത്​ ക​മ്പ​നി അ​ധി​കൃ​ത​ർ ചെ​യ്തു ത​രും. എ​റ​ണാ​കു​ള​ത്ത്​ 4000 വീ​ടു​ക​ളി​ൽ ഈ ​രീ​തി​യി​ൽ​​ പാ​ച​ക വാ​ത​കം വി​ത​ര​ണം ചെ​യ്യു​ന്നു​ണ്ട്​​​.

പാ​ച​ക വാ​ത​ക​ത്തേ​ക്കാ​ൾ അ​പ​ക​ടം കു​റ​വ്​

വാ​യു​വി​നേ​ക്കാ​ൾ ഭാ​രം കു​റ​ഞ്ഞ​താ​ണ്​ പ്ര​കൃ​തി വാ​ത​കം. പൈ​പ്പി​ൽ ചോ​ർ​ച്ച​യു​ണ്ടാ​യാ​ൽ വാ​ത​കം കെ​ട്ടി നി​ൽ​ക്കാ​തെ വേ​ഗ​ത്തി​ൽ മു​ക​ളി​ലേ​ക്ക്​ പോ​കു​ന്ന​ത്​ അ​പ​ക​ട തീ​വ്ര​ത കു​റ​ക്കും. വീ​ടു​ക​ളി​ൽ ഉ​പ​യോ​ഗി​ക്കു​ന്ന എ​ൽ.​പി.​ജി​യേ​ക്കാ​ൾ അ​പ​ക​ട സാ​ധ്യ​ത കു​റ​വാ​ണി​തി​നെ​ന്ന്​ അ​ധി​കൃ​ത​ർ സാ​ക്ഷ്യ​പ്പെ​ടു​ത്തു​ന്നു. സേ​ഫ്​​റ്റി വാ​ൾ​വു​ക​ളു​ള്ള​തു​കൊ​ണ്ട്​ പെ​ട്ടെ​ന്ന്​ പൈ​പ്പ്​ പൂ​ട്ടാ​നും സാ​ധി​ക്കും. മീ​ഡി​യം ഡെ​ൻ​സി​റ്റി പോ​ളി​ത്തീ​ൻ പൈ​പ്പു​ക​ൾ (എം.​ഡി.​പി.​ഇ) ഉ​പ​യോ​ഗി​ച്ചാ​ണ്​ വീ​ടു​ക​ളി​ലേ​ക്ക്​ ക​ണ​ക്ഷ​ൻ ന​ൽ​കു​ക.